ოფისის თანამშრომელი პოზიტიურ განწყობაზე

თუ სამსახურიდან უკანონოდ გაგათავისუფლეს... იცოდეთ თქვენი უფლებები

248
(განახლებულია 19:36 18.09.2019)
ხშირია შემთხვევები, როდესაც დამსაქმებელი ბოროტად იყენებს თავის უფლებამოსილებას და სრულიად დაუსაბუთებლად და უკანონოდ ათავისუფლებს მასთან დასაქმებულ ადამიანებს.

უნდა იცოდეთ, რომ ასეთ შემთხვევებში თქვენ გიცავთ კანონი და უკანონოდ გათავისუფლების დროს გარკვეული მოთხოვნის უფლებებს განიჭებთ, რომელთა შესრულებაც შეგიძლიათ დამსაქმებელს მოსთხოვოთ.

პირველ რიგში, ნახეთ, თუ რა არის შრომითი ხელშეკრულების შეწყვეტის საფუძვლები, რათა იცოდეთ, თქვენი გათავისუფლება უკანონოა, თუ დამსაქმებელს არანაირი პირობა არ დაურღვევია.

„შრომის კოდექსი“ შრომითი ხელშეკრულების შეწყვეტის სხვადასხვა საფუძვლებს ითვალისწინებს, მათ შორისაა:

- ეკონომიკური გარემოებები;

- ტექნოლოგიური ან ორგანიზაციული ცვლილებები, რომლებიც აუცილებელს ხდის სამუშაო ძალის შემცირებას;

- შრომითი ხელშეკრულების ვადის გასვლა;

- შრომითი ხელშეკრულებით გათვალისწინებული სამუშაოს დასრულება;

- დასაქმებულის მიერ მისთვის დაკისრებული ვალდებულების უხეში დარღვევა;

- მხარეთა წერილობითი შეთანხმება;

- სასამართლო განაჩენის ან გადაწყვეტილების კანონიერ ძალაში შესვლა, რომელიც სამუშაოს შესრულების შესაძლებლობას გამორიცხავს და სხვ.

- დასაქმებულის მიერ თანამდებობის/სამუშაოს საკუთარი ნებით, წერილობითი განცხადების საფუძველზე დატოვება;

- დასაქმებულის კვალიფიკაციის ან პროფესიული უნარ-ჩვევების შეუსაბამობა მის მიერ დაკავებულ თანამდებობასთან/შესასრულებელ სამუშაოსთან.

კანონი დამსაქმებელს ავალდებულებს შრომითი ხელშეკრულების შეწყვეტის თაობაზე წერილობითი შეტყობინება გამოგიგზავნოთ და კომპენსაცია გადაგიხადოთ ერთი ან ორი თვის ოდენობით, იმის მიხედვით, თუ როგორია შრომითი ხელშეკრულების შეწყვეტის საფუძველი.

თუ თვლით, რომ სამსახურიდან უკანონოდ გაგათავისუფლეს, დამსაქმებლისგან მოითხოვეთ შრომითი ხელშეკრულების შეწყვეტის საფუძვლის წერილობითი დასაბუთება. დამსაქმებელს ეკისრება ვალდებულება, რომ მოთხოვნის წარდგენიდან 7 დღის ვადაში წერილობითი ფორმით დაასაბუთოს სამსახურიდან გათავისუფლების საფუძველი.

იცოდეთ, რომ თქვენ უფლება გაქვთ, წერილობითი დასაბუთების მიღებიდან 30 კალენდარული დღის ვადაში სასამართლოში გაასაჩივროთ დამსაქმებლის გადაწყვეტილება შრომითი ხელშეკრულების შეწყვეტის შესახებ.

სასამართლოში სარჩელის შეტანის გზით თქვენ შეგიძლიათ მოითხოვოთ სამსახურიდან გათავისუფლების შესახებ ბრძანების ბათილად ცნობა, იმავე ან ტოლფას სამუშაოზე აღდგენა, იძულებითი მოცდენის გამო შრომის ანაზღაურება, იძულებითი განაცდური ან კომპენსაციის დაკისრება.

საკითხს დასაქმებულის სამსახურიდან გათავისუფლების კანონიერების თაობაზე წყვეტს სასამართლო.

248
მიზნისკენ სვლა

მამაკაცური და ქალური ლოგიკა, ანუ გაიცანი შენი მთავარი მტერი

432
(განახლებულია 21:14 03.07.2020)
სად გადის გზა წარმატებისა და წარუმატებლობისკენ? რა იცის და რა შეუძლია მოწიფულ პიროვნებას? სად ბუდობს ბედნიერება?

ცნობილი ფსიქოლოგი და ფსიქოთერაპევტი, მწერალი, მედიცინის მეცნიერებათა კანდიდატი მიხაილ ლიტვაკი – ამ და სხვა საკითხებზე ლაკონურ, ფასდაუდებელ პასუხებსა და რჩევებს გვაძლევს.

ვინც ეძებს, ვინც იპოვა და, ზოგადად, ყველა, ანუ ყველაფერი მარტივია>>

• მე არ ვიცი წარმატებისკენ მიმავალი გზები, მაგრამ ვიცი გზა წარუმატებლობისკენ – ესაა სურვილი, ყველას მოსწონდე

• არ არსებობს მამაკაცური ან ქალური ლოგიკა, არის მხოლოდ სწორად აზროვნების უნარი

• გინდა გაიცნო შენი მთავარი მტერი? ჩაიხედე სარკეში. გაუმკლავდი მას – დანარჩენი ყველა დაიფანტება 

• მეგობრებთან ურთიერთობა სასიამოვნოა, ხოლო მტრებთან – სასარგებლო

• ურთიერთობების დასრულებისა და სამუშაოდან გათავისუფლების მხოლოდ ერთადერთი საპატიო მიზეზი არსებობს – შეუძლებელია არსებულ ვითარებაში პიროვნული ზრდა.

• უმწიფარმა პიროვნებამ ხშირად იცის, მაგრამ არ შეუძლია. მოწიფულმა არა მხოლოდ იცის, არამედ შეუძლია კიდეც. ამიტომ უმწიფარი პიროვნება აკრიტიკებს, ხოლო მოწიფული – აკეთებს

• მხოლოდ სიხარული გაუზიარე მეგობრებსაცა და მტრებსაც. მეგობარს გაუხარდება, მტერს – ეწყინება

დედობა, როგორც „გმირობა“, შვილი – „სამახსოვროდ“...>>

• ბედნიერებას ნუ გაეკიდები, არამედ იპოვე ადგილი, სადაც ის ბუდობს. და ბედნიერება თავად გიპოვის. შემიძლია გიკარნახო, სადაა შენი ბედნიერება – ეს შენ თვითონ ხარ. ხოლო მისკენ გზა – ეს საკუთარი შესაძლებლობების მაქსიმალური განვითარებაა

• ბედნიერება – ეს სწორად ორგანიზებული საქმიანობის „თანმდევი პროდუქტია"

• თუ ვინმემ უმადურობა გისაყვედურა, მაშინვე გაარკვიე, რა ღირს მისი მომსახურება, გაუსწორე ანგარიში და ამ ადამიანთან საქმე აღარ დაიჭირო

• თუ გინდა, ვინმეს რამე დაუმტკიცო, ეს ნიშნავს, რომ იმისთვის ცხოვრობ, ვისთვისაც ამის დამტკიცება გინდა. თუ საკუთარი თავისთვის ცხოვრობ, მაშინ ვინმესთვის რამის დამტკიცების საჭიროება არ არსებობს

• ოცნებები ჩვენი უნარების ხმებია. მაგალითად, მე არ ვოცნებობ ოპერაში სიმღერაზე. არც ხმა მაქვს და არც სმენა. რომ ვოცნებობდე, შესაბამისად, ამ ოცნებას ჩემი უნარები უფრო გააღვივებდა. შესაბამისად, ვეცდებოდი ოპერაში მოხვედრას. უბრალოდ, საჭიროა დაფიქრდე, როგორ განახორციელო ეს ოცნება. აქ მთავარია არ აჩქარდე, მაშინ ძალიან სწრაფად გამოვა. კარგია, როცა ადამიანს შეუძლია საკუთარ თავზე თქვას „მარტო იმას ვაკეთებ, რომ ვცდილობ ჩემი ოცნებები განვახორციელო"

აირჩიეთ ბედნიერება და ბედნიერება აგირჩევთ თქვენ>>

• იმისთვის, რომ გაიგო, როგორ გეპყრობიან ადამიანები, მოუყევი მათ საკუთარ გეგმებსა და ოცნებებზე. ის, ვინც შენ მიმართ ფარულ სიძულვილს გრძნობს, ამას გააკრიტიკებს. ვისაც შენთვის კარგი უნდა, დაგეხმარება

• ადამიანთან ურთიერთობისას გახსოვდეს, რომ მას საკუთარ თავზე კარგი წარმოდგენა აქვს

• მიაღწიე წარმატებას და წყენა გაგივლის.

432
თემები:
სასარგებლო რჩევები
ახალშობილი დედასთან

დიათეზი ბავშვებში: სიმპტომები, ამოცნობა და პროფილაქტიკა სახლის პირობებში

193
(განახლებულია 18:17 03.07.2020)
დიათეზი, იგივე ატოპიური დერმატიტი — კანის ქრონიკული დაავადებაა, რომელიც სიმშრალის, ქერცვლის, გაწითლებისა თუ აუტანელი ქავილის სახით ვლინდება.

ექიმები განმარტავენ, რომ ბავშვებში დიათეზის ძირითადი მიზეზები ორ ჯგუფად იყოფა: ალერგენებად და არასპეციფიკურ ტრიგერებად. 

ალერგია შესაძლოა გამოიწვიოს ზღვის პროდუქტებმა, შოკოლადმა, კაკალმა, ცხოველის ბეწვმა, ობმა, ყვავილის მტვერმა; ხოლო არასპეციფიკურ ტრიგერებს განეკუთვნება მშრალი და ცხელი ჰაერი, ცხელი ან ძალიან ქლორიანი წყალი, სხვადასხვა სახის სარეცხის ფხვნილები ან სხვა საყოფაცხოვრებო ქიმია, საფენები, მჭიდრო ან მჩხვლეტი ქსოვილისგან დამზადებული სამოსი, ასევე სტრესი.

დიათეზის სიმპტომები ბავშვებში

ატოპიური დერმატიტის ძირითადი სიმპტომები ბავშვებში შეიძლება იყოს:

  • წითელი ფერის გამოყარი — მშრალი ან სველი; მშრალი, გაღიზიანებული კანი, რომელიც გამუდმებით ექავება ბავშვს და ამასთან იქერცლება;
  • საკუთრივ ქავილი, რომელიც განსაკუთრებით ღამით ძლიერდება.
  • გამონაყარი შეიძლება შეგხვდეთ როგორც ლოყებზე, ისე დუნდულებზე, მუხლებისა და იდაყვების სახსარში, მაჯებზე, წვივებსა და კანის ნაკეცებში. გამორიცხული არ არის, გამონაყარმა ერთდროულად სხეულის რამდენიმე ადგილზე იჩინოს თავი.   
დაიმახსოვრეთ! დიათეზური გამონაყარი არასდროს ჩნდება სასქესო ორგანოებზე. სწორედ ამით შეიძლება მისი გარჩევა სხვა დაავადებებისგან.

მკურნალობა

საჭირო არ უნდა იყოს იმის თქმა, რომ როგორც კი ბავშვს გამონაყარს შეატყობთ, მაშინვე ექიმს უნდა მიმართოთ. უნდა იცოდეთ, რომ ატოპიური დერმატიტი (დიათეზი) ასი პროცენტით ვერ იკურნება, თუმცა ხანგრძლივი რემისიის მიღწევა შესაძლებელია. ამისათვის აუცილებელია, რომ ბავშვი სპეციალისტების დაკვირვების ქვეშ იყოს და არავითარ შემთხვევაში არ მიმართოთ თვითმკურნალობას.

დიათეზის მკურნალობაში ძალიან მნიშვნელოვანია ბავშვის კანის სწორად მოვლა, განსაკუთრებით, დაავადების გამწვავებისას. ამ შემთხვევაში ექიმები ნიშნავენ ემოლენტებს — სპეციალურ პრეპარატებს (ლოსიონებს, კრემებს, მალამოებს, ემულსიებს), რომელთა შემადგენლობაში შედის ტენიანობის შემაკავებელი ცხიმები.

მწვავე ფორმისას ინიშნება ტოპიკური სტეროიდები ან კალცინევრინის ინჰიბიტორები. ტოპიკური სტეროიდების გამოყენება დაიშვება მხოლოდ ოთხ თვეზე ზემოთ ასაკის ბავშვებში და ნიშნავს მხოლოდ ექიმი. იმ შემთხვევაში, თუ მათი გამოყენება არ შეიძლება, მედიკოსი კალცინევრინის ინჰიბიტორებს გამოწერს, რომელთა გამოყენებაც დაბადების მომენტიდან შეიძლება.

როგორ მოვაშოროთ ბავშვს ტკიპა უსაფრთხოდ და სწორად: პედიატრის რჩევა>>

გარდა ამისა, აუცილებლად ინიშნება ემოლენტები, რომლებიც ბავშვს კანზე დღეში 2-8-ჯერ შეიძლება წაუსვათ. ხოლო თუ საქმე დიათეზის მწვავე ფორმასთან გვაქვს, მაშინ მათი წასმა ყოველ ორ საათშიც შეიძლება.

რაც შეეხება ანტიჰისტამინურ პრეპარატებს, ისინი მხოლოდ ძლიერი ქავილისას ინიშნება, ვინაიდან ამ სახის პრეპარატები თავად გამონაყარზე არანაირად არ მოქმედებს.

პედიატრების თქმით, ყველაზე ეფექტური მოქმედება ახასიათებს პირველი თაობის ანტიჰისტამინებს: სუპრასტინსა და ფენისტილს.

 

193
თემები:
მშობლები და შვილები
სავსე მთვარე

მთვარის კალენდარი: 6 ივლისი რისი გაკეთება შეიძლება და რისი არა

0
(განახლებულია 10:28 04.07.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

6 ივლისი, ორშაბათი. ამ დღეს მთვარე მართავს. კლებადი მთვარე თხის რქის ნიშანშია.

ირგვლივ მრავალი საცდუნებელი რამ ჩნდება, მძაფრდება ინსტინქტები, წინა პლანე გამოდის ხორციელი სურვილები. ადამიანებს ადვილად ეძალება სიზარმაცე, დიდია მოტყუების ალბათობა.

თავისი ენერგეტიკული სიმძლავრით ეს დღე გუშინდელ სავსემთვარეობას არ ჩამოუვარდება. მოთოკეთ ემოციები და ეცადეთ, არ ჩაებათ არანაინ ჩხუბსა და კონფლიქტში. ეცადეთ, შინაგანი სიმშვიდე შეინარჩუნოთ და ისე დაიცვათ სამართლიანობა, დაეხმაროთ ადამიანებს პრობლემებთან გამკლავებაში. ასევე მოსალოდნელია აზარტული გრძნობების გამძაფრება, რომელიც, თუ არ შეაჩერებთ, პრობლემებს მოიტანს.

კარგი დღეა მუშაობისა და ძვირადღირებული ნივთების შეძენისთვის.

თმის შეჭრა, შეღებვა: თხის რქა თმის ზოგად მდგომარეობაზე ძალიან დადებითად მოქმედებს, შეჭრა თმას ძალასა და სიჯანსაღეს მისცემს, თმა უფრო ძლიერი გახდება და შეჩერდება მისი ცვენა.

კარგი დღეა თმის შეღებვისთვის, განსაკუთრებით ჭაღარის. ასევე ქიმიური დახვევისთვის.

უპირატესობა მიანიჭეთ სადა ვარცხნილობას.

მთვარის კალენდარი მებაღეებისთვის: 2020 წლის ივლისი>>

მებაღეობა: 6 ივლისს არაა რეკომენდებული დათესვა და დამუშავება, მაგრამ შეიძლება მარწყვის პწკალების ჩარგვა, დაავადებებისგან დამუშავება, მწვანილის დათესვა, მშრალი სასუქის მიცემა.

0