მშობლების საახალწლო საჩუქრები შვილისთვის

რა უნდა გაითვალისწინოთ, როცა შვილს საჩუქარს ჩუქნით

403
(განახლებულია 18:27 14.01.2020)
რა დანიშნულება უნდა ჰქონდეს საჩუქარს ბავშვებისთვის – ამ თემაზე რუბრიკა „ფასილიტატორის“ სტუმარი, პრაქტიკოსი ფსიქოლოგი, ფსიქოთერაპევტი და ტრენერი ნანა ფაცაცია საუბრობს.

ყველა ადამიანს უყვარს საჩუქარი, განსაკუთრებით, თუ მას გულით ჩუქნიან. საჩუქარი – ეს არის ნივთი, რომელსაც საკუთარი სურვილის მიხედვით ვჩუქნით საყვარელ ადამიანს, რათა გავახაროთ და ვასიამოვნოთ. მჩუქებელიც არ არის წაგებული, რადგან სწორად შერჩეული საჩუქარი და თავად მისი ჩუქების ფაქტი ბედნიერებისა და სიხარულის მომტანია ორივე მხარისთვის.

ზოგჯერ საჩუქარი ერთგვარი წახალისება და სტიმულია, მით უფრო, ბავშვებისთვის. მნიშვნელოვანია ბავშვებისთვის საჩუქრის სწორად შერჩევა, როცა ხდება მათი დადებითი წახალისება ამა თუ იმ ქმედებისთვის.

ხშირად მშობლებს მიაჩნიათ, რომ ძვირადღირებული საჩუქრებით შვილებს განსაკუთრებით გაახარებენ და ცდილობენ მუდმივად მათი სურვილების დაკმაყოფილებას. დაწყებითი კლასის მოსწავლეებისთვის ყიდულობენ ძვირადღირებულ სათამაშოებს, სმარტფონებს, სამოსებს და ა.შ. ბავშვებმა, რომლებიც ადრეული ასაკიდან უზრუნველყოფილი იქნებიან ყველა სურვილის დაკმაყოფილებით, ძვირადღირებული საჩუქრებით, ზრდასრულ ასაკში შესაძლოა დაკარგონ ინტერესი სიახლეების მიმართ ან იყვნენ მუდმივ მოთხოვნილებაში ირგვლივ მყოფთა მიმართ, რაც შემდგომ, შესაძლოა, საფუძვლად დაედოს სხვადასხვა სახის ფსიქოლოგიურ პრობლემებს.

ჯობს ბავშვებს ვაჩუქოთ საჩუქრები, ვიდრე ფული, რათა არ დარჩეთ განცდა, რომ "არ შემიძლია ვიდარდო და ვიფიქრო შენ შესახებ ბევრი, ასე რომ, ფული აქ არის და რაც გინდა ის იყიდე“. ეს სულაც არ არის მარტივი გამოსავალი.

მშობლები, რომლებიც არიან დასაქმებული, ცდილობენ ბავშვებთან გატარებული მცირე დროის კომპენსირებას ძვირადღირებული საჩუქრებით. მნიშვნელოვანია შვილებთან გატარებული ნებისმიერი წუთის ეფექტური წარმართვა, საკუთარი ხელით ან შვილებთან ერთად დამზადებული ნივთების ჩუქება ერთმანეთისთვის, რაც ხელს უწყობს ბავშვის ჯანსაღ განვითარებას, ვინაიდან ისინი ეჩვევიან ადამიანური ურთიერთობების მნიშვნელოვნებას და შრომით ღირებულებას.

მნიშვნელოვანია მშობლის მიერ შვილისთვის ნაჩუქარ საჩუქარს ჰქონდეს სიმბოლური დატვირთვა, ასევე ემსახურებოდეს ბავშვის განვითარებას. შვილისთვის საჩუქრის შერჩევა მისი ასაკისა და საჭიროების გათვალისწინებით უნდა მოხდეს.

ამასთან ერთად, საჩუქრის მთავარი დანიშნულება ისაა, რომ მან არა მარტო გაახაროს ადრესატი, არამედ მომავალშიც ხშირად გაახსენოს ის ადამიანი, ვინც ის აჩუქა.

ხშირად ბავშვები ითხოვენ მშობლებისგან საჩუქარს, რომელიც, მაგალითად, მის მეგობარს აქვს. ასეთ დროს მნიშვნელოვანია მშობელმა აუხსნას შვილს საჭიროების შესახებ, არის თუ არა ეს შესაძლებელი ფინანსურად მშობლისთვის იმ მომენტში და შესაბამისად მოხდეს პრობლემის გადაჭრა. წინააღმდეგ შემთხვევაში ბავშვები საკუთარი მოთხოვნილებების მუდმივ დაკმაყოფილებას ეჩვევიან და უჩნდებათ უფრო და უფრო მეტი მოთხოვნები მშობლების მიმართ, რაც შეიძლება მშობლებთან დაპირისპირების და კონფლიქტის საგანიც გახდეს მომავალში. მშობლის მიერ ნაჩუქარი საჩუქარი არ უნდა ემსახურებოდეს შვილის მოთხოვნილების უპირობო დაკმაყოფილებას. საჩუქრის ჩუქების დროს აქცენტი არ უნდა იყოს გაკეთებული საჩუქრის ფასზე, მნიშვნელოვანია მისი სიმბოლური დანიშნულების ცოდნა ბავშვისთვის – თუ რისთვის და რატომ დაასაჩუქრეს ის.

რაც შეეხება თოვლის ბაბუის საჩუქარს, ამით მანიპულირება პატარებისთვის კარგი არ არის. ბავშვს უნდა სჯეროდეს, რომ თოვლის ბაბუა საჩუქარს მიუტანს თუ არა, ეს მის საქციელზე არ არის დამოკიდებული. იგი დარწმუნებული უნდა იყოს, რომ საოცრება ხდება ყოველგვარი წინაპირობების გარეშე, ზუსტად იმიტომ, რომ ეს საოცრებაა.

ბავშვებმა და მოზარდებმა უნდა იცოდნენ, რომ საჩუქარი ემსახურება ერთმანეთისთვის სიხარულის მინიჭებას და ოჯახის წევრების ერთმანეთზე ზრუნვას, ერთმანეთისთვის ბედნიერების მინიჭებას ყოველგვარი დამსახურებებისა და პირობების გარეშე.

403
ვიდეოკამერა

ფრთხილად, გითვალთვალებენ! ყველაფერი, რაც ვიდეოთვალთვალის შესახებ უნდა იცოდეთ

162
(განახლებულია 10:10 28.02.2021)
ბევრი მიიჩნევს, რომ ვიდეოთვალთვალი პირად ცხოვრებაში ჩარევის ერთ-ერთ ყველაზე რადიკალური ფორმაა.  თუმცა, თანამედროვე სამყაროში ის უკვე მონაცემთა დამუშავების საკმაოდ გავრცელებული და კანონით ნებადართული საშუალებაა.

ვითეოთვალთვალი რომ არ იქცეს ადამიანის პირად ცხოვრებაში ჩარევად,  მისი გამოყენებისას აუცილებლად უნდა იყოს გათვალისწინებული  კანონით დადგენილი კონკრეტული წესები და რეგულაციები.

დღევანდელ სტატიაში აგიხსნით, რა არის ვითეოთვალთვალი, რა მიზნებისთვის და სად შეიძლება გამოიყენონ, ვის მიუწვდება ხელი ვიდეოჩანაწერებზე, როდის უნდა გადადგურდეს ისინი და ა.შ.

როგორც ზემოთ აღვნიშნეთ, ვიდეოთვალთვალი მონაცემთა დამუშავების საკმაოდ გავრცელებული და კანონით ნებადართული საშუალებაა. საქართველოში მის გამოყენებას „პერსონალურ მონაცემთა დაცვის შესახებ“ კანონი არეგულირებს.

სად შეიძლება განხორციელდეს ვიდეოთვალთვალი:

- ქუჩასა (ტერმინი ქუჩა მოიცავს პარკს, სკვერს, სათამაშო მოედანს, საზოგადოებრივი ტრანსპორტის გაჩერებას და სხვა თავშეყრის ადგილს)  და საზოგადოებრივ ტრანსპორტში

- საჯარო და კერძო დაწესებულებებში

- საცხოვრებელ შენობებში

რა მიზნით შეიძლება განხორციელდეს ვიდეოთვალთვალი:

იმის მიხედვით, თუ სად მიმდინარეობს ვიდეოთვალთვალი, განსხვავებულია მისი მიზნებიც. კერძოდ,

ქუჩასა და საზოგადოებრივ ტრანსპორტში ვიდეოთვალთვალი დასაშვებია მხოლოდ შემდეგი მიზნების მისაღწევად:

- დანაშაულის თავიდან აცილება;

- პირის უსაფრთხოებისა და საკუთრების დაცვა;

- საზოგადოებრივი წესრიგის დაცვა;

- არასრულწლოვანთა მავნე ზეგავლენისაგან დაცვა.

 საჯარო და კერძო დაწესებულებათა შენობების ვიდეოთვალთვალი დაიშვება შემდეგი მიზნით:

- პირის უსაფრთხოების და საკუთრების დაცვა;

- არასრულწლოვანის მავნე ზეგავლენისაგან დაცვა;

- საიდუმლო ინფორმაციის დაცვა.

- გამოცდის ან ტესტირების მიზნებისთვის

საცხოვრებელ შენობაში ვიდეოთვალთვალის სისტემის გამოყენება დასაშვებია მხოლოდ

- პირისა და ქონების უსაფრთხოების მიზნებისათვის.

როდესაც ქუჩაში  ან  საზოგადოებრივ ტრანსპორტში მიმდინარეობს ვიდეოთვალთვალი, საჯარო და კერძო დაწესებულებები ვალდებული არიან, თვალსაჩინო ადგილას განათავსონ შესაბამისი გამაფრთხილებელი ნიშანი. ამ შემთხვევაში პირი ინფორმირებულია იმის შესახებ, რომ მის შესახებ მონაცემთა დამუშავება მიმდინარეობს.

რაც შეეხება საჯარო და კერძო დაწესებულებებში მონიტორინგს, ვიდეოთვალთვალის სისტემის მეშვეობით შესაძლებელია  მხოლოდ შენობის გარე პერიმეტრისა და შესასვლელის მონიტორინგის განხორციელება. მონაცემთა დამმუშავებელი ვალდებულია, თვალსაჩინო ადგილას განათავსოს შესაბამისი გამაფრთხილებელი ნიშანი. ამ შემთხვევაში მონაცემთა სუბიექტი მის შესახებ მონაცემთა დამუშავების თაობაზე ინფორმირებულად ითვლება.

კანონმდებლობა  სამუშაო ადგილზე ვიდეოთვალთვალის სისტემის დაყენებას  მხოლოდ გამონაკლის შემთხვევებში უშვებს: თუ ეს აუცილებელია პირის უსაფრთხოებისა და საკუთრების დაცვის, საიდუმლო ინფორმაციის დაცვის და გამოცდის/ტესტირების მიზნებისათვის და თუ ამ მიზნების სხვა საშუალებით მიღწევა შეუძლებელია.

თუ სამუშაო  ადგილას მაინც იყენებენ ვიდეოთვალთვალის სისტემას, შესაბამის კერძო ან საჯარო დაწესებულებაში დასაქმებული ყველა პირი წერილობითი ფორმით უნდა იყოს ინფორმირებული ვიდეოთვალთვალის განხორციელებისა და მისი უფლებების შესახებ.

გაითვალისწინეთ, ვიდეოთვალთვალის განხორციელება დაუშვებელია გამოსაცვლელ ოთახებსა და ჰიგიენისათვის განკუთვნილ ადგილებში.

საჯარო და კერძო დაწესებულებებათა შენობების ვიდეოთვალთვალის შემთხვევაში, მონაცემთა დამმუშავებელი ვალდებულია შექმნას ვიდეოჩანაწერების შენახვისათვის განკუთვნილი ფაილური სისტემა. ჩანაწერების (სურათები/ხმა) გარდა, სისტემა უნდა შეიცავდეს ინფორმაციას მონაცემთა დამუშავების თარიღის, ადგილისა და დროის შესახებ.

საცხოვრებელ შენობაში ვიდეოთვალთვალის სისტემის დასაყენებლად კი აუცილებელია ამ შენობის მესაკუთრეთა ნახევარზე მეტის წერილობითი თანხმობა. აუცილებელია, ვიდეოთვალთვალის სისტემის დაყენების შესახებ  ეცნობოთ შენობაში მცხოვრებთ.

კანონის მიხედვით, საცხოვრებელ შენობაში დაყენებული ვიდეოთვალთვალის სისტემის მეშვეობით შესაძლებელია განხორციელდეს მხოლოდ შესასვლელისა და საერთო სივრცის მონიტორინგი. მესაკუთრეთა ბინების მონიტორინგი იკრძალება. გასათვალისწინებელია, რომ ეს წესი არ ვრცელდება პირადი მიზნებისთვის მონაცემთა დამუშავებაზე და იმ შემთხვევაზე, როცა ბინის მესაკუთრე თავად ახორციელებს საკუთარ ბინაში ვიდეოთვალთვალს.

აღსანიშნავია, რომ ვიდეოთვალთვალის სისტემის მეშვეობით ბინის შესასვლელის მონიტორინგის განხორციელება დასაშვებია მხოლოდ ამ ბინის მესაკუთრის გადაწყვეტილებით ან მისი წერილობითი თანხმობის საფუძველზე.

ვიდეოთვალთვალის შედეგად მოპოვებულ მონაცემებზე ხელი უნდა მიუწვდებოდეთ მხოლოდ სათანადო უფლებამოსილების  მქონე პირებს. ვიდეოჩანაწერი კი უნდა ინახებოდეს მხოლოდ იმ განსაზღვრული ვადით, რაც საჭიროა კონკრეტული მიზნის მისაღწევად.

აღსანიშნავია, რომ კანონით განსაზღვრული მიზნების მისაღწევად ვიდეოთვალთვალი განხილულია სივრცისა თუ ქცევის მონიტორინგის როგორც ერთ–ერთ და არა ერთადერთი საშუალება. ვინაიდან ვიდეოთვალთვალი მიჩნეულია პირად ცხოვრებაში ჩარევის რადიკალურ ფორმად, აუცილებელია მონაცემთა დამმუშავებელმა გააანალიზოს საფრთხე და დაასაბუთოს ამ სისტემის გამოყენების აუცილებლობა, კერძოდ უნდა შეფასდეს:

- მონაცემთა დამმუშავებლის რეალური საჭიროება და მიზანი; 

-სისტემის გავლენა პირადი ცხოვრების ხელშეუხებლობის უფლებაზე;

- სხვა საშუალებებით მიზნის მიღწევის შესაძლებლობა.

ვიდეოთვალთვალის სისტემა გამოყენებული უნდა იყოს მხოლოდ კანონით განსაზღვრული მიზნით. დაუშვებელია მისი სხვა მიზნით გამოყენება

 

162
ჩვილი ბავშვი საფენში

შეიძლება თუ არა ჩვილის მუცელზე დაძინება? ევგენი კომაროვსკის პასუხი მშობლებს

201
(განახლებულია 21:34 26.02.2021)
მსოფლიოს ყველა ქვეყნის პედიატრიულ ასოციაციებს აქვთ მკაფიო პოზიცია, რომ ადრეულ ასაკში ბავშვის მუცელზე ძილი ზრდის ჩვილთა უეცარი სიკვდილის სინდრომის რისკს.

თბილისი, 26 თებერვალი — Sputnik. ჩვილი ბავშვების მუცელზე დაძინება რეკომენდებული არ არის, აცხადებს უმაღლესი კატეგორიის პედიატრი ევგენი კომაროვსკი.

ბავშვთა ცნობილ ექიმს ერთ–ერთმა მშობელმა ასეთი შეკითხვა დაუსვა: „თქვენ არ აძლევთ მშობლებს ბავშვების მუცელზე დაძინების რეკომენდაციას. მაგრამ როგორ მოვიქცეთ, თუ მას ასეთ მდგომარეობაში უკეთ სძინავს? ბევრჯერ ვცადე, რომ პოზა შეეცვალა, მაგრამ ის მაინც ისე წვება, როგორც მოსწონს, ანუ მუცელზე. სხვაგვარად როცა წევს, ხშირად იღვიძებს და კაპრიზობს. მშვიდდება მხოლოდ მაშინ, როცა მუცელზე წევს. იქნება მაინც მივცე მუცელზე ძილის საშუალება, რახან ასე ურჩევნია?“

ამაზე პასუხად ევგენი კომაროვსკი მშობელს წერს:

„მე უბრალოდ ვერ გეტყვით, რომ თქვენი ბავშვისთვის მუცელზე ძილი შეიძლება, ვინაიდან მისი ასაკი არ ვიცი. მსოფლიოს ყველა ქვეყნის პედიატრიულ ასოციაციებს აქვთ მკაფიო პოზიცია, რომ ადრეულ ასაკში ბავშვის მუცელზე ძილი ზრდის ჩვილთა უეცარი სიკვდილის სინდრომის  რისკს.

დიახ, მე — როგორც პედიატრი, რომლის ხელშიც ასობით ათას ბავშვს გაუვლია, ვადასტურებ, რომ ბავშვებს მუცელზე უკეთ სძინავთ, ვიდრე ზურგზე. მაგრამ სამედიცინო მეცნიერების თანახმად, მართალია, ასეთი ძილი უფრო მაგარია, მაგრამ ამავდროულად უფრო სარისკოცაა ბავშვის სიცოცხლის კუთხით, ვიდრე ზურგზე ძილი.

ამიტომ ექიმი ვერ დაგრთავთ ამის ნებას. ექიმი ყოველთვის გეტყვით, რომ ჩვილის მუცელზე დაძინებას რისკები ახლავს. ამიტომ, როცა ბავშვს (სულ ცოტა, ერთ წლამდე მაინც) მუცელზე აძინებთ, მთელი ეს რისკები თქვენს სინდისზე იქნება.

ერთადერთი, რაც შემიძლია გითხრათ ისაა, რომ: თუ ბავშვი არანაირად არ იძინებს ზურგზე, სძინავს მხოლოდ მუცელზე, ამ დროს კი უკვე იცით, რომ ეს სახიფათოა, შეგიძლიათ ორი ძირითადი მეთოდით შეამციროთ რისკები.

  • პირველი: საწოლში ბავშვის გარდა არაფერი არ უნდა იყოს. ანუ მხოლოდ მყარი და სწორი ზედაპირის მქონე ლეიბი — ბალიშების, პლედების, სათამაშოებისა და სხვა ნებისმიერი ნივთის გარეშე. ბავშვს უნდა ეცვას შესაბამისად თბილად და ეძინოს ლეიბზე მკვრივად გადაჭიმულ ზეწარზე.

დაიმახსოვრეთ: მთავარია იდეალურად სწორი ზედაპირი და არაფერი ისეთი, რაშიც ბავშვს შეუძლია გაეხვეს ან ცხვირი შეყოს.

  • მეორე: ჰაერის ტემპერატურისა და ტენიანობის სწორი პარამეტრები. ანუ ბავშვს უნდა ეძინოს ოთახში, სადაც ტემპერატურა არ არის 20 გრადუსზე მაღალი, ხოლო ტენიანობა 40–60%-ს არ აღემატება.

ასე რომ, თუ მაინც გადაწყვეტთ ბავშვის მუცელზე დაძინებას, ყველაფერი უნდა გააკეთოთ იმისთვის, რომ მინიმუმამდე დაიყვანოთ ჩვილთა უეცარი სიკვდილის სინდრომის რისკი“.

201
თემები:
ექიმი გირჩევთ
დონალდ ტრამპი

ამერიკელი კონსერვატორები ირჩევენ დონალდ ტრამპს: გამოკითხვის შედეგები

0
(განახლებულია 11:31 01.03.2021)
კონფერენციაზე ტრამპმა მკაცრად გააკრიტიკა ჯო ბაიდენი და განაცხადა, რომ ერთ თვეში ის უკვე იქცა აშშ-ის ისტორიაში ყველაზე ცუდ პრეზიდენტად

თბილისი, 1 მარტი — Sputnik. აშშ–ის კონსერვატიული წრეების დიდ ნაწილს რესპუბლიკური პარტიის საპრეზიდენტო კანდიდატად 2024 წელს დონალდ ტრამპის ხილვა სურს, იუწყება Fox News–ი.

აღნიშნულს ადასტურებს გამოკითხვა, რომელიც ორლანდოში (კალიფორნიის შტატი) კონსერვატორული პოლიტიკური მოქმედებების  კონფერენციაზე  (Conservative Political Action Conference)  ჩატარდა.

როგორც გამოკითხვამ აჩვენა, კონფერენციის მონაწილეთა 68% თანახმაა, რომ დონალდ ტრამპმა მონაწილეობა მიიღოს მომავალ საპრეზიდენტო არჩევნებში. ამასთან ამდენივეა მომხრე, რომ ქვეყანაში ექს–პრეზიდენტის პოლიტიკური კურსი შენარჩუნდეს.

გარდა ამისა, გამოკითხვა ჩატარდა კიდევ ერთ საკითხზე: კერძოდ, ვის დაუჭერდნენ მხარს კონფერენციის მონაწილეები რესპუბლიკელების პრაიმერიზებში არჩევნების წინ. გაირკვა, რომ 55% ტრამპის მომხრეა. მეორე ადგილზე გავიდა ფლორიდის გუბერნატორი რონ დესანტისი — 21%-ით, ხოლო მესამეზე სამხრეთ დაკოტის გუბერნატორი კრისტინ ნოემი — 4%-ით.

ურყევი მხარდაჭერა: დონალდ ტრამპს მეორე იმპიჩმენტმაც ვერ ავნო>>

აღსანიშნავია, რომ გამოკითხვის შედეგები პირდაპირ ეთერში გამოცხადდა კონფერენციაზე დონალდ ტრამპის სიტყვით გამოსვლის წინ.

ეს იყო აშშ–ის ექს–პრეზიდენტის პირველი საჯარო გამოსვლა მას შემდეგ, რაც მან პოსტი დატოვა.

0
თემები:
საერთაშორისო პანორამა