საპატრულო პოლიცია

ვინ იყო პიროვნება, რომელიც ავჭალაში ავტომობილში ჩაცხრილეს

160
(განახლებულია 20:30 23.10.2020)
მასმედიისთვის ცნობილი გახდა, თუ ვინ იყო მამაკაცი, რომელიც დღეს ავჭალაში, სარაჯიშვილის ქუჩაზე ჩაცხრილეს.

თბილისი, 23 ოქტომბერი – Sputnik. მამაკაცი, რომელიც დღეს თბილისში ავტომობილში ჩაცხრილეს, მასმედიაში გავრცელებული ინფორმაციით, ვალერიან ნემსიწვერიძე იყო, რომელსაც წარსულში საქართველოს პარლამენტის დეპუტატზე თავდასხმა ედებოდა ბრალად.

ნემსიწვერიძე ფიგურირებდა ერთ-ერთ რეზონანსულ საქმეში. კერძოდ, 2004 წელს მას ბრალად ედებოდა პარლამენტის წევრ კახა გიუაშვილზე შეიარაღებულ თავდასხმაში მონაწილეობა.

მასთან ერთად საქმის ფიგურანტი იყო დავით მინდაძე, რომელიც სასამართლომ დამამძიმებელ გარემოებებში მკვლელობის მცდელობაში და იარაღის უკანონო ტარებაში დამნაშავედ ცნო. თავად ნემსიწვერიძეს მკვლელობის დაგეგმვაში ედებოდა ბრალი.

ნემსიწვერიძე ასევე ბრალდებული იყო ბანკის აქტივების მითვისებაში.

რა გახდა მკვლელობის მოტივი, ჯერჯერობით უცნობია.

ვალერიან ნემსიწვერიძე სარაჯიშვილის ქუჩაზე საკუთარ ავტომობილში ჩაცრილეს. თვითმხილველთა ცნობით, მას ცეცხლსასროლი იარაღიდან ხუთჯერ ან ექვსჯერ ესროლეს. დანაშაულში ეჭვმიტანილმა პირმა გაქცევა მოახერხა. 

ავტომობილი, რომელშიც მოკლული იჯდა, საცხობთან იდგა. როგორც ჩანს, მამაკაცი პურის ყიდვას აპირებდა, მაგრამ მანქანიდან გადასვლა ვერ მოასწრო.

შსს-ში ინფორმაცია დაადასტურეს.

შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 108-ე და 236 მუხლის მე-3 და მე-4 ნაწილებით არის დაწყებული, რაც განზრახ მკვლელობასა და ცეცხლსასროლი იარაღის უკანონო შეძენა–შენახვა–ტარებას გულისხმობს.

ადგილზე კრიმინალისტები მუშაობენ.

160
თემები:
შემთხვევები საქართველოში (1951)
პოლიციის განყოფილება

დაჭრა გლდანის „კარფურში“: ცნობილია საქმის ახალი დეტალები

38
დაკავებულ მამაკაცს შემაკავებელი ორდერით გათვალისწინებული მოთხოვნებისა და ვალდებულებების შეუსრულებლობისა და ოჯახის წევრის მიმართ განზრახ მკვლელობის მცდელობისთვის 17 წლამდე პატიმრობა ემუქრება

თბილისი, 23 ნოემბერი - Sputnik. 44 წლის მამაკაცს, რომელმაც დღეს გლდანის „კარფურში“ ყოფილი მეუღლე საკანცელარიო დანით დაჭრა, შემაკავებელი ორდერი ჰქონდა გამოწერილი, იუწყება შსს-ს პრესსამსახური.

ინციდენტი ცოტა ხნის წინ მოხდა. 37 წლის ქალი მისსავე სამსახურში მისმა ყოფილმა ქმარმა დაჭრა. ბოროტმოქმედი დანაშაულის ჩადენის შემდეგ ადგილზევე დააკავეს.

შინაგან საქმეთა სამინისტროს თანამშრომლებმა ა.გ. შემაკავებელი ორდერით გათვალისწინებული მოთხოვნებისა და ვალდებულებების შეუსრულებლობისა და ოჯახის წევრის მიმართ განზრახ მკვლელობის მცდელობის ბრალდებით დააკავეს.

მამაკაცი წარსულში ნასამართლევია.

ბრალდებულმა ყოფილ მეუღლეს მისსავე სამსახურში მიაკითხა, რითაც დაარღვია შემაკავებელი ორდერი და საკანცელარიო დანით ყელის არეში ჭრილობა მიაყენა.

დაშავებული ქალი სამედიცინო დაწესებულებაში მოათავსეს. მის სიცოცხლეს საფრთხე არ ემუქრება.

გლდანის „კარფურში“ მამაკაცმა ყოფილი ცოლი დაჭრა >>

სამართალდამცველებმა დანაშაულის ჩადენის იარაღი - საკანცელარიო დანა ნივთმტკიცების სახით ამოიღეს.

გამოძიება დაწყებულია სსკ-ის 11 პრიმა 381-ე პრიმა მუხლის პირველი ნაწილით და 11 პრიმა-19-109-ე მუხლის მეორე ნაწილით, რაც გულისხმობს შემაკავებელი ორდერით გათვალისწინებული მოთხოვნებისა და ვალდებულებების შეუსრულებლობასა და ოჯახის წევრის მიმართ განზრახ მკვლელობის მცდელობას და 13-დან 17 წლამდე ვადით თავისუფლების აღკვეთას ითვალისწინებს.

38
თემები:
კრიმინალი საქართველოში
კარფური

გლდანის „კარფურში“ მამაკაცმა ყოფილი ცოლი დაჭრა

74
დანით შეიარაღებული მამაკაცი თავს დაესხა თავის ყოფილ მეუღლეს, რომელიც გლდანის „კარფურის“ თანამშრომელია. დაშავებულის მდგომარეობა დამაკმაყოფილებელია. თავდამსხმელი დააკავეს

თბილისი, 23 ნოემბერი – Sputnik. ჰიპერმარკეტ „კარფურის“ გლდანის ფილიალში თანამშრომელს თავს დაესხნენ, იუწყება „მთავარი არხი“.

შემთხვევა დღეს მოხდა. გავრცელებული ინფორმაციით, დანით შეიარაღებული პირი თავს ყოფილ მეუღლეს დაესხა და მას ჭრილობები მიაყენა. დაშავებული საავადმყოფოში გადაიყვანეს. ამჟამად მისი მდგომარეობა დამაკმაყოფილებელია.

როგორც „კარფურში“ აცხადებენ, თავდამსხმელი მაღაზიის უსაფრთხოების სამსახურმა შეაკავა, შემდეგ კი ის სამართალდამცველებმა დააკავეს.

ჯერჯერობით, ინციდენტის სხვა დეტალები უცნობია.

74
თემები:
კრიმინალი საქართველოში
ადამიანის სილუეტი

2021 წლის ჰოროსკოპი: ლომი ფინანსები, სიყვარული, ჯანმრთელობა

0
(განახლებულია 11:08 23.11.2020)
როგორი იქნება 2021 წელი ლომებისთვის, რას მოუტანს ის ამ ნიშნით დაბადებულ ქალებსა და მამაკაცებს ცხოვრების სხვადასხვა სფეროში – გაეცანით ჩვენს ჰოროსკოპს

2021 – ხარის წელიწადი არაპროგნოზირებადი იქნება, მაგრამ ლომებს ამით ვერ შეაშინებ. ასტროლოგები ზოდიაქოს ამ ნიშნის წარმომადგენლებს აფრთხილებენ, რომ ახალ წელიწადში ახალი არაკეთილმოსურნეების გამოჩენის დიდი ალბათობაა. ლომებს მხოლოდ საკუთარი თავის იმედი უნდა გქონდეთ. ექსპერტები ასევე აღნიშნავენ, რომ ლომებისთვის ყველაზე რთული დაბნელებების, მანამდე სამი და შემდგომი სამი დღის პერიოდები იქნება.

ლომი - კაშკაშა, ამბიციური, ძალაუფლებისმოყვარე, ძლიერი - ზოგადი დახასიათება>>

ლომი მამაკაცი

2021 წელი ლომ მამაკაცებს გპირდებათ როგორც მრავალ ახალ შესაძლებლობას, ისე ბევრ დაბრკოლებას. მოსალოდნელია, რომ ხანდახან წყვდიადში იმედის სხივმა გამოანათოს ან პირიქით, საკმაოდ წარმატებულ და პერსპექტიულ პერიოდში ეჭვებმა შეგიპყროთ. აუცილებელია საკუთარი შესაძლებლობების ფხიზელი თვალით შეფასება.

ფინანსები და სამუშაო: ასტროლოგები წლის დასაწყისში და შემოდგომაზე გარისკვას არ გირჩევენ. თუნდაც შესანიშნავი პრიობები შეიქმნას იმისთვის, რომ სამუშაო შეიცვალოთ ან ახალი ბიზნესი წამოიწყოთ, სჯობს, დაელოდოთ. გაზაფხულსა და ზაფხულში კი პირიქით, შეიძლება მაქსიმალური აქტიურობა – ერთი შეხედვით „ჩავარდნილი“ საქმეებიც კი შეიძლება წარმატებით დაგვირგვინდეს.

სიყვარული და ურთიერთობები: მთლიანობაში, ლომი მამაკაცებისთვის სიყვარულის სფეროში ყველაფერი სტაბილურად იქნება. ვისაც ჰყავს პარტნიორი, არ ღირს მისი უყურადღებოდ დატოვება. 2021 წელი იდეალურად მიესადაგება საყვარელ ადამიანთან სულიერი კავშირის გამტკიცებას. კარგია ერთად მოგზაურობაში წასვლა და ერთობლივი საქმიანობა.

განწყობა და ჯანმრთელობა: ლომები ძალებითა და ენერგიით აღსავსე იქნებით, თქვენი გზიდან გადაცდენა ხარის წელიწადში ძალზე რთული იქნება, ვერავინ და ვერაფერი გაიძულებთ, რომ თავი სუსტად და უმწეოდ იგრძნოთ. ძალების აღდგენას უმალვე მოახერხებთ, თუ სწორად და დროულად დაისვენებთ. სჯობს, გადაღლას მოერიდოთ.

ქოლერიკი, ფლეგმატიკი თუ... გაარკვიეთ თქვენი ტემპერამენტი ზოდიაქოს ნიშნის მიხედვით>>

ლომი ქალი

ქალ ლომებს ფორტუნა გაგიღიმებთ, მაგრამ ეს არ ნიშნავს, რომ მთელი წლის განმავლობაში უნდა მოდუნდეთ და დინებას მიჰყვეთ. პირიქით, სადავეები ხელში უნდა აიღოთ. ასტროლოგები გირჩევენ, რომ მეტი ინიციტივა გამოიჩინოთ. ხარის წელიწადში საჭიროა მოქმედება და ასევე, თქვენი ძლიერი ხასიათის პრაქტიკაში გამოყენება.

ფინანსები და სამუშაო: სჯობს, სამსახურებრივ რომანებს მოერიდოთ, რადგან ის სამუშაო პროცესზე ყურადღების კონცენტრირებაში ხელს შეგიშლით. ექსპერტები გირჩევენ, ჯანსაღად შეაფასოთ საკუთარი შესაძლებლობები და არ გარისკოთ. 2021 წელს მიზანი საშუალებებს არ ამართლებს. ზედმეტი აქტიურობა დასაბუთებული და მიზანშეწონილი უნდა იყოს. შოპინგისას სიფრთხილე გმართებთ.

სიყვარული და ურთიერთობები: არ არის გამორიცხული, რომ ხანგრძლივი ურთიერთობებისთვის ახალი ძალების მიცემა შეძლოთ. ეს იქნება შთაგონების, კაშკაშა ემოციებისა და ურთიერთობების ახალ დონეზე გადაყვანის პერიოდი. მარტოხელებმა ყურადღება, სჯობს, სამუშაოზე და საქმეებზე გაამახვილოთ.

განწყობა და ჯანმრთელობა: შესანიშნავი საშუალება იმისთვის, რომ განწყობა აიმაღლოთ, სწავლა, ახალი ცოდნის მიღება და ახალი უნარების გამომუშავებაა. ვარსკვლავები მნიშვნელოვნად შეგიწყობენ ხელს ახალ წამოწყებებში, ასევე დაგემარებიან მავნე ჩვევებისგან გათავისუფლებაში.

გაეცანით ასევე 2021 წლის ჰოროსკოპს ვერძებისკუროების, ტყუპებისა და კირჩხიბებისთვის.

0