თბილად შეფუთნული ადამიანი

თუ სითბოშიც გცივათ: რა საშიშ დაავადებაზე მეტყველებს მცივანობა ექიმის განმარტება

121
(განახლებულია 19:42 24.12.2020)
თერაპევტი განმარტავს, როდის შეიძლება მცივანობა საშიში დაავადების ნიშანი იყოს და როდის – ორგანიზმის თავისებურება.

თბილისი, 24 დეკემბერი – Sputnik. როდესაც ადამიანი ძალიან თბილ სამოსშიც კი იყინება, საჭიროა თუ არა ექიმის კონსულტაცია? ამ კითხვას რადიო Sputnik-თან ინტერვიუში თერაპევტმა ფილიპ კუზმენკომ უპასუხა.

ექიმის თქმით, სიცივისადმი მომატებული მგრძნობელობა ხშირი შემთხვევაა. ასეთ დროს, როგორც წესი, საუბარი არ არის ხოლმე რაიმე სახის დაავადებაზე, თუმცა არსებობს გამონაკლისიც — ფარისებრი ჯირკვლის მუშაობის დარღვევა.

როგორც თერაპევტი განმარტავს, ამ დაავადების დროს ადამიანს შეიძლება სითბოშიც კი ნამდვილად ეუფლებოდეს გაყინვის შეგრძნება, მაგრამ მთავარი საზრუნავი სიცივე არ არის.

„თუ ფარისებრი ჯირკვლის ჰიპოფუნქციაზე ვსაუბრობთ, მაშინ თავს იჩენს არაერთი სიმპტომი, რომელთაგან უმთავრესი საშინელი მოთენთილობა და ძილიანობაა. თუ ადამიანი ასეთმა სიმპტომებმა შეაწუხა, ეს ექიმთან ვიზიტის მიზეზი უნდა გახდეს... თუ პათოლოგია არსებობს, მაშინ ფარისებრ ჯირკვალს ვმკურნალობთ და არა ყინვას“, — ამბობს ექიმი.

კუზმენკო განმარტავს, რომ ფარისებრი ჯირკვლის პრობლემების გამოსავლენად არსებობს შესაბამისი ტესტი. და თუ მან პათოლოგიის არსებობა არ დაადასტურა, მაშინ სიცივის მიმართ მომატებული მგრძნობელობა სამედიცინო შემთხვევა არ იქნება.

  • „ეს არ არის დაავადება, ეს არის ორგანიზმის თავისებურება. თუ ადამიანი იყინება, ეს იმას ნიშნავს, რომ მისი ორგანიზმი ისეა მოწყობილი, რომ სიცივეს, დაბალ ტემპერატურას ცუდად იტანს“, — ამბობს თერაპევტი.

მისი თქმით, თუ მცივანობა ადამიანისთვის აუტანელია, მაშინ მას შეუძლია გაკაჟება სცადოს. შეიძლება ამან ასპროცენტიანი ეფექტი არ მისცეს, მაგრამ, ყოველ შემთხვევაში, გაკაჟების პროცესში უფრო ადვილად გაუძლებს სიცივეს.

სპეციალისტი ამბობს, რომ მცივანობის პრობლემის მოსაგვარებლად, დათბილვისა და ცხელი სასმელების მიღების გარდა, სხვა საშუალება არ არსებობს — წამლები და სამედიცინო აღჭურვილობა ამას ვერ გამოასწორებს.

 

121
თემები:
სასარგებლო რჩევები (447)
მძინარე ქალი

არც ისე სასარგებლო, მაგრამ ეფექტური: ექიმი სწრაფი ჩაძინების მარტივ მეთოდს ასახელებს

190
(განახლებულია 22:11 22.01.2021)
უძილობა კვლავაც რჩება ჩვენი ნერვიული და მოუსვენარი საუკუნის ერთ-ერთ მთავარ პრობლემად, თუმცა არსებობს მისი აღმოფხვრის ეფექტური ხერხი

თბილისი, 22 იანვარი — Sputnik. არსებობს სწრაფი ჩაძინების მარტივი, თუმცა გარკვეული თვალსაზრისით, არც ისე სასარგებლო ხერხი, აცხადებს სეჩენოვის უნივერსიტეტის ნერვული დაავადებებისა და ნეიროქირურგიის კათედრის დოცენტი მიხაილ პოლუეკტოვი.

მისი თქმით, ამისათვის საჭიროა ძილის წინ ოთხი საათით ადრე რაიმე ტკბილის ჭამა.

„დაძინებამდე ოთხი საათით ადრე მაღალი გლიკემიური ინდექსის მქონე საკვების მიღება, რომელიც შეიცავს ბევრ ადვილად ასათვისებელ ნახშირწყლებს, აჩქარებს ჩაძინებას. ასე რომ, ზოგადად, შეგვიძლია ვთქვათ, რომ ტკბილეული ხელს უწყობს ჩაძინებას, თუმცა სხვა თვალსაზრისით ეს არც ისე სასარგებლოა“, — აღნიშნა ექიმმა.

ადვილად ასათვისებელი, ანუ ჩქარი ნახშირწყლები, ეს მარტივი ნახშირწყლებია, რომლებსაც ორგანიზმი ადვილად ამუშავებს. მათ მხოლოდ რამდენიმე წუთი სჭირდება უბრალო მოლეკულებად დასაშლელად, სისხლში მოსახვედრად და ამით ორგანიზმის საჭირო ენერგიით მოსარაგებლად. ასეთი პროცესების სიჩქარე განისაზღვრება გლიკემიური ინდექსით: რაც უფრო მაღალია ის, მით უფრო ნაკლებ დროს ხარჯავს ორგანიზმი გადამუშავებაზე.

სწრაფ ნახშირწყლებს შეიცავს, მაგალითად, ცომეული, ბურღულეული, მოხარშული ბოსტნეული, შემწვარი კარტოფილი, ლაფშა, შაქარი, თაფლი და ა.შ.

 

190
თემები:
ექიმი გირჩევთ
ახალგაზრდა ქალი იზომავს წელის გარშემოწერილობას

არც იშიმშილოთ და არც ძალიან დაიტვირთოთ: 12 მარტივი ხრიკი წონაში სწრაფად დასაკლებად

281
(განახლებულია 20:24 22.01.2021)
ბრიტანეთის ჯანდაცვის ეროვნული სამსახურის სპეციალისტებმა სპეციალური პროგრამა შექმნეს, რომელიც ცხოვრების ჯანსაღ წესზე ლამის შეუმჩნევლად გადაგიყვანთ და წონასაც ზედმეტი დატვირთვის გარეშე დაგაკლებინებთ 

თბილისი, 22 იანვარი — Sputnik. ექიმებმა ჩამოთვალეს ხრიკები, რომლებიც საშუალებას მოგცემთ, სპეციალური დიეტის გარეშე დაიკლოთ წონაში უფრო სწრაფად წერს გამოცემა The Sun–ი.

დიდი ბრიტანეთის ჯანდაცვის ეროვნული სამსახურის სპეციალისტ ტამარა უილნერის თქმით, ადამიანის წონაზე ზეგავლენას ახდენს არა მარტო საკვები, არამედ ყველა წვრილმანი ჩვევა. იგი გთავაზობთ 12-კვირიან სპეციალურ პროგრამას, რომელიც გარკვეული წესების ჩვევად ქცევას ითვალისწინებს.

ეს ის მარტივი წესებია, რომლებიც ზედმეტი კილოგრამების მოცილებაში დაგეხმარებათ შიმშილის, გამომფიტავი დიეტებისა და გამუდმებული ფიზიკური დატვირთვების გარეშე, და რომელიც ცხოვრების ჯანსაღ წესზე ლამის შეუმჩნევლად გადაგიყვანთ. 

ბრიტანეთის ჯანდაცვის ეროვნული სამსახურის (NHS) პროგრამა Second Nature-ს რეკომენდაციები ასე გამოიყურება: 

  • გააზავეთ დღე მოკლე ფიზიკური დატვირთვებით. მაგალითად: კბილების გახეხვის დროს ჩაჯდომებით, ტელევიზორის ყურებისას კედლიდან აწევებით; რამე საქმიანობის დროს ადგილზე სირბილით;
  • შეზღუდეთ ალკოჰოლის მიღება;
  • არ დალიოთ ყავა დღის მეორე ნახევარში, რათა ღამით უკეთ დაიძინოთ;
  • შეცვალეთ ხილის წვენი და ტკბილი სასმელები წყლით, ჩაით ან რძით;
  • დაიწყეთ ყოველი დილა 10-წუთიანი სეირნობით;
  • ძირითადი კვების დროს ჭამეთ მეტი, რომ მოგვიანებით არ წაიხემსოთ;
  • თუ ტკბილეული გიყვართ, შეცვალეთ რძიანი ან თეთრი შოკოლადი 70%-იანი შავი შოკოლადით;
  • ყოველკვირეულად გასინჯეთ ახალი ბოსტნეული;
  • შეადგინეთ საყიდლების ჩამონათვალი სუპერმარკეტში წასვლამდე, რათა თავიდან აიცილოთ საკვებზე სპონტანური ხარჯები;
  • სთხოვეთ მეგობარს, ისეირნოდ თქვენთან ეთად კვირაში ორჯერ;
  • მოძებნეთ პოზიტიური ემოციების მიღების ალტერნატიული გზები — საკვების გარდა. სცადეთ თავსატეხების ამოხსნა, მეგობართან საუბარი ან სხვა რამ, რაც სიამოვნებას განიჭებთ;
  • ნუ აუკრძალავთ საკუთარ თავს გარკვეულ საკვებს. თუ ძალიან გსურთ რაიმეს ჭამა, უარი კი არ თქვათ, უბრალოდ მიირთვით ის აუჩქარებლად.

 

281
თემები:
ექიმი გირჩევთ

ვეშაპების ულამაზესი შოუ ორლანდოს დელფინარიუმში

0
ეს სრულიად არაჩვეულებრივი, ფერადოვანი და დინამიური სანახაობაა, რომელსაც მკვლელი ვეშაპები წარმოადგენენ

შამუ — უზარმაზარი, შავ–თეთრი შეფერილობის მკვლელი ვეშაპები, ორლანდოს დელფინარიუმის ბინადრები; ისინი არაჩვეულებრივ, ფერადოვან და დინამიურ შოუს წარმოადგენენ თითქმის ყოველდღე და პუბლიკას არა მხოლოდ ზომებით, არამედ არტისტობითაც ხიბლავენ.

ეს მართლაც განუმეორებელი სანახაობაა.

0