ონკანის წყალი

არ დალიოთ წყალი ჭამის დროს: ენდოკრინოლოგი გაფრთხილებთ

162
(განახლებულია 16:33 02.04.2021)
ექიმი განმარტავს, ვინ და რატომ უნდა შეამციროს ჭამის დროს წყლის სმა, რათა ორგანიზმში ნეგატიური პროცესები არ გაააქტიუროს.

თბილისი, 2 აპრილი — Sputnik. არსებობს ადამიანთა გარკვეული კატეგორია, რომლებმაც მინიმუმამდე უნდა დაიყვანონ ჭამის დროს წყლის სმა, აცხადებს ენდოკრინოლოგი ეკატერინა იანგი.

მისი თქმით, თუ ადამიანი უჩივის მუცლის შებერილობას, გულძმარვას, ჭამის შემდეგ კუჭის სიმძიმეს, არასტაბილურ მონელებას, წვრილ ნაწლავებში ბაქტერიების ჭარბი ზრდის სინდრომს, მან ჭამის დროს არავითარ შემთხვევაში არ უნდა დალიოს 100 მლ-ზე მეტი წყალი.

„შეგიძლიათ რამდენიმე ყლუპი მოსვათ მხოლოდ იმ შემთხვევაში, თუ ლუკმის დალბობა გსურთ, ან წამალი გაქვთ დასალევი უშუალოდ ჭამის დროს“, — წერს ექიმი.

როგორც ენდროკრინოლოგი განმარტავს, ჭამის პროცესში წყლის რაოდენობა განსაკუთრებით მათ უნდა შეამცირონ, ვისაც გასტროეზოფაგური რეფლუქსი აწუხებს. ეს არის საჭმლის მომნელებელი სისტემის ქრონიკული დაავადება და ხასიათდება კუჭის შიგთავსის (საკვები, საჭმლის მომნელებელი წვენები) ამოსვლით საყლაპავში.

  • „მიზეზი ის კი არ არის, რომ წყალი კუჭის წვენს აზავებს... არამედ ის, რომ თქვენ ამით ხელს უწყობთ ჯერ კიდევ გადაუმუშავებელი საკვების სწრაფ გადაადგილებას კუჭიდან ნაწლავებში“, — ამბობს ექიმი.

ენდოკრინოლოგი ასევე მიუთითებს, რომ კუჭის ანატომიური აგებულებიდან გამომდინარე, ნებისმიერი სითხე (არა მარტო წყალი) მაშინვე ხვდება თორმეტგოჯა ნაწლავში, სადაც მაშინვე იწყება ან მისი შეწოვა, ან კუჭქვეშა ჯირკვლის ფერმენტებთან ურთიერთქმედება. სწორედ ამიტომ ექიმი არ გვირჩევს ხილის სმუზების მიღებას ჭამის დროს, ვინაიდან ის მყისიერად ზრდის შაქრის დონეს სისხლში.

სპეციალისტის თქმით, უმჯობესია, რომ წყალი ჭამამდე ნახევარი საათით ადრე დალიოთ, ხოლო მჟავიანობის გასაზრდელად შეგიძლიათ მას ცოტა ლიმონის წვენი დაამატოთ.

რაც შეეხება ალკოჰოლს, ექიმი იანგი არ არის წინააღმდეგი, რომ ჭამისას მცირე რაოდენობით სასმელი მიირთვათ აპერიტივის სახით.

162
თემები:
ექიმი გირჩევთ (103)
წარბები

თუ წარბები გითხელდებათ, შეიმოწმეთ ფარისებრი ჯირკვალი: ექიმი გირჩევთ

81
(განახლებულია 19:14 14.04.2021)
ამერიკელი დერმატოლოგი ჩამოთვლის იმ სერიოზულ დაავადებებს, რომლებზეც წარბების ცვენა-შეთხელება შეიძლება მიანიშნებდეს.

თბილისი, 14 აპრილი — Sputnik. თუ შენიშნავთ, რომ წარბები გითხელდებათ, შესაძლოა დადგა დრო, რომ ფარისებრი ჯირკვლის ჰორმონების დონე შეიმოწმოთ, აცხადებს აშშ-ის დერმატოლოგიის აკადემიის წევრი სეჯალ შაჰი.

მისი თქმით, ფარისებრი ჯირკვლის დისბალანსი, სხვა პრობლემების გარდა, წარბების ცვენასაც იწვევს და ეს ამ პრობლემის გავრცელებული სიმპტომია.

გარდა ამისა, წარბების გათხელება ასევე შეიძლება იყოს ატოპიური დერმატიტის, ეგზემის ან მკვებავი ნივთიერებების (კერძოდ, რკინის) დეფიციტისა თუ ანემიის შედეგი.

ამასთან სპეციალისტი ზოგ შემთხვევაში გვირჩევს, წარბების ამოქნას მოვეშვათ და ბუნებრივი ზრდის საშუალება მივცეთ. საქმე ისაა, რომ ამ პროცედურამ თმის ფოლიკულებს შეიძლება გამოუსწორებელი ტრავმა მიაყენოს და საბოლოოდ დააზიანოს კიდეც.

როგორც დერმატოლოგი ამბობს, ჯობს წარბები იშვითად გამოიქნათ, განსაკუთრებით, უშუალოდ წარბის ძვლოვანი ქედის ზედა ნაწილში, და მხოლოდ მისი ქვედა ნაწილის მოწესრიგებით შემოიფარგლოთ. კიდევ უკეთესი იქნება, თუ საერთოდ უარს იტყვით ამაზე.

81
თემები:
ექიმი გირჩევთ (103)
ახალშობილი დედასთან

ჩვილის სწრაფად დაძინების უებარი მეთოდი: იმიტაციის ეფექტი

171
(განახლებულია 17:28 13.04.2021)
იმისათვის, რომ ჩვილმა სწრაფად და უპრობლემოდ დაიძინოს, არც თავად გაღიზიანდეს და არც მშობლები გადაღალოს, ერთ უებარ მეთოდს გთავაზობთ

ახალგაზრდა მშობლებს ხშირად ძალიან უჭირთ ბავშვის დაწყნარება და დაძინება.

მათ დასახმარებლად პედიატრის რჩევას შემოგთავაზებთ, რომელიც მეტად საჭირო და ეფექტურ გამოცდილებას უზიარებს მშობლებს.

თუმცა მანამდე იმ სავარაუდო მიზეზებს გაგაცნობთ, როს გამოც შესაძლოა არ იძინებდეს ბავშვი.

ესენია:

  • ძილთან დაკავშირებული მკაფიოდ განსაზღვრული რიტუალების არარსებობა;
  • ძილის წინ აქტივობა და ბავშვის ახალი შთაბეჭდილებებით დატვირთვა;
  • ჯანმრთელობის პრობლემები;
  • ყურადღებისა და მზრუნველობის უკმარისობა;
  • ძილისთვის შეუსაბამო ვითარება.

პედიატრის მეთოდი ორი ბოლო პუნქტის სწრაფად განეიტრალება-აღმოფხვრაში დაგეხმარებათ. სცადეთ და დარწმუნდებით.

​ამისათვის აიღეთ პირსახოცი, ზომით 120X60 სმ და დაახვიეთ რულონივით;

შემდეგ დააწვინეთ ბავშვი მარჯვენა მხარეზე და შემოახვიეთ რულონი ისე, რომ პირსახოცი ბავშვის ფეხებშუა გატარდეს და ორივე ბოლო კისრისა და თავქვეშ მოექცეს (როგორც ეს ფოტოზეა ნაჩვენები);

ამის მერე უსვით ხელი ბავშვს ზურგზე, რათა თქვენი შეხება იგრძნოს... და ორიოდე წუთში პატარა ფშვინვას ამოუშვებს.

საქმე ისაა, რომ პირსახოცის „ბუდე“ დედის მკერდში ჩახუტების იმიტაციას ქმნის, სადაც პატარა თავს კომფორტულად და უსაფრთხოდ გრძნობს.

შესაბამისად, გასაკვირი არ არის, რომ ამგვარ „მოწყობილობაში“ ბავშვი სწრაფად იძინებს. 

171
თემები:
ექიმი გირჩევთ (103)
გიორგი ღოღობერიძე

გიორგი ღოღობერიძე: ოჯახში ტოლეტანტები ვიყავით...

0
(განახლებულია 14:48 15.04.2021)
გიორგი ღოღობერიძე იხსენებს ბავშვობას და ამბობს, რომ მისი აღზრდა- განათლება მამის დამსახურებაა, რომელსაც სურდა, რომ შვილი მარტო ერთ სფეროში არ ყოფილიყო განსწავლული.

 

გიორგი ღოღობერიძე: ოჯახში ტოლეტანტები ვიყავით...
„ყანა, რომელსაც ვამუშავებდი ხოლმე, ძალიან დიდი იყო და საკმაოდ შორს ჩვენი სახლიდან. როცა ნაგავი გამქონდა, მერე სიმინდს ვთესავდი, შემდეგ მიწას აზოტის დაყრა სჭირდებოდა. ამ სამუშაოს სკოლის პერიოდიდან მოყოლებული ვაკეთებდი“, - იხსენებს გიორგი ღოღობერიძე.

ექიმი გიორგი ღოღობერიძე: „მამა მეზღვაური იყო და მას წელიწადში მხოლოდ ორ თვეს ვხედავდი სახლში. მერე მან უარი თქვა ყველაფერზე. ის ტელეწამყვანი გახდა და აჭარის ტელევიზიაში მუშაობდა. ჟურნალისტობიდან სამოქალაქო სფეროში გადაინაცვლა და დღეს ადვოკატია.“

0