როგორ მზადდება წამლები და ანტიბიოტიკები საქართველოში

უნდა შევწყვიტოთ თუ არა ვირუსებისა და COVID-19-ის დროს ჰორმონალური პრეპარატების მიღება

219
(განახლებულია 22:46 05.11.2020)
ცნობილი ექიმი განმარტავს, შეიძლება თუ არა განვაგრძოთ ჰორმონალური პრეპარატების მიღება ვირუსული ინფექციების, ასევე COVID-19-ის ფონზე.

თბილისი, 5 ნოემბერი — Sputnik. ჰორმონები ბიოლოგიურად აქტიური ნივთიერებებია, რომლებიც გავლენას ახდენს მთელი ორგანიზმის მუშაობაზე, აცხადებს ექიმ-ენდოკრინოლოგი, მეან-გინეკოლოგი სვეტლანა ბოტაშევა რადიო Sputnik-ის ეთერში. 

მისი თქმით, ესტროგენის, კორტიზოლის, D ვიტამინის, ტესტოსტერონის, პროგესტერონის, მელატონინის და სხვა ჰორმონების ნაკლებობა ან სიჭარბე გავლენა ახდენს როგორც ადამიანის გარეგნობაზე, ისე მის თვითშეგრძნებაზე.

„მაგალითად, მნიშვნელოვანი ჰორმონი კორტიზოლი სტრესის ჰორმონია. მისი მატების დროს ორგანიზმში სისხლის მიწოდება უარესდება, იწყება თმის ცვენა, სახის კანზე და სხეულზე ჩნდება ჰიპერპიგმენტაცია, იმუნიტეტი საგრძნობლად ქვეითდება“, — განმარტავს ენდოკრინოლოგი.

ექიმი კატეგორიულად კრძალავს ჰორმონების თვითნებურად მიღებას — რომელი ჰორმონი აკლია ორგანიზმს და რომელი ჭარბობს, ეს მხოლოდ ექიმმა უნდა განსაზღვროს სისხლის ანალიზით და მკურნალობაც მან უნდა დანიშნოს.

„ჰორმონების თვითნებური მიღება არავითარ შემთხვევაში არ შეიძლება. ეს აქტიური ნივთიერებებია, რომლებიც ადამიანის ორგანიზმის ფაქტობრივად ყველა ფუნქციას აკონტროლებს. მათ ნაკლებობას ან სიჭარბეს ძლიერი დარღვევა შეუძლია გამოიწვიოს ამა თუ იმ სისტემაში. გარდა ამისა, ჰორმონალური პრეპარატების დანიშვნა ყველასთვის არ შეიძლება — შეიძლება ამან უკუჩვენება გამოიწვიოს. არის პროცესები, როდესაც სისხლი სქელდება და დამატებითი ჰორმონები კიდევ უფრო ამძაფრებს სიტუაციას სისხლის მიკროცირკულაციის დარღვევით“, — დასძენს სპეციალისტი.

ამასთან ენდოკრინოლოგმა განმარტა, შეიძლება თუ არა ჰორმონალური პრეპარატების მიღება გაციების ან ვირუსული დაავადებების ფონზე, მათ შორის COVID-19-ის დროს, რომლის ერთ-ერთი სიმპტომი შეიძლება სისხლის შედედების დარღვევა იყოს.

არ ჭამოთ, როცა სიცხე გაქვთ: დასახელდა აკრძალული პროდუქტები>>

„არსებობს ჰორმონების მიღების გარკვეული სქემები — მათი მიღების მკვეთრად შეწყვეტა არ შეიძლება, მათ შორის არც კოვიდის ფონზე. თუ აუცილებელია, დოზა სწორად უნდა შემცირდეს. ამისთვის ენდოკრინოლოგის კონსულტაციაა საჭირო“, — ამბობს ბოტაშევა.

მისი თქმით, ჰორმონებისა და სისხლის გამათხევადებელი პრეპარატების ერთდროული მიღებაც ასევე ექიმმა უნდა გადაწყვიტოს — სისხლის ანალიზის საფუძველზე.

219
თემები:
სასარგებლო რჩევები (366)
შემწვარი თევზის კერძი

რატომ და როდიდან უნდა მისცეთ პატარას თევზი

93
(განახლებულია 21:47 30.11.2020)
თევზი განსაკუთრებით მაღალი კვებითი ღირებულების მქონე პროდუქტია, რომელიც ცილების, ცხიმების, ვიტამინების, მინერალური ნივთიერებების ნამდვილ საბადოს წარმოადგენს.

უფრო დაწვრილებით იმაზე, რა სასარგებლო თვისებებით ხასიათდება თევზი და რა ასაკიდან უნდა მივცეთ ის ბავშს, ამის შეხებ „ავერსის“ პედიატრიული სამსახურის უფროსი, ბლოგერი თამარ ობგაიძე საუბრობს.

თამარ ობგაიძე
თამარ ობგაიძე

- ყველაფერი გასულ საუკუნეში დაიწყო, როცა დანიელმა მეცნიერმა დაიერბერგმა ესკიმოსებზე დაკვირვებისას აღმოჩინა, რომ ისინი იშვიათად ავადობდნენ გულ-სისხლძარღვთა სისტემის დაავადებებით. ბევრი კვლევა-ძიების შემდეგ მან ეს ფაქტი ესკიმოსების კვების ტიპს დაუკავშირა – ისინი ძირითადად ცივი ზღვების ბინადარი ცხიმიანი თევზითა და სელაპის ხორცით იკვებებოდნენ.

- რა არის თევზში ისეთი, რაც მას ბავშვისთვის განსაკუთრებულ პროდუქტად აქცევს?

- პირველ რიგში, ეს  სრულფასოვანი ცილების წყაროა. და თანაც თევზის ცილა ყველა სხვა ცილაზე გაცილებით უფრო ადვილად ასათვისებელია.

თევზი შეიცავს ომეგა-3 ცხიმოვან მჟავებს, რომლებიც თავის ტვინის არქიტექტორებად იწოდებიან იმის გამო, რომ ბავშვის ტვინის განვითარებაში მონაწილეობენ. ეს ნივთიერებებია საჭირო თვალის განვითარებისთვისაც.

მნიშვნელოვანია თევზის ვიტამინურ-მინერალური შემადგენლობაც. ის ცხიმში ხსნადი ყველა ვიტამინის წყაროა და შეიცავს A, D, K, E ვიტამინებს.

სწორედ თევზია ის პროდუქტი, რომელიც ყველაზე დიდი დოზით შეიცავს D ვიტამინს. ნივთიერებას, რომელიც პრქტიკულად ჰორმონია და ყველა ორგანოს ფუნქციაზე ახდენს გავლენას.

თევზის მინერალური შემადგენლობა კალიუმის, ფოსფორის, რკინის მაღალი შემცველობითაა ცნობილი.

- რა ასაკიდან უნდა მივცეთ ბავშვს თევზი?

- თევზის მიცემა რვა თვიდან შეგიძლიათ.

- რა საფრთხეებს მალავს თევზი?

- პირველი საფრთხე არის წვრილი ძვლები – მომზადებამდე თევზი კარგად უნდა გაწმინდოთ ფხებისაგან. შემდეგ მოდის ინფექცია – ბავშვს არ უნდა მისცეთ უმი თევზი (სუშის ტიპის საკვები). თუ თევზი ბაქტერიულად დაბინძურებულია, შესაძლოა მან ბავშვის ინფიცირება გამოიწვიოს. საფრთხის შემცველია ვერცხლისწყალი – ცნობილია, რომ ზღვებისა და ოკეანის წყლები ბევრი პოლუტანტით ბინძურდება, რომელთა შორის ყველაზე დიდი საფრთხე ვერცხლისწყალია, რომელიც თევზის და შემდეგ ადამიანის ორგანიზმში ხვდება. ამიტომ, სადაც ეს შესაძლებელია, იკითხეთ თევზის წარმომავლობა. ამ მხრივ მტკნარი ხელოვნური წყალსაცვების თევზი, რა თქმა უნდა, საიმედოა, მაგრამ აქ სხვა პრობლემამ შეიძლება იჩინოს თავი, თუ მწარმოებელი პატიოსანი არ არის – თევზის უხარისხო საკვებმა, ანტიბიოტიკებმა.

- ყველაზე მეტად რომელი თევზია სასარგებლო?

- შემადგენლობის მიხედვით განსაკუთრებით სასარგებლოა ცივი ზღვებისა და ოკეანეების ცხიმიანი თევზი. მათი ხორცი გაცილებით მეტ ომეგა-3 ცხიმოვან მჟავებს შეიცავს.

შემოგთავაზებთ თევზისა და ბოსტნეულის მიქსის ერთ-ერთ რეცეპტს რვა თვის ასაკიდან.

მის მოსამზადებლად დაგჭირდებათ:

თევზი - 50-60 გრამი

ყაბაყი - ნახევარი

სტაფილო - ნახევარი

კარტოფილი - ერთი პატარა ზომის

​მომზადების წესი კი ასეთია:

გარეცხეთ, გათალეთ და დაჭერით ბოსტნეული, ჩაყარეთ ადუღებულ წყალში და მოხარშეთ. ცალკე მოხარშეთ კანგაცლილი და დაჭრილი თევზი. მოხარშული ბოსტნეული და თევზი ერთად დააბლენდერეთ ისე, რომ ფაფისებრი მასა მიიღოთ. სურვილის შემთხვევაში კერძი შეგიძლიათ გაათხელოთ დედის რძით (თუ ბავშვი ბუნებრივ კვებაზეა) ან ხელოვნური ნარევით (თუ ბავშვი ხელოვნურ კვებაზეა) და დაამატოთ ზეითუნის ზეთი.

 

93
თემები:
ჯანმრთელობა და სილამაზე
ფეიხოა

ფეიხოას სასარგებლო თვისებები

629
(განახლებულია 15:55 30.11.2020)
ფეიხოა ერთადერთია მცენარეთა შორის, რომელიც იოდის შემცველობით ზღვის პროდუქტებს უსწრებს, ფეიხოას სულ მცირე ზომის ნაყოფი მოზრდილი ადამიანის იოდის მოხმარების დღიურ ნორმას აკმაყოფილებს.

ფეიხოა (Feijoa sellowiana, Acca sellowiana) ასევე ცნობილია, როგორც ანანას-გუავა — მირტისებრთა ოჯახის მარადმწვანე ბუჩქოვანი მცენარეების გვარი. მისი სამშობლოა სამხრეთ ამერიკა. 

უაღრესად სასარგებლო კენკრა, რომელიც კოსმონავტებისა და მფრინავების მენიუში შედის>>

ფეიხოა მე-19 საუკუნის ბოლოს ბრაზილიაში აღმოაჩინეს სამეცნიერო ექსპედიციის დროს. დასახელება საბუნებისმეტყველო მუზეუმის დირექტორის ჟოაო ფეიჟის პატივსაცემად მიიღო. ევროპაში, კერძოდ, საფრანგეთში პირველად 1890 წელს გამოჩნდა, ხოლო დასავლეთ საქართველოში – 1900 წელს; პირველი პლანტაცია 1915—1916 წლებში ბათუმისა და სოხუმის ბოტანიკურ ბაღებში გააშენეს.

ფეიხოას წარმოშობასთან დაკავშირებით ასეთი ლეგენდა არსებობს: ჭაბუკს ზღვის მეფის ასული უყვარდა, მაგრამ ხმელეთი ენატრებოდა. ხმელეთზე დაბრუნების გადაწყვეტილებისთვის ზღვის ხელმწიფემ ჭაბუკი ხედ აქცია, რომლის ნაყოფს ზღვის ბრიზის არომატი აქვს.

ფეიხოას კანი საკმაოდ სქელი და მწკლარტეა, ხოლო რბილობი – რბილი და წვნიანი. ზოგი მხოლოდ ნაყოფის რბილობს მიირთმევს, მაგრამ უნდა გვახსოვდეს, რომ სასარგებლო ნივთიერებების დიდი რაოდენობა სწორედ კანშია. კანი შეიძლება გავაშროთ და ჩაიში არომატისთვის დავამატოთ.

ფეიხოა ფართოდ გამოიყენება კულინარიაში (კომპოტი, მურაბა, ნამცხვრები, დესერტი, სალათები, მარინადი, ღვინო, ნაყენები), კოსმეტოლოგიასა და დამოუკიდებლად, როგორც სამკურნალო საშუალება. 

არაქისი, იგივე მიწის თხილი – სასარგებლო და მავნე თვისებები>>

ფეიხოას ნაყოფი შეიცავს ვიტამინებს: С, В1, В2, В3, В5, В6, РР; მიკრო- და მაკროელემენტებს: იოდი, კალციუმი, კალიუმი, ნატრიუმი, მაგნიუმი, ფოსფორი, რკინა, სპილენძი, თუთია, მანგანუმი; მჟავებს: ვაშლის, ფოლიუმის და ეთერზეთებს ანანასისა და მარწყვის არომატით.

ნაყოფის რბილობში ორგანიზმის მიერ ადვილად შესათვისებელი ცილებისა და ცხიმების არსებობის გამო ფეიხოა დიეტური პროდუქტების რიცხვს განეკუთვნება. ამასთან, როგორც ვიტამინებით მდიდარი პროდუქტი, წონის დაკლების დროს ორგანიზმს ვიტამინების დეფიციტის საფრთხეს არ უქმნის, პირიქით, ავსებს და ამარაგებს მას.

ფეიხოა ერთადერთი მცენარეა, რომელიც იოდის შემცველობით ზღვის პროდუქტებსაც კი უსწრებს. იოდი წყალხსნად მდგომარეობაშია, ამიტომ ორგანიზმი მას ადვილად ითვისებს. ფეიხოას სულ მცირე ზომის ნაყოფი ზრდასრული ადამიანის იოდის მოხმარების დღიურ ნორმას აკმაყოფილებს. იოდის მაღალი შემცველობის გამო ფეიხოას მოხმარება სასურველია მათთვის, ვისაც ფარისებრი ჯირკვლის დარღვევები აღენიშნება ან იოდის დეფიციტი აწუხებს. ფეიხოას გამოყენება კარგია ასევე ადამიანებისთვის, ვისაც გონებრივი სამუშაო აქვს, აწუხებს გასტრიტი, ათეროსკლეროზი, ავიტამინოზი, ჰიპოვიტამინოზი, პიელონეფრიტი, პოდაგრა და სხვ.

მკურნალობა ხალხური მეთოდებით. კაკლის უღელი>>

ნაყოფში საკმარისი რაოდენობით ეთერზეთების, ვიტამინებისა და იოდის შემცველობის გამო ფეიხოა ჯადოსნური საშუალებაა დეპრესიისა და უღონობის დროს.

ეთერზეთებით მდიდარი ნაყოფი კარგი კომპონენტია ინჰალაციისთვის. ნაყოფის რბილობი მიირთვით, ხოლო კანს მდუღარე წყალი დაასხით, შეგიძლიათ დაამატოთ სოდა, და ისუნთქეთ ამ ნაყენის ორთქლი პირსახოცის ქვეშ რამდენიმე წუთი. კარგი საშუალებაა გაციების დროს ზედა სასუნთქი გზების პრობლემასთან ბრძოლისა და პროფილაქტიკისთვის.

ნაყოფის კანი შეიცავს ბიოლოგიურად აქტიურ ნივთიერებებს კატეჰინსა და ლეოკოანტოცინს – მძლავრ ანტიოქსიდანტებს, რომლებსაც ონკოლოგიური დაავადებების პროფილაქტიკური ქმედებები ახასიათებს და ორგანიზმზე გამაახალგაზრდავებელ ეფექტს ახდენს.

უკაპრიზო და ძალზე სასარგებლო – წიწმატი>>

როგორც აღვნიშნეთ, ფეიხოას კოსმეტიკაშიც იყენებენ. მას აქვს ანთების საწინააღმდეგო, გამაახალგაზრდავებელი და კანის მკვებავი თვისებები. შეგიძლიათ სახისა და კისრისთვის მოამზადოთ ნიღაბი შემდეგნაირად: დაქუცმაცებული ფეიხოას ნაყოფის 1/3-ს შეურიეთ 1 კვერცხის გული, 2 სუფრის კოვზი ხაჭო და 1 სუფრის კოვზი ზეთისხილის ზეთი. მიღებული მასა წაისვით სახესა და კისერზე და გაიჩერეთ 20 წუთი. შემდეგ წყლით ჩამოიბანეთ.

გახსოვდეთ: ხილი ზომიერად უნდა მიიღოთ, რადგან ის დიდი რაოდენობით იოდს შეიცავს. ეს განსაკუთრებით უნდა გაითვალისწინონ მათ, ვისაც ჰიპერთირეოზი აქვს – ფარისებრი ჯირკვლის მომატებული ფუნქცია. ამ დროს ჯობს ამ ხილზე საერთოდ უარი თქვათ.

თუ გადააჭარბეთ ფეიხოას მიღება, ე.ი. ორგანიზმში ზედმეტი იოდი მოხვდა. ამ დროს ადამიანს ახასიათებს შემდეგი სიმპტომები: ნერვული აღგზნებულობა, შფოთვა, გახშირებული გულისცემა და „ციმციმა“ (ხშირად ცვალებადი, „მოხტუნავე“) ტემპერატურა, ასევე შრომისუნარიანობის დაქვეითება, მეხსიერების გაუარესება.

მსხალი - მრავალი დაავადების სამკურნალოდ>>

არ არის რეკომენდებული ფეიხოას მიღება ძროხის რძესთან ერთად, რადგან ეს კუჭის მოქმედების ჩვეულ რიტმს დაარღვევს.

ასევე ფეიხოა შეიცავს ბევრ საქაროზას, ამიტომ მის მიღებას უნდა მოერიდონ შაქრიანი დიაბეტით დაავადებული ადამიანები, თუმცა არსებობს მოსაზრება, რომ პროდუქტში პექტინის მაღალი დონე საქაროზას მოქმედებას ანეიტრალებს. ამიტომ ჯობს შაქრიანი დიაბეტით დაავადებულებმა კონსულტაცია ექიმთან გაიარონ.

რაც შეეხება ფეიხოას ალერგიულობას, ზოგიერთი მოსაზრებით, ფეიხოაზე ალერგიის არც ერთი შემთხვევა არ გამოვლენილა, თუმცა, სხვა მოსაზრებით, ამ ხილს ალერგიული რეაქციები ახასიათებს, ამიტომ ჯობს მისი პირველი მიღების დროს, განსაკუთრებით ბავშვების შემთხვევაში, სიფრთხილე გამოვიჩინოთ.

629
თემები:
სასარგებლო რჩევები (366)
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 1 დეკემბერს

0
(განახლებულია 22:25 30.11.2020)
გეგმიური სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 1 დეკემბერი – Sputnik. სააქციო საზოგადოება „თელასი" იუწყება, რომ 1 დეკემბერს გეგმიური სარემონტო სამუშაოების გამო დედაქალაქში ელექტროენერგიის მიწოდება შეიზღუდება.

ჩუღურეთის რაიონი

11:00 საათიდან 17:00 საათამდე შეზღუდვა შეეხება: მახათას მთის, არსენალის მთის, ლამის II ქუჩის, ცაიშის, ახალი არსენალის, ეკატერინე ჭავჭავაძის, დავით ბერიაშვილის, დავითაშვილის, ასპინძის, ძეგამის, თამარაშენის, მნათობის, ხრამჰესის, ლამის, ტერენტი გრანელის, ბოდავის, გუმათის, ზეგანის, ჯაბაურის, ჩეჩელაშვილის, ბელა მირიანაშვილის, ახუთის, დოდო ჭიჭინაძის, პეტრე ბაგრატიონის, სიღნაღის, ნინო და კალისტრატე სალიების, დიღომბარის, პაატა სააკაძის და ქვალონის ქუჩების მოსახლეობას.

12:00 საათიდან 16:00 საათამდე შეზღუდვა შეეხება: უზნაძის ქუჩის მოსახლეობას.

ისნის რაიონი

10:00 საათიდან 16:00 საათამდე შეზღუდვა შეეხება: წმინდა ქეთევან დედოფლის გამზირის, ლეხ კაჩინსკის, კასპის, ვაჟა ივერიელის და წინანდლის ქუჩების მოსახლეობას.

 

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

0
თემები:
თბილისი დღეს