მშობლების საახალწლო საჩუქრები შვილისთვის

ახალი წელი და პანდემია: როგორ ვუქციოთ შვილებს შიდაიზოლაცია დღესასწაულად

354
(განახლებულია 12:27 13.12.2020)
დამეთანხმებით, კორონავირუსის პანდემიამ ბავშვების და მოზარდების უმრავლესობისთვის ძალიან გაართულა ცხოვრება. სულ მალე ახალი წელი მოგვიკაკუნებს კარზე, დღესასწაული, რომელიც ყველა ბავშვისთვის საყვარელი და სასიხარულოა.

თუმცა წელს მოგვიწევს უჩვეულოდ შევხვდეთ 2021 წელს. ბევრი მშობლის საფიქრალია, როგორ მოიქცეს, რომ შვილებს საახალწლო განწყობა შეუქმნას, როგორ აქციოს შიდაიზოლაციის მოსაწყენი დღეები დღესასწაულად და არ მისცეს კორონავირუსს საშუალება, ბავშვებს შობა მოპაროს. ამის შესახებ მშობლებს სასარგებლო რჩევებს ფსიქოლოგი ანა ცირიკიძე უზიარებს.

ვარსკვლავები ხელისგულზე
© CC0 / Pixabay
ვარსკვლავები ხელისგულზე

- პანდემია ადამიანთა უმეტესობისთვის ნამდვილად უსიამოვნო ფაქტია. მთელს მსოფლიოს მოგვიწია ახალ ტალღაზე გადასვლა, ცხოვრების სტილის მკვეთრად ან რადიკალურად შეცვლა. ამ ყველაფერმა გავლენა იქონია ფინანსურ მდგომარეობაზეც და სამომავლო გეგმებზეც. ყველასთვის რთულია ეს პერიოდი, თუმცა კიდევ უფრო რთულია ბავშვებისთვის და მოზარდებისთვის.  ბავშვები არიან ძალიან ენერგიულები, ვითარდებიან თამაშებით, სოციალური ურთიერთობებით, სახლის გარეთ დამოუკიდებლობით ( ბაღი, სკოლა) გარემოსთან უშუალო კონტაქტით და ა.შ. ეს ყველაფერი კი შეზღუდა Covid-19-მა. ისინი ნაცვლად იმისა, რომ გარეთ ხარჯავდნენ ენერგიას და ურთიერთობდნენ თანატოლებთან, იყონ გარკვეულ რეჟიმში, არიან სახლში, კონტაქტი აქვთ მხოლოდ ოჯახის წევრებთან, ვერ ხარჯავენ ენერგიას საკმარისად, ვერ იღებენ საკმარის სუფთა ჰაერს, სოციალური კონტაქტის მოთხოვნილებებს და თავისთავად ამ ყველაფერს მივყავართ მათ სტრესამდე, რომელიც შეიძლება ბევრნაირად გამოვლინდეს.

საახალწლო ხელნაკეთი სუვენირი
საახალწლო ხელნაკეთი სუვენირი

- ახალი წელი ახლოვდება. ბავშვებს არ აქვთ მეგობრებთან შეხვედრის საშუალება, საახალწლო ღონისძიებებზე წასვლის შესაძლებლობა. როგორ ფიქრობთ, ხომ არ მოიპარავს შობას კორონავირუსი?

- ეს მსოფლიო მასშტაბის პრობლემაა. ბავშვებს უნდა ავუხსნათ, რომ წელს  ცოტა სხვანაირი ახალი წელი გვექნება. შეზღუდული გარკვეულ საკითხებში, მაგრამ ეს მხოლოდ ჩვენს ოჯახში არ ხდება, ყველა ოჯახს ასე მოუწევს შეეგებოს 2021 წელს. უნდა ვუხსნათ, რომ ეს ყველაფერი ხდება ისევ ჩვენს საკეთილდღეოდ. ძალიან მნიშვნელოვანია ავუხნსათ ამ შეზღუდვებისა და წესების მიზანი.

- ამ დროს რამდენად დიდია მშობლების წვლილი, მისი ჩრთულობა?

- უდიდესია მშობლის როლი ამ დროს. ოჯახის წევრებზეა დამოკიდებული ბავშვი როგორ იგრძნობს თავს იზოლაციაში, ასეთი „მოკრძალებული“ ახალი წლის დროს.

კედლის ნაძვის ხე
კედლის ნაძვის ხე

- ბოლო პერიოდში ხშირად მესმის მშობლებისგან, რომ არ აქვთ განწყობა და ნაძვის ხის დადგმასაც არ აპირებენ. ეს განწყობა შვილებზეც მოახდენს გავლნას?

- უმთავრესი საკითხია მშობლების ზრუნვა თავიანთ ფსიქიკურ ჯანმრთელობაზე. ბავშვებზე პირდაპირ გადადის მშობელთა ემოციები და განწყობები. ამიტომ, თუ გვინდა ჩვენი შვილი არ იყოს დეპრესიაში და ადვილად გადაიტანოს ეს პერიოდი, პირველ რიგში მშობლებმა თავიანთ თავზე უნდა იმუშაონ. ეს არ არის მარტივი, თუმცა ვფიქრობ, ყველა მშობლის მიზანი შვილების კეთილდღეობაა. რა დამოკიდებულებაც აქვს მშობელს ამ ვირუსზე, რა შიშებიც აწუხებს, რა განწყობაც აქვს ახალ წელთან დაკავშირებით და რა ემოციებს განიცდის, ყველაფერი გადადის შვილზე.

სანტა კლაუსი ირმებიან მარხილში მთვარის ფონზე
© CC0 / Pixabay
სანტა კლაუსი ირმებიან მარხილში მთვარის ფონზე

- როგორ უნდა მოახერხოს შობელმა, რომ მოერიოს სკუთარ ემოციებს, უარყოფით განწყობას შვილების გამო?

- მნიშვნელოვანია იმის გაცნობიერება, რომ გარკვეული შიში, ნერვიულობა და დაძაბულობა ამ სიტუაციაში ბუნებრივი მოვლენაა. მეტ-ნაკლები სტრესი კარგიც კია ჩვენთვის, რადგან ის გვეხმარება გარკვეულ პრობლემებს თვალი გავუსწოროთ და ჩვენი ძალების მობლიზება მოვახდინოთ.

არ არის საჭირო მშობელმა მთელი დღის განმავლობაში დაგროვილ სიახლეებს, რასაც მედია საშუალებები გადმოსცემენ, თვალი ადევნოს. კარგი იქნება ერთი,ა ნ ორი სანდო წყაროს ამორჩევა და მათი ინფორმაციების გაცნობა დღეში ერთხელ. ხშირად მედია საშუალებები ბევრ ინფორმაციას დამახინჯებული სახით გვაწვდიან, რომლებიც თავისთავად ნეგატიურ გავლენას ახდენს ჩვენს ფსიქიკაზე და გვთრგუნავს.

თბილისის მთავარი ნაძვის ხე
თბილისის მერია
თბილისის მთავარი ნაძვის ხე

მნიშვნელოვანია ასევეა, არ შევიდეთ დისკუსიაში ისეთ ადამაინებთან, რომელთაც ჩვენთან შედარებით რადიკალურად განსხვავებული მოსაზრებები აქვთ, ეს იქნება  გარკევულწილად წყლის ნაყვაც და არაფრის გამო ნერვების მოშლა.

და ასევე, ძალიან მნიშნელოვანია ყურადღება მივმართოთ სწორად. კერძოდ, ნაცვლად იმისა, რომ დიდი ინტერესით ვეცნობოდეთ ინფიცირებულთა და გარდაცვლილთა რიცხვებს, უმჯობესი იქნება დავინტერესდეთ გამოჯანმრთელებულთა რაოდენობით.

გავიაზროთ იზოლაციის დადებითი მხარეები-ოჯახთან კონტაქტი, ახალი ინტერესების და ჰობების აღმოჩენა, საკუთარი თავისთვის მეტი დროის დათმობა, სამომავლო გეგმების აუჩქარებლად ჩამოყალიბება.

ნაძვის ხის საახალწლოდ მორთვის ტრადიცია 2 ათასი წლისაა
ნაძვის ხის საახალწლოდ მორთვის ტრადიცია 2 ათასი წლისაა

- რა უნდა გააკეთოს მშობელმა, როგორ მოიქცეს, რომ ბავშვს საახალწლო განწყობა შეუქმნას, როგორ გადააქციოს შიდაიზოლაცია დღესასწაულად? რამდენად კარგი ქნება ნაადრევი სამზადისი, ან ზოგადად როდის უნდა დაიწყონ მზადება?

- პირად მე, ნაძვის ხეს 25 დეკემბრის მერე ვდგამდი ხოლმე. ეს ტრადიცია წელს პირველად დავარღვიე და 2 დეკემბერს მოვრთეთ სახლი საახალწლოდ. ამ პროცესში ჩავრთე ჩემი შვილიც, რომელიც პროცესიდან დიდ სიამოვნებას იღებდა  და შედეგითაც ბედნიერია. უსმინეთ საახალწლო, დადებითი განწყობის მქონე სიმღერებს, იმღერეთ ერთად, იცეკვეთ, გააფორმეთ სახლი მაქსიმალურად  და დაგეგმეთ ძალიან ბევრი კარგი რამ 2021 წლისთვის. საახალწლოდ მორთული გარემო და სიმღერები, ასევე საახალწლო მცირედი საჩუქრებიც თავისთავად ამაღლებს განწყობას, ჰქმნის ოპტიმისტურ განწყობას და ამცირებს სტრესს.

 

354
თემები:
სასარგებლო რჩევები (449)
ბიჭუნა სტომატოლოგთან

უშედეგო და ზოგჯერ საშიშიც: კბილების მკურნალობა ხალხური მეთოდებით - ექიმი გირჩევთ

90
(განახლებულია 15:50 25.01.2021)
უმაღლესი კატეგორიის სტომატოლოგმა კბილების მკურნალობის ხუთი ყველაზე პოპულარული ხალხური მეთოდი განიხილა და მათი დადებითი და უარყოფითი მხარეები განმარტა

თბილისი, 25 იანვარი — Sputnik. კბილების მკურნალობის ხალხური საშუალებები საკმაოდ მრავალფეროვანია. ინტერნეტში უამრავი რეცეპტი არსებობს, რომელთაგან ბევრი ექიმ-სტომატოლოგებში ნამდვილ შოკსა და შეძრწუნებას იწვევს.

„ხალხური საშუალებები კბილების სამკურნალოდ— უკვე ეს ერთი ფრაზაც კი უჩქარებს სტომატოლოგს გულს. პაციენტებს თვითმკურნალობის მცდელობა კი არ დაეხმარება, არამედ, უარეს შემთხვევაში, სამწუხარო შედეგებსაც გამოიწვევს“, — ამბობს უმაღლესი კატეგორიის სტომატოლოგი  ნატალია კადკალოვა.

სპეციალისტმა ცალ–ცალკე განიხილა კბილების მკურნალობის ყველაზე პოპულარული ხალხური მეთოდები და მათი დადებითი და უარყოფითი მხარეები განმარტა.

სოდის გამოვლება

ადამიანები სოდას ხშირად ივლებენ პირის ღრუში ანთებითი პროცესების დროს. მაგრამ კადკალოვას თქმით, ასეთი ექსპერიმენტები არა მხოლოდ უსარგებლო, არამედ საშიშიცაა.

„იმის გასაგებად, თუ რამდენად საშიშია სოდის გამოვლება, საკმარისია წარმოიდგინოთ, როგორ მოქმედებს სოდა ცომზე. პირის ღრუს ანთებითი ქსოვილები ანალოგიურად რეაგირებს სოდაზე. შეშუპება იზრდება და ჩვენ არ ვიცით, ეს ყველაფერი რით დამთავრდება. თუმცა შეგვიძლია ზუსტად ვთქვათ, რომ კარგით არაფრით“, — ამბობს უმაღლესი კატეგორიის სტომატოლოგი.

ნიორი ტკივილის გასაყუჩებლად

კიდევ ერთი გავრცელებული რეცეპტია ნივრის მტკივნეულ კბილზე დადება. არსებობს მოსაზრება, რომ მასში შემავალი ფიტონციდები სასიკეთოდ მოქმედებს ანთების უბანზე და იცავს ტკივილისგან.

სტომატოლოგის თქმით, ეს ვარიანტი ვერანაირ კრიტიკას ვერ უძლებს. ნერვის ანთება ჩააქროს კი არა, პირიქით, ნიორს შეუძლია კიდევ უფრო გააუარესოს ვითარება.

„მკურნალობის“ ამ ვარიანტს შეუძლია კიდევ ერთი გართულება — ლორწოვანი გარსის დამწვრობა გამოიწვიოს, რომელსაც ხშირად ვხვდები პრაქტიკაში. ნერვის ანთება შეუქცევადი პროცესია და ამაში დახმარება მხოლოდ სტომატოლოგს შეუძლია. ის  დაზიანებულ ქსოვილს მოაცილებს და არხს ინფექციისგან გამორეცხავს. წინააღმდეგ შემთხვევაში, ანთება უფრო შორს წავა და სამკურნალო გახდება არა მარტო კბილი, არამედ ნივრით გამოწვეული დამწვრობაც“, —განმარტავს სპეციალისტი.

სპირტის ან არაყის საფენები

ზოგი ადამიანი კბილის ტკივილის გასაყუჩებლად და მოსარჩენად ძლიერი ალკოჰოლით — სპირტით ან არყით გაჟღენთილ საფენებს იყენებს. მაგრამ ამ შემთხვევაშიც იგივეა მოსალოდნელი, რაც ნივრით მკურნალობის დროს: არანაირი შვება — მხოლოდ ლორწოვანი გარსის დამწვრობა.

მცენარეული ნახარშების გამოვლება

კიდევ ერთი პოპულარული ვარიანტია პირის ღრუს გამორეცხვა მცენარეების ნახარშით. მაგალითად, გვირილას ნახარშით, რომელიც, ტრადიციულად, ძალზე ეფექტურ ანთების საწინააღმდეგო საშუალებად მიაჩნიათ.

ბალახეული ნახარშების სამკურნალო თვისებები ასობით წლის წინ იყო ცნობილი, ამიტომ ექიმებს მათ საწინააღმდეგო არაფერი აქვთ, თუმცა არსებობს ერთი „მაგრამ“.

„არაფერი მაქვს საწინააღმდეგო პირის ღრუს სხვადასხვა მცენარეული  ხსნარებით გამოვლებისა. მაგრამ ამით შეიძლება არაფერი შეიცვალოს და ანთებითმა პროცესმა განვითარება განაგრძოს“, — ამბობს ნატალია კადკალოვა.

ეს კი იმის გამო, რომ ნაყენი ვერ აღწევს კბილის ნადების ქვეშ მიმდინარე ანთებაზე, ანუ დაზიანებულ ქსოვილამდე. თუმცა სხვა საქმეა, როდესაც მცენარეულ ნაყენს პროფესიონალური გაწმენდის შემდეგ ივლებთ — ამის შედეგად მორჩენის პროცესი ჩქარდება.

კბილების გათეთრება ლიმონით

ადამიანების დიდ ნაწილს სურს, გაითეთროს კბილები ექიმის გვერდის ავლით — იაფად ან სულაც უფასოდ. საამისოდ ხშირად იყენებენ სხვადასხვა რეცეპტურას: დაწყებული ლიმონით, დამთავრებული გაქტიურებული ნახშირით.

„მიმაჩნია, რომ ლიმონის პროცედურა ყველაზე ჰუმანურია კვერცხის ნაჭუჭით, გააქტიურებული ნახშირითა და სხვა აბრაზიებით გაწმენდასთან შედარებით, რომლებიც კბილებს კაწრავს. ლიმონის შემთხვევაში შედეგი უმნიშვნელო იქნება, მაგრამ თავს მაინც არ ავნებთ“, — განმარტა ექიმმა.

90
თემები:
ექიმი გირჩევთ
კოწახური

კოწახური სასარგებლო თვისებები და უკუჩვენებები

61
(განახლებულია 11:23 25.01.2021)
კოწახურის სასარგებლო თვისებები უძველესი დროიდან არის ცნობილი. მას დღესაც აქტიურად იყენებენ და ებრძვიან სურავანდს, ჰიპერტონიას, რადიკულიტს, კუჭ–ნაწლავის, ღვიძლის, თირკმელების დაავადებებს, იყენებენ კულინარიაში, კოსმეტოლოგიაში...

კოწახური (Berberis vulgaris) კოწახურისებრთა ოჯახის წარმომადგენელია. არის 3–5 მეტრი სიმაღლის ბუჩქი. აქვს ძლიერი ფესვი და გამერქნებული ფესვურები. ყლორტები მოფენილია წვეტიანი ეკლებით. ნაყოფი წითელი წაგრძელებული ფორმის კენკრაა. ყვავის მაის–ივნისში, დამწიფებას აგვისტო–სექტემბერში იწყებს. მტევნები ბუჩქებზე შუა ზამთრამდე ჰკიდია.

გავრცელებულია მთის შუა სარტყლამდე, ტყის პირებზე მდინარის ნაპირებზე, ჭალებში, რიყეზე და სხვა. გამძლეა ყინვებისა და გვალვების მიმართ.

საქართველოს სხვადასხვა კუთხეში კოწახურს სხვადასხვაგვარად უწოდებენ: მაჭი, ცაცხვ, დუცხუ, კავაღი, ცხაცხუ, ცაცხუ, ცხაცხვი, ზესხრა, ფაჩა.

კოწახურის ნაყოფს მჟავე, სასიამოვნო გემო აქვს. ის შეიცავს 5 პროცენტამდე შაქრებს, მდიდარია ორგანული მჟავებით (ლიმონის, ვაშლის, ღვინის და სხვა), სასარგებლო პექტინებით, მასში ბევრია С ვიტამინი, შეიცავს К ვიტამინს, ასევე კაროტინსა და მინერალურ მარილებს. უმწიფარ ნაყოფში არის ალკალოიდები.

ვაშლის ძმარი, როგორც ერთ–ერთი საუკეთესო საშუალება დაავადებებთან ბრძოლაში>>

კოწახურის ფოთლები, ფესვი და ქერქი შეიცავს ალკალოიდებს, მცენარის ამ ნაწილებში ასევე არის მთრიმლავი ნოვთიერებები და ვიტამინები С და Е.

კოწახური
© Flickr / flöschen / Berberitze
კოწახური

კოწახურის თვისებების შესახებ უძველესი დროიდან არის ცნობილი – ჯერ კიდევ ძველ ბაბილონსა და ინდოეთში მას იყენებდნენ, როგორც სისხლის გამწმენდ საშუალებას. ძველი ბერძნები და რომაელები კოწახურის ნაყოფისა და ფოთლებისგან კუჭ–ნაწლავის სამკურნალო საშუალებებს, ინდოეთში ეს იყო მატონიზირებელი, მსუბუქი გამხსნელი, წყურვილის მოკვლის საშუალება. ძველ ეგვიპტეში მისი მეშვეობით იწმენდნენ სისხლს. ორგანიზმს შლაკებისგან. შორეულ აღმოსავლეთში, იაპონიასა და ჩინეთში კოწახურით მკურნალობდნენ სურავანდს, ავიტამინოზს, მაღალ არტერიულ წნევას, ციებ–ცხელებას. ტიბეტურ მედიცინაში მცენარისგან გამაახალგაზრდავებელ ნაყენს ამზადებდნენ.

კოწახურს ამჟამადაც ფართოდ იყენებენ ხალხურ მედიცინაში. სხვადასხვა ქვეყანაში მას სხვადასხვა დაავადებს კურნავენ. მაგალითად, გერმანიაში კოწახურით ებრძვიან არა მხოლოდ კუჭ–ნაწლავის, არამედ ფილტვების, პირის ღრუს ლორწოვან დაავადებებს. საფრანგეთში ის სიცხისა და არტერიული წნევის დამწევი საშუალებაა, ბულგარეთში კი კოწახურით რადიკულიტს ამარცხებენ; პოლონელების ავიტამინოზს ებრძვიან, ჩინეთში – სიმსივნეს.

კოწახურს აქვს ნაღვლმდენი, ანთების საწინააღმდეგო, ანტისეპტიკური, სისხლდენის შემაჩერებელი თვისებები.

ამგვარად, ხალხურ და ასევე თანამედროვე მედიცინაში (კოწახურზე დამზადებული პრეპარატების სახით) მკურნალობენ:

თირკმელების, კუჭის, თორმეტგოჯა ნაწლავის დაავადებებს, ტუბერკულიოზს, შინაგან სისხლდენას (განსაკუთრებით მშობიარობის შემდეგ საშვილოსნოდან სისხლდენას), ზედა სასუნთქი გზების ანთებას, სხვადასხვა ორგანოს სიმსივნეს.

წიწვოვანი მცენარეების უპირატესობა, ანუ გაიკაჟეთ ჯანმრთელობა>>

კოწახურს იყენებენ დიაბეტის დროს. რამდენიმე წლის წინ აღმოაჩინეს მისი კიდევ ერთი თვისება – მცენარე მალარიით დაავადებულ ადამიანებში ზრდის ელენთას (მალარიული პლაზმოდიები კოწახურის საშუალებით სისხლში განიდევნება). ჰომეოპათიაში კოწახურზე დამწადებული პრეპარატებით კურნავენ ღვიძლის, საშარდე გზებისა და თირკმელების დაავადებებს. გამოიყენება ნიკრისის ქარის, რევმატიზმისა და წელკავის დროს.

მცენარის ყველა ნაწილი შეიცავს ალკალოიდებს, რომელთა შორის მთავარია ბერბერინი (განსაკუთრებით ფესვსა და ქერქში). ეს ნივთიერება აქვეითებს არტერიულ წნევას, ამშვიდებს, ამცირებს გულისცემას. მას იყენებენ ქოლეცისტიტის, ნაღვლის ბუშტში კენჭოვანი დაავადებებისა და ქრონიკული ჰეატიტის დროს.

ფოთლების, ნაყოფისა და ქერქისგან მზადდება ნაყენები, რომლებიც კოსმეტოლოგიაში გამოიყენება. სახლის პირობებში დამზადებული ლოსიონები აახალგაზრდავებს, აშორებს კანის დეფექტებს (პიგმენტური ლაქები, ჭორფლი, გამონაყარი), ასწორებს წვრილ ნაოჭებს, სახეს ჯანმრთელ ფერს აძლევს. ასევე კარგია კოწახური თმის მოსავლელად და ქერტლის მოსაშორებლად.

კანის გასაახალგაზრდავებლად მოამზადეთ ნაყენი შემდეგნაირად: აიღეთ 1 სუფრის კოვზი ნედლი ან ხმელი კოწახურის დაქუცმაცებული ფოთოლი, დაასხით 1 ჭიქა მდუღარე წყალი. გააჩერეთ 30 წუთი, გადაწურეთ. ნაყენის წაისვით სახეზე დილითა და საღამოს ტონიკის სახით. შეგიძლიათ გაყინოთ პატარა კუბებად და სახე გაიწმინდოთ.

კოწახურის ნაყენი წყლულოვანი დაავადებებისა და გულისრევის დროს: აიღეთ 15–20 გრამი მშრალი, დაქუცმაცებული ფოთოლი, დაასხით 200 გრამი წყალი, დადგით ცეცხლზე, მიიყვანეთ ადუღებამდე, 15 წუთის განმავლობაში ხარშეთ დაბალ ცეცხლზე, შემდეგდადგით 40 წუთი, გადაწურეთ და გააზავეთ ანადუღარ წყალში, ისე, რომ საწყისი მოცულობა მიიღოთ. მიიღეთ ნაყენი ყოველდღე, დღეში სამჯერ 1 სუფრის კოვზი.

კოწახურის ნაყენი, როგორც ნაღვლმდენი და სიცხის დამწევი საშუალება: აიღეთ 30–40 გრამი მცენარის დაქუცმაცებული ნაყოფი, დაასხით ერთი ჭიქა წყალი. ადუღეთ დაახლოებით ნახევარი საათი. შემდეგ გადაწურეთ და საწყისი მოცულობის მისაღებად შეავსეთ ანადუღარი წყლით. მიიღეთ დღეში სამჯერ ჭამამდე ნახევარი ჭიქის ოდენობით.

ხახვი – ვირუსებთან ბრძოლის საუკეთესო საშუალება>>

კოწახურის უკუჩვენებები: ალკალოიდების დიდი რაოდენობით შემცველობის გამო კოწახური სუსტ შხამიან მცენარეებს განეკუთვნება, ამიტომ მისი დიდი ხნით და უკონტროლოდ გამოყენება არ შეიძლება.

ასევე არ შეიძლება მისი მიღება ორსულებისთვის, ხოლო მცენარის მწვანე ნაყოფი შხამიანია, და მისი გამოყენება საერთოდ არ შეიძლება.

61
თემები:
სასარგებლო რჩევები (449)
საეკლესიო კალენდარი: 26 იანვარი

საეკლესიო კალენდარი: 26 იანვარი 

0
(განახლებულია 09:02 26.01.2021)
საქართველოს მართლმადიდებელი ეკლესია 26 იანვარს მოწამე ერმილეს და სტრატონიკეს, ღირსისა იაკობის და ღირსი მაქსიმე კავსოკალივიტის ხსენების დღეს აღნიშნავს.

Sputnik საქართველო გიამბობთ ვინ იყვნენ ეს ადამიანები და რატომ არიან მოხსენიებული საეკლესიო კალენდარში.

წმიდა მოწამენი ერმილე და სტრატონიკე 

წმიდა მოწამენი ერმილე და სტრატონიკე სლავები იყვნენ. ისინი ქალაქ სინღიდოში (ბელგრადში) ცხოვრობდნენ ქრისტიანთა მდევნელი იმპერატორის, ლიკინიუსის (307-324) დროს და ერთმანეთთან, ღვთის სიყვარულის გარდა, გულწრფელი მეგობრობაც აკავშირებდათ. ერმილე დიაკვნად მსახურობდა. ლიკინიუსის ბრძანებით, იგი შეიპყრეს და დიდხანს საშინლად აწამებდნენ, მაგრამ ვერ გატეხეს. წმიდა სტრატონიკემ – ციხის ზედამხედველმა და ფარულმა ქრისტიანმა, მეგობრის ტანჯვის ყურებას ვერ გაუძლო, ცრემლები წასკდა და თავი გასცა. ამის შემდეგ მანაც ერმილეს ხვედრი გაიზიარა. ნაწამები წმიდანები ზღვაში მოისროლეს. სამი დღის შემდეგ ქრისტიანებმა იპოვეს მდინარის ნაპირზე გამორიყული მარტვილთა ცხედრები და პატივით დაკრძალეს სინღიდონის მახლობლად. არსებობს ცნობა, რომ XII-XIII საუკუნეების მიჯნაზე მათი უხრწნელი თავები ინახებოდა კონსტანტინეპოლში, წმიდა სოფიას ტაძარში.

ღირსი იაკობი, ნიზიბიელი ეპისკოპოსი

ღირსი იაკობ ნიზიბიელი, გეფალელი (სომხეთი) მთავრის ძე იყო. მან კარგი განათლება მიიღო, მაგრამ ამქვეყნიურ მშფოთვარე ცხოვრებაში სულის მისადრეკი ადგილი ვერ ჰპოვა და ნიზიბიის მახლობლად, უდაბურ მთებში განმარტოვდა. იაკობს სურდა, მთელი ცხოვრება აქ, მთებში გაეტარებინა, მაგრამ, ღვთის ნებით, წარმართების მოსაქცევად და მართლმორწმუნეთა განსამტკიცებლად სპარსეთს მიაშურა. ერთმა სპარსელმა მსაჯულმა უსამართლოდ დაადო მსჯავრი უდანაშაულო ადამიანს. წმიდანი დამწუხრდა და უსამართლობა რომ ემხილებინა, ნამსხვრევებად ქცევა უბრძანა მახლობლად მდებარე მოზრდილ ლოდს. ყველა, ვინც ეს სასწაული იხილა, შეძრწუნდა. მსაჯულმაც შეცვალა განაჩენი. იმპერატორ მაქსიმიანეს (305-311) მიერ ქრისტიანთა დევნის დროს ღირსმა იაკობმა სარწმუნოების მხნე აღსარებით გაითქვა სახელი. ნიზიბიის მცხოვრებლებმა კეთილმსახური ცხოვრებით და სასწაულებით გაბრწყინებული მამა თავიანთ ეპისკოპოსად აირჩიეს (დაახლ. 314 წელს). მშობლიურ ქალაქში დაბრუნებულ და ასეთ მაღალ ხარისხში აყვანილ წმიდანს არ შეუცვლია ცხოვრების წესი, პირიქით, კიდევ უფრო გაამკაცრა ღვაწლი.

მღვდელმთავარი იაკობი ნიკეის I მსოფლიო საეკლესიო კრების მუშაობაში მონაწილეობდა და ერთგულად იცავდა მართლმადიდებლობას. მან ნიზიბიაში გახსნა სკოლა, სადაც თავად მასწავლებლობდა. მაღალი ზნეობით გაბრწყინებული წმიდანის სიტყვები ადვილად აღწევდა მსმენელის გულებამდე. სომხეთის ეპისკოპოსმა გრიგოლმა ღირს იაკობს სთხოვა, წერილობით განემარტა, რა არის სარწმუნოება. პასუხად წმიდა მამამ დაწერა 18 თავისგან შემდგარი თხზულება. მისი ნაწერები გამოირჩეოდა დამაჯერებლობით, აზრის სიცხადით, გულწრფელობით. ღირსი იაკობი მშვიდობით მიიცვალა 350 წელს.

ღირსი მაქსიმე კავსოკალივიტი

ღირსი მაქსიმე კავსოკალივიტი ჩვიდმეტი წლის იყო, როცა მშობლიური ოჯახი დატოვა, მონაზვნობა შეიმოსა და მაკედონიის საუკეთესო მოძღვრის ბერი მარკოზის მორჩილი გახდა. მოძღვრის სიკვდილის შემდეგ  მაქსიმემ სალოსობა დაიწყო. ათონზე ღირსი მამის ათანასეს ლავრაში დამკვიდრდა მორჩილად. ღირსი მაქსიმე ხშირად იცვლიდა საცხოვრისს. მიტოვებულ ბალახის ტალავრებს წვავდა, ამიტომაც შეარქვეს კავსოკალივიტი - ტალავართმმუსვრელი (ის, ვინც ტალავრებს წვავს). წმიდა მთის მამებმა იცოდნენ, როგორი ასკეტური ცხოვრებით ცხოვრობდა წმიდანი, რამდენ ჭირსა და განსაცდელს ითმენდა, მაგრამ ვერ იცვლიდნენ წინასწარ აკვიატებულ აზრს მის შესახებ. ათონზე ჩამოსულმა ღირსმა გრიგოლ სინელმა მოხიბლულად მიჩნეულ ბერთან საუბრის შემდეგ თავისი გაოცება ვერ დამალა და თქვა: ეს ხომ მიწიერი ანგელოზია. ღირსმა მაქსიმემ მხოლოდ სიკვდილის წინ აიღო ხელი განდეგილობაზე და ათანასეს ლავრის მახლობლად დაემკვიდრა, სადაც მიიცვალა 1354 წელს, 95 წლის ასაკში.

მასალა მომზადებულია ღია წყაროებზე დაყრდნობით.

0