ესთეტიკური კლინიკა ნეო ნეო - ფოტო ფრაქციული გაახალგაზრდავება

ფოტოფრაქციული გაახალგაზრდავება ანუ როგორ ვებრძოლოთ ასაკობრივ ნაოჭებს

778
(განახლებულია 14:43 30.03.2018)
გარკვეული ასაკის შემდეგ ადამიანის ორგანიზმი ფიზიოლოგიური დაბერების წინაშე დადგება, რაც პირველ რიგში სახის კანზე აისახება - იცვლის ფერს, ჩნდება პიგმენტური ლაქები, ფართოვდება ფორები, კანი კარგავს სიმკვრივეს და ელასტიურობას.

შესაძლებელია თუ არა დაბერების პროცესის შეჩერება, აკნეს მოშორება, როგორ გადავჭრათ ნაოჭების და პიგმენტური ლაქების პრობლემა, როგორ  მოვუაროთ სახის კანს, ამ და სხვა საინტერესო საკითხზე ესთეტიკური კლინიკა „ნეო-ნეოს“ ექიმი დერმატოლოგი ნინო კურკუმული გვესაუბრა.

ესთეტიკური კლინიკა ნეო ნეო - ფოტო ფრაქციული გაახალგაზრდავება
© Sputnik / Denis Aslanov
ესთეტიკური კლინიკა ნეო ნეო - ფოტო ფრაქციული გაახალგაზრდავება

თანამედროვე კოსმეტოლოგია თავბრუდამხვევი სისწრაფით ვითარდება. სულ უფრო მეტი ახალი მეთოდი თუ აპარატურა ჩნდება ბაზარზე „ხანგრძლივი ახალგაზრდობის" სადარაჯოზე და არ არის მარტივი ამ ცვლილებებს ფეხდაფეხ მიჰყვე. კლინიკა „ნეო-ნეომ" ამ სფეროში ერთ-ერთი ყველაზე თანამედროვე მეთოდი — ფოტოფრაქციული გაახალგაზრდავება შეარჩია.

რატომ ფოტო-ფრაქციული გაახალგაზრდავება

ეს პროცედურა მათთვისაა, ვისაც აწუხებს წვრილი ნაოჭები, ფორები, ლაქები, სურს შეინარჩუნოს სტრუქტურულად ჯანსაღი კანი და ამავე დროს არ სურს ინვაზიური ინექციების ჩატარება. პროცედურის შემდეგ კანი ხდება ელასტიური და მოჭიმული, მცირდება ფორები, ყოვნდება კანის დაბერების პროცესი, კანი ხდება გლუვი და რაც მთავარია პროცედურა სრულიად უმტკივნეულოა.

ესთეტიკური კლინიკა ნეო ნეო - ფოტო ფრაქციული გაახალგაზრდავება
© Sputnik / Denis Aslanov
ესთეტიკური კლინიკა ნეო ნეო - ფოტო ფრაქციული გაახალგაზრდავება

 

 

LUMENIS M22 — მსოფლიოში აღიარებული მრავალფუნქციური აპარატი

აპარატი, რომლითაც კლინიკა „ნეო-ნეოში“ ფოტოფრაქციული გაახალგაზრდავების პროცედურა კეთდება, არის LUMENIS M22. ეს არის მრავალფუნქციური და მრავალმოდულიანი აპარატი, რომელიც დერმატო-კოსმეტოლოგიური კუთხით ოქროს სტანდარტად არის აღიარებული მსოფლიო მასშტაბით. მსოფლიო ბაზარზე არის უამრავი აპარატი სხვადასხვა ტექნოლოგიებით, მაგრამ შედეგობრივად ყველაზე წარმატებული და დახვეწილი აღმოჩნდა Lumenis-ი, ვინაიდან გაახალგაზრდავების მიზნით გაერთიანებული აქვს ორი ტექნოლოგია IPL ტექნოლოგია — ეს არის ინტენსიური ფოტოსხივი და Resur FX – ფრაქციული, არააბლაციური ლაზერის სხივი.

ResurFX აქვს ძლიერი სკანერი ჩამონტაჟებული ლაზერის თავში, რომელიც სპეციალური Lumenis-ის მიერ შექმნილი ალგორითმის საშუალებით ნაწილ-ნაწილ ქმნის ნემსისებრი ტიპის მიკროკუაგულაციებს ეპიდერმისში და არა ერთბაშად, ისე როგორც ხდება ყველა სხვა ფრაქციონალურ ლაზერებზე; ეს იმიტომ კეთდება, რომ მაქსიმალურად დაბლა შენარჩუნდეს კანის ტემპერატურა პროცედურის დროს და თავიდან ავიცილოთ მისი ზედმეტი გადახურება ან დამწვრობა; Resur FX მეტი უსაფრთხოებისთვის იყენებს აგრეთვე საუკეთესო, მეოთხე თაობის, თერმო ელექტრო გაგრილების სისტემას, რომელიც დამატებით დაბლა წევს კანის ტემპერატურას და პრაქტიკულად  ნულამდე დადის მკურნალობის შემდგომი გართულებები;

პროცედურა იწვევს კანის დამწვრობას და დაზიანებას. რეაბილიტაცია გრძელდება 2-3 დღე. მხოლოდ ამ პერიოდის განმავლობაში შეიმჩნევა სახეზე მცირედი სიწითლე. ეს პროცედურა შესაძლოა გაკეთდეს სხეულის ნებისმიერ ზონაზე.

© Sputnik / STRINGER
ექიმი დერმატოლოგი ნინო კურკუმული ფოტო ფრაქციული გაახალგაზრდავების პროცედურების შესახებ საუბრობს

რა ასაკიდან არის დაშვებული ფოტოფრაქციული გაახალგაზრდავება

ზოგადად 16 წლამდე არ არის რეკომენდებული. ამ ასაკში არ არის ადამიანი ჩამოყალიბებული და ორგანიზმში მიდის ჰორმონალური ცვლილებები. ამ დროს არანაირი ლაზერული ჩარევა არ არის რეკომენდირებული. ასევე დაუშვებელია ორსულობის და ლაქტაციის დროს.

საერთოდ კანზე ცვლილებები 25 წლიდან იწყება, ვინაიდან ამ ასაკიდან ორგანიზმი თანდათან კარგავს კოლაგენს, რის შედეგადაც კანი ხდება მოშვებული, მოდუნებული, ჩნდება ნაოჭები, კარგავს ელფერს და ბზინვარებას. ამიტომ 25 წლის შემდეგ განსაკუთრებულად უნდა დაიწყოს ადამიანმა კანზე ზრუნვა.

ესთეტიკური კლინიკა ნეო ნეო - ფოტო ფრაქციული გაახალგაზრდავება
© Sputnik / Denis Aslanov
ესთეტიკური კლინიკა ნეო ნეო - ფოტო ფრაქციული გაახალგაზრდავება

რამდენი პროცედურის შემდგომ მიიღება სასურველი შედეგი

შედეგი პირველივე პროცედურაზე იგრძნობა, თუმცა მაქსიმალური შედეგი 3-4 პროცედურის შემდეგ მიიღწევა. პროცედურები ოთხ კვირაში ერთხელ უნდა ჩატარდეს. რაც მთავარია ეს შედეგი ხანგრძლივია.  პროცედურების შემდეგ არ არის დამწვრობა, არ ხდება კანის აქერცვლა, მხოლოდ მცირე სიწითლეა, ამიტომ პაციენტებს ენიშნებათ სიწითლის საწინააღმდეგო, ან დამამშვიდებელ კრემს. მთავარია მზის ინსოლაციისგან თავის დაცვა. პაციენტს პროცედურების ჩატარების შემდეგ სასტიკად ეკრძალება რუჯის მიღება. ზაფხულის პერიოდში, როდესაც მზე აქტიურია, არ არის რეკომენდებული ამ პროცედურების ჩატარება. ან თავი უნდა დავიცვათ მზისგან დამცავი საშუალებებით.

რა პერიოდის განმავლობაში გრძელდება ეფექტი

ფოტო-ფრაქციული გაახალგაზრდავების ეფექტი გრძელდება ერთი წლის განმავლობაში. ერთი წლის შემდეგ ისევ თავიდან უნდა ჩაიტაროთ პროცედურები.

ყველაზე ხშირად რა პრობლემა აწუხებთ პაციენტებს

ყველაზე ხშირად გვაკითხავენ აკნეს შემდგომი ნაწიბურების ამოსავსებად, რაზეც ყოველთვის ძალიან კარგი შედეგი გვაქვს. ასევე ნაოჭების ამოსავსებად და გასაახალგაზრდავებლად. გამაახალგაზრდავებელი პროცედურის შედეგია ის, როდესაც ათი წლით უფრო ახალგაზრდად გამოიყურები, ვიდრე ხარ.

ესთეტიკური კლინიკა ნეო ნეო - ფოტო ფრაქციული გაახალგაზრდავება
© Sputnik / Denis Aslanov
ესთეტიკური კლინიკა ნეო ნეო - ფოტო ფრაქციული გაახალგაზრდავება

რა უკუჩვენებები აქვს ფოტო-ფრაქციულ გაახალგაზრდავებას

უკუჩვენებები პრაქტიკულად არ აქვს, თუმცაა დაუშვებელია პროცედურების ჩატარება ორსულობის, ლაქტაციის დროს, ასევე კანის ონკოლოგიური დაავადებების დროს და გარუჯულ კანზე. თუ ამ ყველაფერს ზედმიწევნით დავიცავთ, არანაირი გართულებები არ მოჰყვება პროცედურებს.

ესთეტიკური კლინიკა ნეო ნეო - ფოტო ფრაქციული გაახალგაზრდავება
© Sputnik / Denis Aslanov
ესთეტიკური კლინიკა ნეო ნეო - ფოტო ფრაქციული გაახალგაზრდავება

ზოგადად ყველა ადამიანს ვურჩევთ 25 წლის მერე დაიწყონ კანის მოვლა შესაბამისი საცხებით. ჯერ უნდა განისაზღვროს კანის ტიპი და ამის მიხედვით შეირჩეს სახის საცხი. ყველა კანი ინდივიდუალურია და შესაბამისად მოვლის საშუალებებიც ინდივიდუალური სჭირდება. არასწორად შერჩეულმა სახის საცხმა შესაძლოა გამოიწვიოს დერმატიტი, ანუ ალერგიული პროცესი.

30 წლის ზემოთ მყოფ ადამიანებს ვურჩევთ წელიწადში ერთხელ ჩაიტარონ კანის გამაახალგაზრდავებელი პროცედურები. პირველივე პროცედურის შემდგომ, პაციენტი ამჩნევს გარკვეულ ცვლილებებს კანზე და ხვდება, რომ ეს ზუსტად ის პროცედურაა, რომელიც მას სჭირდება.

 

778
იოდი

იოდის ბადე მარტივი, იაფი და ეფექტური

73
(განახლებულია 15:21 09.08.2020)
იოდის ბადე მრავალი დაავადების განკურნებაში გვეხმარება. მისი გაკეთება მარტივია, იაფიც გვიჯდება და თან - შედეგიც ეფექტურია. ამისთვის მხოლოდ იოდი და ბამბის ჩხირებია საჭირო.

იოდი ძირითადად გამოიყენება ჭრილობების, ნაკაწრების, ანთების, დაზიანებების, ორგანიზმში იოდის ნაკლებობის დროს.

რატომ მაინც და მაინც ბადე?

იოდის ბადე ბაქტერიებს ერთმანეთისგან აცალკევებს და ასეთ მდგომარეობაში ისინი უფრო სწრაფად იხოცებიან.

იოდი არა მარტო ხოცავს ბაქტერიებს, არამედ ის ჩვენი ორგანიზმისთვის აუცილებელ ელემენტს წარმოადგენს — თუნდაც მიკროსკოპული დოზით. ის პირდაპირ აგებს პასუხს ჩვენი ფარისებრი ჯირკვლის მუშაობაზე. იოდი საკმარისი რაოდენობით უნდა იყოს ორსული ქალის ორგანიზმში, რათა ბავშვი ნორმალურად განვითარდეს.

იოდის ბადე ორგანიზმში იოდის დონის იდენტიფიცირების საშუალებას იძლევა. ამისთვის ჩაატარეთ ცდა: გაიკეთეთ იოდის ბადე ფეხის შიდა მხარეს, შემდეგ დააკვირდით — თუ ორგანიზმმა ბადე 4 საათზე ნაკლებ დროში შეიწოვა, ეს ნიშნავს, რომ სერიოზული პრობლემა გაქვთ; თუ ამას ხუთი და მეტი საათი მოუნდა, ორგანიზმს იოდის უკმარისობა აქვს და მისი კომპენსირებაა საჭირო.

ნახეთქები ქუსლზე: მიზეზები და მოშორების ხერხები>>

იოდის მიღება საკვების მეშვეობით შეიძლება. მას შეიცავს ზღვის კომბოსტო, იოდირებული მარილი, თევზის ცხიმი და, ზოგადად, ზღვის პროდუქტები, ასევე კომბოსტო, ბანანი, ლიმონი, ყურძენი, ტკბილი წიწაკა.

თუ ბადე 24 საათი არ შეიწოვა, ე.ი. იოდის ნორმალური შემცველობა გაქვთ.

იოდის ბადე ასევე შველის ხველებას, მაგრამ იოდით მკურნალობა მაშინ შეიძლება, თუ სხეულის ტემპერატურა 38 გრადუსს არ აღემატება. ბადე პირდაპირ ყელზე ან მკერდზე გაიკეთეთ, თუმცა, უცბად არა — შეამოწმეთ, რომ კანზე რაიმე ალერგიული რეაქცია არ გაჩნდეს (დაელოდეთ დაახლოებით 10-15 წუთი).

იოდის ბადე ეხმარება სურდოსაც — ცხვირზე წვრილი ბადე გაიკეთეთ.

გაციებისას ასევე შველის ბადის გაკეთება ფეხის კანჭსა და ტერფზე. გაფრთხილდით — იოდმა შეიძლება კანი დაწვას.

დაზიანებისას იოდის ბადე მაშინვე არ უნდა გაიკეთოთ — მხოლოდ 24 საათის შემდეგ, რაც დაზიანებულ ადგილზე დაიდებთ კომპრესს; როდესაც შეშუპება დაცხრება, შეგიძლიათ გაიკეთოთ იოდის ბადე.

ფეხის აბაზანა სულ ორი ინგრედიენტისგან და საოცარი შედეგი>>

იოდის ბადე ფართოდ გამოიყენება კისრის, ბეჭების, წელის ტკივილისას.

ამგვარად, იოდის ბადე მრავალმხრივ შეიძლება გამოვიყენოთ. თანაც, ეს ძალიან იაფი და მოსახერხებელია.

73
თემები:
სასარგებლო რჩევები
წყვილი კამათის დროს

იჩხუბეთ, მაგრამ... ანუ როგორ ავირიდოთ თავიდან სერიოზული კონფლიქტი ოჯახში

47
(განახლებულია 20:11 09.08.2020)
ყველაზე მოსიყვარულე და ერთგულ წყვილებშიც ხდება კონფლიქტი. ამას რომ უსიამოვნო შედეგები არ მოჰყვეს, საჭიროა ჩხუბი, ოღონდ წესების დაცვით!

ცნობილი ფსიქოლოგი მიხაილ ლაბკოვსკი გვთავაზობს ჩხუბის წესებს, რომელთა დაცვაც აუცილებელია პარტნიორებს შორის, თუ გვინდა, რომ ურთიერთობები საბოლოოდ არ დაინგრეს.

ზოგადად, ჩხუბის „ანატომია" რთული საკითხია, რადგან თავის საწყისშივე ჩხუბი ემოციების გადმოფრქვევას გულისხმობს, ხოლო „ჩხუბის წესები" — რომ ადამიანი აკონტროლებს თავის მრისხანებას და მას „ამოხეთქვის" უფლებას არ აძლევს, რაც, მთლიანობაში, ცუდია.

ზოგადად ჩხუბი კარგი რამეა გარკვეული თვალსაზრისით. ადამიანი კონფლიქტის დროს „აფრქვევს" ნეგატიურ ემოციებს: მრისხანებას, წყენას, ბოღმას. ფსიქიკისთვის ეს ბევრად უკეთესია, ვიდრე საკუთარ თავში დაიგროვო უსიამოვნო გრძნობები, რადგან ადრე თუ გვიან ეს გრძნობები რიგითი კონფლიქტისას ამოხეთქს და შეიძლება ისეთი სკანდალი მოხდეს, რომ მისი შედეგების წარმოდგენაც კი ძნელია.

მაგრამ, მიუხედავად ამისა, არის გარკვეული პრინციპები, თუ გინდათ, რომ ეს უსიამოვნო ეპიზოდი მეხსიერებას შემორჩეს როგორც უმნიშვნელო მოვლენა და არა ჩხუბი, რომელიც კისერზე მძიმე ქვასავით დაგაწვებათ.

საკუთარ თავზე ეკონომიის რეჟიმში - დაავადება, როდესაც ქალში ქალი ნადგურდება>>

წესი პირველი: იჩხუბეთ ხშირად. ეს, მართალია, ხუმრობაა, მაგრამ მასში დიდი სიმართლის მარცვალია. რაც უფრო მალე ამოთქვამთ უკმაყოფილებას ან წყენას, მით უფრო იოლი, ხანმოკლე და „მსუბუქი" იქნება ჩხუბიც.

წესი მეორე: ერთი მიზეზი — ერთი ჩხუბი. ერთ მიზეზს ნუ მიუმატებთ კონფლიქტებსა და წყენებს წარსულიდან, მეგობრების მაგალითებს და, მით უფრო, ნუ გააკეთებთ შორს მიმავალ დასკვნებს (მშვენიერი მაგალითია — დღეს სიგარეტს ეწევა და ხვალ „ბო…ბას" დაიწყებს).

წესი მესამე: აბსოლუტური ტაბუ ადევს ანალოგიების გავლებას „ბრალდებულის" მშობლებთან, ან, უფრო უარესი — ჩხუბის მიზეზში მათ დადანაშაულებას. ასევე უფრო დიდი ტაბუ ადევს ბავშვებს — ორი მოზრდილის ჩხუბში მხოლოდ ორი მოზრდილი მონაწილეობს. თქვენს კონფლიქტში სხვა პერსონაჟები ვირტუალურადაც კი არ უნდა ჩართოთ.

წესი მეოთხე: არის ორი აკრძალული ფრაზა, რომელთა წარმოთქმა არავითარ შემთხვევაში არ შეიძლება — „შენ ყოველთვის" და „შენ არასდროს". ასე ვთქვათ, გლობალური და ყოვლისმომცველი ბრალდება დაპირისპირებასა და აგრესიას წარმოშობს, თუნდაც თქვენი ოპონენტი უკვე მზად იყოს ბოდიშის მოსახდელად. „ყოველთვის" და „არასდროს" ნიშნავს, რომ ლოკალური კონფლიქტის საზღვრებიდან გახვედით და მთლიანობაში პარტნიორით უკმაყოფილო ხართ, მას არამზადად და უვარგისად მიიჩნევთ. აქ ყველა აღშფოთდება, არ შეიძლება იყოს კომპრომისი, რადგან არავინ იტყვის: „კი, მართალი ხარ, ცუდი ვარ, ყოველთვის მტყუანი ვარ, შენ კი — მართალი".

ორი გზა განშორების შემდეგ: მდგომარეობიდან გამოსვლა თუ თვითგვემა>>

წესი მეხუთე: ჩხუბის დაძაბულობის შესამცირებლად გააკრიტიკეთ საქციელი ან მოქმედება და არა ადამიანი. მაგალითად: „მაცოფებს, როცა შემოსასვლელში ტალახიანი ფეხსაცმელი დევს" და არა: „ისევ დასვარე შენი ტალახიანი ფეხსაცმლით შემოსასვლელი!"

წესი მეექვსე (პირველი თავისი არსით): ყველა ადამიანს სჭირდება განმარტოება. ჩხუბის უმრავლესობას თავიდან ავიცილებდით, ადამიანი რაღაც დროით მარტო რომ დარჩეს სიმშვიდესა და სიჩუმეში. გარკვეული პერიოდის შემდეგ პრობლემას უკვე არა ჩხუბით, არამედ წყნარი საუბრით მოვაგვარებდით. უფრო მეტიც, გამორიცხული არაა, რომ თავად პრობლემა მოგვარდეს, როგორც კი გავაცნობიერებთ, რომ საქმე ტალახიან ფეხსაცმელში კი არაა, არამედ, უბრალოდ, დასვენება, გამოძინება, მოდუნება გვჭირდება. ძალიან ხშირად ადამიანები ჩხუბობენ არა რაიმე მიზეზით, არამედ იმის გამო, რომ დაღლილი, არაქათგამოცლილი არიან, ეს კი ძლიერ გაღიზიანებას იწვევს.

რატომ არ თხოვდება ქალი?>>

ჩვეულებრივ, „შესვენება" ადამიანს 3-4 თვეში ერთხელ სჭირდება. საჭირო არაა ქვეყნის დასალიერში წასვლა. შეიძლება მეგობართან და მშობლებთან სტუმრობა, სეირნობა, კინოში მარტო წასვლა. არა სახლის დალაგება, მაღაზიებში სიარული პროდუქტებზე, არამედ განტვირთვა, მოდუნება და საკუთარ თავთან მარტო დარჩენა.

წესი მეშვიდე: იყვირეთ. სერიოზულად ვამბობ, მიეცით გრძნობებს თავისუფლება, ასე ჩხუბი მალე ჩაცხრება. ბევრჯერ გვსმენია, რომ ყვირილი არ შეიძლება, რადგან ეს კონფლიქტს გააღრმავებს. არაფერი მსგავსი — სჯობს, ყველაფერი ხმამაღლა ამოთქვათ, მთელი ძალით, ვიდრე ჩუმად „ისისინოთ" და ამით პარტნიორი მეტად გამოიყვანოთ წყობიდან. ამასთან, თუ ყვირით, თქვენი ოპონენტი ხედავს, რომ თქვენ ცუდად ხართ და თუ მას უყვარხართ, ის დაგაწყნარებთ და თქვენკენ გადმოდგამს ნაბიჯს. ეს სჯობს, ვიდრე ბოიკოტი გამოაცხადოთ და გაიბუტოთ.

  • და, ბოლო წესი: მიიყვანეთ საქმე ბოლომდე. თუ კონფლიქტი უკვე აღმოცენდა, ორივემ რაღაცნაირად უნდა დაასრულოთ ის. ის აღიარებს, რომ არასწორი იყო, თქვენ აღიარებთ, რომ თქვენი პრეტენზიები უსაფუძვლოა, აირჩიეთ კომპრომისი, ერთ-ერთმა უნდა დათმოს — სულ ერთია, რომელი და როგორ, მაგრამ ჩხუბს წერტილი უნდა დაესვას, წინააღმდეგ შემთხვევაში ეს შენელებული მოქმედების ბომბი გახდება და ადრე თუ გვიან აფეთქდება.
47
თემები:
სასარგებლო რჩევები
წყვილი

იყიდება... დედა და მამა გულისამაჩუყებელი ნამდვილი ამბავი

0
(განახლებულია 19:12 09.08.2020)
ეს ამბავი იაპონიაში მოხდა. ერთ–ერთ გაზეთში დაიბეჭდა ძალზე უცნაური განცხადება მშობლების გაყიდვის თაობაზე...

ტოკიოს გაზეთში დაბეჭდილ სენსაციურ განცხადებაში ეწერა: „იყიდებიან მშობლები: მამა – 68 წლის, დედა – 66 წლის. ფასი – 900 იენი“.

ვინც განცხადება ნახა, ყველა შოკირებული იყო. „რა დრო დადგა! მშობლებსაც კი ყიდიან უკვე!“ – ასეთ აღშფოთებას გამოთქვამდნენ მოქალაქეები.

და აი, ეს გაზეთი ახალგაზრდა ოჯახის ხელში მოხვდა. ახალგაზრდებმა სულ რამდენიმე დღის წინ დაასაფლავეს საკუთარი მშობლები, რომლებიც ტრაგიკულ შემთხვევას – ავტოავარიას ემსხვერპლნენ.

უდედმამოდ დარჩენილი ბავშვები ძალიან იტანჯებოდნენ და ეს განცხადება მშობლების გაყიდვის შესახებ მათთვის უაღრესად მკრეხელური აღმოჩნდა. ვერც კი წარმოედგინათ, რა ხდებოდა ახლა იმ მოხუცების გულებში, რომელთა გაყიდვასაც აპირებდნენ.

მათ დიდხანს არც უფიქრიათ – გადაწყვიტეს, ეყიდათ მოცუხები და მათთვის თავიანთი სითბო, მზრუნველობა და სიყვარული გაეზიარებინათ.

აირჩიეთ ბედნიერება და ბედნიერება აგირჩევთ თქვენ>>

ახალგაზრდები მითითებულ მისამართზე მივიდნენ და ძალიან გაუკვირდათ, როდესაც მათ წინაშე ულამაზესი, დიდი სასახლე გადაიჭიმა ყვავილებით მორთული ეზოთი. მათ გადაწყვიტეს, რომ რაღაც შეცდომა იყო და წასვლას აპირებდნენ, რომ ამ დროს კარი გაიღო და ხანდაზმულმა მამაკაცი გამოვიდა.

ახალგაზრდები შეწუხდნენ და ბოდიში მოიხადეს.

–       გამარჯობა. ალბათ, რაღაც შეცდომაა, მაგრამ განცხადებაში ეს მისამართი იყო მითითებული...

–       ყველაფერი სწორადაა, შემობრძანდით! – შეიპატიჟა ისინი აღელვებულმა მამაკაცმა და მეუღლეს დაუძახა.

შემდეგ ცოლ–ქმარმა ასეთი რამ უამბო ახალგაზრდებს.

–       ჩვენ მართლაც არ ვართ ღარიბები. მაგრამ შვილები არ გვყავს, რომლებსაც მემკვიდრეობას დავუტოვებდით. ამიტომ გადავწყვიტეთ ღირსეული კანდიდატურა შეგვერჩია და ასეთი ფორმა შევარჩიეთ. ვიცოდით, რომ ამას მხოლოდ ძალიან კეთილი ადამიანები გამოეხმაურებოდნენ. მაგრამ, სიმართლე გითხრათ, ეჭვი შეგვეპარა, რომ ასეთებს ვნახავდით... თქვენი საქციელი თქვენი ღირსებაა, ამიტომ ძალიან გვიხარია თქვენი ნახვა!

მასალა მომზადებულია ღია მასალაზე დაყრდნობით

0
თემები:
რეალური ისტორიები