მთვარის ფაზები

მთვარის დიეტა, ანუ მიჰყევით ბუნების რიტმს

773
(განახლებულია 16:25 03.11.2020)
ერთადერთი დიეტა, რომელსაც ხანგრძლივი ეფექტი აქვს, ეს ბუნების რიტმებს აყოლილი დიეტაა, როდესაც ადამიანი ამ რიტმების შესატყვისად იკვებება. ასეთ დროს იწმინდება ორგანიზმი მავნე ნივთიერებებისგან და კვების პრინციპები არანაირ ნეგატიურ ზემოქმედებას არ ახდენს ორგანიზმზე.

ასეთი დიეტის დროს ადამიანი არ აწამებს თავის ორგანიზმს და არ ერევა მის შიდა პროცესებში. მოგეხსენებათ, ორგანიზმმა ძალადობისთვის „შურისძიება“ იცის: როგორც კი შეწყვეტთ „ძალადობრივ“ დიეტას, მალევე აღიდგენთ ძველ წონას და ამასთან 1–2 ზედმეტ კილოგრამსაც გამოჰკრავთ ხელს.

ასეთ დიეტებს უკუეფექტი აქვს – დიდია რისკი, რომ დაავადდეს ესა თუ ის შინაგანი ორგანო. რაც არ უნდა მსუქანი იყოს ადამიანი, მან გონივრულად უნდა დაიცვას კვების რეჟიმი. არ შეიძლება შაბლონად რომელიმე დიეტის აღება, საკუთარ ორგანიზმზე ძალით მორგება და თავის წვალება.

მთვარის დიეტა გულისხმობს მხოლოდ ეკოლოგიურად სუფთა ახალ საკვებს, რომელსაც გაამრავალფეროვნებთ ისეთი პროდუქტებით, რომლებიც თვითონ ბუნების მიერ ხანგრძლივი შენახვისთვის არის განკუთვნილი, ანუ დიდი ხნის განმავლობაში არ კარგავს თავის სასიცოცხლო ძალას.

სასმელი უნდა იყოს ჩვეულებრივი წყალი ონკანიდან. თუ ონკანის წყალს არ სვამთ, შეიძლება ზოგჯერ მინერალური გაზგაცლილი წყლის გამოყენება.

მათთვის, ვინც დიეტაზეა, მაგრამ წონაში მაინც ვერ იკლებს>>

მზა პროდუქტები კონსერვანტების გარეშე არ არსებობს. ამიტომ ყველანაირად მოერიდეთ მზა საკვების მიღებას და საერთოდ ყველაფერს, რასაც სასიცოცხლო ძალა უკვე დაკარგული აქვს. ანუ მიიღეთ მხოლოდ ახალ-ახალი პროდუქტები ყოველგვარი კონსერვანტების გარეშე.

კიდევ ერთი მნიშვნელოვანი რჩევა: იკვებეთ დაუფქველი მარცვლეულით. მოხარშული მარცვლეული ორგანიზმის მიერ ნელა მუშავდება, ამიტომ წახემსების სურვილი ძირითად კვებებს შორის არ გაგიჩნდებათ.

გახსოვდეთ, რომ მთვარის დიეტის დროს შიმშილი საჭირო არ არის.

მთვარე 14 დღე კლების ფაზაშია და 14 დღე – მზარდ ფაზაში. მთვარის დიეტა მაქსიმალურად იყენებს ამ ციკლს. მთავარი პრინციპია ყველაზე ქორფა, ყველაზე სრულფასოვანი, ეკოლოგიურად სუფთა პროდუქტების შეძენა. შეარჩიეთ ისეთი პროდუქტები, რომლებიც თქვენს ტიპს მიესადაგება, მაგრამ გამონაკლისსაც ნუ შეუშინდებით. მოერგეთ საკუთარ  სხეულს – ზოგს დღეში სამჯერ კვება აკმაყოფილებს, ზოგს, მაგალითად, ხუთჯერ.

ნიახურის სუპი – ჯადოსნური დიეტა წონის დასაკლებად>>

ჭამეთ მთვარის რიტმთან შესაბამისად:

ახალმთვარეობაზე აუცილებელია: 2–3 დღით ადრე ჩვეულებრივზე ნაკლები საკვები მიიღეთ. თუ თქვენს სისხლის მიმოქცევას ეს არ ავნებს, დაიცავით მარხვა. ახალმთვარეობის დღეს აუცილებელია მინიმუმ 2 ლიტრი სითხის მიღება. ახალმთვარეობამდე რამდენიმე დღით ადრე და ამის შემდეგ რამდენიმე დღე სასურველია ჩვეულებრივზე მეტი ეკოლოგიურად სუფთა ხილისა და ნატურალური წვენის მიღება.

ახალი მთვარის პერიოდში აუცილებელია ნაკლები საკვების მიღება, ისიც მხოლოდ 18 საათამდე. ბევრი სითხის მიღება 19 საათამდე, ამის შემდეგ – მხოლოდ იმ შემთხვევაში, თუ წყურვილი შეგაწუხებთ. სასურველია მატონიზირებელი ზეთებით ყოველდღიური მასაჟი.

სავსემთვარეობისას აუცილებელია: სავსემთვარეობამდე 2–3 დღით ადრე ნაკლები საკვების მიღება 18:00 საათამდე. მარხვის დაცვა სავსემთვარეობის დღეს, თუ ეს თქვენს ჯანმრთელობას არ ავნებს. სავსე მთვარის დღეს მიიღეთ სულ ცოტა 2 ლიტრი წყალი.

სასურველია სავსემთვარეობამდე და შემდეგ რამდენიმე დღის განმავლობაში ჩვეულებრივზე მეტი ეკოლოგიურად სუფთა ხილისა და ნატურალური წვენის მიღება.

როგორ მოქმედებს ყველაზე მისტიკური ფაზა - სავსემთვარეობა ზოდიაქოს ნიშნებზე>>

კლებადი მთვარის დროს აუცილებელია: მიიღეთ საკვები ჩვეულებრივად, მხოლოდ 17:00 საათამდე. სასურველია ყოველდღიური მასაჟი ისეთი ეთერზეთების გამოყენებით, რომლებიც ორგანიზმიდან შლაკების გამოდევნას უწყობს ხელს.

773
თემები:
სასარგებლო რჩევები (529)
ტკივილი ზურგის არეში

აგარიდებთ თირკმელ-კენჭოვან დაავადებას: ექიმი ასახელებს პროდუქტს

213
(განახლებულია 21:51 11.06.2021)
როგორც ირკვევა, სწორედ ეს ნივთიერება ეხმარება კალციუმს, წავიდეს საჭირო ადგილისკენ და არა თირკმელებში.

თბილისი, 11 ივნისი − Sputnik. არსებობს გარკვეული პროდუქტები, რომლებიც თირკმელებში ქვების გაჩენას აგარიდებთ თავიდან, აცხადებს მედიცინის მეცნიერებათა კანდიდატი იულია ჩეხონინა.

ამასთან სპეციალისტმა განმარტა, რა არის თირკმელ-კენჭოვანი დაავადების გაჩენის ძირითადი მიზეზები.

მისი თქმით, აღნიშნული დაავადება 30 წლამდე ადამიანებსაც ემართებათ იმ შემთხვევაში, თუ საქმე კალციუმის გაცვლის მემკვიდრეობით დარღვევასთან და ასევე ზოგ სხვა მიზეზთან, მათ შორის, კვებით დარღვევასთან გვაქვს.

„თირკმელ-კენჭოვანი დაავადება ჩნდება იმ შემთხვევებში, როდესაც რაციონი ბალანსირებული არ არის, როდესაც მასში მარილებისა და კალციუმის წყაროები ჭარბობს, ამასთან ორგანიზმს აკლია მაგნიუმი, ვიტამინი B6 და სხვა მნიშვნელოვანი კომპონენტები, რომლებიც კალციუმის ნორმალური გაცვლისთვის არის აუცილებელი“, − განმარტა ექიმმა.

როგორც მედიკოსი ამბობს, სწორედ მაგნიუმი ეხმარება კალციუმს, წავიდეს იქით, სადაც ის აუცილებლად უნდა შედიოდეს − ძვლოვან სისტემაში. თუ კალციუმის ცვლა ირღვევა, იმ შემთხვევაშიც კი, თუ ორგანიზმში მისი სიჭარბე არ აღინიშნება, ის შეიძლება არასასურველს ადგილზე − თირკმელებში მოხვდეს. იქ ის წარმოქმნის ნალექს, რომლისგანაც შემდეგ ქვები ჩნდება.   

შარდკენჭოვანი დაავადების პროფილაქტიკისთვის აუცილებელია საკმარისი რაოდენობით მაგნიუმის მიღება, რომელიც დიდი რაოდენობით შედის კეშიუს კაკალში − 100 გრამში დღიური ნორმის 68%. ირკვევა, რომ დღეში მისი მხოლოდ 50 გრამიც საკმარისია იმის გათვალისწინებით, რომ ნორმის დანარჩენ ნაწილს სხვა პროდუქტებიდან მიიღებთ.

გარდა ამისა, თირკმელებში ქვების გაჩენის თავიდან ასაცილებლად აუცილებელია ვიტამინი B6, რომელიც მაგნიუმთან ერთად კომპლექსში ხელს უწყობს კალციუმის ცვლას.

„ხორბლის ქატო დიდი რაოდენობით B6-ს შეიცავს. დღეში 50 გრამის მიღებაა საკმარისი, ოღონდ ეს ნორმა თანაბრად უნდა გადანაწილდეს დღის განმავლობაში. ხორბლის ქატო შეგიძლიათ ჩაამატოთ წვნიან საკვებში და სასმელებშიც კი“, − ამბობს სპეციალისტი.

გარდა ამისა, ექიმის თქმით, კარგი იქნება, თუ რეგულარულად მიირთმევთ ყოველდღე გამოსაყენებლად ნებადართულ ერთ ჭიქა ტუტე მინერალურ წყალს − მაგნიუმის მაღალი შემცველობით, და ასევე ცილების რომელიმე წყაროს.

გაიჯანსაღეთ თირკმელები... კბილების კაკუნით – აღმოსავლური მეთოდიკა>>

ამისთვის ჩეხონინა თევზს გირჩევთ, ვინაიდან, მისი თქმით, თევზის ცილებს ორგანიზმი უფრო იოლად ითვისებს, ვიდრე ხორცისას.

213
თემები:
ექიმი გირჩევთ
მწვანილეული

მწვანილი დიდხანს არ გაფუჭდება, თუ... შენახვის წესები

154
(განახლებულია 21:20 11.06.2021)
კულინარიის სპეციალისტი გასწავლით, როგორ უნდა შეინახოთ მწვანილეული ისე, რომ მალე არ გაფუჭდეს.

თბილისი, 11 ივნისი − Sputnik. იმისათვის, რომ მწვანილი მალე არ გაფუჭდეს, აუცილებელია მისი მაცივარში შენახვა, თუმცა გარკევეული სახით, აცხადებს კულინარიის სპეციალისტი ოლგა ივენსკაია.

მისი თქმით, კამა, ოხრახუში და ქინძი, სინორჩის შესანარჩულებლად, წყლით უნდა დანამოთ და შემდეგ პოლიეთილენის პარკში ჩადოთ, ოღონდ თავი მჭიდროდ არ უნდა მოუკრათ. ამის შემდეგ ის მაცივრის იმ განყოფილებაში უნდა მოათავსოთ, რომელიც სპეციალურად ბოსტნეულისთვისაა განკუთვნილი. ასეთ შემთხვევაში მწვანილი ერთი კვირის განმავლობაში ნედლი დარჩება.

დაიმახსოვრეთ: სხვადასხვა სახეობის მწვანილები ცალ-ცალკე უნდა შეინახოთ.

როგორც სპეციალისტი ამბობს, სასარგებლო ნივთიერებების რაოდენობა მწვანილში ყოველდღიურად იკლებს, ამიტომ ჯობს წინასწარ მხოლოდ იმდენი შეიძინოთ, რამდენსაც 2-3 დღის განმავლობაში გამოიყენებთ.

ექსპერტის კიდევ ერთი რჩევაა, რომ მწვანილს ძირი (ფესვი) არავითარ შემთხვევაში არ მოაჭრათ, ვინაიდან ასეთი მწვანილი უფრო დიდხანს ინახება.

არსებობს მწვანილის შენახვის კიდევ ერთი მეთოდი: გარეცხეთ ნებისმიერი მწვანილი, მოაშორეთ ღეროები და წვრილად დაკეპეთ ფოთლები. შემდეგ დააყარეთ მარილი (100 გრამ მწვანილზე 20 გრამი მარილი) და მოათავსეთ მჭიდროდ თავდახურულ შუშის ქილაში. ასეთი მწვანილი დაახლოებით ერთი თვის განმავლობაშია ვარგისი.

154
თემები:
სასარგებლო რჩევები (529)
ნინო სამხარაძე

როცა შვილს ექიმის სახელს არქმევენ - მადლიანი ხელების სიკეთე

0
(განახლებულია 05:42 12.06.2021)
„წარმოუდგენელია, მოვეფერო ჩემს პაწაწინას და არ გამახსენდეს, რომ ღვთის წყალობასთან ერთად შენი პროფესიონალიზმის დამსახურებაა ის, რომ დედის სტატუსს ვატარებ.“

„მაკვირვებს, თითქოს ასაკისთვის შეუფერებელი შენი პროფესიული ცოდნა, ადამიანური სიბრძნე, თავშეკავება და თავმდაბლობა, რომელიც მთავარი შტრიხია შენი ხასიათის.“

„ვიცი, ყველას უყვარხარ შენი უშუალობის, სიკეთის, მშვენიერებისა და ჰუმანურობისთვის. ეს ის თვისებებია, რაც აუცილებლად უნდა გააჩნდეს მოწოდებით და მით უფრო, შენი სპეციალობის ექიმს. უფალმა დალოცოს შენი მადლიანი ხელები და ბუნების სიხალასე.“

ამ წერილების ადრესატის სადღეგრძელო დღეს ბევრ ოჯახში ტრადიციად დამკვიდრდა, მისი სახელი ნანატს შვილს, უკვე ბევრმა დაარქვა. საუბარია „იმედის კლინიკის“ მეან-გინეკოლოგ ნინო სამხარაძეზე, რომელიც საქართველოს ჯანმრთელობის ფედერაციის წევრია. ამ მასალის დაწერა პირველ რიგში, მისი პაციენტების ინიციატივა და ექიმის მიმართ გულწრფელი მადლიერების გამოხატულებაა.

ნინო სამხარაძე
ნინო სამხარაძე

- ქალბატონო ნინო, თავად ჯერ არ ხართ დედა, მაგრამ კარგად იცით როგორ ცვლის ქალს დედობა...

- მე დაოჯახებული არ ვარ, შვილი არ მყავს, მაგრამ იმდენჯერ ვარ დედა-შვილის პირველი შეხვედრის მომსწრე, რომ ზუსტად ვიცი, ეს რა გრძნობაა. დედობა სრულიად ცვლის ქალს, როგორც შინაგანად, ისე გარეგნულად.  იცვლება ადამიანის მიზნები და მისწაფებებიც. დედობის მერე ქალი გრძნობს, რომ შვილისთვის შეუძლებელსაც შეძლებს.

ნინო სამხარაძე იმედის კლინიკის კოლეგებთან ერთად
ნინო სამხარაძე "იმედის კლინიკის" კოლეგებთან ერთად

- ექიმობაზე ოცნება თქვენი იდეა-ფიქსიც იყო?

- ექიმობა ბავშვობის ოცნება იყო, სხვა პროფესიაზე არც მიფიქრია. ჩემს ცხოვრებაში იყო პოსტდიპლომური, ხუთ წლიანი პრაქტიკული სწავლების პერიოდი, რასაც რეზიდენტურა ჰქვია. ექიმობა სიცოცხლის სამსახურია, მეან-გინეკოლოგობა კი ერთდროულად ორ ან მეტ სიცოცხლეს ემსახურება. ამაზე მადლიანი პროფესია არ არსებობს. დღეს მეან-გინეკოლოგი ვარ, ვამშობიარებ, საკეისრო და გინეკოლიგიურ ოპერაციებს ვაკეთებ. ასევე ამბულატორიულად მყავს ორსულები და გინეკოლიგიური პაციენტები.

ნინო სამხარაძე  კოლეგებთან ერთად
ნინო სამხარაძე კოლეგებთან ერთად

- თქვენ კარგად იცნობთ მედიცინის ამ სფეროს, თუ შეგიძლიათ იმის თქმა, ხშირ შემთხვევაში რა ხდება საქართველოში უნაყოფობის მიზეზი?

- მსოფლიოში, მათ შორის საქართველოში, უნაყოფობის წილი 10-15% -ია. მცდარია შეხედულება, როდესაც უშვილობას მხოლოდ ქალის პრობლემად განიხილავენ, ეს წყვილის პრობლემაა. უნაყოფობა შეიძლება იყოს ორგანული, ფუნქციური, იმუნური, გენეტიკური ან უცნობი გენეზისის. დედობას ყველა ქალი იმსახურებს და დამხმარე რეპროდუქტიულმა საშუალებებმა შვილის ყოლის ბედნიერება ბევრ წყვილს მიანიჭა.

ნინო სამხარაძე
ნინო სამხარაძე

- ფსიქოლოგიურ განწყობას თუ აქვს მნიშვნელობა?

- არც თუ იშვიათია ფსიქოგენური უნაყოფობა. როდესაც ქალის ფიქრები მხოლოდ ორსულობაზე კონცენტრირდება და არ დგება ის ეტაპი, რომელიც ყველაზე სასურველია. ამ შემთხვევაში, ფსიქოთერაპევრის როლი უმნიშვნელოვანესია.

ნინო სამხარაძე ახალშობილთან ერთად
ნინო სამხარაძე ახალშობილთან ერთად

- ვიცი, რომ ბევრი პაციენტი გემადლიერებათ...

- ექიმისთვის მადლიერების გამოხატველი სიტყვები ძალიან დიდი სტიმულია, გავიწყებს დაღლას და გაძლევს იმის ენერგიას, რომ მუშაობა შემართებით გავაგრძელოთ. როცა ქალი მისთვის ძვირფასს არსებას ექიმის სახელს არქმევს, ეს პატივისცემის ყველაზე დიდი გამოვლენაა. ჩემს შემთხვევაში, ასეთი ფაქტი რამდენჯერმე იყო და იმის გარანტია, რომ ყოველთვის ემახსოვრება ექიმის წვლილი მის ბედნიერებაში.

ნინო სამხარაძე
ნინო სამხარაძე

- საქართველოში დღესაც ბიჭს უფრო თვლიან სასურველ შვილად თუ შეიცვალა ამ თემისადმი დამოკიდებულება?

- ჩვენში მართლა იყო პერიოდი, როდესაც ვაჟის დაბადებას მეტი სიხარულით ხვდებოდა ოჯახი, განსაკუთრებით თუ ის პირველი შვილი იყო. საბედნიეროდ ეს დამოკიდებულება დღეისთვის შეცვლილია. წყვილების უმრავლესობა ამბობს, რომ მათთვის შვილის სქესს მნიშვნელობა არ აქვს. ასეც უნდა იყოს... დედობა უმთავრესი სტატუსია, რასაც ქალი ატარებს, დედობრივი სიყვარული ყველაზე ძლიერი გრძნობაა. როდესაც ქალისთვის ამ სტატუსის მინიჭებაში წვლილი შეგაქვს, ეს სიამაყის და სახარულის საოცარი განცდაა. ამ დროს მისი ბედნიერების თანაზიარი ხდები და სურვილი გიჩნდება, რაც შეიძლება მეტი ქალი გააბედნიერო...

 

 

0