ზღმარტლი

ზღმარტლი და მისი სასარგებლო თვისებები

2628
(განახლებულია 17:50 23.11.2020)
ზღმარტლი შეიცავს შაქრებსა და თითქმის ყველა ვიტამინს, მინერალურ ნივთიერებებს: კალიუმი, მაგნიუმი, რკინა, იოდი, კალციუმი, ფოსფორი, ნატრიუმი, სელენი, თუთია და ა.შ.

განსაკუთრებით ფასეულია ზღმარტლი იმ ადამიანებისთვის, ვისაც აწუხებს ჰიპერტონია, გულ-სისხლძარღვთა დაავადებები, ასთმა, დიაბეტი. ის ხელს უწყობს თირკმელებიდან კენჭების გამოდევნას, აუმჯობესებს საჭმლის მონელებას, წმენდს ღვიძლსა და სისხლძარღვებს.

ხახვი – ვირუსებთან ბრძოლის საუკეთესო საშუალება>>

ზღმარტლი (Mespilus germanica) ვარდისებრთა ოჯახის წარმომადგენელი ფოთოლმცვენი ეკლიანი ხე ან ბუჩქია. მისი სამშობლოა სამხრეთ-დასავლეთი აზია.

არქეოლოგიური კვლევების შედეგად დგინდება, რომ ზღმარტლის კულტივირება ჯერ კიდევ 3 ათასი წლის წინ დაიწყეს. არსებობს მისი 30-მდე სახეობა, მაგრამ გამოიყენება ძირითადად ორი – ე.წ. გერმანული და იაპონური ზღმარტლი. სახელწოდება გერმანულიდან ეწოდა, რადგან ის პირველად რომაელებმა შეიტანეს ევროპაში, კერძოდ, გერმანიის ტერიტორიაზე. ჩვენთან გავრცელებულია გერმანული ზღმარტლი, რომელსაც ასევე კავკასიური ზღმარტლი ეწოდება.

ზღმარტლის კალორიულობა და შემადგენლობა

ზღმარტლის კალორიულობა 100 გრამ პროდუქტზე დაახლოებით 53 კკალორიაა.

ზღმარტლის კვებითი ღირებულება 100 გრამ პროდუქტში: ცილები – 2,1 გრამი, ცხიმები – 0,8 გრამი, ნახშიწყლები – 17,3 გრამი.

ნაყოფი შეიცავს შაქრებსა და თითქმის ყველა ვიტამინს – С, А, В1, В2, В3, В6, В9, ლიმონისა და ვაშლის მჟავას, მთრიმლავ და არომატულ ნივთიერებებს, პექტინებს, ლორწოს, ფიტონციდებს. მინერალურ ნივთიერებებს: კალიუმი, მაგნიუმი, რკინა, იოდი, კალციუმი, ფოსფორი, ნატრიუმი, სელენი, თუთია და სხვა.

კომში და მისი სასარგებლო თვისებები>>

ქერქი, ფოთლები და მკვახე ნაყოფი შეიცავს მთრიმლავ ნივთიერებებს.

ზღმარტლის სასარგებლო თვისებები

ხალხურ მედიცინაში გამოიყენება ფოთოლი, ნაყოფი და თესლის ნახარში კუჭ-ნაწლავის ანთებისა და საშარდე ბუშტის კენჭოვანი დაავადებებისას.

ლიმონი და მისი სასარგებლო თვისებები>>

გასაკუთრებით ფასეულია ზღმარტლი იმ ადამიანებისთვის, ვისაც აწუხებს ჰიპერტონია, გულ-სისხლძარღვთა დაავადებები, ასთმა, დიაბეტი. ის ხელს უწყობს თირკმელებიდან კენჭების გამოდევნას, აუმჯობესებს საჭმლის მონელებას, წმენდს ღვიძლსა და სისხლძარღვებს, ნაწლავებს. გაითვალისწინეთ, რომ მწიფე ნაყოფი კარგია შეკრულობის დროს, ხოლო მკვახე – ფაღარათისას.

ზღმარტლი აბრკოლებს ინსულტებისა და ინფარქტების, ონკოლოგიური დაავადებების განვითარებას, ამაღლებს იმუნიტეტს. 

ზღმარტლის ნაყოფში ასევე არის მთრიმლავი ნივთიერებები, რომლის წყალობით მას აქვს ჭრილობის შეხორცების, ანთების საწინააღმდეგო მოქმედება და სისხლის აღდგენის უნარი; ნაყოფი ორგანიზმს ეხმარება სისხლის შემადგენლობის გაუმჯობესებაში და პექტინის წყალობით ორგანიზმიდან ქოლესტერინი გამოაქვს. ზღმარტლში არსებული დიდი რაოდენობის მოლეკულური წყალი ხელს უწყობს ტოქსინებისა და შლაკების გამოდევნას.

იოდის, თუთიის, სელენისა და მანგანუმის წყალობით, რომლებიც იმუნიტეტზე არიან პასუხისმგებელი, ზღმარტლი აუმჯობესებს ფარისებრი ჯირკვლის, თირკმელზედა და კუჭქვეშა ჯირკვლების მუშაობას; კალციუმი ამაგრებს ძვლოვან სისტემას და დადებითად მოქმედებს თმისა და ფრჩხილების მდგომარეობაზე. მაგნიუმი კი ნერვული და კუნთოვანი სისტემის ფუნქციონირებას უწყობს ხელს.

A ვიტამინის წყალობით ზღმარტლი დადებითად მოქმედებს თვალის ჯანმრთელობაზე.

განსაკუთრებით სასარგებლოა ზღმარტლის ფოთლები, რადგან ისინი შეიცავს დიდი რაოდენობით ბიოლოგიურად აქტიურ ნივთიერებებს. ეს სასარგებლო ნივთიერებები აძლიერებს ორგანიზმის დამცავ ძალებსა და ეხმარება მას დიაბეტთან ბრძოლაში, პირღებინებისას, დიარეისა და დეპრესიული მდგომარეობის დროს. ფოთლების ნაყენი გამოიყენება ანგინის დროს.

ტყემალი – ბუნების საგანძური ადამიანის ჯანმრთელობისთვის>>

ზღმარტლის დამზადების რეცეპტები:

  • ნაყენის დასამზადებლად აადუღეთ 500 მილიგრამი წყალი და დაუმატეთ 1 სუფრის კოვზი ზღმარტლის მშრალი ფოთოლი. გააჩერეთ თერმოსში 3 საათი, შემდეგ გადაწურეთ. მიიღეთ ჭამამდე 20 წუთით ადრე 50 მილიგრამის ოდენობით. კურსი გრძელდება 2 კვირა, შემდეგ აუცილებელია რამდენიმეთვიანი შესვენება. ნაყენი ორგანიზმს წმენდს მარილებისგან, მძიმე ლითონებისგან, შლაკებისგან.
  • 5 ცალი მსხვილი ზღმარტლის ნაყოფი კარგად გაჭყლიტეთ, კურკები დააქუცმაცეთ და შეურიეთ ფაფისებრ მასას, დაასხით 100 მილიგრამი არაყი და კარგად აურიეთ. ჩაასხით მინის ჭურჭელში და კარგად დაახურეთ ხუფი. გააჩერეთ სამი დღე ცივ და ბნელ ადგილზე. გამზადებული ნაყენი გადაწურეთ და მიიღეთ ჭამის წინ 1 სუფრის კოვზის ოდენობით. ეს ნაყენი ძალზე ეფექტურია გაციების, ქრონიკული ბრონქიტის დროს, აქვს ამოსახველებლი ეფექტი. შესაძლებელია ასთმის სამკურნალოდ გამოყენება.

ზღმარტლის უკუჩვენებები

ზღმარტლის გამოყენება არ შეიძლება კუჭის წვენის გაზრდილი მჟავიანობის, კუჭის ან თორმეტგოჯა ნაწლავის წყლულისა და კუჭქვეშა ჯირკვლის ანთების დროს.

ბროკოლი, ანუ სატაცურა კომბოსტო და მისი სასარგებლო თვისებები>>

ასევე სიფრთხილით უნდა მივცეთ ბავშვებს და გავითვალისწინოთ, რომ ზღმარტლმა, შესაძლოა, ალერგიული რეაქცია გამოიწვიოს. ამავე მიზეზით ასევე ფრთხილად უნდა მიიღოს ზღმარტლი მეძუძურმა დედამ.

2628
თემები:
სასარგებლო რჩევები (445)
ცაცხვი

ცაცხვი და მისი სამკურნალო თვისებები

460
(განახლებულია 17:35 18.01.2021)
ცაცხვს სამკურნალოდ უძველესი დროიდან იყენებენ. ის შეუდარებელია გაციების, მაღალი სიცხის, ბრონქიტის, ანგინისა და სხვა დაავადებების დროს.

ცაცხვი (Tilia) ფოთოლმცვენი ხეა, სიმაღლეში იზრდება 35 მეტრამდე. არსებობს მისი 40-მდე სახეობა.

ბაბუაწვერა – ბუნების საჩუქარი კიბოს წინააღმდეგ ბრძოლაში>>

ცაცხვს ადამიანის ორგანიზმისთვის მრავალი სამკურნალო და სასარგებლო თვისება გააჩნია. მას იყენებენ როგორც არატრადიციულ მედიცინაში, ისე თანამედროვე სამკურნალო პრეპარატების დასამზადებლად.

სამკურნალოდ გამოიყენება ცაცხვის თითქმის ყველა ნაწილი – ქერქი, ფოთლები და ყვავილები, ნაყოფი. ტოტებისა და მერქნისგან ამზადებენ კუპრს. არის ძვირფასმერქნიანი მცენარე.

ხის ქერქი შეიცავს ზეთების მნიშვნელოვან რაოდენობას (8 პროცენტამდე), ასევე ტილიროზიდს, ტრიტერპენოიდებს; ფოთლების შემადგენლობაშია ასკორბინის მჟავა, კაროტინი, ნახშირწყლები. ცაცხვის ყვავილები კი შეიცავს: ეთერზეთებს, საპონინებს, ორგანულ შაქარს, მთრიმლავ ნივთიერებებს, ასკორბინის მჟავას, ფლავონოიდებს, კაროტინს, გლიკოზიდებს, ვიტამინებს, მიკრო და მაკროელემენტებს.

ბროწეული და მისი სასარგებლო თვისებები>>

ცაცხვი გამოიყენება შემდეგი დაავადებების დროს:

ანგინა, ლარინგიტი, მწვავე და ქრონიკული ბრონქიტი, ბაქტერიული ინფექციები, შარდმდენი სისტემის ორგანოების პათოლოგიები, პოდაგრა, რევმატიზმი, ნევრალგიური დაავადებები, კრუნჩხვები, გონის დაკარგვა, ციებ-ცხელება, ნაწლავების სპაზმები, კუჭის წყლული, სტომატოლოგიური დაავადებები, დამწვრობა (გარეგანი გამოყენებისთვის), გინეკოლოგიური დაავადებები, ჰემოროი, პროსტატა, გაციება და სიცხის დამწევი საშუალება. ასევე მცენარე გამოიყენება როგორც კოსმეტიკური საშუალება.

რა ზიანი შეიძლება მოიტანოს ცაცხვმა

ცაცხვის ყვავილების მუდმივმა და ხანგრძლივმა გამოყენებამ (მაგალითად, რამდენიმე თვე ზედიზედ) შეიძლება მხედველობაზე იმოქმედოს, თან სწრაფად და მოულოდნელად. გაითვალისწინეთ, რომ ის უნდა მიიღოთ ხანმოკლე პერიოდების განმავლობაში და დღეში 2–3-ჯერ, არ გადააჭარბოთ დოზას.

ცაცხვმა ასევე შეიძლება გამოიწვიოს ალერგიული რეაქციები, გულის პათოლოგიები, ნერვული დაავადებები, კენჭები შარდის გამომყოფ სისტემაში.

ასევე გასათვალისწინებელია, რომ მცენარის ნახარშები არ უნდა შეუთავსოთ ზოგიერთ სამკურნალო პრეპარატს. 

ცაცხვის ნაყენის დამზადების წესი:

გთავაზობთ ცაცხვის ნაყენის დამზადების ერთ-ერთ ვარიანტს.

ცაცხვის ყვავილების ეს ნაყენი გამოიყენება ნევრალგიური დაავადებების, გაციების, ხველების, პოდაგრის, რევმატიზმის დროს.

კომში და მისი სასარგებლო თვისებები>>

2 სუფრის კოვზ დაქუცმაცებულ ყვავილებს დაასხით 2 ჭიქა მდუღარე წყალი და გააჩერეთ ნახევარი საათი. მიიღეთ ნახევარი ჭიქის ოდენობით დღეში ოთხჯერ, როგორც ჩვეულებრივი ჩაი.

460
ჯანმრთელი საკვები

დეტოქს პროდუქტები, რომელიც სადღესასწაულო სუფრის შემდეგ ორგანიზმის გაწმენდაში დაგეხმარებათ

263
(განახლებულია 20:03 14.01.2021)
სადღესასწაულო სუფრების შემდეგ ხშირად ადამიანის ორგანიზმი მავნე პროდუქტების ზეწოლას, დისკომფორტს და სიმძიმის შეფრძნებას განიცდის. გაუმკლავდება კი ჩვენი ორგანიზმი მასში მოხვედრილ დიდი რაოდენობით ტოქსინებს?

ეს სრულებით შესაძლებელია. იმისათვის, რომ გაათავისუფლოთ ორგანიზმი შლაკებისგან, ტოქსინებისგან, მარტივი პროცედურების ჩატარებაა საჭირო. შემოგთავაზებთ რამდენიმე დეტოქს პროდუქტს, რომელის მიღების შემდეგაც ორგანიზმი გაიწმინდება და სიმსუბუქის შეგრძნება დაგიბრუნდებათ.

სტაფილო

სტაფილო და სტაფილოს წვენი
© CC0 / Pixabay
სტაფილო და სტაფილოს წვენი

სტაფილოში უამრავი ვიტამინი A და ბეტა-კაროტინია, რომელზეც დამოკიდებულია ორგანიზმის მეტაბოლიზმი. სტაფილოს სარგებელი ის არის, რომ ასტიმულირებს ნაღვლის გამოყოფას. კუჭის მომატებული მჟავიანობის დროს სტაფილოს წვენი არ იწვევს გულძმარვას. ის გამოდევნის თირკმლებიდან ტოქსინებს და აუმჯობესებს ნაწლავების მუშაობას. ასე რომ, სტაფილო ორგანიზმის გაწმენდის საქმეში მნიშვნელოვან როლს არ ასრულებს.

ჭარხალი

Свекла
© Sputnik / Levan Avlabreli
ჭარხალი

ორგანიზმიდან მავნე ნივთიერებების გამოდევნაში დაგეხმარებათ ჭარხალი. ის გამოიყენება როგორც ორგანიზმის გამწმენდი და კუჭში გამხსნელი საშუალება. საკვები ბოჭკოები, რომლებსაც დიდი რაოდენობით შეიცავს როგორც უმი, ისე მოხარშული ჭარხალი, აუმჯობესებს ნივთიერებათა ცვლას და აძლიერებს ორგანიზმს.

ჭარხალი შეიცავს: ვიტამინებს - A, B1, B2, B5, B6, B9, C, PP. ორგანიზმისთვის აუცილებელ ნივთიერებებს - კალიუმი, კალციუმი, მაგნიუმი, თუთია, სპილენძი, მანგანუმი, რკინა, იოდი, ბორი, ვანადიუმი, ფოსფორი, ნატრიუმი, გოგირდი და სხვ.

ლიმონი

ლიმონი
ლიმონი

გამწმენდი თვისებებით უძველესი დროიდან ცნობილია ლიმონი, რომელიც გარდა С ვიტამინის შემცველობისა, შეიცავს ისეთ ნივთიერებებს, რომლებიც ააქტიურებენ კუჭ-ნაწლავის ტრაქტის მუშაობას და ხელს უწყობენ ორგანიზმიდან ტოქსინების გამოდევნას. ყველაზე მარტივი და უწყინარი მეთოდი უზმოზე ერთი ჭიქა წყლის ლიმონთან ერთად დალევაა, რაც საჭმლის მომნელებელი სისტემის და სისხლის მიმოქცევის სტიმულირებაში დაგეხმარებათ. ამასთან, აღნიშნული მეთოდი სურდოს და სხვა ვირუსული დაავადებებისის პროფილაქტიკის და მკურნალობისთვის უებარი საშუალებაა.

კოჭა - ჯანჯაფილი

ჯანჯაფილი, იგივე კოჭა, იმბირი
ჯანჯაფილი, იგივე კოჭა, იმბირი

უკვე დიდი ხანია ადამიანები კოჭის სასარგებლო თვისებებზე საუბრობენ. ბევრ სიკეთესთან ერთად მას დეტოქსის მიზნითაც იყენებენ. ჩაიში გახეხილი კოჭის დამატება ამ სასმელს იმუნური სისტემის მძლავრ მხარდამჭერად აქცევს. თუ წინა საღამოს წვეულება ძალიან დიდხანს გაგრძელდა და საკმარისზე მეტი საკვები მიიღეთ, დილით ჯანჯაფილიანი ჩაის მიღება თავიდან აგაცილებთ ცუდ შეგრძნებას. ანტიოქსიდანტები, რომლებითაც გაჯერებულია კოჭა, შეუცვლელია მოწამვლის თავიდან ასარიდებლად და ორგანიზმის დასაცავად.

ნიორი

ნიორი
ნიორი

ნიორი ორგანიზმს არასასურველი ზემოქმედებისგან იცავს. ის ანტიბაქტერიული საშუალებაა. ეს თვისება მასში შემავალი ნემფიტოციდების დამსახურებაა, რომლის წყალობით ნიორი ბაქტერიების გამრავლებას ეწინააღმდეგება. ამასთან ერთად, ნიორი იცავს ღვიძლს ცხიმიანი საკვების დატვირთვისგან.

გრეიპფრუტი

ფორთოხალი
© CC0 / Pixabay
ფორთოხალი

ალბათ არაერთხელ გსმენიათ გრეიპფრუტის სასარგებლო თვისებების შესახებ, რომელსაც დიეტების დრო წონის კორექციის გამო ხშირად იყენებენ. ეს არომატული და სასარგებლო ციტრუსი, ყველა სიკეთესთან ერთად, კანცეროგენებისა და წიდებისგან სისხლის გაწმენდის უნარის წყალობით დეტოქსის მიზნითაც გამოიყენება. გრეიპფრუტი ღვიძლში დეტოქსის პროცესებს ააქტიურებს, მისი წვენის რეგულარული მიღება კანის მდგომარეობას მნიშვნელოვნად აუმჯობესებს, ასევე ამცირებს ქოლესტერინის და ინსულინის დონეს და ებრძვის ცელულიტს.

ნახშირი

ნახშირი
ნახშირი

თუ ტოქსინებმა შეგაწუხათ, კარგი იქნება ერთ ძველ, მაგრამ ნაცად და ეფექტურ ხერხს მიმართოთ. მიიღეთ  აქტივირებული ნახშირი, რომელსაც არ აქვს არც გემო და არც სუნი, და თუ მას ლიმონიან ლიმონათში გაურევთ, შეგიძლიათ მეგობრები შავ სასმელზეც კი დაპატიჟოთ საღამოს.

ჯანმრთელობას გისურვებთ!

 

263
თემები:
სასარგებლო რჩევები (445)
Работа во время пандемии - патрульный полицейский на дежурстве следит за порядком

ბრძოლა COVID-19-თან: რეგულაციების დარღვევის რამდენი ფაქტი გამოვლინდა ბოლო 24 საათში

0
(განახლებულია 11:02 19.01.2021)
შექმნილი ეპიდვითარების გამო საქართველოში 28 ნოემბრიდან ახალი რეგულაციები მოქმედებს, რომელთა დარღვევა ჯერ ადმინისტრაციულ, გამეორების შემთხვევაში კი სისხლის სამართლებრივ პასუხისმგებლობას გამოიწვევს

თბილისი, 19 იანვარი – Sputnik. პოლიციამ ბოლო 24 საათის განმავლობაში მთელი ქვეყნის მასშტაბით, დაწესებული შეზღუდვების ფარგლებში მოქმედი რეგულაციების დარღვევის 822 ფაქტი გამოავლინა, იუწყება შინაგან საქმეთა სამინისტრო.

არსებული ეპიდემიოლოგიური ვითარების გამო საქართველოში 28 ნოემბრიდან ახალი შეზღუდვები ამოქმედდა, რომლებიც 2021 წლის 31 იანვრის ჩათვლით იქნება ძალაში.

პოლიციამ იზოლაციისა და კარანტინის წესის დარღვევისთვის  143 პირი დააჯარიმა.

დაჯარიმებულთა შორის არიან მოქალაქეები, რომლებმაც 21 საათიდან დილის 5 საათამდე დაწესებული გადაადგილების შეზღუდვის წესი დაარღვიეს.

გარდა ამისა, 24 საათის განმავლობაში პირბადის ტარების წესის დარღვევის ფაქტზე 679  ფიზიკური პირია დაჯარიმებული.

პირბადის ტარების წესის დარღვევა ითვალისწინებს ჯარიმას 20 ლარის ოდენობით, იზოლაციისა და კარანტინის წესის დარღვევა ფიზიკური პირის დაჯარიმებას 2 ათასი ლარით, ხოლო იურიდიული პირის – 10 ათასი ლარის ოდენობით. განმეორებითი ჯარიმა კი სისხლისსამართლებრივ პასუხისმგებლობას ითვალისწინებს.

შინაგან საქმეთა სამინისტრო მოუწოდებს მოქალაქეებს, გამოიჩინონ მაღალი საზოგადოებრივი პასუხისმგებლობა და დაემორჩილონ არსებულ რეგულაციებს.

0
თემები:
კორონავირუსი საქართველოში: ბოლო ცნობები