არომათერაპია

არომათერაპია საკუთარი ხელით: როგორ შევქმნათ სურნელი განწყობისა და ჯანმრთელობისათვის

925
(განახლებულია 17:28 30.09.2019)
ეთერზეთებით მდიდარი არომატული მცენარეები უფრო და უფრო პოპულარული ხდება ინტერიერის დიზაინში – როგორც ეფექტური სამკურნალო არომათერაპიული და ჰაერის გამწმენდი ბუნებრივი საშუალებები.

ადამიანის ტვინი გარემოს არომატებით იმახსოვრებს. სწორედ არომატი ქმნის პირველ შეგრძნებას, განსაკუთრებით, დახურული სივრცის აღქმისას. არავინ დავობს, რომ ნებისმიერი სახლისა თუ შენობის ინტერიერს ჰაერში უჩვეულო და სასიამოვნო არომატები მეტ სიმყუდროვეს და სინატიფეს სძენს.

თუ გინდათ სახლში ყოველთვის სასიამოვნო სურნელი იდგეს, საკუთარი ხელით შექმენით სასურველი არომატიზატორი. მცირედი ძალისხმევა და რამდენიმე წუთი ნამდვილად ღირს იმად, რასაც შედეგით მიიღებთ. სასიამოვნო არომატი აგიმაღლებთ განწყობას, გააქრობს სახლში უსიამოვნო სუნს, დაგიცავთ მწერებისგან და, რაც მთავარია, აბსოლუტურად უვნებელი ბუნებრივი არომატიზატორები ემოციურ წონასწორობას და ჰარმონიას შემოიტანს თქვენს ოჯახში.

მაშ ასე, დავიწყოთ:

არომატული „ტომსიკა-საშე“

არომატული ტომსიკა, იგივე „საშე“ - ეს არის არომატული მცენარეებით ამოვსებული პატარა ბალიში, ან ტომსიკა, რომელსაც უხსოვარი დროიდან იყენებენ შენობებში ჰაერის გასაწმენდად. დღეს ბევრგან შეხვდებით განსხვავებული სურნელის სხვადასხვა ფორმისა და ზომის ასეთ ტომსიკებს. სხვა არომატიზატორებისგან განსხვავებით ტომსიკების პოპულარობას ჯანმრთელობისათვის უვნებელი ჰიპოალერგიული შიგთავსი განაპირობებს.

როგორ გავაკეთოთ „ტომსიკა-საშე“

უპირატესობა მიანიჭეთ ბამბის, აბრეშუმის, სელის, ბამბუკის, ჯვალოს და სხვა ბუნებრივ ქსოვილებს. შეკერეთ თქვენთვის სასურველი ზომის და ფორმის ტომარა. სურვილის შემთხვევაში გააფორმეთ ორნამენტებით, მძივებით, ნაქარგებით, ლენტებით. ტომსიკა ამოკერეთ სამ მხარეს, ამოავსეთ შიგთავსით და მეოთხე მხარეც ამოკერეთ, ან თავი თოკით მოუკარით. გაითვალისწინეთ, არომატული ტომსიკა დიდი ხნით არ ინარჩუნებს არომატს და 3-5 თვის შემდეგ მისი შიგთავსი ახლით უნდა შეცვალოთ.

არომატული ტომსიკის შიგთავსისთვის შეგიძლიათ გამოიყენოთ:

ციტრუსების მშრალი ქერქები;

ლავანდის, ვარდის, მელისას, პიტნის, ნემსიწვერას, მიხაკის, ჟასმინის და სხვა არომატული ეთერზეთოვანი მცენარეების მშრალი ყვავილები და ფოთლები;

ნებისმიერი მშრალი ბოჭკოვანი მასა (ბამბა, მატყლი), რომელზეც უნდა დაასხათ ლავანდის, ლიმნის, როზმარინის, ვარდის, ან სხვა მცენარის არომატული ზეთის რამდენიმე წვეთი;

სხვადასხვა სანელებელი: ვანილის ჩხირები, ანისული, მიხაკი, დარიჩინი, ბადიანი, ჯავზი და სხვ. გაითვალისწინეთ: ამ შემთხვევაში შიგთავსის მასა ტომსიკის მთლიან მასაზე ნაკლები უნდა იყოს მათი ინტენსიური და მძაფრი არომატის გამო;

მზა არომატული ტომსიკები ჩაყარეთ მოწნულ კალათში, დაკიდეთ კედლებზე, რაც ნაზი ნელსურნელებით აავსებს ოთახს. დაიწყვეთ თავთან, ან თავქვეშ – თქვენი მშვიდი ძილის გარანტი იქნება. დაალაგეთ კარადაში – ებრძვის ჩრჩილს, იცავს და ნაზ, სასიამოვნო სურნელს სძენს ტანსაცმელსა და თეთრეულს.

არომატული ქვები

არომატული ქვები თანამედროვე ინტერიერის ისეთი აუცილებელი დეტალი გახდა, რომელიც ყურადღებას იქცევს, უჩვეულო და მიმზიდველი არომატით ჟღენთს ჰაერს და ხაზს უსვამს გემოვნებით მოწყობილი სახლის ნატიფ ინტერიერს.

არომატული ქვების გაკეთება დიდ დროს არ წაგართმევთ და საკმაოდ მარტივია. ამისთვის დაგჭირდებათ:

ფქვილი - 600 გ;

მარილი - 1 კგ.;

კარტოფილის, ან სიმინდის სახამებელი - 5 სუფრის კოვზი;

სხვადასხვა ეთერზეთები - სურვილის მიხედვით;

საკვები, ან სამხატვრო საღებავები (შეიძლება გუაშიც).

ერთმანეთს აურიეთ მარილი, სახამებელი და ფქვილი. საღებავი გახსენით წყალში, ჩაასხით ფქვილიან ჭურჭელში და მოზილეთ მკვრივი ცომი. მიღებული მასა გააბრტყელეთ 1 სმ სისქეზე და ამოჭერით ფორმები, ან დაყავით მცირე ნაწილებად და გააკეთეთ სასურველი ფორმის ფიგურები. თითეულ ასეთ „ქვაზე“ დაასხით თქვენთვის სასურველი ეთერზეთის 2-3 წვეთი. როცა ქვები გაშრება, ააწყვეთ კომპოზიციები და დატკბით არომატული ფერადი ქვების სილამაზითა და სურნელით. დროთა განმავლობაში ქვების არომატი შესუსტდება. არ იჩქაროთ მათი გადაყრა. განაახლეთ – ხელახლა დაასხით რამდენიმე წვეთი ეთერზეთი და კვლავ დატკბით მათი არომატით.

არომატული ჩხირები

თანამედროვე ინტერიერის დიზაინში არანაკლები ადგილი უკავია არომატულ ჩხირებს, რომლის გაკეთებაც ასევე შეგიძლიათ საკუთარი ხელით. ამისთვის დაგჭირდებათ:

15-30 სმ სიგრძის ხის ჩხირები (გამოიყენეთ ბამბუკის ჩხირები, ან ხის შამფურები);

სასურველი ზომის და ფორმის შუშის ქილა ან ლარნაკი (მთავარია იყოს ვიწროყელიანი);

მცენარეული ზეთი (უმჯობესია ზეითუნის, დეზოდორირებული);

სასურველი ეთერზეთი, ან ეთერზეთების ნარევი;

სპირტი.

მცენარეულ ზეთში აურიეთ ერთი ან რამდენიმე ეთერზეთი (100 მლ მცენარეულ ზეთზე ოპტიმალურია 25 წვეთი ეთერზეთი. უფრო მძაფრი და ინტენსიური არომატისთვის შეგიძლიათ ეთერზეთის რაოდენობა გაზარდოთ). დაუმატეთ 2-3 ჩაის კოვზი სპირტი და კარგად აურიეთ. მზა არომატული ნარევი ჩაასხით ქილაში, ჩააწყვეთ ხის ჩხირები და დადგით სასურველ ადგილზე (ქილაში ჩასხმული ზეთი უნდა ფარავდეს ხის ჩხირის სიგრძის 1/3).

თუ გსურთ, რომ არომატულ ჩხირებს დიდხანს გაჰყვეს სასიამოვნო სურნელი, ქილაში პერიოდულად ჩაუმატეთ რამდენიმე წვეთი ეთერზეთი.

ჟელესებური არომატიზატორი

დაგჭირდებათ:

ჟელატინი - 20 გ;

წყალი - 300 მლ.;

გლიცერინი - 25 გ;

ეთერზეთები - 10-15 წვეთი;

სასურველი ფერის საღებავი;

გამჭირვალე, ლამაზი ქილა.

ჩაყარეთ ჟელატინი წყალში და გააჩერეთ 50-60 წთ. მთლიანად რომ გაიხსნება, გაათბეთ დაბალ ცეცხლზე ადუღებამდე. დაუმატეთ საღებავი (შეიძლება გუაშიც) და დაელოდეთ გაცივებას. ოდნავ თბილს დაუმატეთ გლიცერინი, ეთერზეთები და კარგად აურიეთ. ჟელატინის მასა გადაიტანეთ დეკორატიულ ქილაში და თქვენი არომატიზატორიც მზად არის.

უფრო მარტივი დასამზადებელია ჰიდროგელიანი არომატიზატორი, რომლისთვისაც მხოლოდ ჟელეს ბურთები (თავისუფლად ნახავთ მაღაზიებში) და სასურველი ეთერზეთები დაგჭირდებათ.

ჟელეს ბურთები ჩაყარეთ ქილაში და დაასხით წყალში გახსნილი ეთერზეთები (ერთ პაკეტზე 10-15 წვეთი), კარგად მოურიეთ და დატოვეთ 12 საათი. პერიოდულად ურიეთ. ამ ხნის განმავლობაში ეთერზეთები წყალთან ერთად ბურთებში შეიწოვება. გაბერილი ბურთები გადაიტანეთ დეკორატიულ ქილაში და არომატიზატორიც მზად არის. 

დროთა განმავლობაში ჟელეს ბურთები მოცულობაში იკლებს და კარგავს არომატს, ასეთ დროს განაახლეთ – დაამატეთ წყალში გახსნილი ეთერზეთები.

არომატიზატორების გამოყენებისას უნდა გაითვალისწინოთ რამდენიმე წესი: სახლში რომ ყოველთვის სასიამოვნო სურნელი იდგეს, უნდა გამოიყენოთ ყველა ოთახისთვის ერთი და იგივე არომატიზატორი. თუ არომატიზატორად რამდენიმე ეთერზეთის გამოყენება გსურთ, ყურადღება მიაქციეთ ნარევის შემადგენლობას, რათა სასიამოვნო სურნელის ნაცვლად მძაფრი და შემაწუხებელი არომატით არ გაჟღინთოთ ჰაერი. მაგალითად, ჰარმონიულად ეხამება ერთმანეთს ლიმონი და ლავანდა; ვარდი და ჟასმინი; მიხაკი და როზმარინი; ლიმონი, სოჭი და ბერგამოტი; ლიმონი, პიტნა, მიხაკი და სოჭი. 

ჰაერის გაწმენდასთან ერთად არანაკლებ მნიშვნელოვანი და საყურადღებოა ეთერზეთების არომათერაპიული მოქმედება. სწორედ ამ მიზნით გამოიყენება არომატული ტომსიკები. მაგალითად:

პიტნა - ხსნის დაძაბულობას, ამაღლებს განწყობას, ხსნის ნერვულ აშლილობას და დეპრესიას. პიტნის არომატულ ბალიშებს უხსოვარი დროიდან იყენებენ ძილის მოსაწესრიგებლად, ხელს უწყობს მეხსიერების გააქტიურებას გონებრივი გადაღლილობის დროს.

ჯავზი - შველის უძილობას და თავის ტკივილს, ამშვიდებს ნერვულ სისტემას, აწესრიგებს ემოციურ მდგომარეობას, აუმჯობესებს მეხსიერებას და ამაღლებს განწყობას. ჯავზის არომატი აფრთხობს ხოჭოებს და ჩრჩილს. 10-15 წუთში უკვალოდ აქრობს ალკოჰოლის სუნს.

ვანილი - ამაღლებს სასიცოცხლო ძალებს, აუმჯობესებს გონებრივ შესაძლებლობებს, ხსნის გაღიზიანებას, ამშვიდებს და ქმნის სულიერი კომფორტის განცდას, ამშვიდებს ნერვულ და ფსიქიკურ აშლილობას, აწესრიგებს ძილს, აქვს მატონიზირებელი მოქმედება.

როზმარინი - ამაღლებს განწყობას, აქრობს თავის ტკივილს, თავბრუს ხვევას, ებრძვის ნერვულ აშლილობას, აწესრიგებს ძილს, აუმჯობესებს მეხსიერებას.

კოთხუჯი - აღადგენს ენერგიას და შინაგან ძალებს, ხსნის სტრესს და ფსიქიკურ დაქანცულობას, აუმჯობესებს მეხსიერებას.

უსუპი - აქვს დამამშვიდებელი, ტკივილგამაყუჩებელი, სპაზმოლიზური და საერთო გამაჯანსაღებელი მოქმედება.

ანგელოზა - შველის უძილობას და შაკიკს, ამშვიდებს ნერვულ სისტემას.

პაჩული - ძლიერი დამამშვიდებელი მოქმედების არომატი ხსნის განგაშის და დეპრესიულ განცდებს, ამშვიდებს მღელვარებას, აუმჯობესებს მეხსიერებას, ამშვიდებს და ატონიზირებს ორგანიზმს.

გამოიყენეთ სხვადასხვა არომატული ზეთები ინტერიერის დიზაინში და გახადეთ თქვენი სახლის სივრცე უფრო მიმზიდველი, მყუდრო, კომფორტული და არომატული, თქვენი განწყობა კი – უფრო ამაღლებული.

 

925
ადამიანები ასაკშიც ბავშვებად რჩებიან

ამით გაიგებთ, რამდენი წლის ხართ სინამდვილეში: პრაქტიკული ტესტი

150
(განახლებულია 17:19 04.06.2020)
სპეციალისტებმა შეიმუშავეს რამდენიმე ნაწილისგან შემდგარი პრაქტიკული ტესტი, რომელიც დაგეხმარებათ დაადგინოთ, რამდენი წლის ხართ სინამდვილეში.

დაბერება სასიცოცხლო ციკლის გარდაუვალი პროცესია, თუმცა თითოეული ადამიანი სხვადასხვაგვარად შედის ასაკში.

სპეციალისტების თქმით, ადამიანის სიცოცხლის ხანგრძლივობას 20%-ით განსაზღვრავს გენეტიკა (მემკვიდრეობითობა), 15% მოდის ეკოლოგიაზე, 12% – მედიცინაზე, ხოლო დანარჩენ 53%-ში უშუალოდ ადამიანია პასუხისმგებელი საკუთარ დღეგრძელობაზე.

ჯანდაცვის მსოფლიო ორგანიზაციის განმარტებით, სიცოცხლის ხანგრძლივობა და ახალგაზრდობის შენარჩუნება შეძლებისდაგვარად დიდი ხნის განმავლობაში პირდაპირაა დამოკიდებული ადამიანის ცხოვრების წესზე.

რას ნიშნავს ბიოლოგიური ასაკი? 

კალენდარული, ანუ საპასპორტო ასაკი ყოველთვის არ გამოდგება ადამიანის ჯანმრთელობისა და შრომისუნარიანობის შესაფასებელ კრიტერიუმად. ქრონოლოგიური თანატოლები ხშირად მნიშვნელოვნად განსხვავდებიან ერთმანეთისგან ასაკობრივი ცვლილებების ტემპებით.

მეცნიერების აზრით, ადამიანის ნამდვილი წლოვანება — ბიოლოგიური ასაკია, ანუ ტვინისა და კუნთების მდგომარეობა. ამის დასტურად შეიძლება 50–60 წლის „გოგო-ბიჭებისა“ თუ 30 წლის „მოხუცების“ გახსენება, რომლებიც, სავარაუდოდ, ყველა თქვენგანს შეხვედრია. 

გაიგეთ თქვენი ბიოლოგიური, ანუ ნამდვილი ასაკი

ამისათვის საჭიროა გაიაროთ რამდენიმე ნაწილისგან შემდგარი პრაქტიკული ტესტი, რისთვისაც დაგჭირდებათ წამმზომიანი საათი, სახაზავი – 50 სმ სიგრძის, ერთი ადამიანი მცირედი დახმარების გასაწევად და ასევე კალამი და ფურცელი მონაცემების ჩასაწერად, რათა ბოლოს შედეგი გამოთვალოთ. 

ტესტი პულსზე (მხოლოდ ფიზიკურად მომზადებულებისა და ჯანმრთელებისთვის)

გაიზომეთ პულსი, შემდეგ კი გააკეთეთ 20 ბუქნი თქვენთვის მისაღები ტემპით. არ იჩქაროთ!

თუ ვარჯიშის შემდეგ თქვენმა პულსმა მოიმატა:

ტესტი რეაქციაზე 

დამხმარემ უნდა დაიჭიროს სახაზავი სიგრძეზე ისე, რომ ნული ქვემოთ მოექცეს. ამ დროს თქვენ ხელი სახაზავზე დაახლოებით 10 სმ-ით ქვემოთ უნდა გქონდეთ გაწვდილი. როგორც კი დამხმარე სახაზავს ხელს გაუშვებს, სცადეთ დაიჭიროთ ის საჩვენებელი და ცერა თითით.  

თუ სახაზავი დაიჭირეთ:

  • 20 სმ ნიშნულზე — თქვენი ბიოლოგიური ასაკი 20 წლის ახალგაზრდას შეესაბამება;
  • ნიშნული 25 სმ შეესაბამება 30 წელს;
  • 35 სმ ნიშნული — 40 წელს;
  • 45 სმ ნიშნული — 60 წელს.

როგორ გავაძლიეროთ ტვინის მუშაობა – 14 ჯანსაღი საკვები ტვინის უკეთესი ფუნქციონირებისთვის>>

ტესტი მოძრაობაზე

  • გადაიხარეთ წინ ისე, რომ მუხლები არ მოხაროთ და სცადეთ ხელისგულებით შეეხოთ იატაკს;
  • თუ ხელისგულებს მთლიანად ადებთ იატაკს — თქვენი ბიოლოგიური ასაკი 20-30 წლებს შორის მერყეობს;
  • თუ მხოლოდ თითებით შეეხეთ — თქვენ დაახლოებით 40 წლის ხართ;
  • თუ ხელებს მხოლოდ წვივებამდე აწვდენთ — თქვენი ბიოლოგიური ასაკი 50 წლის ფარგლებშია;
  • თუ მხოლოდ მუხლებზე შეხება მოახერხეთ — ე.ი. უკვე 60 წლის ბრძანდებით.  

მეცნიერებმა დაადგინეს, მაღვიძარის როგორი სიგნალი არღვევს ტვინის მუშაობას>>

ტესტი ბალანსირებაზე

მაგრად დახუჭული თვალებით (ეს მნიშვნელოვანია!) დადექით მარჯვენა ან მარცხენა ფეხზე. მეორე ფეხი იატაკიდან დაახლოებით 10 სანტიმეტრით ასწიეთ. დამხმარემ უნდა დაინიშნოს დრო, რამდენ ხანს შეძლებთ ცალ ფეხზე გაჩერებას.

  • 30 წამი — ნიშნავს 20 წლის ასაკთან შესაბამისობას;
  • 20 წამი — 40 წლის ხართ;
  • 15 წამი —  50 წლის ბრძანდებით;
  • 10 წამზე ნაკლები — რეალურად თქვენ 60 ან მეტი წლის ხართ.

რატომ არიან მტირალა ბავშვები უფრო ჯანმრთელები: ექიმი კომაროვსკი განმარტავს>>

ტესტი კანზე

5 წამის განმავლობაში მოუჭირეთ საჩვენებელი და ცერა თითები კანს ხელის მტევნის ზურგზე. კანი ცოტა გაგითეთრდებათ. დაინიშნეთ, რა დრო დასჭირდება გათეთრებული ლაქის ნორმალურ ფერზე დაბრუნებას.

  • 5 წამი — თქვენი ასაკი დაახლოებით 30 წელია;
  • 8 წამი — დაახლოებით 40 წელი;
  • 10 წამი — დაახლოებით 50 წელი;
  • 15 წამი — დაახლოებით 60 წელი.

ტესტი მოქნილობაზე

გადაიტანეთ ორივე ხელი ზურგს უკან — ერთი ქვემოდან, მეორე — ზემოდან, და სცადეთ თითები ერთმანეთს გადააჭდოთ.

  • თუ თითები ბოლომდე კარგად ჩაჭიდეთ ერთმანეთს — 20 წლის ხართ;
  • თუ თითები მხოლოდ შეახეთ ერთმანეთს — 30 წლის;
  • თუ თითები საერთოდ ვერ შეახეთ ერთმანეთს — 40 წლის;
  • ხოლო თუ საერთოდაც ვერ გადაიტანეთ ხელები ზურგს უკან — თქვენი ასაკი 60 წელს შეესაბამება.

გამოთვალეთ შედეგი 

ყველა ამ ტესტის დასრულების შემდეგ შეკრიბეთ ქულები და მათი ჯამი გაყავით 6-ზე.

მიღებული საშუალო არითმეტიკული იქნება კიდეც თქვენი ნამდვილი, ანუ ბიოლოგიური ასაკის ამსახველი რიცხვი.

 

150
ბავშვი ყურზე აფარებული ხელით

ყურის ტკივილი: კატეგორიული აკრძალვა პედიატრ კომაროვსკისგან

285
(განახლებულია 16:37 02.06.2020)
უმაღლესი კატეგორიის პედიატრი ევგენი კომაროვსკი მშობლებს ასწავლის, როგორ უნდა აღმოუჩინონ პატარას პირველი დახმარება ყურის ტკივილის დროს და რა გავრცელებული მეთოდების გამოყენება იკრძალება ამ დროს.

თბილისი, 2 ივნისი — Sputnik. პატარა ბავშვისთვის არსებობს დახმარების საერთო წესები, რომლებსაც მშობლებმა ნებისმიერი ლოკალიზაციისა და ინტენსივობის ტკივილის დროს უნდა მიმართონ, აცხადებს უმაღლესი კატეგორიის უკრაინელი პედიატრი ევგენი კომაროვსკი. 

მისი თქმით, უმთავრესი წესი ისაა, რომ ბავშვს არაფერი არ უნდა სტკიოდეს.

პედიატრი მშობლებს აძლევს რჩევებს, როგორ უნდა იმოქმედონ იმ შემთხვევაში, თუ მათ პატარას ყური სტკივა. მისი რეკომენდაციები ასე გამოიყურება:

სასწრაფოდ გჭირდებათ ექიმი, თუ ყურის ტკივილი:

  • სამ თვემდე ასაკის ბავშვს დაეწყო;
  • ზომიერი ტკივილი გრძელდება სამ საათზე მეტხანს;
  • სუსტად გამოხატული ტკივილი ერთ დღე-ღამეზე მეტხანს აწუხებს ბავშვს;
  • არსებობს უმცირესი ეჭვი იმისა, რომ ბავშვის ყურში რაიმე უცხო სხეული მოხვდა;
  • ყურის ტკივილს თან ახლავს თავის ან კისრის კუნთების ტკივილი.

პედიატრის თქმით, ყურის ატკივების შემთხვევაში მშობელმა გადაუდებელი დახმარების სახით ბავშვს მტკივანი ყური ქუდით ან თავსაფრით უნდა დაუფაროს და ჩააწვეთოს ცხვირში (!) სისხლძარღვების შემავიწროებელი წვეთები (სპეციალურად ბავშვებისთვის — ასაკის შესაბამისად).

ევგენი კომაროვსკის თქმით, დაუშვებელია ყურში რაიმეს ჩაწვეთება ან ყურის გათბობა ნებისმიერი მეთოდით.

უმაღლესი კატეგორიის პედიატრი მშობლებს კატეგორიულად აფრთხილებს, რომ მას შემდეგ, რაც პატარას პირველ დახმარებას აღმოუჩენთ, არავითარ შემთხვევაში არ უნდა დაგავიწყდეთ მიმართოთ ექიმს მაშინაც კი, თუ ბავშვს ყურის ტკივილი დაუამდა!

 

285
თემები:
სასარგებლო რჩევები
ღრუბლიანი ცა თბილისის ზღვაზე

5 ივნისს დაბადებულები ზოდიაქო, დახასიათება, რჩევები

0
(განახლებულია 16:27 04.06.2020)
გაეცანით 5 ივნისს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

1-10 ივნისი

1-10 ივნისი ტყუპის ნიშნის მეორე დეკადას განეკუთვნება.

ამ დეკადას მარსი მართავს. ის ამ პერიოდში დაბადებულებს მძლავრ ენერგიასა და დიდ ცხოვრებისეულ ძალას ანიჭებს.

მნიშვნელოვანია წლებია: 8, 10, 16, 20, 32, 40, 48, 56, 64, 72.

ამ დეკადაში დაბადებულთა სიმბოლოა მაჩიტა.

1-10 ივნისის პერიოდში დაბადებულებს უყვართ სტაბილურობა. სანამ რაიმე გადაწყვეტილებას მიიღებენ, ისინი ჯერ კარგად დაფიქრდებიან, შეაფასებენ და მხოლოდ ამის შემდეგ მიიღებენ გადაწყვეტილებას. არ უყვართ და აშინებთ მოულოდნელი ცვლილებები, მაგრამ თუ ცვლილებების სარგებელს გაიგებენ, სწრაფად მოახდენენ ადაპტირებას, უძრაობა მათთვის მიუღებელია. არიან კარგი მეოჯახეები, ახლობლების მიმართ მზრუნველი და ყურადღებიანი.

5 ივნისს დაბადებულები

5 ივნისს არაორდინარული პიროვნებები იბადებიან, რომელთაც ახასიათებს მრავალმხრივი ნიჭი, გონება, შრომისმოყვარეობა. რისკი კეთილშობილურ საქმედ მიაჩნიათ, მაგრამ ეს მხოლოდ კარგად მოფიქრებულ მოქმედებებს ეხება. წარმატება და იღბალი მათი ერთგული თანამგზავრია. მათ არ უყვართ სამუშაო, რომელიც ერთფეროვან ქმედებებს და ადგილზე დიდხანს ჯდომას მოითხოვს, მოსწონთ მარტო მუშაობა. ამ დღეს დაბადებულები ძალზე დამოუკიდებელი ადამიანები არიან, გამოირჩევიან ორიგინალური აზროვნებით, მათ ყოველთვის და ყველაფერზე აქვთ საკუთარი მოსაზრება, მათზე არ მოქმედებს სხვისი გავლენა, ამიტომ, გუნდში მუშაობისას ხშირად მოსდით კონფლიქტი.

რაშია მომთხოვნი ზოდიაქოს თითოეული ნიშანი>>

5 ივნისს დაბადებულები ფიქრობენ, რომ საკუთარი აზრები აბსოლუტურად გასაგები, მარტივი და პრაგმატულია, ამიტომ უკვირთ, რომ გარშემომყოფები მას ვერ იგებენ. სინამდვილეში, ეს ჩახლართული და რთული ნააზრევია, რომელიც რეალობისგან შორსაა. მათი უმრავლესობისთვის აზროვნების პროცესი ცხოვრების ერთ-ერთი ყველაზე მნიშვნელოვანი ნაწილია, მაგრამ, ამასთან, ისინი, შესაძლოა, სრულიად გამოეთიშონ იმას, რაც რეალობაში ხდება. ისინი საკუთარ სამყაროში ცხოვრობენ. ასევე, მათთვის მნიშვნელოვანია ადამიანებთან ურთიერთობა და თუ ეს ურთიერთობა არ არის, მათში მრისხანება იბუდებს.

ამ დღეს დაბადებულ ძლიერი ხასიათის მქონე ადამიანებს შეუძლიათ საკუთარი თავის ხელში აყვანა და თავიანთი აგრესიის სხვებისგან დამალვა. ასე ისინი თანამოსაუბრეს ნათქვამის გააზრების საშუალებას აძლევენ. მაგრამ მათ, ვინც მეტად იმპულსურია, თავშეკავება უჭირთ და მთელ ინფორმაციას საოცარი სისწრაფით გადასცემენ. მათ ჯერ კარგად უნდა გაიაზრონ, რა უნდა თქვან და შემდეგ ილაპარაკონ. წლებთან ერთად ისინი უფრო აუჩქარებელი და შედარებით მშვიდი ხდებიან.

5 ივნისს დაბადებულები შეუპოვარი ადამიანები არიან, ისწრაფვიან, რომ ყველაფერი დროულად და სწორად გააკეთონ. უყვართ, როდესაც ყველაფერი წინასწარ და კარგად არის მოფიქრებული და დაგეგმილი. ეშინიათ კრიტიკის. მათი ცხოვრება უფრო ბედნიერი იქნება, თუ ისწავლიან, რომ საკუთარ ცხოვრებას ცოტა მსუბუქად შეხედონ, იცინონ თავიანთ თავზე, აღიქვან კრიტიკა სწორად. ისინი აღმერთებენ გამარჯვებებს, მაგრამ შეჯიბრების სული არ აკლიათ. მათ იზიდავთ სირთულეები და ხანდახან თავადაც იქმნიან მას.

ჯანმრთელობა

5 ივნისს დაბადებულები ძალზე აქტიური ადამიანები არიან, ხარჯავენ დიდ ენერგიას, ამიტომ მათ კარგი დასვენება ესაჭიროებათ. ძალიან უყვართ კოფეინი, ნიკოტინი, ალკოჰოლი, რამაც მათ ჯანმრთელობაზე დამღუპველი ზემოქმედება შეიძლება მოახდინოს. ამ ადამიანებმა უარი უნდა თქვან მავნე ჩვევებზე და გონებას მოუსმინონ და არ აჰყვნენ თავიანთ იმპულსურობას. რეგულარული სპორტი მათ ძალიან წაადგებათ, მაგრამ ეს ფანატიზმში არ უნდა გადაიზარდოს.

რჩევა:

თქვენთვის ძალზე სასარგებლო იქნება გონებრივი საქმიანობის წვრთნა, ეს წარმატების მიღწევაში დაგეხმარებათ. უნდა გაერკვეთ საკუთარ აზრებში, შეიტანოთ მასში მეტი სიცხადე და სიმარტივე.

0