ექინაცეა

მაღალი არტერიული წნევის რეგულირება სამკურნალო მცენარეებით

403
(განახლებულია 17:25 26.03.2020)
დღეს, როდესაც მთელი მსოფლიო და, მათ შორის, საქართველო კორონავირუსის პანდემიის გამო დიდი სტრესის ქვეშ იმყოფება, რა თქმა უნდა, ეს ადამიანების ჯანმრთელობაზე აისახება.

სტრესული ვითარება და ნერვიულობა, უმეტეს შემთხვევაში, პირველ რიგში არტერიულ წნევაზე მოქმედებს, რაც განსაკუთრებით საშიშია 40 წელს ზემოთ ასაკის ადამიანებისთვის.

იმისთვის, რომ ვმართოთ არტერიული წნევა და მხოლოდ ქიმიური პრეპარატები არ მივიღოთ, რასაც, რა თქმა უნდა, თავისი უკუჩვენებები აქვს, გთავაზობთ არტერიული წნევის დასაქვეითებლად სამკურნალო მცენარეების გამოყენების რამდენიმე რეცეპტსა და მიღების წესს.

თუმცა, თუ ადამიანს რამე ავადმყოფობა აწუხებს, ასევე უნდა გაითვალისწინოს მცენარის მოქმედება ამ ავადმყოფობის შემთხვევაში. მაგალითად, ზოგიერთი სამკურნალო მცენარე კარგია არტერიული წნევის შესამცირებლად, მაგრამ ცუდად მოქმედებს სისხლში შაქრის დონეზე და ა.შ.

ჰიპერტონიული დაავადების ძირითადი ნიშანია მაღალი არტერიული წნევა, რომელიც შინაგან ორგანოთა რაიმე ცნობილ დაავადებას არ უკავშირდება. ის აწუხებს მოზრდილი მოსახლეობის (განსაკუთრებით, 40 წელს ზემოთ) 10-20%-ს.

მაღალი არტერიული წნევა აჩქარებს ათეროსკლეროზის განვითარებას და ამძიმებს მის მიმდინარეობას, იწვევს სიცოცხლისათვის საშიშ გართულებებს. ჰიპერტონიის ნებისმიერი მკურნალობა, ფაქტობრივად, დიეტით იწყება და ხშირად ეს საკმარისია წნევის კონტროლისთვის.

ექინაცეა: ინდიელების „ოქროს ყვავილი" – ნომერი პირველი იმუნიტეტის ასამაღლებლად>>

გართულებების დროს კი, მედიკამენტებთან ერთად, არტერიული წნევის დასარეგულირებლად შესაძლებელია სამკურნალო მცენარეებით მკურნალობაც, რომელიც საკმაოდ ეფექტურია.

გთავაზობთ არტერიული წნევის დასაქვეითებლად სამკურნალო მცენარეების გამოყენების რამდენიმე რეცეპტსა და მიღების წესს:

1 სუფრის კოვზი კამის თესლი 1 ლიტრ წყალში ჩაყარეთ და მიიყვანეთ ადუღებამდე. გააჩერეთ საღამოსა და ღამით. მიიღეთ დღეში სამჯერ 1 სუფრის კოვზი.

შეურიეთ ერთმანეთში ოხრახუშისა და სტაფილოს წვენი შეფარდებით 1:3. მიიღეთ დღეში სამ–ოთხჯერ 1 სუფრის კოვზი.

ერთ სავსე სუფრის კოვზ ვარდკაჭაჭას ფესვს დაასხით ერთ-ნახევარი ჭიქა ცივი წყალი, დადგით დაბალ ცეცხლზე, ადუღების შემდეგ ცეცხლზე გააჩერეთ კიდევ 5 წუთი, შემდეგ გააჩერეთ სითბოში 4 საათი. დღეში მცირე ყლუპებით დალიეთ 1-1,5 ჭიქა. მკურნალობის ხანგრძლივობა 10–12 დღე.

ვარდკაჭაჭა – ჯანმრთელობისთვის უძვირფასესი მცენარე>>

აიღეთ კალენდულას ყვავილედი – 40 გრამი, კატაბალახას ფესვები – 30 გრამი. 1 სუფრის კოვზ ნაზავს დაასხით ერთი ჭიქა მდუღარე წყალი, გააჩერეთ ერთი საათი, შემდეგ გადაწურეთ. მიიღეთ 1 სუფრის კოვზი დღეში სამჯერ.

გამოწურეთ ჭარხლის წვენი, გააჩერეთ მაცივარში მინიმუმ 2 საათი და მიიღეთ ჭიქის მესამედი ჭამამდე 20–30 წუთით ადრე.

1 სუფრის კოვზ ასკილის ნაყოფს დაასხით 3 ჭიქა წყალი, აადუღეთ ორჯერ და გააჩერეთ ორთქლზე 3 საათი. გააცხელეთ და დალიეთ დღის განმავლობაში ჩაის სახით. ამ დროს ჯობს არ მიიღოთ ხორცეული.

2 სუფრის კოვზ შავი მოცხარის მშრალ ნაყოფს დაასხით ერთი ჭიქა ცხელი წყალი, ადუღეთ 10 წუთი დაბალ ცეცხლზე, გააჩერეთ 1 საათი, შემდეგ გადაწურეთ. მიიღეთ ჭიქის მეოთხედი დღეში ოთხჯერ.

შავი მოცხარი და მისი სასარგებლო თვისებები>>

20 გრამ ხმელ დაქუცმაცებულ კუნელის ნაყოფს დაასხით 1 ჭიქა ცხელი წყალი, ადუღეთ 30 წუთი, გადაწურეთ და შეავსეთ წყლით საწყის მოცულობამდე. მიიღეთ 1 სუფრის კოვზი დღეში სამჯერ.

არტერიული წნევის დასაქვეითებლად ხალხურ მედიცინაში ასევე გამოიყენება ქრისტესისხლა, კოწახური, ხარისძირა, მანდარინის ქერქი, მარწყვი, ძახველი, ნიორი, დაფნა და სხვა მცენარეები.

403
თემები:
სასარგებლო რჩევები (263)
მინერალური წყალი

რა იწვევს გულძმარვას და როგორ ვებრძოლოთ მას

365
(განახლებულია 16:55 10.08.2020)
გულძმარვა არის წვის შეგრძნება, რომელიც მკერდის ძვლის უკან და მუცლის ზედა ნაწილში გამოვლინდება. გულძმარვა ყველა ზრდასრულ ადამიანს გამოუცდია, თუმცა ის ძირითადად ორსულებს აწუხებს.

გულძმარვის მიზეზი კუჭიდან საყლაპავში მარილმჟავას გადმოსვლაა. ის არასწორი კვების შედეგად ჩნდება, მისი მიზეზია აგრეთვე ალკოჰოლის, თამბაქოს ხშირი მოხმარება და ორსულობა.

გულძმარვა მეტწილად ჭამის შემდეგ, ჰორიზონტალურ მდგომარეობაში, დახრისას, ცხიმიანი, ან შემწვარი საკვების მიღების შემთხვევაში ჩნდება. გულძმარვა ხშირად ჯანმრთელ ადამიანსაც აწუხებს, მაგალითად, მჟავე ხილის, ცხარე საკვების, ალკოჰოლის მიღების შემდეგ.

გილძმარვა უმეტესად სრულიად უვნებელი მდგომარეობაა, რომელსაც, გარდა უსიამოვნო შეგრძნებისა, არავითარი ზიანი არ მოაქვს ადამიანისთვის, მაგრამ იმ შემთხვევაში, თუ გულძმარვას ხმის ჩახლეჩა, ყლაპვის მხრივ პრობლემები და წონაში კლება ახლავს, ეს გულძმარვის გამომწვევი დაავადების სიმძიმეზე მიუთითებს. მუდმივი გულძმარვა კი კუჭის სერიოზული დაავადების მანიშნებელია. თუ საქმე მაღალ რეფლექსთან გვაქვს, წარმოიშობა სასუნთქ გზებში კუჭის შიგთავსის გადაცდომის საფრთხე, რამაც შესაძლოა სასუნთქი გზების პრობლემები გამოიწვიოს. ამიტომ ამ შემთხვევაში მიმართეთ ექიმს.

როგორ ვებრძოლოთ გულძმარვას

გულძმარვასთან საბრძოლველად ყველაზე მარტივი და სწრაფი მეთოდია წყალი. ერთი ჭიქა თბილი წყალი ბუნებრივად აქვეითებს მარილმჟავას კონცენტრაციას კუჭში და ამცირებს გულძმარვას. მთავარია, წყალი დამდგარ ან დამჯდარ მდგომარეობაში დალიოთ და ამის შემდეგ არ წამოწვეთ.

უებარი საშუალებაა სოდა. 150-200 მლ წყალში გახსენით ნახევარი ჩაის კოვზი საჭმელი სოდა. მიღებული ნაზავი მიიღეთ ყლუპ-ყლუპად, მცირე ულუფებით. სოდა ექსტრემალურ სიტუაციებში უნდა გამოიყენოთ. მისი რეგულარულად მოხმარება არ არის სასურველი.

სრულიად უსაფრთხოა გააქტიურებული ნახშირი. მისი მიღება ორსულებსაც კი შეუძლიათ. ის კუჭში ჭარბ მარილმჟავას ბოჭავს და გულძმარვაც ქრება. მიიღეთ საკუთარი წონის ყოველ 10 კგ-ზე ერთი აბი ნახშირი.

კუჭის არეში არსებულ დისკომფორტს მოგიწესრიგებთ აგრეთვე თაფლი. გულძმარვის დროს მიირთვით ერთი ჭიქა თბილი რძე, რომელშიც ერთი სადილის კოვზი თაფლი იქნება გახსნილი. ასევე 100-200 მლ რძეს საუკეთესოდ შეუძლია კუჭის მომატებული მჟავიანობის განეიტრალება.

პროფილაქტიკის მიზნით გამოიყენება გვირილის და პიტნის ნაყენიც.

გულძმარვა არასოდეს შეგაწუხებთ თუ:

·  არ მიიღებთ მწარე, ცხარე, მჟავე საკვებს.

·  შეზღუდავთ ალკოჰოლის მიღებას, რაც აღიზიანებს კუჭის ლორწოვან გარსს.

· ჭამის შემდეგ არ დაიძინებთ. ვახშმობა რეკომენდებულია დაძინებამდე 3-4 საათით ადრე.

ჯანმრთელობას გისურვებთ!

 

365
თემები:
ჯანმრთელობა და სილამაზე
არაქისი

არაქისი, იგივე მიწის თხილი სასარგებლო და მავნე თვისებები

519
(განახლებულია 15:35 10.08.2020)
არაქისს უამრავი სასარგებლო თვისება გააჩნია – კარგია გულის მუშაობისთვის, ენერგიულობისთვის და ა.შ. თუმცა მისი დიდი რაოდენობით მიღება არ შეიძლება.

არაქისი – მიწის თხილი (Arachis) — პარკოსანთა ოჯახის ბალახოვანი მცენარის გვარია. ცნობილია მისი 15 სახეობა. კულტურული სახეობებიდან გავრცელებულია Arachis hypogaea. არაქისი გავრცელებულია ამერიკაში, ევროპაში, საქართველოში, შუა აზიაში, უკრაინაში, ჩინეთში, ინდოეთში. მის სამშობლოდ სამხრეთ ამერიკას მიიჩნევენ.

მკურნალობა ხალხური მეთოდებით. კაკლის უღელი>>

მიწის თხილი დიდი რაოდენობით შეიცავს ცხიმებსა და ცილებს, მისი კალორიულობაა 100 გრამზე 552 კკალორია, ხოლო არაქისის ზეთის – 884 კკალორიაა. მისი დიდი რაოდენობით მიღება სიმსუქნის მიზეზი შეიძლება გახდეს.

100 გრამი პროდუქტის კვებითი ღირებულებაა:

  • ცილები – 26,4 გ
  • ცხიმები – 45,3 გ
  • ნახშირწყლები – 9,8 გ
  • ნაცარი – 2,7 გ
  • წყალი – 8 გ

მიწის თხილი შეიცავს უნიკალურ ამინომჟავებს, ვიტამინებს – A, D, E, В1, В2, РР, Е, ბიოტინს, ფოლიუმის მჟავას, მცენარეულ ზეთებსა და სხვა მიკროელემენტებს. ის შეიცავს 35%-ზე მეტ ცილებსა და დაახლოებით 50% ცხიმებს, ქოლესტერინი მასში საერთოდ არ არის.

არაქისის სასარგებლო თვისებები:

• არაქისი სასარგებლოა გულისთვის. მასში შემავალ ცხიმებს გულის ჯანმრთელობის შენარჩუნების უნარი აქვს. ამას გარდა, მის შემცველობაში არსებული ოლეინმჟავა ამცირებს ცუდ ქოლესტერინს და ზრდის კარგ ქოლესტერინს.

• არაქისი ზრდის ენერგიას. მიწის თხილი ფართოდაა ცნობილი, როგორც მცენარე, რომელიც ადამიანის ენერგიულობას ზრდის. ეს მასში არსებული უზარმაზარი რაოდენობის ვიტამინების, მინერალური ნივთიერებების, ანტიოქსიდანტებისა და საკვები ნივთიერებების წყალობითაა.

• არაქისის ზომიერი მიღება ხელს არ უშლის წონაში დაკლებას.

ბოლოკი – სასარგებლო, დიეტური და შემადგენლობით მდიდარი სამკურნალო მცენარე>>

• არაქისი ებრძვის კიბოს უჯრედებს. ის შეიცავს პოლიფენოლის ანტიოქსიდანს, რომელიც სასარგებლოა კუჭის კიბოს შესაჩერებლად. 

• არაქისის რეგულარულად მიღება ხელს უშლის ნაღვლის ბუშტში ქვების წარმოქმნასა და არსებულის შემცირებას. კვლევებით დადასტურდა, რომ დღეში სულ 30 გრამი მიწის თხილი ქვების წარმოქმნას 25%-ით ამცირებს.

• არაქისი აუმჯობესებს მეხსიერებას. არაქისს ტვინის საკვებს უწოდებენ, რადგან მასში შედის ვიტამინი B3, რომელიც ტვინს მუშაობაში ეხმარება და ასევე კარგია მეხსიერების გასაუმჯობესებლად.

• არაქისი ებრძვის დეპრესიას. სეროტონინი ქიმიური ნივთიერებაა, რომელიც მნიშვნელოვანია ტვინისთვის და რომელსაც განწყობის რეგულირებაში დახმარება შეუძლია. მიწის თხილში არსებული ტრიპტოფანის ამინომჟავა სეროტონინის გამომუშავებას ეხმარება.

• არაქისი ეხმარება ორსულობის შენარჩუნებაში და იცავს ნაყოფს. ორსულობის დროს მიწის თხილის მიღებას შეუძლია შეამციროს ზოგიერთი ალერგიული დაავადების (მაგალითად, ასთმა) შანსი ბავშვებში.

უკაპრიზო და ძალზე სასარგებლო – წიწმატი>>

• არაქისი ხელს უშლის ალცჰეიმერის დაავადების განვითარებას. მრავალი კვლევის შედეგად მეცნიერებმა დაასკვნეს, რომ ისეთი პროდუქტების გამოყენებას, რომლებიც ნიაცინის დიდ რაოდენობას შეიცავს, როგორიცაა არაქისი, შეუძლია ალცჰაიმერის დაავადების გავითარების ალბათობის, სულ ცოტა, 70%-მდე შემცირება.

• არაქისი კანს ჯანსაღ ელფერს აძლევს, დევნის ორგანიზმიდან ზედმეტ ტოქსინებს, რაც კანს ბევრად უფრო რბილსა და ლამაზს ხდის.

• არაქისი ებრძვის ნაოჭების გაჩენასა და დაბერებას – ის შეიცავს დიდი რაოდენობით С–ვიტამინს, რაც მნიშვნელოვანია კოლაგენის წარმოებისთვის.

არაქისის მიღება არ შეიძლება:

როდესაც ადამიანს აქვს ალერგია მასზე, ალერგია განსაკუთრებით ვითარდება არაქისის ზეთზე.

მისი მიღება არ არის რეკომენდებული პოდაგრის, ართროზისა და ართრიტის დროს.

ჭარბი რაოდენობით მიღება იწვევს წონაში მატებას.

უაღრესად სასარგებლო კენკრა, რომელიც კოსმონავტებისა და მფრინავების მენიუში შედის>>

მიწის თხილის არასწორად შენახვისას (ნესტიან ადგილებში) მას უჩნდება სოკო, რომელიც ტოქსინებს გამოყოფს, რაც, თავის მხრივ, ორგანიზმში მოხვედრისას დასუსტებულ ორგანოებს აზიანებს. ამიტომ არაქისის შეძენის დროს ყურადღებით იყავით.

519
თემები:
სასარგებლო რჩევები (263)
„სუხიშვილების“ მოცეკვავე

ანსამბლი „სუხიშვილები“ ექსპერიმენტული პროექტით ბათუმში წარდგება

0
(განახლებულია 12:54 11.08.2020)
„სუხიშვილებისთვის“ შთაგონების წყარო კვლავ ფოლკლორია. მოცეკვავეებმა ის კლუბურ მოტივებს შეუხამეს და წარსულისა და თანამედროვეობის უჩვეულო ნაზავი მიიღეს

თბილისი, 11 აგვისტო – Sputnik. საქართველოს ეროვნული ბალეტი „სუხიშვილები“ ახალი პროექტის „არტეფაქტების“ საპრემიერო ჩვენებებს ამზადებს. კონცერტები ბათუმის კლუბ UP2U–ში 15 და 16 აგვისტოს გაიმართება, ნათქვამია ორგანიზატორების განცხადებაში.

„სუხიშვილები" ექსპერიმენტებს ხშირად ატარებს. ამ ექსპერიმენტებში შერწყმულია თითქოსდა შეუთავსებელი ფოლკლორისა და კლუბური სტილის ელემენტები და სწორედ ამაში იმალება მისი განუმეორებლობა.

ანსამბლმა ილიკო და ნინო სუხიშვილების ხელმძღვანელობით ინოვაციური რეფორმა გაატარა, რომელიც მიახლოებულია ე.წ. მოდერნისტული ბალეტის პრინციპებთან. მაგრამ, მიუხედავად ამისა, თავისი არსით ესაა ქართული ეროვნული ქორეოგრაფია – ადგილობრივ ფოლკლორზე აღმოცენებული ცეკვები.

ანსამბლის ხელმძღვანელების განცხადებით, მოცეკვავეები პროექტზე სამი თვე მუშაობდნენ. ანსამბლი თბილისში „თაკარს“ ღია სცენაზე 21–28 აგვისტოს გამოვა.

ექსპერიმენტები გრძელდება: ანსამბლი „სუხიშვილები" წარმოადგენს პროექტს „არტეფაქტები">>

ექსპერიმენტებთან და სიახლეებთან ნინო და ილიკო სუხიშვილები ბებიამ და ბაბუამ – ანსამბლის შემქმნელებმა ნინო რამიშვილმა და ილიკო სუხიშვილმა მიიყვანეს. პროფესიონალი მოცეკვავეები ილიკო სუხიშვილი და ნინო რამიშვილი ქართული ხალხური ცეკვის აღორძინებას მეორე მსოფლიო ომის შემდეგ შეუდგნენ. სუხიშვილისა და რამიშვილის ქართული ნაციონალური ბალეტი 1945 წელს დაარსდა. ეს იყო საქართველოს პირველი პროფესიონალური ანსამბლი, რომლის მაგალითსაც მოგვიანებით სხვებმაც მიბაძეს. უკვე 1948 წელს ანსამბლი გასტროლებით გაემგზავრა ევროპაში. ამას მოჰყვა მიწვევები მსოფლიოს სხვადასხვა კუთხიდან.

0
თემები:
საქართველო და კულტურა