რატომ უნდა მიირთვათ კიტრის მწნილის წვენი: დასახელდა რამდენიმე საოცარი თვისება
(განახლებულია 18:20 25.12.2020)
კვლევებმა აჩვენა, რომ კიტრის მწნილის წვენი სინამდვილეში ძალიან სასარგებლოა და ადამიანის ორგანიზმის ფუნქციონირებას ბევრად აუმჯობესებს.მკვეთრი მჟავე გემოს მიუხედავად ამ სპეციფიკურ წვენს ჯანმრთელობისთვის სასარგებლო თვისებების ფართო სპექტრი აქვს — საჭმლის უკეთ მონელებიდან ჯანმრთელ გულამდე.
აი, რა უნდა იცოდეთ კიტრის მწნილის წვენისა და მისი გამოყენების შესახებ.
ამშვიდებს კუნთების სპაზმებს
კვლევებმა აჩვენა, რომ ფიზიკური ვარჯიშის შემდეგ კიტრის მწნილის წვენის დალევა ამცირებს კუნთების ტკივილს და სწრაფად ხსნის სპაზმებს.
ექსპერტები მიიჩნევენ, რომ მწნილის წვენში შემავალ ძმარს შეიძლება რაიმე კავშირი ჰქონდეს ტკივილის სწრაფად შემსუბუქებასთან, რადგან ის ხელს უწყობს კუნთების სპაზმების გამომწვევი ნერვული სიგნალების შეჩერებას.
ინარჩუნებს წყლის ბალანსს
კიტრის მწნილის წვენი ხელს უწყობს წყლის ბალანსის დიდი ხნით შენარჩუნებას. გარდა ამისა, ის შეიცავს სწრაფი დატენიანებისთვის აუცილებელ ორ მინერალურ ნივთიერებას: ნატრიუმსა და კალიუმს.
©
photo: Sputnik / Maksim Blinov
ნატრიუმი და კალიუმი ელექტროლიტებია, ანუ აქვთ ელექტრული მუხტი. ისინი აუცილებელია ორგანიზმის არაერთი ფუნქციისთვის, მათ შორის, ენერგიის გამომუშავებისა და კუნთების შეკუმშვისთვის. რაც უფრო მეტად ოფლიანობთ, მით მეტ ელექტროლიტს კარგავთ. ამიტომ კალიუმისა და ნატრიუმის შემცველი სასმელის მიღება ხელს უწყობს ელექტროლიტების დონის ბევრად სწრაფად აღდგენას.
აქრობს უსიამოვნო სუნს პირის ღრუში
ძმარი არ პასუხობს სუნთქვის ბუნებრივი გამაჯანსაღებლების ყველა მოთხოვნას, მაგრამ აღმოჩნდა, რომ კიტრის მწნილის წვენის პირის ღრუში გამოვლებას შეუძლია სუნის გამომწვევი ბაქტერიების განადგურება — კამისა და ძმრის ანტიბაქტერიული თვისებების წყალობით.
ხელს უწყობს საჭმლის მომნელებელი სისტემის ჯანმრთელობას
კიტრის მწნილის წვენი ხელს უწყობს ნაწლავების კარგ ფუნქციონირებას, ასტიმულირებს რა ნაწლავებში სასარგებლო ბაქტერიების ზრდასა და ჯანმრთელ ბალანსს. ეს ბაქტერიები ხელს უწყობს საკვების დაშლას და იცავს ნაწლავებს ინფექციებისგან.
თემები:
არც ისე სასარგებლო, მაგრამ ეფექტური: ექიმი სწრაფი ჩაძინების მარტივ მეთოდს ასახელებს
(განახლებულია 22:11 22.01.2021)
უძილობა კვლავაც რჩება ჩვენი ნერვიული და მოუსვენარი საუკუნის ერთ-ერთ მთავარ პრობლემად, თუმცა არსებობს მისი აღმოფხვრის ეფექტური ხერხი თბილისი, 22 იანვარი — Sputnik. არსებობს სწრაფი ჩაძინების მარტივი, თუმცა გარკვეული თვალსაზრისით, არც ისე სასარგებლო ხერხი, აცხადებს სეჩენოვის უნივერსიტეტის ნერვული დაავადებებისა და ნეიროქირურგიის კათედრის დოცენტი მიხაილ პოლუეკტოვი.
მისი თქმით, ამისათვის საჭიროა ძილის წინ ოთხი საათით ადრე რაიმე ტკბილის ჭამა.
„დაძინებამდე ოთხი საათით ადრე მაღალი გლიკემიური ინდექსის მქონე საკვების მიღება, რომელიც შეიცავს ბევრ ადვილად ასათვისებელ ნახშირწყლებს, აჩქარებს ჩაძინებას. ასე რომ, ზოგადად, შეგვიძლია ვთქვათ, რომ ტკბილეული ხელს უწყობს ჩაძინებას, თუმცა სხვა თვალსაზრისით ეს არც ისე სასარგებლოა“, — აღნიშნა ექიმმა.
ადვილად ასათვისებელი, ანუ ჩქარი ნახშირწყლები, ეს მარტივი ნახშირწყლებია, რომლებსაც ორგანიზმი ადვილად ამუშავებს. მათ მხოლოდ რამდენიმე წუთი სჭირდება უბრალო მოლეკულებად დასაშლელად, სისხლში მოსახვედრად და ამით ორგანიზმის საჭირო ენერგიით მოსარაგებლად. ასეთი პროცესების სიჩქარე განისაზღვრება გლიკემიური ინდექსით: რაც უფრო მაღალია ის, მით უფრო ნაკლებ დროს ხარჯავს ორგანიზმი გადამუშავებაზე.
სწრაფ ნახშირწყლებს შეიცავს, მაგალითად, ცომეული, ბურღულეული, მოხარშული ბოსტნეული, შემწვარი კარტოფილი, ლაფშა, შაქარი, თაფლი და ა.შ.
თემები:
არც იშიმშილოთ და არც ძალიან დაიტვირთოთ: 12 მარტივი ხრიკი წონაში სწრაფად დასაკლებად
(განახლებულია 20:24 22.01.2021)
ბრიტანეთის ჯანდაცვის ეროვნული სამსახურის სპეციალისტებმა სპეციალური პროგრამა შექმნეს, რომელიც ცხოვრების ჯანსაღ წესზე ლამის შეუმჩნევლად გადაგიყვანთ და წონასაც ზედმეტი დატვირთვის გარეშე დაგაკლებინებთ თბილისი, 22 იანვარი — Sputnik. ექიმებმა ჩამოთვალეს ხრიკები, რომლებიც საშუალებას მოგცემთ, სპეციალური დიეტის გარეშე დაიკლოთ წონაში უფრო სწრაფად წერს გამოცემა The Sun–ი.
დიდი ბრიტანეთის ჯანდაცვის ეროვნული სამსახურის სპეციალისტ ტამარა უილნერის თქმით, ადამიანის წონაზე ზეგავლენას ახდენს არა მარტო საკვები, არამედ ყველა წვრილმანი ჩვევა. იგი გთავაზობთ 12-კვირიან სპეციალურ პროგრამას, რომელიც გარკვეული წესების ჩვევად ქცევას ითვალისწინებს.
ეს ის მარტივი წესებია, რომლებიც ზედმეტი კილოგრამების მოცილებაში დაგეხმარებათ შიმშილის, გამომფიტავი დიეტებისა და გამუდმებული ფიზიკური დატვირთვების გარეშე, და რომელიც ცხოვრების ჯანსაღ წესზე ლამის შეუმჩნევლად გადაგიყვანთ.
ბრიტანეთის ჯანდაცვის ეროვნული სამსახურის (NHS) პროგრამა Second Nature-ს რეკომენდაციები ასე გამოიყურება:
- გააზავეთ დღე მოკლე ფიზიკური დატვირთვებით. მაგალითად: კბილების გახეხვის დროს ჩაჯდომებით, ტელევიზორის ყურებისას კედლიდან აწევებით; რამე საქმიანობის დროს ადგილზე სირბილით;
- შეზღუდეთ ალკოჰოლის მიღება;
- არ დალიოთ ყავა დღის მეორე ნახევარში, რათა ღამით უკეთ დაიძინოთ;
- შეცვალეთ ხილის წვენი და ტკბილი სასმელები წყლით, ჩაით ან რძით;
- დაიწყეთ ყოველი დილა 10-წუთიანი სეირნობით;
- ძირითადი კვების დროს ჭამეთ მეტი, რომ მოგვიანებით არ წაიხემსოთ;
- თუ ტკბილეული გიყვართ, შეცვალეთ რძიანი ან თეთრი შოკოლადი 70%-იანი შავი შოკოლადით;
- ყოველკვირეულად გასინჯეთ ახალი ბოსტნეული;
- შეადგინეთ საყიდლების ჩამონათვალი სუპერმარკეტში წასვლამდე, რათა თავიდან აიცილოთ საკვებზე სპონტანური ხარჯები;
- სთხოვეთ მეგობარს, ისეირნოდ თქვენთან ეთად კვირაში ორჯერ;
- მოძებნეთ პოზიტიური ემოციების მიღების ალტერნატიული გზები — საკვების გარდა. სცადეთ თავსატეხების ამოხსნა, მეგობართან საუბარი ან სხვა რამ, რაც სიამოვნებას განიჭებთ;
- ნუ აუკრძალავთ საკუთარ თავს გარკვეულ საკვებს. თუ ძალიან გსურთ რაიმეს ჭამა, უარი კი არ თქვათ, უბრალოდ მიირთვით ის აუჩქარებლად.
თემები:
COVID-19 საქართველოში – 25 იანვრის მონაცემები
თბილისი, 25 იანვარი – Sputnik. საქართველოში ახალი კორონავირუსით დაავადებულთა რაოდენობა ბოლო დღე-ღამეში 298-ით გაიზარდა და ინფიცირებულთა საერთო რიცხვმა 253.816-ს მიაღწია. ინფორმაცია საქართველოს მთავრობის სპეციალურ ვებ-გვერდზე stopcov.ge განახლდა.
ამ დროისათვის სულ გამოჯანმრთელდა 243.396 ადამიანი (ბოლო 24 საათში – 1.311), გარდაიცვალა – 3.071 (ბოლო 24 საათში – 16), კარანტინის რეჟიმშია 515, სტაციონარებში ექიმების დაკვირვების ქვეშ 3.223პაციენტი, ხოლო კოვიდ–სასტუმროებში 402 ადამიანი იმყოფება.
ბოლო 24 საათში ჩატარდა 6.868 კვლევა ტესტით, მათ შორის ანტიგენის სწრაფი ტესტით – 2.686, PCR ტესტით – 4.182.
ბოლო 24 საათში ჩატარებული კვლევა ტესტით - 6868, მათ შორის ანტიგენის სწრაფი ტესტით - 2.686, PCR ტესტით - 4.182
საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა