ახალგაზრდა მამაკაცებისგან შეურაცხყოფილი ქალი

როგორ მივუჩინოთ ადგილი თავხედს ნერვების აუშლელად: სამი რჩევა ფსიქოლოგებისგან

242
(განახლებულია 21:40 26.04.2021)
ფსიქოლოგებმა რამდენიმე რეკომენდაცია შეიმუშავეს – როგორ მივუჩინოთ ადგილი თავხედს ისე, რომ ღირსება არ შეგველახოს და შეურაცხყოფილი არ დავრჩეთ.

ბევრი თქვენგანი იქნება დაკვირვებული, რომ გარემო მეტად აგრესიული გახდა. არცთუ იშვიათად ისეც ხდება, რომ ვიღაც იწყებს ჩხუბს (შესაძლოა, დაუმსახურებლად და უმიზეზოდაც კი), ხოლო თავდასხმის მსხვერპლი ან უმწეოდ შლის ხელებს და არ იცის, როგორ დაიცვას თავი, როგორ მოიგერიოს აგრესორი, ან ისიც ყვირილს იწყებს და საქმე სერიოზულ ჩხუბამდე მიდის.

ფსიქოლოგების აზრით, ყველაზე მთავარი თავხედ ადამიანთან საუბრისას – საკუთარი ემოციების მოთოკვაა. თუმცა ეს სულაც არ ნიშნავს იმას, რომ უსიტყვოდ უნდა გადაყლაპოთ თქვენ მიმართ გამოვლენილი უხეშობა. 

დარგის სპეციალისტები გარკვეულ რეკომენდაციებს გვაძლევენ, როგორ უნდა მივუჩინოთ ადგილი თავხედს ისე, ქუჩაში იქნება ეს, სამსახურში თუ სხვა ადგილზე, რომ ღირსება არ დავკარგოთ.

მადლობა

მიუხედავად იმისა, რომ უხამსობაზე ბუნებრივი რეაქცია უხამსად პასუხია, არ იჩქაროთ ამის გაკეთება. შესაძლოა, მავანი სწორედაც თქვენ გაბრაზებასა და მდგომარეობიდან გამოყვანას ცდილობდეს. ფსიქოლოგები ამგვარ სიტუაციაში თავხედის მშვიდად და ბოლომდე მოსმენას გირჩევენ, რის შემდეგაც მათ ერთადერთი სიტყვა – „მადლობა“ უნდა უთხრათ და გაეცალოთ.

ამ გზით სრულიად უსარგებლო ავყიობასაც აიცდენთ თავიდან და, რაც მთავარია, ჩიხში მოამწყვდევთ თავდამსხმელს.

„რატომ ხართ ასეთი ავი?“

ადამიანს, რომელიც უხეშად მოგმართავთ ან გექცევათ, მარტივი კითხვა უნდა დაუსვათ: „რატომ ხართ ასეთი ავი?“
დარწმუნებული ბრძანდებოდეთ, ამ კითხვის შემდეგ თქვენი „ოპონენტი“ რაღაც დროით აუცილებლად გადაერთვება საკუთარ თავზე და, შესაძლოა, მეტყველების უნარიც კი წაერთვეს.

მოკლედ, ავყიობას შეწყვეტს და თქვენც მშვიდად გაეცლებით მას.

„რა გინდათ, რომ გიპასუხოთ?“ 

ასეთი შეკითხვა თავხედს აუცილებლად ამოაგდებს კალაპოტიდან და აიძულებს დაფიქრდეს თავის სიტყვებზე. 

გარდა ამისა, შესაძლოა ამ კითხვით ის გულახდილ საუბარზეც კი „წამოაგოთ“ და გაიგოთ კიდეც, რატომ გექცევათ ნეგატიურად.

242
თემები:
სასარგებლო რჩევები (549)
მაყვალი

მაყვალი და მისი სასარგებლო თვისებები

57
(განახლებულია 16:38 26.07.2021)
ტრადიციულ ხალხურ მედიცინაში მაყვალს იყენებდნენ ნევროზის, ისტერიის, სკლეროზის, ჰიპერტონიის, კუჭის ავადმყოფობისა და შაქრიანი დიაბეტის დროს.

მიუხედავად იმისა, რომ 21–ე საუკუნეში ქიმიურმა სამკურნალო საშუალებებმა ასეთ მასშტაბებსა და წარმატებებს მიაღწია, საზოგადოებაში უფრო და უფრო აქტუალური ხდება ხალხური მეთოდებითა და ბალახეულით მკურნალობა. ალბათ არ არსებობს ამ სამყაროში ისეთი დაავადება, რომლის სამკურნალო საშუალება ბუნებაში არ იყოს.

ქლიავი, მისი თვისებები და რჩევები: როდის შეიძლება მისი მიღება და როდის – არა>>

მაყვალი (Rubus fruticosus) — ვარდისებრთა ოჯახის კენკროვანი მცენარეა. იზრდება ბუჩქებად. აქვს ეკლებით ან ჯაგრებით მოფენილი გრძელი ღეროები. მაყვლის 200-მდე სახეობაა გავრცელებული ევრაზიასა და ჩრდილოეთ ამერიკაში. საქართველოში 37 სახეობა გვხვდება, მათგან 27 საქართველოს ენდემია.

ნაყოფს იყენებენ ნედლად, აკეთებენ მურაბას, ჯემსა და სხვა ნაწარმს.

სამკურნალოდ გამოიყენება მაყვლის ნაყოფი, ფოთოლი და ბუჩქის ფესვები.

მაყვლის შემადგენლობა

მაყვლის ნაყოფი შეიცავს 3-5% შაქარს (გლუკოზასა და ფრუქტოზას), 1,5%-მდე ორგანულ მჟავებს (ვაშლის, ლიმონის), მთრიმლავ ნივთიერებებს, პექტინს, უჯრედისს, B ჯგუფის ვიტამინებს, კაროტინს, ასკორბინის მჟავას, ასევე ბევრია მასში კალიუმის მარილები, სპილენძი, მანგანუმი. ფოთლები შეიცავს მთრიმლავ ნივთიერებებს, ფლავონოიდებს, ვიტამინ C-ს, ორგანულ მჟავებს, უმნიშვნელო რაოდენობით – ეთერზეთს; ფესვები – ეთერზეთს, მთრიმლავ ნივთიერებებს, ფისებს.

ჟოლო და მისი სასარგებლო თვისებები>>

მაყვლის სასარგებლო თვისებები

ტრადიციულ ხალხურ მედიცინაში მაყვალს იყენებდნენ ნერვული სისტემის დარღვევებისას, ნევროზის, ისტერიის, სკლეროზის, ჰიპერტონიის, კუჭის ავადმყოფობისა და შაქრიანი დიაბეტის დროს.

ნედლი ნაყოფისგან დამზადებული ჩაი ხალხურ მედიცინაში მიიჩნევა დამამშვიდებელ საშუალებად კლიმაქსური ნევროზების დროს.

მშრალი კენკრის ნაყოფს იყენებენ მწვავე რესპირატორული დაავადებების სამკურნალოდ, პნევმონიის დროს. არის სიცხის დამწევი, აქტიური შარდმდენი და ოფლმდენი საშუალება. გადამწიფებული ნაყოფი იწვევს სუსტ საფაღარათო მოქმედებას, ხოლო მკვახე – შემკვრელ მოქმედებას.

მაყვლის ფოთლების შემკვრელი თვისების გამო მის ნახარშს (1:10) იყენებენ კუჭიდან სისხლდენის, კუჭის აშლილობის დროს. ასეთი წესით მომზადებულ ნახარშს სვამენ 1-2 სუფრის კოვზს 3-4-ჯერ დღეში.

ფოთლის ნახარში გამოიყენება პირის ღრუს ლორწოვანი გარსისა და ღრძილების ანთების დროს, ფოთლების ნახარშის საფენებს იდებენ კანის სხვადასხვა დაავადების დროს – სირსველით დაზიანებული ადგილების, ეგზემის, ქრონიკული წყლულების, ძველი ჩირქოვანი ჭრილობების სამკურნალოდ.

ჯოჯოხეთივით შავი, სიკვდილივით ძლიერი და სიყვარულივით ტკბილი>>

მაყვლის ფესვების ნახარში კარგი შარდმდენი და ანთების საწინააღმდეგო საშუალებაა.

57
თემები:
სასარგებლო რჩევები (549)
Пандемия коронавируса - вакцинация и термоскрининг

როდის იტყუება თერმომეტრი: ექიმი მცდარი ჩვენების მიზეზებს განმარტავს

65
(განახლებულია 14:05 26.07.2021)
უმაღლესი კატეგორიის თერაპევტი გასწავლით, როგორ უნდა გაიზომოთ სიცხე უკონტაქტო თერმომტრით ისე, რომ რეალური მაჩვენებელი მიიღოთ

თბილისი, 26 ივლისი — Sputnik. ბევრს მიაჩნია, რომ უკონტაქტო (ინფრაწითელი) თერმომეტრები იტყუება და შეცდომით აჩვენებს სხეულის ტემპერატურას, სინამდვილეში კი დამნაშავეა არა თავად თერმომეტრი, არამედ მისი არასწორი გამოყენება, განუცხადა რადიო Sputnik-ს უმაღლესი კატეგორიის ექიმმა-თერაპევტმა ალექსეი ვოდოვოზოვმა.

მისი თქმით, ინფრაწითელ თერმომეტრებს უმეტესობა არასწორად იყენებს, უმიზნებს რა მას შუბლს ან მაჯას. ასეთ შემთხვევაში კი მზომი ხელსაწყო სხვა არაფერია, თუ არა „შემთხვევითი ციფრების გენერატორი“.

„ასე რეალური ტემპერატურის „დაჭერა“ საკმაოდ ძნელია. თერმომეტრის ინსტრუქცია ითვალისწინებს შემდეგს: ჯერ უნდა ჩართოთ ხელსაწყო, დააჭიროთ თითი ღილაკს, შემდეგ შუბლიდან გარკვეულ მანძილზე გაატაროთ და აუშვათ თითი ღილაკს“, — განმარტავს ექიმი.

ვოდოვოზოვის თქმით, სანამ რომელიმე სახის თერმომეტრს გამოიყენებთ, ყურადღებით უნდა წაიკითხოთ ინსტრუქცია, სადაც დეტალურადაა ახსნილი, სხეულის რა ნაწილებზე, რა დაშორებითა და რა დროის განმავლობაში უნდა გაიზომოთ სიცხე.

ამასთან ექიმი გირჩევთ, არ გაიზომოთ ტემპერატურა ქუჩიდან შენობაში შესვლისთანავე. ასეთ დროს თერმომეტრი რეალობისგან მნიშვნელოვნად განსხვავებულ მონაცემს გაჩვენებთ.

65
თემები:
ექიმი გირჩევთ
გიორგი ღოღობერიძე

ღოღობერიძე: როგორ უნდა მოვიქცეთ მაღალი სიცხის დროს

0
(განახლებულია 20:25 26.07.2021)
ექიმი-რეზიდენტი გიორგი ღოღობერიძე საუბრობს, როგორ დავიცვათ თავი ზაფხულის მაღალი სიცხისგან და  საზოგადოებას რჩევებს აძლევს.
ღოღობერიძე: როგორ უნდა მოვიქცეთ მაღალი სიცხის დროს
„მაღალი ტემპერატურის მიმართ განსაკუთრებით მგრძნობიარეები არიან ისინი, ვისაც ქრონიკული დაავადებები აწუხებთ, ან არიან ასაკიანები. ძალიან მნიშვნელოვანია, მაღალი სიცხი დროს ბევრი სითხე მიიღოთ, ასევე მიირთვით ისეთი საკვები, რომელიც დიდი რაოდენობით წყალს შეიცავს, მაგალითად, კიტრი, საზამთრო, ნესვი. სასურველია ეს სასმელი არ იყოს ალკოჰოლის, კოფეინისა და შაქრის შემცველი“, - ამბობს ღოღობერიძე.

მისი რჩევით, სიცხის დროს კარგია მოვერიდოთ ფიზიკურ აქტივობას, რადგან ამ დროს მეტი სითხე ორთქლდება, ასევე, ჩავიცვათ ღია ფერის, ბამბის ტანსაცმელი.

 

0