ფიტნეს კლუბ „რიტმის“ მთავარი ინსტრუქტორი გიორგი ჭურღულაშვილი

რა შეცდომები არ გეპატიებათ დარბაზში ვარჯიშის დროს რჩევები ფიტნეს-ინსტრუქტორისგან

3356
(განახლებულია 16:06 03.03.2020)
რუბრიკა „ფასილიტატორის“ სტუმარია ფიტნეს-კლუბ „რიტმის“ მთავარი ინსტრუქტორი გიორგი ჭურღულაშვილი, რომელიც სწორად ვარჯიშს გვასწავლის.

გაზაფხულის დადგომისთანავე საზოგადოების უმეტესი ნაწილი სანატრელ შვებულებაზე ფიქრს იწყებს. შვებულება კი ხშირად ზღვასთან, გარუჯულ სხეულთან ასოცირდება. იმისთვის, რომ ზღვაზე სხეულის სასურველი ფორმებითა და ლამაზად დაკუნთული სხეულით მოიწონონ თავი, ადამიანები თავს არ ზოგავენ – იწყებენ სპორტულ დარბაზებში გულის წასვლამდე ვარჯიშს...

თქვენ სხეულის ფორმაში მოყვანა, კუნთების გამაგრება და ჯანმრთელობის გაუმჯობესება გადაწყვიტეთ, სხვაგვარად რომ ვთქვათ, სპორტს რეგულარულად უთმობთ დროს, თუმცა შედეგი არც ისე შესამჩნევია... ჯანსაღი ცხოვრების წესი და ფიტნესი არ მოითხოვს ზედმეტ დატვირთვას და საკუთარ ჯანმრთელობაზე ექსპერიმენტების ჩატარებას, მთავარია – სწორად ივარჯიშოთ, შეცდომები არ დაუშვათ და ვარჯიშის შემდეგ კარტოფილი ფრით საკუთარი თავი არ დააჯილდოოთ.

პრესის ვარჯიშები

გაზაფხულის მოახლოვებასთან ერთად დარბაზში მოსიარულეთა უმრავლესობა ცდილობს მუცლის პრესის გამოკვეთას და ვარჯიშს პრესის კუნთის ვარჯიშით იწყებს. პრესი არის ჩვენი ცენტრალური კუნთი, რომელიც მდგომარე და მჯდომარე მდგომარეობაშიც ყოველთვის მუშაობს, ამიტომ ყოველდღიურად პრესის ვარჯიში არ არის აუცილებელი. კვირაში სამი დღე სრულიად საკმარისია მუცლის პრესის ვარჯიშისთვის. ჩვენ თუ ცენტრალურ კუნთს დავღლით, შემდეგ სამუშაოს იმ დატვირთვით ვეღარ შევასრულებთ, რაც მანამდე შეგვეძლო გაგვეკეთებინა. იმისათვის, რომ ერთხელ მაინც მოგეცეთ შანსი, თქვენ მუცელზე გამოკვეთილი რელიეფი ნახოთ, აუცილებლად უნდა დაიცვათ ჯანსაღი კვება და პრესის ვარჯიშები აკეთოთ სწორად. 

ფიტნეს კლუბ „რიტმის“ მთავარი ინსტრუქტორი გიორგი ჭურღულაშვილი
photo: courtesy of Giorgi Tchurghulashvili
ფიტნეს კლუბ „რიტმის“ მთავარი ინსტრუქტორი გიორგი ჭურღულაშვილი

მისვლები და გამეორებები

- ფიტნესის სფეროში ერთგვარი პოლემიკის საგანია, თუ რომელია უკეთესი წონის დასაკლებად – მსუბუქი სიმძიმეების გამოყენება და ბევრჯერ გამეორება თუ ნაკლები გამეორება და მძიმე წონა?

- ბოდიბილდინგში არსებობს მისვლები და გამეორებები. მაგალითად, ოთხი მისვლა და 12 გამეორება. თითქმის ყველა სავარჯიშო პროგრამაში გამეორება არ აღემატება 15-ს ან 18-ს. ეს მცდარი მიდგომაა. თუ პიროვნება 30 გამეორებას აკეთებს, რატომღაც ფიქრობს, რომ ამით კუნთს დააზიანებს. კუნთის ზრდას იწვევს ოთხი ფაქტორი: ამინომჟავები, რომლებსაც საკვებიდან ვიღებთ, ზრდის ჰორმონი, რომელსაც გამოყოფს ორგანიზმი, თავისუფალი კრეატინი, რომელიც კრეატინ ფოსფატიტისგან გამოთავისუფლდება ვარჯიშის დროს და წყალბადის იონები, რომლებიც სტრესის დროს გამოიყოფა. თუ თავისუფალი კრეატინი და წყალბადის იონები თანხვედრაში ოპტიმალური რაოდენობით არ არის, იშლება უჯრედი. ეს ხდება არა გამეორებიდან გამომდინარე, არამედ დროიდან გამომდინარე. თუ 20-დან 40 წამამადე ინტერვალს დაიცავთ, გახვალთ მაქსიმალურ შედეგზე, მაგრამ თუ შეასრულებთ 10 გამეორებას და 40 წამს გასცდებით, მაშინ უჯრედი დაიწყებს დაშლას. დროს ნუ დაკარგავთ, იმის ნაცვლად, რომ სოციალურ მედიაში ყველას გააგებინოთ, თუ როგორ ინტენსიურად „ვარჯიშობთ“, შეეცადეთ რეალურად აკეთოთ საქმე.

ცალკე საკითხია დელტის კუნთი მამაკაცებში, რაც ყველაზე გავრცელებული პრობლემაა, რადგან დელტს ვერ ზრდიან. დელტში პროცენტულად წითელი ბოჭკო უფრო მეტია, ვიდრე თეთრი ბოჭკო. წითელი ბოჭკო პასუხისმგებელია დაბალინტენსიური სამუშაოს ხანგრძლივად შესრულებაზე. ამიტომ მისი კუმშვის სიჩქარე არის შედარებით ნელი, ხოლო თეთრი ბოჭკო პასუხისმგებელია ძალისმიერ ფაზაზე, მისი დანიშნულებაა – რაც შეიძლება მეტი წონის აწევა. თუ თქვენ გააკეთებთ მუდმივად 10-12 გამეორებას, ძალისმიერი ფაზა განვითარდება, მაგრამ ვიზუალი მოვა ტონუსში და გაჩერდება. თუ გააკეთებთ 25-30 გამეორებას, ფორმებს და რელიეფს აუცილებლად შეიცვლით. 

ფიტნეს კლუბ „რიტმის“ მთავარი ინსტრუქტორი გიორგი ჭურღულაშვილი
photo: courtesy of Giorgi Tchurghulashvili
ფიტნეს კლუბ „რიტმის“ მთავარი ინსტრუქტორი გიორგი ჭურღულაშვილი

მინდა მანდილოსნებს ვუთხრა...

გაზაფხულის დადგომისთანავე გოგონები აქტიურად იწყებენ საკუთარ სხეულსა და წონაზე ფიქრს, ბევრი ამ პრობლემის მოსაგვარებლად სპორტდარბაზს მიმართავს. ხშირ შემთხვევაში ისინი ვარჯიშისას არ ითვალისწინებენ ინსტრუქტორების რჩევებს, რაც საბოლოო შედეგზეც აისახება.

ერთ დღეს არ შეიძლება ფეხის და საჯდომის კუნთის ვარჯიშის გაკეთება. ფეხის ვარჯიშის დროს საჯდომის კუნთი ირიბად მაინც მუშაობს და ანალოგიურად საჯდომის კუნთის დროს მუშაობს ფეხის კუნთი. აქედან გამომდინარე, დღეს თუ 80%-ით დატვირთავთ საჯდომის კუნთს, ფეხის კუნთს 40-50%-ზე მეტად ვერ დატვირთავთ. შეგიძლიათ საჯდომის კუნთის სავარჯიშოდ აირჩიოთ ორშაბათი დღე, ოთხშაბათს ზედა ტანის ვარჯიშები გააკეთოთ, რათა საჯდომის კუნთი ბოლომდე გამოვიდეს სტრესიდან, პარასკევს კი – ფეხის ვარჯიშები. პარასკევიდან ოთხშაბათამდე, სანამ საჯდომი კუნთის ვარჯიშის დღე მოგიწევთ, იდეალური დროა კუნთისთვის სტრესის მოსახსნელად.

რაც შეეხება მისვლებს: დიდი კუნთის ჯგუფზე – მკერდზე, ზურგზე, ფეხის კვადრიცებზე, მაქსიმალური მისვლა არის 16. შეიძლება ათნაირი ვარჯიში გააკეთოთ, მაგრამ მთავარია 16 მისვლას არ გასცდეთ. ძალიან ბევრი ხუთი სახეობის ვარჯიშს აკეთებს 5-5 მისვლას. ეს უკვე მარაზმია, რადგან უჯრედი იშლება. საშუალო კუნთის ჯგუფის დროს 14 მისვლაა რეკომენდებული, პატარა კუნთის ვარჯიშის დროს (ბიცეფსი, პრესი, წვივი) შეგვიძლია 12 მისვლა გავაკეთოთ, რაც იდეალურ შედეგს მოგვცემს. ამ მეთოდს იყენებენ პროფესიონალი ბოდიბილდერებიც.

ასე რომ, როგორი ლამაზი გოგო/ბიჭიც არ უნდა ვარჯიშობდეს გვერდითა ტრენაჟორზე, არ არის აუცილებელი 100 მისვლა გააკეთოთ. ნუ დაგავიწყდებათ – საზაფხულო „დედლაინი“ გიახლოვდებათ. 

ფიტნეს კლუბ „რიტმის“ მთავარი ინსტრუქტორი გიორგი ჭურღულაშვილი
photo: courtesy of Giorgi Tchurghulashvili
ფიტნეს კლუბ „რიტმის“ მთავარი ინსტრუქტორი გიორგი ჭურღულაშვილი

დარბაზში მაკიაჟით ვარჯიში

ეს ის შემთხვევაა, როდესაც სილამაზე მსხვერპლს არ მოითხოვს. თქვენს კანს სჭირდება სუნთქვა. მაკიაჟს ემატება ოფლი, რომელიც სუნთქვის საშუალებას არ აძლევს სახის კანს. ვარჯიშის დროს კი ორგანიზმს სითხის გამოყოფა სჭირდება, რათა არ მოხდეს გადახურება. ფიტნეს-დარბაზში მაკიაჟით კეკლუცობისთვის თვალს არავინ გამოგაყოლებთ, მაგრამ თუ კანი გლუვი გექნებათ, საჯდომი მიმზიდველი და სხეული ტონუსში მოყვანილი, ბევრი „მუსკულებიანი მამაკაცი“ საკუთარ ჰანტელსაც მოგცემთ.

ქცევის წესები: ვარჯიშის დროს გაითვალისწინეთ, რომ ავარჯიშებთ სხეულს და არა ენას

სამწუხაროდ, დარბაზში მოქცევის წესები ბევრმა სპორტსმენმაც კი არ იცის. ნებისმიერი ვარჯიშის დროს იქონიეთ საკუთარი პირსაწმენდი და ვარჯიშის წინ მოწყობილობაზე დაწოლამდე ან დაჯდომამდე დააფინეთ ზედ, რათა ოფლისგან არ დააბინძუროთ.  ჰანტელები, რომლებსაც ხმარობთ, დააბრუნეთ თავის ადგილზე და, რაც ყველაზე მთავარია, ყურადღებით იყავით, რომ გვერდზე მდგომს არ შეუშალოთ ხელი. რამდენიმე ადამიანის თავშეყრა და ხმამაღლა საუბარი გარკვეულ დისკომფორტს უქმნის მოვარჯიშეებს. მეწყვილესთან ერთად ვარჯიშის დროს გაითვალისწინეთ, რომ ავარჯიშებთ სხეულს და არა ენას. კონცენტრირდით ვარჯიშზე. და რაც ყველაზე მთავარი და გასათვალისწინებელია – ყველა დარბაზს ჰყავს მწვრთნელი და ნებისმიერი კითხვის დროს მიმართეთ მას. თუ არ იცით ვარჯიშის სპეციფიკა, პირველ თვეს მაინც აიყვანეთ პირადი ინსტრუქტორი, რათა ტრავმის გარეშე გასწავლოთ სწორი ვარჯიში და შემდეგ განაგრძეთ დამოუკიდებლად. ისიც იცოდეთ, რომ ვარჯიში ბევრისთვის ტანჯვასა და სხვა არასასიამოვნო პროცედურებთან ასოცირდება. დარბაზისთვის უცხო ქცევებით ადამიანს ნუ დავუმძიმებთ იმ ორ საათს.

3356
წონაში დაკლება

როგორ დავიკლოთ „ზამთრის ცხიმები“: სახელდება მარტივი მეთოდი

162
(განახლებულია 10:29 08.05.2021)
დიეტოლოგი და ნუტრიციოლოგი გაგაცნობთ მეთოდს, რომელიც ზედმეტი კილოგრამების მოშორებაში დაგეხმარებათ

თბილისი, 8 მაისი – Sputnik. იმისათვის, რომ ზამთარში დაგროვილი ზედმეტი კილოგრამები ეფექტურად დაიკლოთ, არსებობს ძალიან მარტივი მეთოდი, აცხადებს დიეტოლოგი და ნუტრიციოლოგი არინა სკორომნაია რადიო Sputnik−თან ინტერვიუში.

მისი თქმით, გახდომისთვის იდეალურია სწრაფი სიარული საათში 5−7 კმ სიჩქარით. ასეთი „გასეირნება“ ყოველდღე უნდა მოეწყოს არანაკლებ 20 წუთით.

„ამისათვის საუკეთესოა აღმართზე სიარული 20 წუთიდან ერთ საათამდე. როცა თუნდაც მცირე გორაკზე ადიხართ, კუნთები მეტად იჭიმება, იზრდება დაწოლა დუნდულა კუნთებზე, იხარჯება მეტი კალორია. ასე რომ აღმართზე ასვლას უფრო მეტი პლუსი აქვს, ვიდრე სწორ გზაზე სიარულს“, — ამბობს სპეციალისტი.

ამასთან სკორომნაია განმარტავს, რომ სიარულისას საჭიროა თავი აარიდოთ ისეთ ადგილებს, სადაც ბევრი ავტომობილი მოძრაობს, რათა გამონაბოლქვი არ ისუნთქოთ. ასეთ შემთხვევაში სარგებელი პრაქტიკულად არ იქნება, ვინაიდან დაბინძურებული ჰაერის ინტენსიური სუნთქვა გულ−სისხლძარღვთა პრობლემებს გამოიწვევს.

ნუტრიციოლოგის თქმით, ავტომობილებით სავსე ქუჩებში სიარულს სარბენ ბილიკზე ვარჯიში სჯობს.

162
თემები:
ექიმი გირჩევთ
საქორწინო ბეჭდები

ძლიერი ქორწინების საფუძველი, ანუ ბუნებისგან ბოძებული ინსტინქტი

143
(განახლებულია 22:45 08.05.2021)
ზოგს ასეთი ახალი განლაგება აშინებს: ნუთუ სიყვარული დასრულდა, ნუთუ ყოფა გრძნობებს კლავს, ნუთუ ქორწინება - შეცდომაა?!

როდესაც ოჯახი იქმნება, ქალი და მამაკაცი იწყებენ ცხოვრებას ერთ ჭერქვეშ, შესაძლებელია ყველაფრის ერთად კეთება — გაღვიძება, სამუშაოზე წასვლა, ვახშმის მომზადება, კითხვა, ერთად სეირნობა და ა.შ. გადის დრო და პრაქტიკა აჩვენებს, რომ ასე დიდხანს გაგრძელება არ შეიძლება.

დროდადრო სურვილი ჩნდება, მარტომ დალიო ჩაი ან ყავა, დაალაგო სახლი ან, უბრალოდ, უყურო წვიმას ფანჯრიდან საყვარელი მეორე ნახევრის გარეშე.

ზოგს ასეთი ახალი განლაგება აშინებს: ნუთუ სიყვარული დასრულდა, ნუთუ ყოფა გრძნობებს კლავს, ნუთუ ქორწინება — შეცდომაა?!

სინამდვილეში სიყვარული არ მოიაზრებს ადამიანების პიროვნების მთლიანად „გათქვეფას" მეორე ადამიანში და საკუთარი ინდივიდუალობის დაკარგვას. სწორედ ჯანსაღი გრძნობები გულისხმობს თითოეულისთვის საკუთარი დროისა და ადგილის გამოყოფას. ეს ნორმალურია, თუ ადამიანს საკუთარ თავთან მარტო დარჩენა სურს, სახლში რომელიმე ოთახში შეყუჟვა და საყვარელი საქმის კეთება, ანდა, სულაც, უსაქმურობა. ასევე ნორმალურია, გინდოდეს მეგობრებთან ყოფნა მეუღლის გარეშე, მათთან ერთად სადმე წასვლა, თუნდაც დასასვენებლად. ასეთი სურვილი მეტყველებს იმაზე, რომ თქვენ წინაშე სრულფასოვანი პიროვნება დგას და არა რამე დანამატი მეუღლის სახით.

ეს ბუნებისგანაა დაწესებული. ნებისმიერ ცხოველს აქვს თავისი პირადი სივრცე, რაც სხვებისთვის მიუწვდომელია. ამ სივრცის ხელყოფა დასჯადია.

იდეალურობის საფასური: კარგი ცოლი, ცუდი ცოლი, ბედნიერი ქალი>>

ამ აკრძალვის დარღვევას არავინ რისკავს. ადამიანიც, ამ თვალსაზრისით, ჰგავს ცხოველს. მაქსიმალურად ხელშეუხებელი უნდა დარჩეს ინტიმური ზონა (15 სანტიმეტრამდე). მისი დარღვევა ადამიანში გაღიზიანებასა და აგრესიას იწვევს. გარდა ამ ინდივიდუალური ველისა, არის ასევე პირადი ფსიქიკური და ფიზიკური სივრცე. კომფორტის გრძნობა ბევრად არის დამოკიდებული სწორედ იმაზე, რამდენად არის ორივე ზონა დაცული არასანქცირებული ხელყოფისგან. ასე რომ, ხანდახან ჩნდება მარტო ყოფნის სურვილი — ეს სრულებით ბუნებრივია.

ასევე არსებობს ადგილები და ჩვევები, რომლებსაც ადამიანი აფასებს, როგორც პირადი სივრცის ნაწილს. ვიღაცას უყვარს დივანზე მარჯვენა მხარეს, კუთხეში ჯდომა, ჭიქის რომელიმე ადგილზე დადგმა და ა.შ. ასეთი სივრცობრივი „მონიშვნები" სტაბილურობისადმი ქვეცნობიერი სწრაფვაა, ეს კი ნიშნავს დაცულობას, შინაგან წონასწორობას.

ფსიქოლოგებმა დიდი ხანია შენიშნეს, რომ თანამედროვე ადამიანი უფრო მეტად ემორჩილება ამ „მონიშვნებს". ადრე ადამიანები უფრო სტაბილურ ვითარებაში ცხოვრობდნენ, არ იღებდნენ უამრავ ინფორმაციას და არ ჰქონდათ ამდენ ადამიანთან ურთიერთობა. ახლა ყოველდღიურად უწევთ გადაჭედილ ტრანსპორტში მგზავრობა, საინფორმაციო ნაკადთან გამკლავება. ცხოვრებისეული წყობის ცვალებადობა ადამიანს ჩვეულებებსა და „მონიშნულ" ადგილებზე ჩაჭიდებისკენ უბიძგებს, რაც მათ სტაბილურობისა და სიმშვიდის გრძნობებს უღვივებს და ფსიქიკური ბალანსის შენარჩუნებაში ეხმარება.

მსხვერპლს არც სილამაზე მოითხოვს და არც სიყვარული...>>

ამ ბალანსის დარღვევა ფსიქიკისთვის განგაშის სიგნალია. როგორ რეაგირებს ადამიანი განგაშზე? უმეტესად – აგრესიულად, ის თავს იცავს. და არანაირი გრძნობა, ტრადიცია ან ლოგიკა აქ არ მუშაობს. ეს ინსტიქტის პრეროგატივაა, რომელიც, რაც არ უნდა ებრძოლო, მაინც ძალზე ძლიერია. ასე რომ, გასაკვირი არაა, როცა ერთ-ერთი მეუღლე „გააფთრებით" იცავს „თავის ადგილს" სამზარეულოს მაგიდასთან.

ეს მხოლოდ საკუთარი, პირადი სივრცის შენარჩუნებისკენ სწრაფვაა. არ ღირს ამასთან ბრძოლა, წინააღმდეგ შემთხვევაში მეორე ნახევარი ამას ვერ გაიგებს და თავისი საზღვრების დასაცავად იბრძოლებს.

მიიღეთ და გაიაზრეთ, რომ ყველაფერი საერთო არ გაქვთ, მიუხედავად იმისა, რომ ყველაზე ახლობელი ადამიანები ხართ დედამიწის ზურგზე. თქვენ მეორე ნახევარი ხართ და ეს გულისხმობს, რომ სწორედ თქვენ აფასებთ და პატივს სცემთ ადამიანში მის პიროვნებასა და დამოუკიდებლობის გამოვლენას, რაც ორივეს ერთად ყოფნის ბედნიერების შესაძლებლობას გაძლევთ.

სხვა საქმეა, თუ ხელყოფენ თქვენს ადგილს, ცდილობენ გადაგაჩვიონ, მაგალითად, სავარცხლის წიგნის თაროზე დადებას და ა.შ. მშვიდად აუხსენით, რომ კარგი განწყობა ბევრად არის დამოკიდებული იმაზე, რომ თქვენს ჩვევებს არ აკრიტიკებენ. თუ ადამიანი ამას არგუმენტებს უპირისპირებს, შეეცადეთ კომპრომისული გადაწყვეტილება მიიღოთ.

საკუთარ თავზე ეკონომიის რეჟიმში - დაავადება, როდესაც ქალში ქალი ნადგურდება>>

თითოეულ მეუღლეს აქვს განსაზღვრული ჩვევები, რაც ასევე ამ ადამიანის კომფორტისა და კეთილდღეობის განუყოფელი ნაწილია. რა თქმა უნდა, ქორწინებაში პირადი მისწრაფებების კორექტირება საჭირო ხდება, მაგრამ ყველაფერზე უარის თქმა ან იმის მოთხოვნა, რომ სხვამ მსხვერპლად გაიღოს თავი მეორის კომფორტისთვის — ცუდია.

არის შემთხვევები, როდესაც „პირად სივრცეში" გულისხმობენ მეორე ადამიანის უფლებებისა და თავისუფლებების ხელყოფას. მაგალითად, მეუღლე, რომელიც სკანდალს უწყობს მეორე ნახევარს სააბაზანო ოთახში ცუდად დაკიდებული პირსახოცის ან ტანსაცმლის გამო, რომელიც გარდერობში არ დაკიდეს. ასეთი საქციელი მეტყველებს არაადეკვატურობაზე ან კრიზისზე ამ ადამიანების ურთიერთობაში, რაც ასეთ სცენებში ვლინდება.

და, ბოლოს, უნდა აღინიშნოს, რომ როცა მეუღლეებს საკმარისი პირადი სივრცე და დრო აქვთ საკუთარი თავისთვის, ოჯახში ატმოსფერო უფრო მშვიდი და სიხარულით გამსჭვალულია. ყოველი განმარტოების, „თავის თავში ჩაღრმავების" შემდეგ მეუღლეები თავს განახლებულად, „გადატვირთულად" გრძნობენ. მათი ურთიერთობები იძენს სიახლეს, ჩნდება მონატრების გრძნობა. თითოეული პატივს სცემს მეორის სურვილს – მასაც ხომ არ უზღუდავენ თავისუფლებას და იღებენ ისეთს, როგორიც არის.

143
თემები:
სასარგებლო რჩევები
მთები

დღის ასტროპროგნოზი ზოდიაქოს ნიშნებისთვის: 9 მაისი

0
(განახლებულია 09:21 08.05.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 9 მაისია, კვირა. კლებადი მთვარე ვერძის ნიშანშია. ამ დღეს პლანეტა მზე მფარველობს.

ეს დღე სიყვარულს უნდა მიუძღვნათ და არა ომსა და მტრობას. გრძნობები გამძაფრებული იქნება, რაც სიყვარულისთვის ძალიან კარგია, მაგრამ კამათისა და ჩხუბისთვის, რა თქმა უნდა – არა. ნებისმიერმა გაუფრთხილებელმა სიტყვამ თუ საქციელმა დიდი წყენა შეიძლება მოიტანოს. გადაწყვეტილებებს დღეს გული მიიღებს, რომელსაც რეალური გრძნობები სჭირდება, და არა – გონება.

როგორ იკლებენ წონაში ზოდიაქოს ნიშნები>>

ვერძი: საზღვარი „საჭიროასა“ და „მინდას“ შორის შეიძლება დაირღვეს. მოგინდებათ გრძნობებზე აყოლა, მაგრამ ვარსკვლავები ამას არ გირჩევენ. ყველაფერი იოლად არ გამოგივათ, ხანდახან სერიოზული წინაღობების გადალახვა მოგიწევთ. მიუხედავად ამისა, პოზიტიური ტენდენციები ბევრ სფეროშია შესამჩნევი. იყავით შეუპოვარი და ეცადეთ, არ დაკარგოთ საკუთარი ძალების რწმენა. თუ ხელებს არ ჩამოუშვებთ პირველივე ბარიერის დანახვისას, ყველაფერი გამოგივათ.

კურო: საჭიროა თანამიმდევრულად მოქმედება და ქაოსისთვის თავის არიდება. აჩქარება შეცდომების მიზეზი შეიძლება გახდეს. დრო უნდა გამონახოთ სიტუაციაში გასარკვევად და სხვადასხვა ვარიანტის განსახილველად. მოუსმინეთ გამოცდილი ადამიანების რჩევებს. ასე შეძლებთ მოსალოდნელი ხარვეზებისთვის გვერდის ავლას. საღამოს დაისვენეთ და ისეთი რამ გააკეთეთ, რაც განწყობას აგიმაღლებთ.

ტყუპი: დღეს მაქსიმალურად გაძლიერდება შემოქმედებითი მისწრაფებები და თუნდაც არ იყოთ ხელოვნების სფეროში დაკავებული ადამიანი, ეს პოტენციალი თქვენში აუცილებლად გაიღვიძებს. ამას გარდა, მოსალოდნელია ურთიერთობები ძალზე საინტერესო ადამიანებთან და საინტერესო თემებზე. ასევე ხელსაყრელი დროა რომანტიკული შეხვედრისთვის, განსაკუთრებით დღის მეორე ნახევარი. ეს დიდ პოზიტიურ ემოციებს მოგიტანთ.

კირჩხიბი: საინტერესო იდეები გაგიჩნდებათ, რაც კარგად აისახება როგორც თქვენს კარიერაზე, ასევე ცხოვრებაზე ზოგადად. ასევე სასარგებლო იდეის მაგივრად შესაძლებელია ძალიან საინტერესო ნაცნობობა. ნაკლებად სავარაუდოა, რომ რომანტიკული შეხვედრა იყოს, მაგრამ მატერიალური თვალსაზრისით ეს ძალზე პერსპექტიული აღმოჩნდება. ნებისმიერ შემთხვევაში, ძალიან კარგი დღე გელოდებათ და ამიტომ ყურადღებით უნდა იყოთ, რომ შანსი ხელიდან არ გაუშვათ.

ლომი: დღეს ახალი საინტერესო შეხვედრებისა და ნაცნობობის შესაძლებლობა გექნებათ. არაა გამორიცხული, რომ ერთ–ერთი ასეთი შეხვედრა ან გაცნობა რომანტიკული ხასიათისა აღმოჩნდეს, თუმცა ნაკლებად სავარაუდოა, რომ მას სერიოზული გაგრძელება მოჰყვეს. მთლიანობაში დღე ძალზე მრავალფეროვანი და საინტერესო გელოდებათ. ხოლო იმისთვის, რომ საჭირო დროს საჭირო ადგილზე აღმოჩნდეთ, ენდეთ ინტუიციას, რომელიც დღეს საკმაოდ გამძაფრებული გექნებათ.

ქალწული: დღეს თქვენი მთავარი ძალა და იარაღი თქვენი სისუსტეები იქნება. ამ სისუსტეების გამოყენებით, შეიძლება ითქვას, რომ გარშემომყოფებს „დაატერორებთ“, უნარი, რომ მიზანს ყველანაირი გზით მიაღწიოთ, აპოგეას მიაღწევს. ამასთან, თავად თქვენ მოგეჩვენებათ, რომ არაფერი განსაკუთრებული და უჩვეულო არ ხდება და გარშემომყოფების გრძნობებზე თამაში სრულიად ბუნებრივი რამაა. თუ ასე გააგრძელებთ, მალე ტირანად შეიძლება იქცეთ ოჯახში.

სასწორი: მთელი დღის განმავლობაში განწყობა შეიძლება ათასჯერ შეგეცვალოთ – მხიარულება მოულოდნელად „მოქუფრულმა“ ფიქრებმა ჩაანაცვლოს, თუმცა ერთი–ორ წუთში ამ ღრუბლებიდან ისევ მზემ გამოანათოს. მოკლედ რომ ვთქვათ, დღეს ემოციებისთვის განსაკუთრებული ყურადღების მიქცევა არ ღირს. ასევე აჯობებს, თუ მნიშვნელოვანი საქმეების გაკეთებას გადადებთ, ან გადააბარებთ იმას, რომლის განწყობა დღეს ჭირვეულობით არ გამოირჩევა.

მორიელი: დღეს თქვენში ტალანტი გაიღვიძებს: ნებისმიერი ბუზი, რომელიც გვერდით ჩაგიფრენთ, სპილოდ აქციოთ. მთელი დღის განმავლობაში ხან რა გაგაღიზიანებთ და ხან – რა. თუ არ გინდათ, ბუზღუნასა და აბეზარას სახელი დაგერქვათ, ნაკლები ყურადღება უნდა მიაქციოთ ნეგატივს, გარშემომყოფების ნაკლოვანებებს. სამაგიეროდ შესანიშნავად გაართმევთ თავს იმ საქმეებს, რომლებშიც წვრილმანებისადმი ყურადღებაა საჭირო – სჯობს, სწორედ ასეთ საქმეებს დაუთმოთ დრო.

მშვილდოსანი: დღეს გული დიდი და ხმაურიანი კომპანიებისკენ გაგიწევთ, რომ თუნდაც სულ ცოტა ხნით აღმოჩნდეთ ყურადღების ცენტრში. ყოველ შემთხვვაში, თუ ასეთ ადგილას არ აღმოჩნდებით და ვერც ყურადღების ცენტრში მოექცევით, იოცნებოთ მაინც ამაზე. ამაში ცუდი არაფერია, მაგრამ ეცადეთ ზედმეტი არ მოგივიდეთ და გარშემომყოფები არ გააღიზიანოთ, თან იმის გათვალისწინებით, რომ თქვენი რეაქცია ირგვლივ მყოფების მხრიდან გამოსროლილ ირონიულ შენიშვნებზე ორმაგად მწვავე იქნება.

თხის რქა: მუდმივად მოგიწევთ სახლის საქმეებზე და საზრუნავზე ყურადღების გადატანა. ეს კარგიცაა – დროა, მიხედოთ საშინაო საქმეებს და სხვა საკითხები კი გადადოთ. მაინც არ გელოდებათ რამე გრანდიოზული გარღვევები და შედეგები საქმიანობაში. მაგრამ ვარსკვლავები გირჩევენ, ზედმეტი ყურადღება არ დაუთმოთ წვრილმანებს, მცირე უსიამოვნებებს, წინააღმდეგ შემთხვევაში შემდეგ რამდენიმე დღე ამაზე მოგიწევთ „ჩაციკლვა“.

მერწყული: გაუგებრობებით სავსე დღეა და ამის მიზეზი თვითონ თქვენი არათანმიმდევრულობა იქნება. დღეს გაცნობიერებულად მოგინდებათ წესების დარღვევა, შეიძლება სხვადასხვა წვრილმანმა მიიქციოს თქვენ ყურადღება, ისეთმა, რომელსაც სხვა დროს საერთოდ არ მიაქცევდით ყურადღებას. ამან შეიძლება ისე გაგიტაცოთ, რომ გასაკეთებელი საქმეები საერთოდ დაგავიწყდეთ, ამით კი თქვენი გეგმები დაირღვევა და კალაპოტიდან ამოვარდებით.

თევზები: თქვენში ყველაფერ მშვენიერსა და ლამაზზე განსაკუთრებული ალღო გაიღვიძებს და ეს მშვენირი, პირველ რიგში, ფულია. ძალიან დიდია დღეს იმის ალბათობა, რომ თუ საგაძური, არა, რამე ძველი ყუთი მაინც იპოვოთ და ამან დაგაინტერესოთ. შემოსავლებთან დაკავშირებით სასიამოვნო სიურპრიზი გელოდებათ. ერთადერთი, რაშიც უნდა იფრთხილოთ, ეს საკვებია – არის დიდი შანსი, რომ გაძლიერებული მადის გამო ფიგურას ზიანი მიაყენოთ.

0