ადამიანის სილუეტი

მაგნიტური ქარიშხლები ივნისში: ცნობილია მძიმე დღეები

751
(განახლებულია 12:08 01.06.2021)
მზის რენტგენული ასტრონომიის ლაბორატორიაში აცხადებენ, რომ ივნისის მაგნიტური ქარიშხლები არც ისე ძლიერი იქნება, თუმცა ერთი სერიოზული დარტყმა მაინც გველოდება

თბილისი, 1 ივნისი — Sputnik. მიმდინარე წლის ივნისში ერთი ძლიერი მაგნიტური ქარიშხალია მოსალოდნელი, აცხადებენ მზის რენტგენული ასტრონომიის ლაბორატორიის სპეციალისტები.

მათი თქმით, ივნისის მაგნიტური ქარიშხლები არც ისე ძლიერი იქნება, თუმცა ერთი სერიოზული დარტყმა მაინც გველოდება.

მაგნიტური ქარიშხლების გრაფიკი 2021 წლის ივნისში ასე გამოიყურება:

  • 1, 2 და 3 ივნისი — სუსტი მაგნიტური ქარიშხალი. იგრძნობენ გულ−სისხლძარღვთა სისტემის დაავადებების მქონე, ასაკოვანი და მეტეოდამოკიდებული ადამიანები;
  • 8 ივნისი — სუსტი მაგნიტური ქარიშხალი. მეტეოდამოკიდებულები იგრძნობენ თავის ტკივილსა და წნევის ცვალებადობას;
  • 9 ივნისი — წინა დღესთან შედარებით  ძლიერი, თუმცა მთლიანობაში მაინც საკმაოდ სუსტი.  ძირიტადად მოსალოდნელია ძილის პრობლემები და ზოგადი სისუსტე;
  • 16 და 17 ივნისი — C1 დონის მაგნიტური ქარიხალი. ეს უკვე სერიოზული შეტევა იქნება სისხლძარღვებზე, რასაც უკვე 15 ივნისის საღამოს იგრძნობთ. მოსალოდნელია თავბრუსხვევები, გულისრევის შეგრძნება და ასევე ქრონიკული დაავადებების გამწვავება;
  • 28 ივნისი — ძლიერი მაგნიტური ქარიშხალი.

რეკომენდაციები ექიმებისგან: როგორ შევამსუბუქოთ მაგნიტური ქარიშხლების გავლენა ჯანმრთელობაზე

  • დაწექით დასაძინებლად შეძლებისდაგვარად ადრე – ძილის დროს გამოყოფილი მელატონინი ეხმარება ორგანიზმს აღდგენაში და ასევე ნორმაში მოჰყავს სისხლის წნევა; გაღვიძებისას კი (განსაკუთრებით ჰიპერტონიკები) არ უნდა წამოდგეთ საწოლიდან მკვეთრად;
  • კარგია კონტრასტული შხაპის მიღება – ოღონდ მხოლოდ იმ შემთხვევაში, თუ ამას თქვენი ჯანმრთელობისთვის უკუჩვენება არ აქვს;
  • დღის განმავლობაში ერთხელ მაინც უნდა გაისეირნოთ ჰაერზე, ან, უკიდურეს შემთხვევაში, რამდენჯერმე გაანიავოთ ოთახი – სუფთა ჰაერი დადებითად მოქმედებს გულ-სისხლძარღვთა სისტემაზე;
  • არ არის რეკომენდებული ალკოჰოლური სასმელებისა და ყავის მიღება, ასევე თამბაქოს მოწევა;
  • საუკეთესო მენიუ ასეთ დღეებში არის ხილი, ბოსტნეული, ფაფები, ქათმის მოხარშული ხორცი და თევზეული;
  • მიიღეთ ტკივილგამაყუჩებელი, დამამშვიდებელი და მატონიზირებელი პრეპარატები, რომლებიც ექიმის მიერ გაქვთ დანიშნული;
  • ნერვული აშლილობისას საუკეთესოა ნატურალური დამამშვიდებელი საშუალებების მიღება – კატაბალახას (ვალერიანი), ბარამბოსა თუ შავბალახას ნახარში ან ნაყენი;
  • კარგი იქნება, თუ სტრესს თავს აარიდებთ და სხვა დროისთვის გადადებთ მნიშვნელოვანი საკითხების გადაჭრას.
751
თემები:
სასარგებლო რჩევები (533)
ბავშვი ცდილობს ავოკადოს შეჭმას

თუ ბავშვი საკვებით მოიწამლა: პირველი დახმარება ევგენი კომაროვსკისგან

168
(განახლებულია 22:58 18.06.2021)
უმაღლესი კატეგორიის პედიატრი ევგენი კომაროვსკი მშობლებს ასწავლის, როგორ უნდა მოიქცნენ ბავშვის კვებითი მოწამვლის შემთხვევაში.

კვებითი მოწამვლა — ეს ისეთი მოწამვლაა, როდესაც ორგანიზმში შხამი საკვებთან ერთად ხვდება. მისი ბუნება მეტად მრავალფეროვანია, თუმცა მაინც შეიძლება მიზეზების სამი ჯგუფის გამოყოფა.

ესენია:

ინფექციები — უმარტივესები, ბაქტერიები, ვირუსები;

ცხოველებსა და მცენარეებში შემავალი ტოქსინები — შხამიანი სოკოები, საჭმელად უვარგისი ან არასწორად მომზადებული ხორცეული, თევზეული და ა.შ.

შხამები, რომლებითაცაა დამუშავებული პროდუქტები ან რომლებსაც თავად პროდუქტი შეიცავს — პესტიციდები და სხვ.

ყურადღება!
კვებითი მოწამვლის პირველი ნიშნები უმეტეს შემთხვევაში ჭამიდან 48 საათის განმავლობაში იჩენს თავს.

როგორც წესი, არის გულისრევის შეგრძნება, პირღებინება, ფაღარათი, მუცლის ტკივილი.

აუცილებლად მიმართეთ ექიმს იმ შემთხვევაში, თუ ზემოთ ჩამოთვლილი სიმპტომები:

გამოუვლინდა 3 წლამდე ბავშვს;

თან სდევს სხეულის მაღალი ტემპერატურა;

შენარჩუნებულია ორი დღე-ღამის განმავლობაში;

უფიქსირდება ოჯახის სხვა წევრებსაც.

დაუყოვნებლივ მიმართეთ ექიმს, თუ დააფიქსირეთ, რომ:

  • მოწამვლის წყარო არის სოკო (თუნდაც, სავარაუდოდ);
  • ღებინების გამო ბავშვი წყალს ვერ სვამს;
  • გაორება აქვს თვალებში;
  • არეული აქვს მეტყველება;
  • გართულებულია ყლაპვა;
  • მოდუნებული აქვს კუნთები;
  • კანი ან ლორწოვანი გარსი გაყვითლებული აქვს;
  • სახსრები უშუპდება;
  • გამონაყარი ჩნდება კანზე;
  • შარდის გამოყოფა 6 საათზე მეტხანს არ ხდება, ან შარდი არის ძალიან მუქი ფერის;
  • ნაღებინებ მასაში ან განავალში არის სისხლი.

გადაუდებელი დახმარება

თუ სიმპტომები ჭამიდან 30 წუთში გაჩნდა, მაგრამ ბავშვს გული არ ერევა, ხელოვნურად გამოიწვიეთ პირღებინება.
ამისათვის დაალევინეთ ბავშვს 1-2 ჭიქა წყალი ან რძე, შემდეგ ცალი ხელით მაგრად დაიჭირეთ ის, მეორე ხელის ორი თითი კი ღრმად ჩაუყავით ყელში და გაამოძრავეთ. თითების მაგივრად შეგიძლიათ გამოიყენოთ კოვზი, რომელიც ენის ძირს უნდა დააჭიროთ.

შემდგომი ნაბიჯები კი ასე გამოიყურება: 

  • არაფერი აჭამოთ ბავშვს;
  • დაალევინეთ ბევრი სითხე, რომლის ტემპერატურაც დაახლოებით სხეულის ტემპერატურისა უნდა იყოს;
  • ასვით ხშირ-ხშირად და თითო ჯერზე მხოლოდ რამდენიმე ყლუპი;
  • ოპტიმალური სითხე დასალევად არის რეგიდრონი და მისი მსგავსი ხსნარები, ასევე მინერალური წყალი, ჩაი, კომპოტი;
  • არ დაატკბოთ სითხეები;
  • თუ ბავშვი უარს ამბობს თქვენ მიერ შეთავაზებულ სასმელზე, მიეცით მას ის, რისი დალევაც თავად უნდა, ოღონდ შეეცადეთ, რომ ეს გამჭვირვალე, უფერო სითხე იყოს - მაქსიმალურად გააზავეთ მუქი ფერის კომპოტები და წვენები წყალში;
  • მიეცით ბავშვს გააქტიურებული ნახშირი სხეულის წონის გათვალისწინებით: 1 გ/1 კგ-ზე;
  • თუ სხეულის ტემპერატურა იმატებს, მიეცით ბავშვს სიცხის დამწევი საშუალებები.

კვებითი მოწამვლის პროფილაქტიკა - რამდენიმე რჩევა

მიაჩვიეთ ბავშვი ელემენტარულ ჰიგიენას — ჭამის წინ, საპირფარეშოდან გამოსვლის შემდეგ, ქუჩიდან დაბრუნების მერე და ა.შ. ხელების დაბანას;

ხშირად შეცვალეთ ჭურჭლის სარეცხი ღრუბელი ახლით; გახსოვდეთ! ის შეიძლება იქცეს ბაქტერიების წყაროდ.

სადილის მომზადებისას, თუ ხელებზე რაიმე ჭრილობა გაქვთ, აუცილებლად დაიკარით ზედ ლეიკოპლასტირი ან ჩაიცვით რეზინის ხელთათმანები;

აღარ გაყინოთ ხელმეორედ ერთხელ უკვე გალღობილი ხორცეული;

აუცილებლად მიაქციეთ ყურადღება პროდუქტის ვარგისიანობის ვადას.

168
თემები:
ექიმი გირჩევთ

თუ ვინმემ სკანდალი მოგიწყოთ: როგორ დავაშოშმინოთ „თავდამსხმელი“ ფსიქოლოგის რჩევები

150
(განახლებულია 22:33 17.06.2021)
გთავაზობთ ფსიქოლოგების რამდენიმე რჩევას, რომლებიც ყველაზე აგრესიული სკანდალისტის დაწყნარებაშიც კი დაგეხმარებათ.

ალბათ ბევრი თქვენგანი შესწრებია უსიამოვნო სცენას ქუჩაში, ტრანსპორტსა თუ მაღაზიაში, როდესაც რომელიმე სკანდალისტი უმიზეზოდ (ან მიზეზით) იწყებს ყვირილსა და ჩხუბს ვინმესთან. ხშირად ასეთი „თავდამსხმელის“ დაწყნარება ძალიან რთულია — სანამ ბოლომდე არ გადმოაფრქვევს აგრესიას, მისი დაშოშმინება ვერა და ვერ ხერხდება. 

გამორიცხული არ არის, ასეთი სკანდალისტის მსხვერპლი თქვენც გამხდარიყავით ოდესმე, ან მომავალში გახდეთ. და იმისათვის, რომ ზედმეტი ნერვიულობა თავიდან აირიდოთ და თანაც სეირის მონაწილე არ გახდეთ, საჭიროა იცოდეთ რამდენიმე ფსიქოლოგიური ხრიკი, რაც მოჩხუბრის სწრაფად „განეიტრალებაში“ დაგეხმარებათ. 

ქვემოთ ასეთ შემთხვევებში თანმიმდევრულად გადასადგმელ რამდენიმე ნაბიჯს გაგაცნობთ. 

ნაბიჯი 1: სიმშვიდე

შეინარჩუნეთ სიმშვიდე. არავითარ შემთხვევაში არ გამოავლინოთ მწვავე რეაქცია. კონფლიქტში უკვე არის ერთი მხარე, რომელიც ისტერიკაშია. ამიტომ თქვენ, როგორც სკანდალის განელების მოთავემ, უნდა შეინარჩუნოთ სიმშვიდე.

ნაბიჯი 2: წარმოიდგინეთ ბავშვი

წარმოიდინეთ, რომ თქვენ წინ ბავშვი დგას, რომელიც რაღაცითაა შეწუხებული. ხომ არ გაუბრაზდებით პატარას იმის გამო, რომ მას რაღაც აშფოთებს? პირიქით, შეეცდებით მშვიდად ჰკითხოთ, რითია უკმაყოფილო.

ჰოდა, ასე მოექეცით სკანდალისტსაც. გვერწმუნეთ, დიდები პატარებისგან ბევრით არ განსხვავდებიან.

ნაბიჯი 3: ნელი საუბარი

ნელი საუბარი სიმშვიდის ნიშანია. სიმშვიდე კი საღად აზროვნებას ნიშნავს. როგორ უნდა გადართოთ მყვირალი მშვიდ ნოტებზე? მოწოდება „შეწყვიტეთ ყვირილი“ არ გიშველით. ჯობს ამ დროს გამოიყენოთ ისეთი ფრაზები, როგორიცაა, მაგალითად: „გეთაყვა, ნელა მითხარით, რა გნებავთ და იქნებ დაგეხმაროთ“.

გვერწმუნეთ, ეს მუშაობს!

იმიტომ, რომ ამ დროს იმსხვრევა ადამიანის გონებაში ფესვგადგმული შაბლონი, რომ საპირისპირო მხარემაც ყვირილით უნდა დააბრუნოს პასუხი. და როცა თქვენ კი არ აყვირდებით, პირიქით, მშვიდად დაუსვამთ სკანდალისტს იმგვარ შეკითხვას, როგორიც ზემოთ შემოგთავაზეთ, ის „განელდება“.

ნაბიჯი 4: აიძულეთ დაფიქრდეს

სკანდალისტი დამშვიდდა და ახლა საჭიროა აიძულოთ ის, რომ დაფიქრდეს. ჰკითხეთ მას, როგორ უნდა მოიქცეთ მისი აზრით, ანუ რა უნდა გააკეთოთ თქვენ. ისიც დაფიქრდება და ამასობაში კიდევ მეტად დაცხრება.

ნაბიჯი 5: შეწყვიტეთ ახსნა

ჩვენი ერთ-ერთი დიდი შეცდომა ისაა, რომ მსგავს ვითარებაში რაღაცეების ახსნას ვიწყებთ. არავითარ შემთხვევაში არ დაიწყოთ არაფრის ახსნა. ამას აზრი არ აქვს. „თავდამსხმელი“ ნებისმიერ შემთხვევაში აღიქვამს ამას მასთან ბრძოლის ფარულ ფორმად. რატომ? იმიტომ რომ ეს ნამდვილად არის ბრძოლის შეფარული ფორმა.

ჯობს კი არ ამტკიცოთ და ახსნათ რამე, არამედ კითხვები დაუსვათ მოჩხუბარს.

ნაბიჯი 6: ნუ დაადანაშაულებთ

განაგრძეთ საუბარი ისე, რომ მოწინააღმდეგეს ბრალი არაფერში დასდოთ. ეს განაახლებს კონფლიქტს. ჯობს სათქმელი დაიწყოთ სიტყვებით „კარგი იქნებოდა, თუ... “ დაე, თქვენი ნათქვამი ისე ჟღერდეს, როგორც სურვილი.

ნაბიჯი 7: დაასრულეთ კამათი

აუცილებელია, რომ თქვენი ბოლო ფრაზა ისე ჟღერდეს, რომ ეს დამღლელი მარათონიდან გასვლას ჰგავდეს. მერე კი ბოლო სიტყვის თქმის უფლება სკანდალისტს დაუტოვეთ.

გვერწმუნეთ, თუ ყველა ამ რჩევას გაითვალისწინებთ და ამის მიხედვით იმოქმედებთ, კონფლიქტის ყველა თვითმხილველი თქვენს მხარეზე იქნება. შესაბამისად, თქვენი თავმოყვარეობა არ დაზარალდება.

150
თემები:
სასარგებლო რჩევები (533)
მარიამ ხორგუაშვილი

„წონის კლებაში წავედი და მეშინია...“ - მარიამ ხორგუაშვილის აღიარება

0
(განახლებულია 11:12 21.06.2021)
მარიამ ხორგუაშვილი საზოგადოებამ რამდენიმე წლის წინ გაიცნო. ქართველი მოდელისა და ფეხბურთელი ლაშა კალანდაძის სილამაზემ ინტერნეტი მას შემდეგ „ააფეთქა", რაც სოციალურ ქსელში წყვილის ქორწილის ფოტოები გამოქვეყნდა.

მარიამი და ლაშა რამდენიმე წლის წინ დაშორდნენ. მოდელი ამ ინფორმაციას კატეგორიულად უარყოფდა, თუმცა ჭორები და შემდეგ ფაქტები სხვა რამეს მეტყველებდა. მშვენიერი მოდელის გარშემო მუდამ იყო საუბარი იმაზე, შეურიგდებოდა თუ არა ყოფილ მეუღლეს. სხვადასხვა წყაროები ირწმუნებოდნენ, რომ შერიგდნენ.

Посмотреть эту публикацию в Instagram

Публикация от Mariam Khorguashvili (@miss_mariamkh)

მოდელისა და ფეხბურთელის წყვილი – მარიამ ხორგუაშვილი და ლაშა კალანდაძე, რომელთა სილამაზემ მთელი საქართველო აალაპარაკა, რამდენიმეთვიანი დაშორების შემდეგ მართლაც შერიგდნენ. მარიამი ამბობდა, რომ შვიდთვიანი დაშორების შემდეგ შერიგება რთული არ ყოფილა, რადგან ამ პერიოდის განმავლობაში ორივე ბევრ რამეზე დაფიქრდა.

Посмотреть эту публикацию в Instagram

Публикация от Mariam Khorguashvili (@miss_mariamkh)

წყვილი საბოლოოდ მაინც დაშორდა და ახლა უმშვენიერეს მარიამს გვერდით ჰყავს ის ერთადერთი მამაკაცი, რომელიც ძალიან უყვარს. გოგონას რჩეული ვაკო გიგინეიშვილია. წყვილი ერთმანეთს უზომოდ უხდება. ხშირად მოგზაურობენ მსოფლიოს სხვადასხვა ქვეყნებში და „ინსტაგრამზე“ ერთად თუ ცალ-ცალკე გადაღებულ ულამაზეს ფოტოებს გვთავაზობენ. რამდენიმე კვირის წინ მარიამმა „ინსტაგრამის“ „სთორიზე“ ფოტოები და ვიდეოები გამოაქვეყნა, საიდანაც ირკვევა, რომ ვაკომ საკუთარ დაბადების დღეზე მარიამს ხელი სთხოვა და წყვილმა ერთგვარი ქორწილი მოაწყო, რომელსაც მათი მეგობრები ესწრებოდნენ.

Посмотреть эту публикацию в Instagram

Публикация от Mariam Khorguashvili (@miss_mariamkh)

მარიამს უსაყვარლესი შვილი ჰყავს, რომელსაც დემეტრე ჰქვია. მარიამის მეგობრები დემეტრეს დედას ძალიან ამსგავსებენ. ულამაზეს, სიყვარულით სავსე ახალგაზრდებს ძალიან ბევრი გულშემატკივარი ჰყავთ, რომლებიც მათ მიმართ კომპლიმენტებს არასდროს იშურებენ. ისინი ხშირად ამბობენ, რომ მარიამი და ვაკო გამორჩეული, ლამაზი და ძალიან გემოვნებიანი წყვილია.

აღმოჩდა, რომ მოდელს წონის პრობლემა აქვს. „ინსტაგრამის“ ხელმომწერებს მარიამმა გაუმხილა, რომ ბოლო პერიოდში წონას კარგავს და ამან შეაშინა, თუმცა აპირებს პრობლემას სერიოზულად მიუდგეს.

0
თემები:
ქართველი სელებრითები