მსუქანი ადამიანები

ცხიმები რომ არ ჩაგილაგდეთ, ვარჯიში სულაც არ არის საჭირო: დასახელდა მარტივი მეთოდი

205
(განახლებულია 18:15 27.10.2020)
მანამდე დიეტოლოგმა დაასახელა ბოსტნეული, რომელიც ჯანსაღი კვების საფუძვლად მიიჩნევა, თუმცა გარკვეულ პირობებში ისინი შეიძლება ორგანიზმის უბოროტეს მტრად იქცეს.

თბილისი, 27 ოქტომბერი — Sputnik. ჩვეულებრივი გასეირნება ცხიმების წვის ეფექტური საშუალებაა, თუ ამისთვის შესაფერის დროს შეარჩევთ, აცხადებს დიეტოლოგი ელენა სოლომატინა.

დიეტოლოგის თქმით, დანაყრების შემდეგ ადამიანებს წამოწოლისა და დაძინების სურვილი უჩნდებათ. მაგრამ თუ სურვილს აჰყვებით, გვერდებსა და სხვა ადგილებში ცხიმების ჩალაგებას თავიდან ვერ აირიდებთ. ამიტომ ჭამის დროს მიღებული ზედმეტი კალორიები ჩვეულებრივი სეირნობით უნდა დაწვათ.

„ჭამის შემდეგ ჯდომა არ შეიძლება. აუცილებლად უნდა გახვიდეთ გარეთ და შეეცადოთ დაწვათ მიღებული ენერგია. ამით კარგად ორთქლდება ალკოჰოლიც. ეს ყველაფერი ხდება იმის გამო, რომ მოძრაობა აჩქარებს მეტაბოლურ პროცესებს, ორგანიზმში სისხლის მიმოქცევას, ასტიმულირებს მრავალი ფერმენტის გამომუშავებას, საკვები უფრო სწრაფად მონელდება და ცხიმიც არც ისე აქტიურად ჩაგილაგდებათ სხეულში“, — ამბობს დიეტოლოგი.

სოლომატინას განმარტებით, ხანმოკლე და აუჩქარებელი სეირნობა ზედმეტად შეჭმულ ღვეზელს ბოლომდე ვერ „დაწვავს“, მაგრამ უხვი ტრაპეზის შემდეგ აქტიური ფიზიკური ვარჯიშიც სრულიად მიუღებელია. ასეთ დროს საკმარისია ისეთი დატვირთვა, რომელიც ნორმალურ ტემპში სიარულით მიიღება.

„თუ ჩვეულებრივად ზომიერად იკვებებით, ჭამთ ნორმალურ საკვებს და არ გაქვთ ქრონიკული დაავადებები, მაშინ სეირნობა ყოველთვის სასარგებლოა. ეს არ უნდა იყოს მძიმე ვარჯიშები სპორტდარბაზში. თუ კარგად და ნოყიერად დანაყრდით, არ შეიძლება რომელიმე აქტიური სახეობის ვარჯიშის მაშინვე დაწყება, აი, ნორმალური ტემპით სიარული კი არ გავნებთ“, — განმარტა ელენა სოლომატინამ.

მანამდე დიეტოლოგმა დაასახელა ბოსტნეული, რომელიც ჯანსაღი კვების საფუძვლად მიიჩნევა, თუმცა გარკევულ პირობებში ისინი შეიძლება ორგანიზმის უბოროტეს მტრად იქცეს.

205
თემები:
სასარგებლო რჩევები (529)
ტკივილი ზურგის არეში

აგარიდებთ თირკმელ-კენჭოვან დაავადებას: ექიმი ასახელებს პროდუქტს

215
(განახლებულია 21:51 11.06.2021)
როგორც ირკვევა, სწორედ ეს ნივთიერება ეხმარება კალციუმს, წავიდეს საჭირო ადგილისკენ და არა თირკმელებში.

თბილისი, 11 ივნისი − Sputnik. არსებობს გარკვეული პროდუქტები, რომლებიც თირკმელებში ქვების გაჩენას აგარიდებთ თავიდან, აცხადებს მედიცინის მეცნიერებათა კანდიდატი იულია ჩეხონინა.

ამასთან სპეციალისტმა განმარტა, რა არის თირკმელ-კენჭოვანი დაავადების გაჩენის ძირითადი მიზეზები.

მისი თქმით, აღნიშნული დაავადება 30 წლამდე ადამიანებსაც ემართებათ იმ შემთხვევაში, თუ საქმე კალციუმის გაცვლის მემკვიდრეობით დარღვევასთან და ასევე ზოგ სხვა მიზეზთან, მათ შორის, კვებით დარღვევასთან გვაქვს.

„თირკმელ-კენჭოვანი დაავადება ჩნდება იმ შემთხვევებში, როდესაც რაციონი ბალანსირებული არ არის, როდესაც მასში მარილებისა და კალციუმის წყაროები ჭარბობს, ამასთან ორგანიზმს აკლია მაგნიუმი, ვიტამინი B6 და სხვა მნიშვნელოვანი კომპონენტები, რომლებიც კალციუმის ნორმალური გაცვლისთვის არის აუცილებელი“, − განმარტა ექიმმა.

როგორც მედიკოსი ამბობს, სწორედ მაგნიუმი ეხმარება კალციუმს, წავიდეს იქით, სადაც ის აუცილებლად უნდა შედიოდეს − ძვლოვან სისტემაში. თუ კალციუმის ცვლა ირღვევა, იმ შემთხვევაშიც კი, თუ ორგანიზმში მისი სიჭარბე არ აღინიშნება, ის შეიძლება არასასურველს ადგილზე − თირკმელებში მოხვდეს. იქ ის წარმოქმნის ნალექს, რომლისგანაც შემდეგ ქვები ჩნდება.   

შარდკენჭოვანი დაავადების პროფილაქტიკისთვის აუცილებელია საკმარისი რაოდენობით მაგნიუმის მიღება, რომელიც დიდი რაოდენობით შედის კეშიუს კაკალში − 100 გრამში დღიური ნორმის 68%. ირკვევა, რომ დღეში მისი მხოლოდ 50 გრამიც საკმარისია იმის გათვალისწინებით, რომ ნორმის დანარჩენ ნაწილს სხვა პროდუქტებიდან მიიღებთ.

გარდა ამისა, თირკმელებში ქვების გაჩენის თავიდან ასაცილებლად აუცილებელია ვიტამინი B6, რომელიც მაგნიუმთან ერთად კომპლექსში ხელს უწყობს კალციუმის ცვლას.

„ხორბლის ქატო დიდი რაოდენობით B6-ს შეიცავს. დღეში 50 გრამის მიღებაა საკმარისი, ოღონდ ეს ნორმა თანაბრად უნდა გადანაწილდეს დღის განმავლობაში. ხორბლის ქატო შეგიძლიათ ჩაამატოთ წვნიან საკვებში და სასმელებშიც კი“, − ამბობს სპეციალისტი.

გარდა ამისა, ექიმის თქმით, კარგი იქნება, თუ რეგულარულად მიირთმევთ ყოველდღე გამოსაყენებლად ნებადართულ ერთ ჭიქა ტუტე მინერალურ წყალს − მაგნიუმის მაღალი შემცველობით, და ასევე ცილების რომელიმე წყაროს.

გაიჯანსაღეთ თირკმელები... კბილების კაკუნით – აღმოსავლური მეთოდიკა>>

ამისთვის ჩეხონინა თევზს გირჩევთ, ვინაიდან, მისი თქმით, თევზის ცილებს ორგანიზმი უფრო იოლად ითვისებს, ვიდრე ხორცისას.

215
თემები:
ექიმი გირჩევთ
მწვანილეული

მწვანილი დიდხანს არ გაფუჭდება, თუ... შენახვის წესები

154
(განახლებულია 21:20 11.06.2021)
კულინარიის სპეციალისტი გასწავლით, როგორ უნდა შეინახოთ მწვანილეული ისე, რომ მალე არ გაფუჭდეს.

თბილისი, 11 ივნისი − Sputnik. იმისათვის, რომ მწვანილი მალე არ გაფუჭდეს, აუცილებელია მისი მაცივარში შენახვა, თუმცა გარკევეული სახით, აცხადებს კულინარიის სპეციალისტი ოლგა ივენსკაია.

მისი თქმით, კამა, ოხრახუში და ქინძი, სინორჩის შესანარჩულებლად, წყლით უნდა დანამოთ და შემდეგ პოლიეთილენის პარკში ჩადოთ, ოღონდ თავი მჭიდროდ არ უნდა მოუკრათ. ამის შემდეგ ის მაცივრის იმ განყოფილებაში უნდა მოათავსოთ, რომელიც სპეციალურად ბოსტნეულისთვისაა განკუთვნილი. ასეთ შემთხვევაში მწვანილი ერთი კვირის განმავლობაში ნედლი დარჩება.

დაიმახსოვრეთ: სხვადასხვა სახეობის მწვანილები ცალ-ცალკე უნდა შეინახოთ.

როგორც სპეციალისტი ამბობს, სასარგებლო ნივთიერებების რაოდენობა მწვანილში ყოველდღიურად იკლებს, ამიტომ ჯობს წინასწარ მხოლოდ იმდენი შეიძინოთ, რამდენსაც 2-3 დღის განმავლობაში გამოიყენებთ.

ექსპერტის კიდევ ერთი რჩევაა, რომ მწვანილს ძირი (ფესვი) არავითარ შემთხვევაში არ მოაჭრათ, ვინაიდან ასეთი მწვანილი უფრო დიდხანს ინახება.

არსებობს მწვანილის შენახვის კიდევ ერთი მეთოდი: გარეცხეთ ნებისმიერი მწვანილი, მოაშორეთ ღეროები და წვრილად დაკეპეთ ფოთლები. შემდეგ დააყარეთ მარილი (100 გრამ მწვანილზე 20 გრამი მარილი) და მოათავსეთ მჭიდროდ თავდახურულ შუშის ქილაში. ასეთი მწვანილი დაახლოებით ერთი თვის განმავლობაშია ვარგისი.

154
თემები:
სასარგებლო რჩევები (529)

მოულოდნელი ხიფათი: ბაიკერი ცოცხლად დაწვას გადაურჩა - ვიდეო

0
(განახლებულია 23:31 12.06.2021)
ქუჩის სათვალთვალო კამერამ ავტოსაგზაო შემთხვევა დააფიქსირა, რა დროსაც ბაიკერი ცოცხლად დაწვას გადაურჩა. იხილეთ კადრები შემთხვევის ადგილიდან  

ვოლგოგრადის ტრასაზე  საკმაოდ დაბალი სისწრაფით მოძრავმა ბაიკერმა მოულოდნელად კონტროლი დაკარგა, გზაზე მოსრიალდა და გადაყირავდა. ვარდნა აშკარად არ იყო მძიმე და ახალგაზრდა არც დაშავდებოდა, რომ არა მოტოციკლისთვის მოულოდნელად გაჩენილი ცეცხლი, რომელიც მყისიერად გადაედო ბაიკერსაც.

მან ჯერ თავად სცადა ტანსაცმელზე წაკიდებული ცეცხლის ჩაქრობა, მაგრამ არაფერი გამოუვიდა. ბაიკერის საბედნიეროდ, გამვლელებმა მანქანები გააჩერეს და ახალგაზრდა კაცს დახმარება აღმოუჩინეს.   

 

0