ეგზოტიკური გინკგო ბილობა

გინკგო ბილობა ხე, როგორც „ცოცხალი წიაღისეული" და მისი თვისებები

2069
(განახლებულია 13:38 09.12.2019)
გინკგო ბილობას ცოცხალ წიაღისეულად მიიჩნევენ, რადგან მან შეძლო და გაძლო იმ პერიოდებში, როდესაც მრავალი მცენარე და ცხოველი გადაშენდა. ზოგიერთი ცნობით, ჩინეთში 2500-წლოვანი გინკგო ბილობის ხეებიც კი არსებობს.

გინკგო ბილობა (Ginkgo biloba) არის ხე, რომელსაც ცნობილმა ბიოლოგმა ჩარლზ დარვინმა „ცოცხალი წიაღისეული" უწოდა. მცენარე დედამიწაზე 300 მილიონი წელია ხარობს და ამჟამად არსებული მცენარეების არც ერთ სახეობას არ მიეკუთვნება.

ხე აღმოაჩინეს აზიაში, სადაც მცენარის სამკურნალო თვისებებს უკვე 5 ათასი წელია იყენებენ. გინკგო ბილობის აქტიური ნივთიერებები მის ფოთლებშია.

გინკგო ბილობა ევროპაშიც იზრდებოდა, მაგრამ გამყინვარების პერიოდში გაქრა. 1712 წელს გერმანელმა ექიმმა და ბოტანიკოსმა ენგელბერტ კემპფერმა გინკგო ბილობა ევროპაში იაპონიიდან ჩაიტანა.

საქართველოში XIX საუკუნეში შავი ზღვის სანაპიროზე შემოიტანეს. განსაკუთრებით კარგად ხარობს კოლხეთში, სადაც გიგანტურ ზომას აღწევს. იზრდება ასევე აღმოსავლეთ საქართველოში, კერძოდ, თბილისის ბოტანიკურ ბაღსა და უნივერსიტეტის ბაღში. არის ყინვაგამძლე მცენარე.

გინკგო ბილობა ორსქესიანი მცენარეა მამრობითი და მდედრობითი ყვავილებით. ეს ყვავილები ერთ ხეზე არ ხარობს, ანუ ერთ ხეზე მხოლოდ ან მამრობითი, ან მხოლოდ მდედრობითი ყვავილებია. მამრობით ხეებს უფრო მაღალი და ვიწრო ღერო აქვს, ხოლო მდედრობითს – უფრო სქელი.

წაიკითხეთ აქ: შვრია და მისი სასარგებლო თვისებები>>

გინკგოს ხე 1000 წელზე მეტს ხარობს. არის მდგრადი მწერების, ბაქტერიული და ვირუსული ინფექციების, ასევე ჰაერის დაბინძურების მიმართ.

პირველი მცენარე, რომელიც ჰიროსიმაში ატომური ბომბის აფეთქების შემდეგ გაჩნდა, ეს გინკგო იყო.

გინკგო ბილობას ფოთოლზე დამზადებული პირველი ექსტრაქტი 1965 წელს დარეგისტრირდა (გერმანიაში). მას შემდეგ ის ფართოდ გამოიყენება მსოფლიოში. ის ერთ-ერთი ყველაზე კარგად გამოკვლეული ექსტრაქტია და ყველაზე ფართოდ იყიდება მთელ მსოფლიოში. ევროპელი და საერთაშორისო კვლევებით დამტკიცებულია მისი ეფექტურობა და უსაფრთხოება.

მცენარის სამკურნალო თვისებები განპირობებულია დიდი რაოდენობის ფლავონოიდებითა და ტერპენოიდებით. ეს აქტიური ნივთიერებები წარმოადგენს ანტიოქსიდანტებს, რომლებსაც შეუძლია ორგანიზმის უჯრედების დაცვა თავისუფალი რადიკალების წარმოქმნისგან. ამ უკანასკნელს ონკოლოგიური დაავადებების წარმოშობა შეუძლია.

წაიკითხეთ აქ: ღვია და მისი სასარგებლო თვისებები>>

გინგკო ბილობის ფოთლებისგან დამზადებულ ექსტრაქტში 40-ზე მეტი ბიოლოგიურად აქტიური ნაერთია. ამ მცენარეში არის ასევე საკუთარი უნიკალური კომპონენტები - ბილობალიდები და გინკგოლიდები. სწორედ ამ კომპონენტებით განისაზღვრება მცენარის განსაკუთრებული ფარმაკოლოგიური აქტიურობა.

 

2069
თემები:
სასარგებლო რჩევები (466)
შავფეხება ქრცვინი

წარმატებული ექსპერიმენტი: აშშ-ში კლონირებული ქრცვინი დაიბადა - ვიდეო

131
(განახლებულია 17:21 22.02.2021)
გადაშენების პირას მყოფი სახეობის შესანარჩუნებელი ექსპერიმენტი წარმატებით დასრულდა, მეცნიერები სხვა ცხოველების კოლონირებასაც გეგმავენ

თბილისი, 22 თებერვალი — Sputnik. ამერიკელმა მეცნიერებმა, პირველად ისტორიაში, გაქრობის პირზე მყოფი შავფეხება ქრცვინის კლონირება შეძლეს, იუწყება აშშ–ის თევზის რესურსებისა და ველური ცხოველების დაცვის სამსახური.

როგორც ირკვევა, ქრცვინი სახელად ელიზაბეტ ენი გასული წლის დეკემბერში დაიბადა, მაგრამ ინფორმაცია ამის შესახებ მხოლოდ ახლა გავრცელდა.

​ამასთან ცნობილი ხდება ისიც, რომ კლონირებისთვის გამოიყენეს ქრცვინის გაყინული გენები, რომელიც 30 წლის წინ მოკვდა. ექსპერიმენტის შედეგად ორი კლონი დაიბადა, მაგრამ მხოლოდ ერთი გადარჩა ცოცხალი.

ბუნების დაცვის არაკომერციული  ორგანიზაცია Revive & Restore–ში იმედი აქვთ, რომ ეს მეთოდი მომავალში შეიძლება წარმატებით იყოს გამოყენებული ბუნების დაცვისა და სხვადასხვა სახეობების შენარჩუნების კუთხით.

სხვა სახეობებს, რომლებიც ასევე საჭიროებს კლონირებას, მეცნიერები მიაკუთვნებენ მონღოლურ ველურ ცხენსა და გადაშენებულ მოხეტიალე მტრედს.

რაც შეეხება შავფეხა ქრცვინებს, ისინი 1967 წლიდანაა შესული გადაშენების პირას მყოფი სახეობების ჩამონათვალში მათი ძირითადი საკვების — მდელოს ძაღლთაგვების რაოდენობის შემცირების გამო, რომლებსაც ფერმერები ხოცავდნენ.

131
ძირტკბილას ყვავილი

ძირტკბილას სასარგებლო თვისებები

97
(განახლებულია 09:40 22.02.2021)
არაჩვეულებრივი მცენარე – ძირტკბილა აგიმაღლებთ იმუნიტეტს, დაგეხმარებათ შეებრძოლოთ გაციებას, ვირუსებსა და ბაქტერიებს, განსაკუთრებით ეფექტურია ხველებისა და ბრონქიტის დროს

ძირტკბილა (Glycyrrhyza glabra) — პარკოსანთა ოჯახის მრავალწლოვანი ბალახოვანი მცენარეა.  მისი სამშობლოა სამხრეთ ევროპა და ნაწილობრივ – აზია. კარგად ხარობს საქართველოში.

ძირტკბილას, ძირითადად ფესვებს, უძველესი დროიდან იყენებენ სამკურნალოდ. ის მოხსენებულია ჯერ კიდევ ებერსის პაპირუსში (ჩვ. წ. აღ.–მდე მე–16 ს.), შუმერების ცხრილებში, ძველბერძენი მეცნიერების ნაშრომებში.

დიდად არის დაფასებული ეს მცენარე აღმოსავლურ მედიცინაში. ჩინეთში ძირტკბილა, ჟენშენის მსგავსად, უძლიერეს მატონიზირებელ საშუალებად, ხანგრძლივი სიცოცხლის გარანტად მიიჩნევა. ტიბეტურ მედიცინაში მცენარის ფესვები შედის სხვადასხვა რთული ნარევების შემადგენლობაში, რომლებსაც ამზადებენ ნივთიერებათა ცვლის, კიბოს, გულის დაავადებების, ტუბერკულოზის მკურნალობისთვის.

ძირტკბილას ფესვის შემადგენლობაში შედის საპონინი-გლიცირიზინი, გლიცირიზინის მჟავას, კალიუმისა და კალციუმის მარილები (23%-მდე), რომლებიც მას აძლევენ ტკბილ გემოს, 4%-მდე ფლავონოიდები, გლიცირეტის მჟავა, სტეროიდები, ეთერზეთი, ასპარაგინი, ასკორბინის მჟავა და სხვა.

მჟაუნა და მისი უნიკალური სასარგებლო თვისებები>>

ძირტკბილას მიწისზედა ნაწილებში შედის საპონინები, სათრიმლავი ნივთიერებები, ფლავონოიდები, ეთერზეთი და სხვა ნივთიერებები.

ძირტკბილას ხალხურ მედიცინაში იყენებენ ძირთადად შემდეგი დაავადებების სამკურნალოდ: ხველება, გაციება, ყივანახველა, ბრონქული ასთმა, პნევმონია, კუჭნაწლავის დაავადებები.

ძირტკბილას, მასში შემავალი ნივთიერებების წყალობით, რომლებიც აგებულებით სტეროიდულ ჰორმონებს ჰგავს, იყენებენ, როგორც ძლიერ საშუალებას სხვადასხვა ანთებითი პროცესების დროს. 

ძირტკბილა შეიცავს აქტიურ ნივთიერებებს, რომლებიც სისხლში ქოლესტერინის დონეს ამცირებს. 

ასევე, ძირტკბილა შეკრულობისას გამოირჩევა მსუბუქი გამხსნელი ეფექტით; არის შარდმდენი საშუალება. ის გამოიყენება სიმსივნეების პროფილაქტიკისა და მისი განვითარების შეჩერებისთვის. ძირტკბილა ადამიანის ორგანიზმში ნივთიერებათა ცვლის პროცესების ნორმალიზებას ახდენს, ასევე აქვს ტკივილგამაყუჩებელი ეფექტი, ანტიალერგიული მოქმედება.

ძირტკბილას აქვს უნარი, შეახორცოს დაჩირქებული ჭრილობები. ადამიანებს, რომლებსაც ათეროსკლეროზი, შაქრიანი დიაბეტი ან ფარისებრ ჯირკვალთან დაკავშირებული პრბლემები აქვთ, სახალხო მკურნალები ამ მცენარის გამოყენებას ურჩევენ.

ბაბუაწვერა – ბუნების საჩუქარი კიბოს წინააღმდეგ ბრძოლაში>>

ძირტკბილას სამკურნალო თვისებები ამით არ შემოიფარგლება. მას ასევე იყენებენ ყელის ტკივილის, ართრიტის, დაბალი არტერიული წნევისა და დერმატიტის დროსაც კი. მას შეძლია ხელი შეუწყოს ადისონის (თირკმელზედა ჯირკვლის პირველადი ქრონიკული უკმარისობა) და ღვიძლის დაავადებების დროს, ასევე საჭმლით ან წამლით მოწამვლისას.

ძირტკბილას გამოყენება არ შეიძლება, თუ ადამიანს აქვს თირკმელების დაავადება, გაცხიმოვნება, ჰიპერტონია (ანუ მაღალი არტერიული წნევა), ღვიძლის ციროზი, გულის უკმარისობა, ჰიპოკალიემია (კალიუმის დაბალი შემცველობა), ასევე არასასურველია მისი მიღება ორსულობისას და სხვ.

ასევე, ამ მცენარის გამოყენება არ შეიძლება დიდი ხნის განმავლობაში (4–6 კვირაზე მეტხანს).

გთავაზობთ ძირტკბილასგან სამკურნალო ნაყენების დამზადების რამდენიმე რეცეპტს:

კუჭისა და თორმეტგოჯა ნაწლავის წყლულის დროს

1 სუფრის კოვზ ძირტკბილას დაქუცმაცებულ ფესვს თერმოსში დაასხით 200 მლ მდუღარე წყალი, გააჩერეთ 2 საათი. შემდეგ გადაწურეთ. მიიღეთ 1 სუფრის კოვზი დღეში 3–4–ჯერ.

თუ ხშირად ცივდებით – იმუნიტეტის ამაღლებისთვის 

1 სუფრის კოვზ ძირტკბილას დაქუცმაცებულ ფესვს დაასხით ნახევარი ლიტრი მდუღარე წყალი, გააჩერეთ 8 საათი. შემდეგ ადუღეთ დაბალ ცეცხლზე 10 წუთი, გადაწურეთ. მიიღეთ ერთი სუფრის კოვზი დღეში ოთხჯერ, ჭამის შემდეგ. კურსი ჩაიტარეთ 3–4 კვირის განმავლობაში.

ძირტკბილას ფესვები
ძირტკბილას ფესვები

პროსტატის ადენომისთვის

1 სუფრის კოვზ ძირტკბილას დაქუცმაცებულ ფესვს დაასხით 500 მლ მდუღარე წყალი, ადუღეთ 10 წუთი დაბალ ცეცხლზე. გააჩერეთ. რომ გაცივდება, გადაწურეთ. მიიღეთ 2–3 ჭიქა ჭამამდე 30–40 წუთით ადრე, დღეში სამჯერ.

ბრონქიტის, ბრონქულის ასთმის დროს

1 სუფრის კოვზ ძირტკბილას დაქუცმაცებულ ფესვს დაასხით 1 ჭიქა წყალი, ადუღეთ ნელ ცეცხლზე 10 წუთი. გადმოდგით, გააჩერეთ 1 საათი, გადაწურეთ. მიიღეთ 1 სუფრის კოვზი დღეში ოთხჯერ.

ნაბახუსევზე

დაღეჭეთ ფესვის პატარა ნაწილი, ეს მდგომარეობას შეგიმსუბუქებთ.

ალერგიული დერმატიტის, ეგზემის დროს

დაქუცმაცებული ფესვს დაასხით მდუღარე წყალი, თანაფარდობა – 1:10. გააჩერთ თერმოსში მთელი ღამე. დილით გადაწურეთ. კარგად დაასველეთ მასში ტამპონი და დაიდეთ დაზიანებულ ადგილებზე 1 საათით, დღეში 1–3–ჯერ. შეგიძლიათ დოლბანდით მიიმაგროთ.

97
თემები:
სასარგებლო რჩევები (466)
ნიკოლოზ ბასილაშვილი

ბასილაშვილი როტერდამის ტურნირზე ბრიტანელ ჩოგბურთელს დაუპირისპირდება

0
(განახლებულია 11:09 01.03.2021)
მიმდინარე სეზონზე ბასილაშვილმა ექვსი მატჩიდან ორი წარმატებით დაასრულა. რაც შეეხება დღევანდელ შეხვედრას, ბასილაშვილისა და ნორის მატჩი თბილისის დროით 16 საათზე დაიწყება.

თბილისი, 1 მარტი – Sputnik. საქართველოს პირველი ჩოგანი ნიკილოზ ბასილაშვილი (АТР-ს რეიტინგში მე–40 ნომერი) როტერდამში АТР-500 სერიის ტურნირის პირველ წრეზე ბრიტანელ კემერონ ნორს (65) დაუპირისპირდება.
ჩოგბურთელებს შორის ეს პირველი შეხვედრა იქნება კორტებზე.

მიმდინარე სეზონზე ბასილაშვილმა ექვსი მატჩი ჩაატარა, რომელთაგანაც ორი მისი გამარჯვებით დასრულდა. იანვრის დასაწყისში ანტალიაში ტურნირზე ქართველმა ჩოგბურთელმა მეოთხედფინალამდე მიაღწია, სადაც ავსტრალიელ ალექს დი მინუართან ორ სეტში დათმო – 2:6, 4:6. ამის შემდეგ ბასილაშვილმა მონაწილეობა მიიღო სამ ტურნირში – მელბურნში, Australian Open–ზე და მონპელიეში, სადაც პირველივე წრეზე მარცხი იგემა.

როტერდამის ტურნირის საპრიზო ფონდი 1 მლნ 112 ათასი ევროა, ტურნირის მოქმედი გამარჯვებული ფრანგი გაელ მონფისია.

0
თემები:
სპორტის ამბები