როგორ გამოიყურება ჯანმრთელი თმა

თმის მოვლისა და თმის ცვენის საწინააღმდეგო სამკურნალო შინაური საშუალებები

16970
(განახლებულია 14:57 19.09.2017)
ეს საშუალებები დაგეხმარებათ არა მარტო შეაჩეროთ თმის ცვენა, არამედ აღიდგინოთ, გააძლიეროთ მისი სიმტკიცე და მისცეთ ბრწყინვალება.

დერმატოლოგები ამბობენ, რომ ყოველდღიურად ადამიანი თმის დაახლოებით 50-100 ღერს კარგავს — ეს ნორმალურია.

ზოგიერთ ადამიანს გამელოტებისკენ აქვს მიდრეკილება, თუნდაც ახალგაზრდა იყოს. ამის მიზეზი შეიძლება იყოს სტრესი, ჰორმონალური ცვლილებები და არასწორი კვება.

არის ზოგიერთი საშუალება, რომლებიც დაგეხმარებათ თმის აღდგენაში. მათი დამზადება შეგიძლიათ სახლის პირობებში.

ნიორი და ხახვი

გოგირდს კოლაგენის შექმნის გაზრდა შეუძლია, რაც თმის ზრდას უწყობს ხელს. ნიორი და ხახვი კი ბევრ გოგირდს შეიცავს.

გახეხეთ ხახვი და გამოწურეთ წვენი. დაიდეთ თავის კანზე და დაახლოებით 15 წუთი გაიჩერეთ. შემდეგ დაიბანეთ თმა ნაზი შამპუნით.

აიღეთ რამდენიმე კბილი ნიორი, დააქუცმაცეთ, დაუმატეთ ცოტა ქოქოსის ზეთი და ადუღეთ რამდენიმე წუთი. როცა გაგრილდება, მსუბუქი მასაჟით შეიზილეთ თავის კანში.

წარმატებული შედეგის მისაღწევად გააკეთეთ ეს კვირაში 2-3-ჯერ.

ინა

აზიელი ხალხი ინას თმის შესაღებად და ერთგვარ "კონდიციონერად" იყენებდა. მდოგვის ზეთთან ერთად ის საოცრებებს ახდენს.

აიღეთ დაახლოებით 60 მილიგრამი მდოგვის ზეთი და დაუმატეთ დაახლოებით 60 გრამი ინა. მოათავსეთ ცეცხლზე და გააცხელეთ. შემდეგ გაწურეთ მარლაში.

გააგრილეთ ზეთი და რეგულარულად წაისვით თმაზე. შეინახეთ ჰერმეტულად თავდახურულ ჭურჭელში.

ჰიბისკუსი

თმის მოვლისას საოცარ შედეგებს იძლევა ჰიბისკუსისა (სხვადასხვა სახეობის ტროპიკულ მცენარეთა საერთო სახელი; მათ შორის ყველაზე უფრო ცნობილია ჩინური ვარდი) და ქოქოსის ზეთის ნაზავი. ჰიბისკუსს აღმდგენი თვისებები აქვს, მას შეუძლია დაგიცვათ თმის გათეთრებისგან და გაგიქროთ ქერტლი.

აიღეთ ჰიბისკუსის რამდენიმე ყვავილი, შეურიეთ ქოქოსის ან ქუნჯუთის ზეთი და გააკეთეთ პასტისმაგვარი მასა.

დაიდეთ ეს მასა თმაზე და თავის კანზე. გაიჩერეთ რამდენიმე საათი. შემდეგ ჩამოიბანეთ მსუბუქი შამპუნითა და გრილი წყლით.

კვერცხი

კვერცხი გოგირდის ძალზე მდიდარი წყაროა. ის შეიცავს უამრავ მინერალურ ნივთიერებას, ცილებსა და იოდს, სელენს, თუთიას, რკინასა და ფოსფორს. ეს ძალიან კარგად მოქმედებს ზეითუნის ზეთთან ერთად.

აიღეთ კვერცხის ცილა და ერთი ჩაის კოვზი ზეითუნის ზეთი. აურიეთ ერთმანეთში, სანამ პასტისმაგვარ მასას არ მიიღებთ; შემდეგ წაისვით თმაზე და თავის კანზე, გაიჩერეთ 15-20 წუთი, შემდეგ ჩამოიბანეთ შამპუნითა და გრილი წყლით.

16970
კორონავირუსის პანდემია

როგორ ვუმკურნალოთ კორონავირუსს სახლის პირობებში ექიმის რეკომენდაციები

48
(განახლებულია 18:26 21.10.2020)
ბოლო რამდენიმე დღეა, კორონავირუსით ინფიცირებულთა რაოდენობა საქართველოში ათასს აჭარბებს. ქართველი ექიმები იმ მოქალაქეებს, ვისაც კორონავირუსის დადასტურებული დიაგნოზი აქვს, თუმცა სიმპტომები მსუბუქად მიმდინარეობს, სახლში, თვითიზოლაციის პირობებში მკურნალობას ურჩევენ.

ანესთეზიოლოგ-რეანიმატოლოგი არჩილ მარშანია დიდი ბრიტანეთის ჯანდაცვის ეროვნული სამსახურისა და საქართველოში COVID-19-ის ამბოლატორიული მართვის სახელმწიფო პროტოკოლზე დაყრდნობით გთავაზობთ რჩევებს, რომლებიც შინ მკურნალობის ან კორონავირუსის სიმპტომების აღმოჩენისას დაგეხმარებათ:

თვითიზოლაციის წესები თუ მარტო არ ცხოვრობთ

გაფრთხილებთ, პირველ რიგში დაუკავშირდით ცხელ ხაზს, ოჯახის ექიმს ან 112-ს, რომ მიიღოთ ოფიციალური ინსტრუქცია. ასევე გაარკვიეთ, შესაძლებელია თუ არა, რომ გადახვიდეთ კლინიკაში ან ე.წ. კოვიდ–სასტუმროში.

წესები შესაძლოა იცვლებოდეს

უმორჩილესად გთხოვთ, მე ნუ მეჩხუბებით იმაზე, რომ არ ირეკება, ან ადგილები არ არის და პასუხს წესიერად არ გაძლევენ. შეგახსენებთ, რომ უბალოდ ექიმი ვარ და არანაირ თანამდებობაზე არ ვმუშაობ, მსგავს ამბებზე ჩემი პასუხისმგებლობა არის ნული.

ქვემოთ ჩამოთვლილი წესები შედგენილია საქართველოს დაავადების კონტროლის ცენტრის რეკომენდაციების და დიდი ბრიტანეთის ჯანდაცვის ეროვნული სამსახურის რეკომენდაციების მიხედვით.

ვის შეიძლება გამოადგეს ეს რეკომენდაციები

მას, ვისაც აღენიშნება კოვიდ-19-სთვის დამახასიათებელი სიმპტომები, ვინც ელოდება კოვიდ-19-ზე PCR–ტესტირების პასუხს, ვისაც ტესტირებით დაუდასტურდა კოვიდ-19 (სიმპტომური ან ასიმპტომური), ვისაც ჰქონდა კონტაქტი ადამიანთან, რომელსაც დაუდასტურდა კოვიდ-19.

მოთავსდით ცალკე იზოლირებულ ოთახში, სადაც არის კარგი ვენტილაცია და ფანჯარა, რომელიც იღება. დახურეთ კარი.

გამოიყენეთ ცალკე აბაზანა, თუ ეს შესაძლებელია. თუ ამის საშუალება არ არის, აუცილებელია რეგულარული გაწმენდა. თუ ცალკე სველი წერტილი არ არის ხელმისაწვდომი, ის რიგრიგობით უნდა იყოს გამოყენებული. ანუ თვითიზოლაციაში მყოფმა პირმა სველი წერტილი ბოლომ უნდა გამოიყენოს და შემდეგ ისევ კარგად გაიწმინდოს სადეზინფექციო ხსნარებით.

კვებისთვის გამოიყენეთ ცალკე ჭურჭელი, საკვები მიიღეთ იზოლირებულ ოთახში, ნუ გამოიყენებთ სამზარეულოს. ჭურჭელი უნდა გაირეცხოს კარგად, სარეცხი საშუალებით, თბილი წყლით და გამშრალდეს ცალკე პირსახოცის საშუალებით. შესაძლებელია ჭურჭლის სარეცხი მანქანის გამოყენებაც.

თვითიზოლაციაში მყოფი პირი უნდა იყენებდეს პირსახოცებს (ხელის, სხეულის), რომელსაც ოჯახის სხვა წევრები არ გამოიყენებენ. 

ხველის ან ცემინების დროს პირსა და ცხვირზე აიფარეთ ერთჯერადი ცხვირსახოცი.

თავი შეიკავეთ თქვენს შინაურ ცხოველებთან კონტაქტისგან.

ყველა ნარჩენი, რომელიც კონტაქტში იყო პირთან, გამოყენებული ცხვირსახოცების და პირბადეების ჩათვლით, უნდა მოთავსდეს პოლიეთილენის პარკში და ავსებისას თავი მოეკრას. ამის შემდეგ ეს პარკი მოათავსეთ მეორე პარკში და თავი შეუკარით. ასეთი ნარჩენების პარკში არ ჩაყაროთ საკვების ნარჩენები. ამის შემდეგ შეგიძლიათ ნარჩენების გადაყრა საერთო წესით.

დაიცავით ყველა ზოგადი რეკომენდაცია, დაიბანეთ ხელები, სადეზინფექციო ხსნარით გადაწმინდეთ მყარი ზედაპირები, გაანიავეთ ოთახი (არ გამოიყენოთ ვენტილატორი), იხმარეთ ნიღაბი.

ნუ მიიღებთ სტუმრებს

დააკვირდით სიმპტომებს, ტემპერატურა გაიზომეთ დღეში ორჯერ, აწარმოეთ დღიური და მოინიშნეთ სიმპტომები და ტემპერატურის მაჩვენებლები.

თუ თქვენი ჯანმრთელობის მდგომარეობა გაუარესდა

დაუყოვნებლივ მიმართეთ ექიმს, თუ თქვენი ჯანმრთელობის მდგომარეობა გაუარესდება. მსუბუქი სიმპტომების შემთხვევაში დარჩით იზოლაციაში 14 დღე (იქონიეთ კონტაქტი ექიმთან). თუ გქონდათ კონტაქტი ადამიანთან, ვისაც დაუდასტურდა კოვიდ-19, დარჩით თვითიზოლაციაში ბოლო კონტაქტიდან 12 დღე.

თუ თქვენ ოჯახის წევრს დაუდასტურდა კოვიდ-19, დარჩით თვითიზოლაციაში 14 დღე. დღეების ათვლა იწყება იმ დღიდან, როდესაც პაციენტს დაეწყო სიმპტომები. ასიმპტომური მიმდინარეობისას კი იმ დღიდან, როდესაც ტესტირებით დადასტურდა კოვიდ-19.

იზრუნეთ საკუთარ ფსიქოემოციურ მდგომარეობაზე: იკონტაქტეთ მეგობრებთან დისტანციურად, სოციალური ქსელებით, ტელეფონით. ფიზიკური აქტივობა არა მარტო ფიზიკური, არამედ ფსიქოლოგიური ჯანმრთელობისთვის არის მნიშვნელოვანი, ეცადეთ იყოთ აქტიურები ნორმის ფარგლებში, ნახეთ ონლაინ ვარჯიშები, იოგა და ა.შ.

დაგეგმეთ რის გაკეთება შეიძლება იზოლაციისას და ვინ მოგაწვდით საკვებს, მედიკამენტებს და ა.შ. განსაზღვრეთ 14 დავალება საკუთარი თავისთვის, რომელსაც დღეებზე გადაანაწილებთ. შფოთვების, თუ ნებისმიერი ფსიქოემოციური სტრესის მომატებისას დისტანციურად მიმართეთ სპეციალისტს.

იზოლაცია შეიძლება დასრულდეს, თუ სიმპტომების დაწყებიდან გასულია 10 დღე და თავს გრძნობთ კარგად, სიმპტომები „ალაგებულია“. ამის შესახებ მეტი დეტალები მიიღეთ ექიმისგან.

არ დაარღვიოთ თვითიზოლაციის წესები, ამით თქვენ დაიცავთ საკუთარ და სხვის ჯანმრთელობას. არ არსებობს არანაირი გარანტია, რომ ხართ დაცული რეინფექციისგან, ამიტომ თვითიზოლაციის დასრულების ან ინფექციის გადატანის შემდეგ დაიცავით ყველა ის ზოგადი რეკომენდაცია, რაც არის კოვიდ-19-ის პრევენციისთვის გამოცემული.

ჯანმრთელობას გისურვებთ!

 

48
თემები:
ჯანმრთელობა და სილამაზე
შესაწვევად გამზადებული ქათამი

უნდა მიირთვათ თუ არა ქათმის ფილე: დიეტოლოგი განმარტავს

68
(განახლებულია 17:11 21.10.2020)
დიეტოლოგი განმარტავს, რა ახდენს იმუნიტეტზე განსაკუთრებულად დამღუპველ გავლენას და როგორ უნდა ავარიდოთ ამას თავი.

თბილისი, 21 ოქტომბერი — Sputnik. ქათმის ფილე ცილის ერთ-ერთი საუკეთესო წყაროა, რომელიც ხელს უწყობს იმუნური სისტემის გაძლიერებასა და ჯანმრთელობის მდგომარეობის ზოგად გაუმჯობესებას, წერს დიეტოლოგი სვეტლანა ფუსი თავის ინსტაგრამ-გვერდზე.

მისი თქმით, ცილა ორგანიზმის მთავარი საშენი მასალაა.

„ცილები იხლიჩება ამინომჟავებად, რომლებიც კუნთების, კანის, ძვლების, მყესების, ხრტილების, სისხლის ელემენტების, ტვინისა და ყველა სხვა ქსოვილის შესაქმნელი „აგურებია“. ნებისმიერი ამინომჟავის დეფიციტის დროს ჩვენს იმუნურ უჯრედებს, რომლებიც იმუნოგლობულინების სინთეზირებას ახდენს, უბრალოდ არ შეუძლიათ ნორმალური იმუნოგლობულინების შენება, თანაც იმუნური პასუხისთვის საჭირო რაოდენობით“, — განმარტა ექსპერტმა.

მან ხაზი გაუსვა, რომ იმუნიტეტზე განსაკუთრებით დამღუპველ ზემოქმედებას ახდენს ისეთი შეუცვლელი ამინომჟავების დეფიციტი, როგორებიცაა: ტრიპტოფანი, ლეიცინი, იზოლეიცინი, ვალინი, ტრეონინი, ლიზინი, მეთიონინი, ფენილალანინი.

სვეტლანა ფუსი განმარტავს, რომ ადამიანმა, რომელიც 70 კგ-ს იწონის, დღეში დაახლოებით 50 გრამი ცხოველური პროტეინი უნდა მიიღოს.

„ქათმის ხორცი შეიცავს 18-დან 25 გრამამდე ამინომჟავების შემადგენლობით სრულფასოვან ცილას. მის მაქსიმალურ რაოდენობას ქათმის ფილე უზრუნველყოფს. მხოლოდ 100 გრამის მოხმარებით ჩვენ პრაქტიკულად იმის ნახევარს მივიღებთ, რაც ერთ დღეში გვჭირდება“, — დაასკვნა სვეტლანა ფუსმა.

მანამდე მეცნიერებმა დაადგინეს, რომ წიწიბურის მოხმარება მნიშვნელოვნად ზრდის „დღეგრძელობის ცილის“ — SIRT1-ის დონეს და ასევე აქვს მთელი რიგი პოზიტიური ეფექტები.

68
თემები:
სასარგებლო რჩევები
პოლიცია

შეხლა-შემოხლა ზუგდიდში: პოლიტიკოსს პირდაპირ ეთერში ჩაარტყეს

0
ამჟამად ზუგდიდის ცენტრში „საქართველოს ბანკის“ ფილიალიდან ტერორისტმა რამდენიმე მძევალი გაათავისუფლა

თბილისი, 21 ოქტომბერი - Sputnik. ზუგდიდის ცენტრში, სადაც მძევლების გათავისუფლების სპეცოპერაცია მიმდინარეობს, ინციდენტი მოხდა.

შეტაკება მოხდა „ქართული მარშის“ მაჟორიტარი დეპუტატობის კანდიდატ გიორგი გაბედავასა და ოპოზიციური პარტია „ევროპული საქართველოს“ წარმომადგენელს შორის მოხდა.

გაბედავას თავში იმ დროს ჩაარტყეს, როდესაც ის ჟურნალისტებს ინტერვიუს აძლევდა. მოხდა შეხლა-შემოხლა, სიტუაცია პოლიციამ განმუხტა. დაკავებულია ერთი ადამიანი, სავარაუდოდ, „ევროპული საქართველოს“ აქტივისტი.

„მთელი დღეა აქ ვდგავარ, ჩემი ბიძაშვილია ბანკში მძევალი. არანაირი პიარის უფლებას მე აქ არავის მივცემ. ეს არ არის საპიარო. თქვენთვის ჯობია, ეს პროვოკატორი გაიყვანოთ“, – განაცხადა გიორგი გაბედავამ.

წინასწარი მონაცემებით, ავტომატით და ხელყუმბარით შეიარაღებულმა მამაკაცმა ზუგდიდში „საქართველოს ბანკის“ ერთ-ერთ ფილიალში აიყვანა მძევლები - ბანკის თანამშრომლები და კლიენტები. რამდენიმე მძევალი გათავისუფლებულია. ადგილზე ზუგდიდის პოლიციამ და სპეცრაზმია მობილიზებულია. ადგილზე იმყოფება შინაგან საქმეთა მინისტრი ვახტანგ გომელაური.

0
თემები:
კრიმინალი საქართველოში