გოგონა თითის წვერებზე

თუ გინდათ გახდეთ, თითის წვერებზე იარეთ: დასახელდა დეტალები

139
(განახლებულია 18:39 02.09.2020)
ამერიკელმა სწავლულებმა ექსპერიმენტით დაადგინეს, რომ წონაში დასაკლებად ადამიანებს ხშირ შემთხვევაში საერთოდ არაფერში სჭირდებათ ათასგვარი დიეტის დაცვა.

თბილისი, 2 სექტემბერი — Sputnik. ამერიკელმა მეცნიერებმა დაამტკიცეს, რომ თითის წვერებზე რეგულარული სიარული ხელს უწყობს წონაში აქტიურ კლებას, იუწყება Science Daily.

როგორც ირკვევა, სპეციალისტებმა ექსპერიმენტი ჩაატარეს, რომელშიც 20-დან 40 წლამდე ასაკის 27 ადამიანი იღებდა მონაწილეობას. ისინი სამ ჯგუფად დაყვეს და თითოეულ ჯგუფს სხვადასხვა სახით სიარული და სირბილი დაავალეს.  

ექსპერიმენტის ბოლოს მეცნიერებმა გაარკვიეს, რომ ისინი, ვინც ქუსლზე დაყრდნობით (ანუ ჩვეულებრივად) დადიოდნენ, კვლევის სხვა მონაწილეებზე ნაკლებ ენერგიას ხარჯავდნენ. ხოლო ისინი, ვინც თითის წვერებზე აწეული მოძრაობდნენ, 83%-ით მეტ კალორიას წვავდნენ.

გარდა ამისა, სპეციალისტები ამბობენ, რომ თითის წვერებზე სიარული ზრდის ტერფის, ზურგის, მუხლებისა და ბარძაყების კუნთების აქტიურობას.

სპეციალისტები ურჩევენ გახდომის მსურველებს, ყოველდღიურად ხუთ–ხუთი წუთის განმავლობაში იარონ თითის წვერებზე. 

მეცნიერებს მიაჩნიათ, რომ მათი კვლევის შედეგები ხელს შეუწყობს ალგორითმის შემუშავებას წონაში დასაკლებად — ექიმები პაციენტს უბრალოდ დაუნიშნავენ თითის წვერებზე რეგულარულ სიარულს ან სირბილს, რათა ორგანიზმმა ბევრად აქტიურად დაწვას ზედმეტი კალორიები.

139
კორონავირუსის პანდემია

სახელდება კორონავირუსის გადაცემის უმთავრესი მიზეზი: ახალი კვლევა

41
(განახლებულია 12:48 23.09.2020)
მეცნიერებმა მოუძებნეს ახსნა, რატომ გაძლიერდა პანდემია ივლისში მსოფლიოს სხვადასხვა მჭიდროდ დასახლებულ ცხელ და ნოტიო კლიმატიან ქალაქებში

თბილისი, 23 სექტემბერი — Sputnik. მეცნიერებმა დაადგინეს, რომ COVID-19-ის გამომწვევი ვირუსის, SARS-CoV-2-ის გადაცემის ძირითადი ფაქტორი ჰაერში ტენიანობის აორთქლების სიჩქარეა, იუწყება EurekAlert-ი.

თეორიული მოდელირებისა და ჰიდროდინამიკური ექსპერიმენტების დახმარებით, სპეციალისტებმა შეისწავლეს ტენიანობის, გარემოს ტემპერატურისა და ქარის სიჩქარის გავლენა ვირუსის ნაწილაკების შემცველი ნერწყვის უმცირესი წვეთების გავრცელებაზე.

აღმოჩნდა, რომ მაღალი ტემპერატურისა და დაბალი ტენიანობის დროს, აორთქლების მაღალი სიჩქარის გამო, ვირუსის სიცოცხლისუნარიანობა მნიშვნელოვნად მცირდება. ცხელ ამინდში მაღალი ტენიანობის შემთხვევაში კი  კორონავირუსის გადაცემის ალბათობა კვლავ მაღალი რჩება.

მეცნიერთა აზრით, მიღებული მონაცემები ცხადყოფს, თუ რატომ გაძლიერდა პანდემია ივლისში მსოფლიოს სხვადასხვა მჭიდროდ დასახლებულ ცხელ და ნოტიო კლიმატიან ქალაქებში.

41
თემები:
მსოფლიო და მეცნიერება

აშშ „ჩრდილოეთის ნაკადი - 2-ის“ წინააღმდეგ კოალიციას შექმნის: შეჩერდება თუ არა მშენებლობა?

6
აშშ-ში მოიფიქრეს ახალი მეთოდი, როგორ შეაჩერონ გაზსადენი „ჩრდილოეთის ნაკადი - 2-ის“ მშენებლობა. სახელმწიფო დეპარტამენტის ხელმძღვანელმა მაიკ პომპეომ განაცხადა, რომ ამერიკელები კოალიციის შექმნას აპირებენ

რუსეთსი ამ იდეაში კიდევ ერთი სამხედრო ოპერაციის ჩატარების მცდელობა დაინახეს. იქ, სადაც აშშ-სთან კოალიციაა, ყოველთვის ომია, აღნიშნა ფედერაციის საერთაშორისო ურთიერთობების საბჭოს კომიტეტის ხელმძღვანელმა კონსტანტინ კოსაჩოვმა. რატომ გააკეთა მან ასეთი დასკვნები და შეძლებს თუ არა აშშ ევროპისათვის რუსული საწვავის მაგივრად საკუთარი გაზის მიწოდებას - იხილეთ ჩვენს ვიდეოში.

6
PCR–ტესტირება ბათუმში

რთული, მაგრამ კონტროლს ექვემდებარება აჭარის მეთაურმა რეგიონში არსებული ვითარება შეაფასა

0
(განახლებულია 13:07 23.09.2020)
რეგიონი სრულ მზადყოფნაშია, რომ საშიშ ვირუსს შეებრძოლოს, სისტემა გამართულად მუშაობს ყველა დონეზე – მობილიზებულია აჭარის ლოგისტიკური, ლაბორატორიული და ეპიდემიური სიმძლავრეები

თბილისი, 23 სექტემბერი – Sputnik. აჭარაში ინფიცირებულთა რაოდენობის ზრდის მიუხედავად, რეგიონში ყველა უწყება გამართულად მუშაობს, ამიტომ შეზღუდვების გამკაცრების აუცილებლობა არ არის, განაცხადა აჭარის მთავრობის მეთაურმა თორნიკე რიჟვაძემ რეგიონის ოპერატიული შტაბის სხდომაზე.

ბოლო 24 საათში დარეგისტრირებული კორონავირუსის 227 ახალი შემთხვევიდან 165 აჭარაში გამოვლინდა. რეგიონში სულ ინფიცირების ათასზე მეტი აქტიური შემთხვევაა.

„დაინფიცირებული პაციენტების მართვის ნაწილში პრიორიტეტს წარმოადგენს კლინიკური მიმართულების კიდევ უფრო გაძლიერება. დღეს აჭარაში ჩამობრძანდა მარინა ეზუგბაია. მის კოლეგებთან ერთად ჩვენ უკვე გავაგრძელებთ ყველა კოვიდ-მართვის კლინიკასთან აქტიურ კომუნიკაციას“, – განაცხადა რიჟვაძემ.

მან ასევე აღნიშნა, რომ რეგიონში სრულად არის მობილიზებული ლოგისტიკური, ლაბორატორიული და ეპიდემიური სიმძლავრეები, ადამიანური და ტექნიკური რესურსები.

„არ იგეგმება რამე სახის მძიმე შეზღუდვების დაწესება... ახლა მოვიდა დრო, როცა უნდა მოვახდინოთ ვირუსის მართვა და ადაპტაცია... ეპიდვითარების ლოკალიზება შესაძლებელი იქნება მხოლოდ ერთიანობით, სოლიდარობით და მოქალაქეების მაქსიმალური პასუხისმგებლობით. ამას ემატება ჯანდაცვის სექტორიც, რომელიც გააკეთებს მაქსიმუმს, რომ ეფექტურად მართოს ეს პროცესები. კიდევ ერთხელ გარწმუნებთ, რომ სისტემა გამართულად მუშაობს, კიდევ უფრო მზარდი დინამიკის შემთხვევაში ჩვენ მზად ვართ, რომ არც ერთი ადამიანი არ დარჩეს უპატრონოდ“, – განაცხადა რიჟვაძემ.

გაქვთ თუ არა კორონავირუსი: მსურველებს თბილისში COVID–19–ზე ტესტის ჩატარება შეუძლიათ>>

აჭარის ჯანდაცვის მინისტრის ნინო ნიჟარაძის განცხადებით, იმის იმედი, რომ ახალი შემთხვევების რაოდენობა მკვეთრად შემცირდება, არ უნდა გვქონდეს.

როგორც მან აღნიშნა, შემდგომი დინამიკა მთლიანად მოსახლეობაზეა დამოკიდებული. თუ ადამიანები არ დაიცავენ დადგენილ წესებს, შემთხვევების რაოდენობა არ შემცირდება.

0
თემები:
COVID-19 საქართველოში