წამწამები

ჰორმონალური ფონის დარღვევა და მისი გარეგნული სიმპტომები

15615
(განახლებულია 12:38 19.03.2018)
ხშირად ეჭვიც არ გვაქვს, რომ ჩვენ ორგანიზმში ჰორმონალური ბალანსი ირღვევა და გვიკვირს, რატომ ჩამოგვეკიდა თვალის უპეები, ან რატომ მოვიმატეთ ან დავიკელით წონაში. რა სიმპტომებით ვლინდება ჰორმონალური ბალანსის დარღვევა ორგანიზმში.

ჰორმონალური წონასწორობა ძალზე ფაქიზი რამაა და ის შეიძლება დაირღვეს როგორ ბუნებრივი მიზეზების გამო, ისე გარემოსა და ადამიანის ორგანიზმში მიმდინარე ცვლილებების შედეგად.

ამას გარდა, ჰორმონალური ფონის დარღვევა შეიძლება მეტყველებდეს ეგზოკრინული და ენდოკრინოლოგიური ჯირკვლების მუშაობის შეფერხებაზე.

აკნე

თუ უვლით კანს და მაინც გაწუხებთ ეს პრობლემა, შესაძლოა მიზეზი სწორედ ჰორმონალური ფონის დარღვევა იყოს.

გამონაყარი კანზე ქალებში შეიძლება გამოიწვიოს არასაკმარისმა ჰიგიენამ, ცუდმა კვებამ, მენსტრუალური ციკლის ფაზებმა; მაგრამ ხშირად ეს სწორედ ჰორმონალური ფონის დარღვევას უკავშირდება.

წონის მატება

წონის უმიზეზოდ მატებას ასევე შეიძლება ჰორმონალური ფონი ედოს საფუძვლად.

თუ აკონტროლებთ კვებას, იცავთ დიეტას და მაინც იმატებთ წონაში, ამ პრობლემის მიზეზი შეიძლება ჰორმონებში იმალებოდეს. ჰორმონალური ფონის დარღვევამ შეიძლება ასევე დააბრკოლოს წონის მატება იმ შემთხვევაში, თუ ადამიანის პრობლემა ზედმეტი სიგამხდრეა. 

დაღლილობა

თუ ხშირად გაწუხებთ სისუსტე, დაღლილობა, ესეც, შესაძლოა, ჰორმონალური ფონის დარღვევას უკავშირდებოდეს.

საქმე ისაა, რომ ეს უკანასკნელი ხშირად იწვევს ძილის ხარისხის გაუარესებას. შეიძლება ადამიანს 8 საათი ეძინოს, მაგრამ მაინც უმიზეზოდ თავს დაღლილად გრძნობდეს. ამგვარი სისუსტის მიზეზი შეიძლება ჰორმონი პროგესტერონი იყოს.

ოფლიანობა

ჰორმონალური ფონის დარღვევის კიდევ ერთი ნიშანია მოჭარბებული ოფლიანობა. ოფლიანობა კიდევ სხვა მიზეზებმაც შეიძლება გამოიწვიოს, მაგრამ მაინც ჯობს, შეამოწმოთ თქვენი ჰორმონები, განსაკუთრებით, თუ ოფლიანობის დროს სიცხის შეგრძნება გაქვთ.

შავი წრეები თვალების ქვეშ

თუ თვალის უპეები ჩამოგეკიდათ ან შავი წრეები გაგიჩნდათ თვალებქვეშ, ამ დროს ყურადღების მიქცევა ჰორმონებზე ნამდვილად ღირს. 

ეს ხშირად ასევე ძილის დარღვევას უკავშირდება. ქრონიკული უძილობა შეიძლება იყოს მამაკაცებში ტესტოსტერონის და ქალებში პროგესტერონის დეფიციტის შედეგი.

დეპრესია

ჰორმონალური ფონის დარღვევა ასევე იწვევს დეპრესიას. როგორც წესი, ის ქალებს მენსტრუალური პერიოდის წინ, ორსულობისა და მენოპაუზის დროს აწუხებს. ამ დროსაც პრობლემის მიზეზი შეიძლება სწორედ ჰორმონები იყოს.

მკერდის ცვლილება

ესტროგენების დეფიციტს შეუძლია გამოიწვიოს მკერდის რბილი ქსოვილების სიმკვრივის შემცირება, ხოლო ამ ჰორმონის რაოდენობის მომატებას – მკერდის რბილ ქსოვილებში კვანძების გაჩენა. ორივე შემთხვევაში უნდა მიმართოთ სპეციალისტს.

თმის ცვენა

თუ თმის ცვენა დაგეწყოთ და ამ პრობლემას ვერანაირი საშუალებით ვერ წყვეტთ, სცადეთ ჰორმონალური ბალანსის გამოკვლევა – თმის ცვენა კიდევ ერთი ნიშანია ამ ფონის დარღვევისა.

თმის გაძლიერებული ზრდა

ზოგიერთი ჰორმონის რაოდენობის ზრდამ შეიძლება თმის ზრდის პროვოცირება გამოიწვიოს. ამ შემთხვევაში ქალებს შეიძლება გაუჩნდეთ მუქი ფერის თმა მკერდზე, ხელებზე, სხეულის სხვა ნაწილებში, სადაც წესით ის არ უნდა იყოს.

ეს შეიძლება ჰორმონალური ბალანსის დარღვევაზე მეტყველებდეს და იმაზე სერიოზული პრობლემა იყოს, ვიდრე თქვენ გგონიათ, ამიტომ ნუ დატოვებთ ამას უყურადღებოდ.

15615
თემები:
სასარგებლო რჩევები -2018 (202)
კორონავირუსის პანდემია

როგორ ვუმკურნალოთ კორონავირუსს სახლის პირობებში ექიმის რეკომენდაციები

44
(განახლებულია 18:26 21.10.2020)
ბოლო რამდენიმე დღეა, კორონავირუსით ინფიცირებულთა რაოდენობა საქართველოში ათასს აჭარბებს. ქართველი ექიმები იმ მოქალაქეებს, ვისაც კორონავირუსის დადასტურებული დიაგნოზი აქვს, თუმცა სიმპტომები მსუბუქად მიმდინარეობს, სახლში, თვითიზოლაციის პირობებში მკურნალობას ურჩევენ.

ანესთეზიოლოგ-რეანიმატოლოგი არჩილ მარშანია დიდი ბრიტანეთის ჯანდაცვის ეროვნული სამსახურისა და საქართველოში COVID-19-ის ამბოლატორიული მართვის სახელმწიფო პროტოკოლზე დაყრდნობით გთავაზობთ რჩევებს, რომლებიც შინ მკურნალობის ან კორონავირუსის სიმპტომების აღმოჩენისას დაგეხმარებათ:

თვითიზოლაციის წესები თუ მარტო არ ცხოვრობთ

გაფრთხილებთ, პირველ რიგში დაუკავშირდით ცხელ ხაზს, ოჯახის ექიმს ან 112-ს, რომ მიიღოთ ოფიციალური ინსტრუქცია. ასევე გაარკვიეთ, შესაძლებელია თუ არა, რომ გადახვიდეთ კლინიკაში ან ე.წ. კოვიდ–სასტუმროში.

წესები შესაძლოა იცვლებოდეს

უმორჩილესად გთხოვთ, მე ნუ მეჩხუბებით იმაზე, რომ არ ირეკება, ან ადგილები არ არის და პასუხს წესიერად არ გაძლევენ. შეგახსენებთ, რომ უბალოდ ექიმი ვარ და არანაირ თანამდებობაზე არ ვმუშაობ, მსგავს ამბებზე ჩემი პასუხისმგებლობა არის ნული.

ქვემოთ ჩამოთვლილი წესები შედგენილია საქართველოს დაავადების კონტროლის ცენტრის რეკომენდაციების და დიდი ბრიტანეთის ჯანდაცვის ეროვნული სამსახურის რეკომენდაციების მიხედვით.

ვის შეიძლება გამოადგეს ეს რეკომენდაციები

მას, ვისაც აღენიშნება კოვიდ-19-სთვის დამახასიათებელი სიმპტომები, ვინც ელოდება კოვიდ-19-ზე PCR–ტესტირების პასუხს, ვისაც ტესტირებით დაუდასტურდა კოვიდ-19 (სიმპტომური ან ასიმპტომური), ვისაც ჰქონდა კონტაქტი ადამიანთან, რომელსაც დაუდასტურდა კოვიდ-19.

მოთავსდით ცალკე იზოლირებულ ოთახში, სადაც არის კარგი ვენტილაცია და ფანჯარა, რომელიც იღება. დახურეთ კარი.

გამოიყენეთ ცალკე აბაზანა, თუ ეს შესაძლებელია. თუ ამის საშუალება არ არის, აუცილებელია რეგულარული გაწმენდა. თუ ცალკე სველი წერტილი არ არის ხელმისაწვდომი, ის რიგრიგობით უნდა იყოს გამოყენებული. ანუ თვითიზოლაციაში მყოფმა პირმა სველი წერტილი ბოლომ უნდა გამოიყენოს და შემდეგ ისევ კარგად გაიწმინდოს სადეზინფექციო ხსნარებით.

კვებისთვის გამოიყენეთ ცალკე ჭურჭელი, საკვები მიიღეთ იზოლირებულ ოთახში, ნუ გამოიყენებთ სამზარეულოს. ჭურჭელი უნდა გაირეცხოს კარგად, სარეცხი საშუალებით, თბილი წყლით და გამშრალდეს ცალკე პირსახოცის საშუალებით. შესაძლებელია ჭურჭლის სარეცხი მანქანის გამოყენებაც.

თვითიზოლაციაში მყოფი პირი უნდა იყენებდეს პირსახოცებს (ხელის, სხეულის), რომელსაც ოჯახის სხვა წევრები არ გამოიყენებენ. 

ხველის ან ცემინების დროს პირსა და ცხვირზე აიფარეთ ერთჯერადი ცხვირსახოცი.

თავი შეიკავეთ თქვენს შინაურ ცხოველებთან კონტაქტისგან.

ყველა ნარჩენი, რომელიც კონტაქტში იყო პირთან, გამოყენებული ცხვირსახოცების და პირბადეების ჩათვლით, უნდა მოთავსდეს პოლიეთილენის პარკში და ავსებისას თავი მოეკრას. ამის შემდეგ ეს პარკი მოათავსეთ მეორე პარკში და თავი შეუკარით. ასეთი ნარჩენების პარკში არ ჩაყაროთ საკვების ნარჩენები. ამის შემდეგ შეგიძლიათ ნარჩენების გადაყრა საერთო წესით.

დაიცავით ყველა ზოგადი რეკომენდაცია, დაიბანეთ ხელები, სადეზინფექციო ხსნარით გადაწმინდეთ მყარი ზედაპირები, გაანიავეთ ოთახი (არ გამოიყენოთ ვენტილატორი), იხმარეთ ნიღაბი.

ნუ მიიღებთ სტუმრებს

დააკვირდით სიმპტომებს, ტემპერატურა გაიზომეთ დღეში ორჯერ, აწარმოეთ დღიური და მოინიშნეთ სიმპტომები და ტემპერატურის მაჩვენებლები.

თუ თქვენი ჯანმრთელობის მდგომარეობა გაუარესდა

დაუყოვნებლივ მიმართეთ ექიმს, თუ თქვენი ჯანმრთელობის მდგომარეობა გაუარესდება. მსუბუქი სიმპტომების შემთხვევაში დარჩით იზოლაციაში 14 დღე (იქონიეთ კონტაქტი ექიმთან). თუ გქონდათ კონტაქტი ადამიანთან, ვისაც დაუდასტურდა კოვიდ-19, დარჩით თვითიზოლაციაში ბოლო კონტაქტიდან 12 დღე.

თუ თქვენ ოჯახის წევრს დაუდასტურდა კოვიდ-19, დარჩით თვითიზოლაციაში 14 დღე. დღეების ათვლა იწყება იმ დღიდან, როდესაც პაციენტს დაეწყო სიმპტომები. ასიმპტომური მიმდინარეობისას კი იმ დღიდან, როდესაც ტესტირებით დადასტურდა კოვიდ-19.

იზრუნეთ საკუთარ ფსიქოემოციურ მდგომარეობაზე: იკონტაქტეთ მეგობრებთან დისტანციურად, სოციალური ქსელებით, ტელეფონით. ფიზიკური აქტივობა არა მარტო ფიზიკური, არამედ ფსიქოლოგიური ჯანმრთელობისთვის არის მნიშვნელოვანი, ეცადეთ იყოთ აქტიურები ნორმის ფარგლებში, ნახეთ ონლაინ ვარჯიშები, იოგა და ა.შ.

დაგეგმეთ რის გაკეთება შეიძლება იზოლაციისას და ვინ მოგაწვდით საკვებს, მედიკამენტებს და ა.შ. განსაზღვრეთ 14 დავალება საკუთარი თავისთვის, რომელსაც დღეებზე გადაანაწილებთ. შფოთვების, თუ ნებისმიერი ფსიქოემოციური სტრესის მომატებისას დისტანციურად მიმართეთ სპეციალისტს.

იზოლაცია შეიძლება დასრულდეს, თუ სიმპტომების დაწყებიდან გასულია 10 დღე და თავს გრძნობთ კარგად, სიმპტომები „ალაგებულია“. ამის შესახებ მეტი დეტალები მიიღეთ ექიმისგან.

არ დაარღვიოთ თვითიზოლაციის წესები, ამით თქვენ დაიცავთ საკუთარ და სხვის ჯანმრთელობას. არ არსებობს არანაირი გარანტია, რომ ხართ დაცული რეინფექციისგან, ამიტომ თვითიზოლაციის დასრულების ან ინფექციის გადატანის შემდეგ დაიცავით ყველა ის ზოგადი რეკომენდაცია, რაც არის კოვიდ-19-ის პრევენციისთვის გამოცემული.

ჯანმრთელობას გისურვებთ!

 

44
თემები:
ჯანმრთელობა და სილამაზე
შესაწვევად გამზადებული ქათამი

უნდა მიირთვათ თუ არა ქათმის ფილე: დიეტოლოგი განმარტავს

65
(განახლებულია 17:11 21.10.2020)
დიეტოლოგი განმარტავს, რა ახდენს იმუნიტეტზე განსაკუთრებულად დამღუპველ გავლენას და როგორ უნდა ავარიდოთ ამას თავი.

თბილისი, 21 ოქტომბერი — Sputnik. ქათმის ფილე ცილის ერთ-ერთი საუკეთესო წყაროა, რომელიც ხელს უწყობს იმუნური სისტემის გაძლიერებასა და ჯანმრთელობის მდგომარეობის ზოგად გაუმჯობესებას, წერს დიეტოლოგი სვეტლანა ფუსი თავის ინსტაგრამ-გვერდზე.

მისი თქმით, ცილა ორგანიზმის მთავარი საშენი მასალაა.

„ცილები იხლიჩება ამინომჟავებად, რომლებიც კუნთების, კანის, ძვლების, მყესების, ხრტილების, სისხლის ელემენტების, ტვინისა და ყველა სხვა ქსოვილის შესაქმნელი „აგურებია“. ნებისმიერი ამინომჟავის დეფიციტის დროს ჩვენს იმუნურ უჯრედებს, რომლებიც იმუნოგლობულინების სინთეზირებას ახდენს, უბრალოდ არ შეუძლიათ ნორმალური იმუნოგლობულინების შენება, თანაც იმუნური პასუხისთვის საჭირო რაოდენობით“, — განმარტა ექსპერტმა.

მან ხაზი გაუსვა, რომ იმუნიტეტზე განსაკუთრებით დამღუპველ ზემოქმედებას ახდენს ისეთი შეუცვლელი ამინომჟავების დეფიციტი, როგორებიცაა: ტრიპტოფანი, ლეიცინი, იზოლეიცინი, ვალინი, ტრეონინი, ლიზინი, მეთიონინი, ფენილალანინი.

სვეტლანა ფუსი განმარტავს, რომ ადამიანმა, რომელიც 70 კგ-ს იწონის, დღეში დაახლოებით 50 გრამი ცხოველური პროტეინი უნდა მიიღოს.

„ქათმის ხორცი შეიცავს 18-დან 25 გრამამდე ამინომჟავების შემადგენლობით სრულფასოვან ცილას. მის მაქსიმალურ რაოდენობას ქათმის ფილე უზრუნველყოფს. მხოლოდ 100 გრამის მოხმარებით ჩვენ პრაქტიკულად იმის ნახევარს მივიღებთ, რაც ერთ დღეში გვჭირდება“, — დაასკვნა სვეტლანა ფუსმა.

მანამდე მეცნიერებმა დაადგინეს, რომ წიწიბურის მოხმარება მნიშვნელოვნად ზრდის „დღეგრძელობის ცილის“ — SIRT1-ის დონეს და ასევე აქვს მთელი რიგი პოზიტიური ეფექტები.

65
თემები:
სასარგებლო რჩევები
სპეცოპერაცია ზუგდიდში

ზუგდიდში „საქართველოს ბანკზე“ თავდამსხმელმა ერთი მძევალი გაათავისუფლა

0
ამ დროისთვის შემთხვევის ადგილზე მობილიზებული არიან სამართალდამცველები მიმდინარეობს დამნაშავის გაუვნებელყოფის ოპერაცია.

თბილისი, 21 ოქტომბერი - Sputnik. ზუგდიდში „საქართველოს ბანკზე“ თავდამსხმელმა ერთ-ერთი მძევალი გაათავისუფლა.

გავრცელებული ინფორმაციით, 55 წლამდე ქალმა ბანკის შენობა ცოტა ხნის წინ, პოლიციის თანხლებით დატოვა. დანარჩენი 18 მძევლის გასათავისუფლებლად კი პოლიცია მუშაობას აგრძელებს.

რამდენიმე საათის წინ ზუგდიდში, ზვიად გამსახურდიას გამზირზე მდებარე „საქართველოს ბანკის“ ფილიალზე თავდასხმა მოხდა. შეიარაღებულ პირს მძევლად ოცამდე ადამიანი – ბანკის თანამშრომლები და კლიენტები ჰყავს აყვანილი.

გავრცელებული ინფორმაციით, თავდამსხმელი 500 ათას დოლარს და შენობიდან უსაფრთხოდ გასვლას ითხოვს.

შემთხვევის ადგილზე მობილიზებულია საპატრულო პოლიციისა და სპეციალური დანიშნულების რაზმები. სპეცოპერაცია ზუგდიდის ცენტრში ამ დრომდე გრძელდება. პოლიციამ მიმდებარე ტერიტორიიდან ადამიანების ევაკუაცია განახორციელა.

შსს-მ განცხადება გაავრცელა და აღნიშნა, რომ მომხდარ ფაქტზე გამოძიება სისხლის სამართლის კოდექსის 179-ე, 236-ე და 144-ე მუხლებით დაიწყო.

0
თემები:
კრიმინალი საქართველოში