კახა კალაძე ელექტროსკუტერით

„ეკომეგობარი“ თბილისში, ანუ ყველაფერი ელექტროსკუტერით მგზავრობის შესახებ

273
(განახლებულია 15:07 29.04.2020)
პუბლიკაციაში მოგიყვებით, თუ როგორ იმგზავროთ დედაქალაქში ინოვაციური პროექტის ფარგლებში შემოტანილი ელექტროსკუტერებით, ლოკაციებს, სადაც ელექტროსკუტერებია განთავსებული და სერვისის ღირებულებას.

თბილისი, რომელიც მსოფლიოსთვის ცნობილია როგორც ქალაქი, რომელიც სწრაფი ტემპით ვითარდება, პანდემიის დროსაც არ ჩამორჩა განვითარებულ ქალაქებს და „ეკომეგობარი“ შეიძინა.

ელექტროსკუტერების სერვისის პროექტი თბილისის მერიის მხარდაჭერით კომპანია „სქროლმა“ კომპანია Bird-თან თანამშრომლობით შეიმუშავა. მიზანი კი ერთია - სატრანსპორტო ალტერნატივის შემუშავება, რომელიც ურბანული მობილობის სირთულეებს მოაგვარებს და საქართველოს დიდ ქალაქებში ეკოლოგიურ მდგომარეობას გამოასწორებს.

სერვისი პირველ ეტაპზე თბილისსა და ბათუმში იმუშავებს.

аренда электроскутеров в Тбилиси
ელექტროსკუტერები თბილისში

ქალაქში ჩამოყვანილია 1 ათასი სკუტერი და მათი სადგომისთვის გამოყოფილი არეალები ეტაპობრივად მთელი ქალაქის მასშტაბით გადანაწილდება.

„თქვენ იცით, თუ რამდენად მნიშვნელოვანია ქალაქში ეკოლოგიური მდგომარეობა, ძალიან ბევრი მიმართულებით ვმუშაობთ, რათა მდგომარეობა გამოსწორდეს. ნებისმიერ ადამიანს, ვისაც ექნება გადმოწერილი აპლიკაცია, ძალიან მარტივად ექნება შესაძლებლობა ისარგებლოს ამ სერვისით“, - განაცხადა თბილისის მერმა კახა კალაძემ.

ელექტროსკუტერები სპეციალური სადეზინფექციო საშუალებებით დღეში რამდენჯერმე მუშავდება. ხელთათმანისა და სადეზინფექციო ხსნარის გამოყენება ასევე აუცილებელია მომხმარებლისთვისაც.

аренда электроскутеров в Тбилиси
ელექტროსკუტერები სპეციალური სადეზინფექციო საშუალებებით დღეში რამდენჯერმე მუშავდება

ლოკაციები, სადაც ელექტროსკუტერებია განთავსებული

„ეკომეგობრები“ მალე დედაქალაქის ათივე რაიონში გადანაწილდება. ამ ეტაპზე კი განლაგებულია შემდეგ ლოკაციებზე:

საბურთალო

ი. გაგარინის მოედანზე; ვაჟა-ფშაველას გამზირის დასაწყისთან და მეტრო „სამედიცინო უნივერსიტეტთან“; იონა ვაკელის ქუჩაზე; მეტრო „დელისის“ მიმდებარე ტერიტორიაზე; მეტრო „ვაჟა-ფშაველასთან“; მეტრო „სახელმწიფო უნივერსიტეტთან“; პ. ქავთარაძის ქუჩაზე; ა. ყაზბეგი/მ. თამარაშვილის კვეთაზე; ა. ყაზბეგი/პეკინის კვეთაზე; ა. კალანდაძე/პეკინის კვეთაზე; პეკინი/ა. მიცკევიჩის კვეთაზე; პეკინი/საბურთალოს ქუჩის კვეთაზე; ს.ცინცაძე/დ.გამრეკელის კვეთაზე; პეკინი/ბახტრიონის კვეთაზე; პეკინი/ვ. დოლიძის შესახვევთან; მ. კოსტავა/გ. მიროტაძის შესახვევთან; გიორგი სააკაძის მოედანზე; ა.კალანდაძის ქუჩაზე.

аренда электоскутеров
ელექტროსკუტერი

ვერა-ვაკე

ი. ჭავჭავაძის გამზირზე; ი. ჭავჭავაძე/კ. კეკელიძის კვეთაზე; ზ. ფალიაშვილის ქუჩაზე; ი. ჭავჭავაძე/დ. არაყიშვილის კვეთაზე; დ. არაყიშვილის ქუჩაზე; ი. მოსეშვილი/ნ. ბერძენიშვილის კვეთაზე; ი. აბაშიძიძე დარიალის კვეთაზე; ი. აბაშიძის ქუჩაზე; ი. აბაშიძე/ლ. კავსაძის კვეთაზე; ი. აბაშიძე/ დ. არაყიშვილის კვეთაზე; მრგვალ ბაღთან; ვ. ბარნოვის ქუჩაზე; პ. მელიქიშვილის გამზირზე; შოთა რუსთაველის გამზირზე; გ. ლეონიძის ქუჩაზე; თავისუფლების მოედანზე.

არის გარკვეული ზონები, მაგალითად, სკვერები, სადაც სკუტერების დატოვება არ შეიძლება.

აპლიკაცია Bird
photo: screenshot Bird
აპლიკაცია Bird

როგორ ვიმგზავროთ ელექტროსკუტერით?

ეკომეგობრული ტრანსპორტით სარგებლობისთვის შექმნილია აპლიკაცია (BIRD) და ვებ-გვერდი www.scroll.eco, სადაც სკუტერის გამოყენების წესები და გადაადგილებისთვის აუცილებელი დეტალებია აღწერილი.

აპლიკაციის გადმოსაწერად შეგიძლიათ გამოიყენოთ როგორც Google Play, ასევე App Store. რუკაზე იპოვით უახლოეს სკუტერს, გააქტიურებას კი სპეციალური პრომო-კოდის საშუალებით შეძლებთ. მგზავრობა ნებადართულია ველობილიკებზე, სამანქანო გზებზე და ტროტუარებზე. გასეირნებისა თუ სასურველ ადგილამდე მისვლის შემდეგ მგზავრობის დასასრულებლად ისევ აპლიკაციის საშუალებით ამთავრებთ მოგზაურობას.

აპლიკაცია Bird
photo: screenshot Bird
აპლიკაცია Bird

რა ღირს ელექტროსკუტერით მგზავრობა?

ელექტრომობილის ჩასართავად საჭიროა ერთი ლარი. პირველი 10-წუთიანი მგზავრობა არის უფასო. ყოველი მომდევნო წუთი კი 35 თეთრი ღირს. ანუ მეორე 10 წუთის ფასი 4.5 ლარია, 20 წუთის – 8 ლარი და ა.შ. ერთი საათით სარგებლობის ფასი 21 ლარია. სკუტერით 22 კმ/სთ სიჩქარით შეგიძლიათ გადაადგილდეთ. 10 წუთის განმავლობაში დაახლოებით, სამ კმ-ზე მეტ მანძილს დაფარავთ.

აპლიკაცია Bird
photo: screenshot Bird
აპლიკაცია Bird

ხალხის ნაწილის აზრით, სერვისის ღირებულება საკმაოდ ძვირია, თუმცა, მეორე მხრივ, ეკომეგობრული პრინციპის გათვალისწინება თანამედროვე ბიზნესისთვის ერთ-ერთი ახალი შესაძლებლობა და მზარდი ტრენდია. ბიზნეს-კომპანიები სხვადასხვა სახით ცდილობენ საკუთარი საქმიანობა არსებულ ეკოაუცილებლობებსა და გამოწვევებს მოარგონ.

გარემოსდაცვით მიზნებთან თავსებადობა კი თბილისის ახალ მეგობარს ნამდვილად აქვს.

273
კახა კალაძე

ყველა სერვისცენტრი მწყობრშია თბილისში მოქალაქეთა მომსახურების სფერომ მუშაობა განაახლა

33
(განახლებულია 14:03 03.06.2020)
კორონავირუსის გავრცელების პრევენციის მიზნით დაწესებული შეზღუდვების მოხსნა საქართველოში 27 აპრილიდან ეტაპობრივად დაიწყო.

თბილისი, 3 ივნისი - Sputnik. მოქალაქეები თბილისის სერვისცენტრებში დროულ და ხარისხიან მომსახურებას მიიღებენ, განაცხადა თბილისის მერმა კახა კალაძემ დედაქალაქის მთავრობის დღევანდელ სხდომაზე.

კორონავირუსის გავრცელების პრევენციის მიზნით, მერიის რაიონული მომსახურების ცენტრებმა მიმდინარე წლის მარტში ფუნქციონირება დროებით შეწყვიტეს.

კონდიციონერის გარეშე, ღია ფანჯრებით, პირბადეებით – ასე იმუშავებს საზოგადოებრივი ტრანსპორტი>>

კალაძის განცხადებით, მოქალაქეთა მომსახურების თერთმეტივე სერვისცენტრმა, რომლებიც მსოფლიო პანდემიის პირობებში დაიხურა, მუშაობა პირველი ივნისიდან განაახლა.

„მსოფლიო პანდემიის გამო ჩვენ მთელი რიგი ღონისძიებების გატარება მოგვიწია... მოგვიწია სერვისცენტრების დახურვა როგორც მერიაში, ისე ათივე რაიონულ გამგეობაში, რის გამოც სერვისებზე მოთხოვნა მნიშვნელოვნად გაიზარდა. ყველაფერს ვაკეთებთ იმისთვის, რომ მაქსიმალურად სწრაფად მივიღოთ გადაწყვეტილებები, დროულად მოხდეს წერილების ჩაბარება, რომ მოქალაქეებს რიგში დგომა არ მოუწიოთ“, – განაცხადა კახა კალაძემ.

თბილისის მერის განცხადებით, მომსახურების მიღების დროს სავალდებულოა წესების დაცვა, რათა მოქალაქეთა უსაფრთხოება და ჯანმრთელობა მაქსიმალურად იყოს დაცული.

„აუცილებლად გასათვალისწინებელია სოციალური დისტანცია და პირბადეების მოხმარება... მნიშვნელოვანია, გავითვალისწინოთ ყველა ის მოთხოვნა, რომელიც შესაბამისი უწყებების მხრიდან დაწესდა. ბრძოლა Covid-19-ის წინააღმდეგ არ დასრულებულა, ის ჯერ კიდევ ჩვენთანაა“, – აღნიშნა კახა კალაძემ.

ბოლო  მონაცემებით, საქართველოში კორონავირუსი 800 ადამიანს დაუდასტურდა. გამოჯანმრთელდა 640, გარდაიცვალა – 13. საკარანტინო რეჟიმში იმყოფება 2424 ადამიანი, სტაციონარებში მეთვალყურეობის ქვეშ კი 304 პაციენტია.

33
თემები:
თბილისი დღეს

რაში სჭირდება საქართველოს ხელოვნური ინტელექტი

51
(განახლებულია 09:13 03.06.2020)
თბილისში  ხელოვნური ინტელექტის აკადემია გაიხსნა.  სასწავლებელი დაფუძნებულია შვედური სტარტაპის, „ნეირონის" მიერ, რომელიც 2017 წელს შეიქმნა და ისეთი ხელოვნური ინტელექტის გიგანტი კომპანიის პარტნიორია, როგორიც  არის „პელტარიონი".

რატომ გადაწყვიტეს ხელოვნური ინტელექტის აკადემიის საქართველოში გახსნა და რას მისცემს ის ადგილობრივ შრომის ბაზარს. Sputnik -საქართვეოსთან კომპანია ნეირონისა და აკადემიის დამფუძნებელი პეტერ სვაეტიჩინი საუბრობს.

პეტერ სვაეტიჩინი, კომპანია ნეირონისა და აკადემიის დამფუძნებელი
photo: courtesy of Peter Svaetichin
პეტერ სვაეტიჩინი, კომპანია ნეირონისა და აკადემიის დამფუძნებელი

-გვიამბეთ თქვენი აკადემიის შესახებ, ვისთვის არის ის, რა არის მისი მიზანი?

-ჩვენი აკადემიის მთავარი მიზანია ხელოვნური ინტელექტის პოპულარიზაცია საქართველოში. ჩვენ გვჯერა, რომ ხელოვნური ინტელექტი შეცვლის სამყაროს და თანამედროვე ინდუსტრიებს, რასაც ის უკვე აკეთებს ბევრ სხვა ქვეყანაში. ამის გათვალისწინებით, ჩვენ გადავწყვიტეთ ჩვენი აკადემია გაგვეხსნა ყველა მსურველისათვის. ჩვენი კურსები დაფარავენ უამრავ ხელოვნური ინტელექტის, მანქანური სწავლებისა და პროგრამული უზრუნველყოფის შემუშავების საკითხს. გვინდა, რომ ჩვენმა სტუდენტებმა კურსების წარმატებულად დამთავრების შემდეგ, ადვილად იპოვონ სამსახური. მაგრამ, ამავე დროს, რადგან აკადემიის კარი ღია იქნება ყველასთვის, ჩვენ შევთავაზებთ არატექნიკურ კურსებს მათ, ვისაც სურს ინფორმაციის მიღება ამ ტექნოლოგიაზე, მის გამოყენებაზე სხვადასხვა ორგანიზაციებსა და ინდუსტრიებში, ტერმინოლოგიაზე, მონაცემთა სწორ დამუშავებაზე და ა.შ.. ჩვენ ასევე ვგეგმავთ შევიმუშაოთ კურსები მაღალი კლასების მოსწავლეებისთვის სკოლებში, ვისაც ჩვენ პროგრამირების საფუძვლებს და ალგორითმებს ვასწავლით. 

ჩვენი მიზანია ტექნოლოგიური პროგრესის განვითარება საქართველოში და ხელოვნური ინტელექტი სწორი არჩევანია დასაწყისისთვის! 

ჩვენი ლექტორები შვედი და ქართველი თანამშრომლები არიან, რომელთაც ამ სფეროში რამდენიმეწლიანი გამოცდილება აქვთ. მათ უკვე დაამთავრეს რამოდენიმე რეალური ხელოვნური ინტელექტის პროექტი და იციან როგორ უნდა მიუდგნენ საქმეს ასეთ პროექტებზე მუშაობისას, სად უნდა და სად არ უნდა გამოიყენონ ხელოვნური ინტელექტი. 

კურსების გარდა, ჩვენ ასევე ჩავატარებთ სემინარებს, რადგან ვფიქრობთ, რომ ხელოვნური ინტელექტის შესწავლა უნდა მოხდეს პრაქტიკულ ამოცანებზე მუშაობისას. ამისათვის, ჩვენ სტუდენტებს შევთავაზებთ იმ პროექტებზე მუშაობას, რომლებიც ჩვენი კომპანიის, Neiron-ის, მიერ იყო შემუშავებული.

რაც შეეხება მოთხოვნებს, რა თქმა უნდა, ისინი კურსების მიხედვით იქნება სხვადასხვა. ზოგიერთი კურსის წინაპირობა შეიძლება იყოს კალკულუსისა და პროგრამირების სიღრმისეული ცოდნა, ზოგიერთს კი შეიძლება საერთოდ არ ჰქონდეს წინაპირობები.

-რატომ თბილისი და საქართველო? კიდევ რომელ ქვეყნებში არის მსგავსი ტიპის აკადემიები და იქ რა პრაქტიკაა?

- შვედური კომპანია „ბიტრუტი“ საკმაოო წარმატებული აღმოჩნდა მსგავსი კონცეფციით უკრაინაში. გარკვეულწილად ისინი ჩვენი კომპანიისთვის მაგალითიც იყო. მათ 2014 წელს დაიწყეს და დღეისათვის უკრაინაში 18 IT აკადემია აქვთ, 25000-ზე მეტი კურსდამთავრებულით. Ჩვენ მიგვაჩნია, რომ საქართველო ეფექტიანად მიიღებს ამ კონცეფციას, რადგან მას საკმაოდ კარგი ფიზიკისა და მათემატიკის სწავლების ტრადიციები აქვს. 

შვედეთს კომპიუტერული კომპანიების მიერ საკუთარი აკადემიების გახსნის დიდი ტრადიცია აქვს. შვედეთი და განსაკუთრებით სტოკჰოლმი, დღემდე არის ერთ-ერთი ცენტრალური ადგილი მსოფლიოში ტექნოლოგიური სტარტაპების გახსნისა სილიკონ ველის მსგავსად. ისეთი ცნობილი სტარტაპები როგორიცაა Skype, Spotify, King (Candy Crush), Mojang (Minecraft), Klarna და iZettle სწორედ სტოქჰოლმში დაფუძნდა. ამ კომპანიებმა შექმნეს სწორედ დიდი მოთხოვნა კვალიფიციურ კომპიუტერულ მეცნიერებათა პროფესიონალებზე და ანაზღაურების რაოდენობაც ცამდე აიყვანეს. ამან წაახალისა მცირე ტექნოლოგიური კომპანიები რათა გაეხსნათ სასწავლო აკადემიები, რომელთა კურსდამთავრებულები შემდეგ თავად მუშაობდნენ შექმნასა და ასაქმებდნენ საკუთარ თავს. 

ამიტომაც, გვსურს ასეთი მოდელი თბილისშიც დავნერგოთ. საქართველოს აქვს უნიკალური შესაძლებლობა ფართო რეგიონალური ტექნოლოგიური ჰაბის ფუნქცია შეასრულოს. ამასთან თბილისი უნიკალური ქალაქია თავისი ისტორიითა და ტრადიციებით, ტექნოლოგიური ჰაბის ფუნქცია კი უაღრესად მიმზიდველი და თანამედროვე სინეგია იქნება. ამავე დროს საქართველოში დიდი ინტერესია ამ სფეროს მიმართ, ქართველები ძალიან პროგრესული და ადვილად ადაპტორებადი ხალხია და შეუძლიათ სწრაფად აუწყონ ფეხი მიმდინარე ტენდენციებს.

-რამდენად იქნება ამ აკადემიაში მიღებული ცოდნა ქართულ შრომის ბაზარზე მოთხოვნადი და ეკონომიკის რომელ სექტორებში?

-ხელოვნური ინტელექტის ინჟინრები დღეს მსოფლიოში ყველაზე მოთხოვნადი პროფესიაა. მოთხოვნა Ხელოვნური ინტელექტის ექსპერტებზე ბოლო წლებში ძალიან გაიზარდა.ამავე დროს, შესაბამისი განათლების მიწოდება ბაზარზე არ არის საბაზრო მოთხოვნის ადექვატური. დიდი გამოწვევაა კვალიფიცირებული ხელოვნური ინტელექტის ინჟინრის მოძებნა არა მხოლოდ საქართველოში არამედ მთელს მსოფლიოში. აკადემიის გახსნის ერთ-ერთი მთავარი ამოცანა იმ კვალიფიცური ინჟინრების მომზადებაა, რომლებიც შემდეგ დასაქმდებიან ჩვენს კომპანიაში ან იმუშავებენ მსოფლიოს მასშტაბით. ნეირონის აკადემიის დიპლომის მიღება გზას გაუხსნის მის კურსდამთავრებულებს დასაქმების მთელი სპექტრისაკენ, როგორც საქართველოში ისე რეგიონსა და მის ფარგლებს გარეთ.  

-რამდენად აქვს სამომავლო პერსპექტივა ამ მიმართულებას განვითარებადი ეკონომიკის მქონე ქვეყნაში და რამდენად დააინტერესებს ეს ქართულ ბიზნესს?

-ხელოვნური ინტელექტის გამოყენება უმნიშვნელოვანესია, განსაკუთრებით განვითარებადი ეკონომიკის ქვეყნებისათვის. ხელოვნური ინტელექტის დანერგვა გზას გაუხსნის კომპანიებს თანაბარი კონკურენცია გაუწიონ თავიანთი ბიზნეს პრაქტიკით დანარჩენ მსოფლიოს და შეიქმნან საშუალება მეტი განვითარებისათვის. ხელოვნური ინტელექტის დანერგვა ბიზნესში საშუალებას იძლევა დაიზოგის კომპანიის ხარჯები წარმოების, ადმინისტრირების, ზედამხედველობისა და ხარისხის ავტომატიზაციის გზით. ნეირონი ქართულ კომპანიებს სწორედ სთავაზობს, რომ განახორციელოს მათი საქმიანობის შეფასება თუ რა მხრივ და როგორ გამოიყენონ ხელოოვნური ინტელექტი. ნეირონის ერთ-ერთი მთავარი აქცენტი სოფლის მეურნეობაზე მოდის, სადაც ხელოვნური ინტელექტი ეხმარება მწარმოებლებს უკეთესი, მაღალი ხარისხის პროდუქციის შექმნაში, მიწოდების ხაზის ავტომატიზაციაში, თანხების დაზოგვაზასა და მეტი მოგების მიღებაში. ჩვენი კომპანია თანამშრომლობს კარტოფილის მასშტაბურ მწარმოებელ Frixx-თან სწორედ აღნიშნულ პროექტზე. ეს არის სფერო, რომელშიც ხელოვნურ ინტელექტს  შეუძლია საქართველოს ძალიან დაეხმაროს. მაგალითად, ნებისმიერ ბიზნესს, რომელიც კონვეიერულ ხაზს იყენებს წარმოებაში შეუძლია სარგებელი მიიღოს იმ ტექნოლოგიით რომელიც ჩვენ შევქმენით.  ამავე დროს, ჩვენი მიმართულებაა ფარმაცევტიკა და სამედიცინო სფერო, ასევე სადაზღვევო და ღვინის ინდუსტრია, რომელშიც ხელოვნურ ინტელექტს ხარისხის გაზრდითა და ფერმერული მეურნეობების ავტომატიზაციით დიდი სარგებლის მოტანა შეუძლია. 

 

ნატა პატარაია

 

51
პოლიცია აშშ-ის პროტესტების დროს

მოსაზრება: ამერიკას რასიზმსა და ანარქიას შორის არჩევანს სთავაზობენ

0
(განახლებულია 18:54 03.06.2020)
ეჭვგარეშეა, რომ ჯორჯ ფლოიდის დაღუპვა და შემდგომი პროტესტები, რომელიც ქაოსში გადაიზარდა, შეერთებულ შტატებში წინასაარჩევნო კამპანიაში აქტიურად გამოიყენებენ.

ირინა ალქსნისი

ვარაუდობენ, რომ მთავარ დარტყმას ტრამპს მიაყენებენ, რომელსაც მისი ოპონენტები რასიზმსა და თეთრი პოლიციელების სისასტიკეში ადანაშაულებენ. ამ უკანასკნელებმა კიდევ ერთი აფროამერიკელი მოკლეს. რაც უფრო ვითარდება მოვლენები, მით უფრო ნათელი ხდება, რომ რეალობას კიდევ შეუძლია დემოკრატებს სიურპრიზი შესთავაზოს.

ამერიკის ლიდერმა ერთი სრულყოფილად დადგმული სპექტაკლი მოაწყო. ის მკაცრი სიტყვებით გამოვიდა, რომელშიც: ა) მან აჯანყებულებს ,,მეამბოხეები“ უწოდა, ბ) რამდენიმე შტატის ხელისუფლება მშვიდობიანი მოქალაქეების კრიმინალებისაგან დაცვის უუნარობაში დაადანაშაულა, გ) დაჰპირდა ყველა ფედერალური რესურსის (არმიის ჩათვლით) მობილიზებას, რათა „ბოლო მოეღოს განადგურებასა და ცეცხლს“. 

ეს ყველაფერი თეთრი სახლის ვარდების ბაღში მოხდა, სადაც აღწევდა შუქბგერითი ყუმბარებისა და ცრემლსადენი გაზის ჭურვების აფეთქების ხმა. ეს პოლიცია ათავისუფლებდა ლაფაიეტის სკვერის მიდამოებს მომიტინგეებისგან კომენდანტის საათის დროს.

შემდეგ დონალდ ტრამპმა დატოვა რეზიდენცია და გაწმენდილი ტერიტორიის გავლით წმინდა იოანეს ეკლესიამდე მივიდა, რომელსაც წინა დღეს რადიკალებმა ცეცხლი წაუკიდეს. იქ მან ასწია ბიბლია და თქვა, რომ „შეერთებული შტატები უდიდესი ქვეყანაა მსოფლიოში“, და სახელმწიფოებს უსაფრთხოების უზრუნველყოფას დაპირდა.

პრეზიდენტის „პერფომანსს“ რეაქცია მყისიერად მოჰყვა. კონგრესში დემოკრატების ლიდერებმა ერთობლივი განცხადება გაავრცელეს, რომელშიც ტრამპის ქმედებები დაახასიათეს, როგორც „მშიშარა, არაეფექტური და საშიში“.

არანაკლებ დრამატულად გამოვიდა რამდენიმე შტატის ლიდერი, დემოკრატიული პარტიის წარმოადგენლები, კერძოდ, ნიუ-იორკისა და ორეგონის გუბერნატორები. ვაშინგტონის მერმა მურიელ ბაუზერმა ლაფაიეტის სკვერში „უიარაღო მომიტინგეების“ დარბევას სირცხვილი უწოდა და ხაზგასმით აღნიშნა, რომ ფედერალურმა ( და არა ადგილობრივმა — ეს ძალზე მნიშვნელოვანია!) პოლიციამ თეთრი სახლის წინ მომიტინგეთა დარბევა კომენდანტის საათის დაწყებამდე 25 წუთით ადრე დაიწყო. შემდეგ მერმა ამაღელვებლად დასძინა: „ვაშინგტონის მცხოვრებლებო, სახლში წადით. იყავით უსაფრთხოდ!“ 

                                                                 რუსული სტანდარტებით, ყველაფერი ძალიან უცნაურად გამოიყურება. ერთი მხრივ, აშკარაა, რომ ადგილობრივი და რეგიონალური ხელისუფლების მიერ გატარებული ზომები ხშირად აშკარად არ არის საკმარისი ვაკჰანალიის შესაჩერებლად. მედია სავსეა მტკიცებულებებით, თუ როგორ უბრალოდ ადევნებს თვალს პოლიცია ქალაქის კვარტლებში ქაოსსა და მაღაზიების ძარცვას. მეორე მხრივ, პრეზიდენტი სულ უფრო მეტად იმუქრება და დაპირებას იძლევა, მაგრამ ვითარების სტაბილიზაციისთვის არსებითად არაფერს აკეთებს.

ეს თავსატეხი მოიცავს როგორც ამერიკის სახელმწიფო სისტემის მახასიათებლებს, ასევე ქვეყანაში მიმდინარე პოლიტიკური დაპირისპირებების სიმკაცრეს.

შეერთებულ შტატებში ფედერალურ ცენტრსა და შტატებს შორის უფლებამოსილების გამიჯვნის საკმაოდ რთული სისტემა არსებობს, მაგრამ მთლიანობაში რეგიონალური ხელისუფლება სრულ პასუხისმგებლობას იღებს იმაზე, რაც ხდება მათ ტერიტორიაზე. ეს ეხება სამართალდამცავ სფეროსაც, რის წყალობითაც შტატებში სამართალდამცავი ორგანოების ძალზე რთული სტრუქტურაა.

გარდა ამისა, მხედველობაშია მისაღები, რომ არეულობებში, პირველ რიგში, უშუალოდ რასობრივი ნიშნით, ამერიკისთვის განსაკუთრებული არაფერია. ის რეგულარულად იფეთქებს ხოლმე. ყველაზე ცნობილი, ალბათ, 1992 წლის ლოს-ანჯელესის ბუნტია, მაგრამ ბევრს კარგად ახსოვს 2014 წელში ფერგიუსონში მიმდინარე მღელვარება.

ფედერალები ერევიან მხოლოდ შტატის ხელისუფლების თხოვნით, თუ ისინი მიიჩნევენ, რომ თავად ვერ გაუმკლავდებიან. პრეზიდენტს ასევე აქვს უფლებამოსილება, გუბერნატორის გარეშე გამოიყენოს ძალა, მაგრამ ამ შემთხვევაში მას ეკისრება მთელი პასუხისმგებლობა. 

აქ ყველაზე საინტერესო ისაა, რომ ჯორჯ ფლოიდის დაღუპვის გამო პროტესტებმა მოიცვა შტატების უმეტესობა (დაახლოებით 45 შტატი 50-დან), მაგრამ თავდასხმების, ძალადობისა და მოროდიორობის კერები ძირითადად დემოკრატიული პარტიის „მამულებში“ გვხვდება. ეს ის რეგიონებია, სადაც ტრამპს გამარჯვების მცირედი შანსიც კი არ აქვს.

ყველაზე ნათელი მაგალითი, უდავოდ, ნიუ-იორკია. მრავალეროვნული, ტოლერანტული და ხაზგასმით ლიბერალური მეგაპოლისი აგრძელებს განადგურებას, ქალაქისა და შტატის ხელმძღვანელობა გაურკვევლად ლუღლუღებს. ნიუ-იორკის შტატის გუბერნატორმა ენდრიუ კუომომ განაცხადა, რომ დანაშაული, რა თქმა უნდა, დაუშვებელია, მაგრამ აჯანყებულები „დემონსტრანტებს შეერივნენ“. როგორც ჩანს, მისი აზრით, ეს საკმარისი მიზეზია იმისთვის, რომ არაფერი გააკეთონ.         დემოკრატი გუბერნატორების მხრიდან მკაცრი ზომების მიღების შეუძლებლობა მარტივად აიხსნება: ისინი ელექტორატს ეყრდნობიან, რომელთა მნიშვნელოვანი ნაწილი უკიდურესად ნეგატიურად აღიქვამს მოროდიორების წინააღმდეგაც კი ძალის გამოყენებას. უფრო მეტიც, დემოკრატიულმა პარტიამ ,,თეთრ რასისტ, შოვინისტსა და ქალთმოძულე“ ტრამპთან ბრძოლაში ლიბერალური ტენდენცია  საკუთარი ხელებით გააძლიერა  ბოროტმოქმედებისა და კრიმინალების მიმართ ლმობიერი დამოკიდებულებით, რომლებიც ,,დისკრიმინაციულ უმცირესობას“ მიეკუთვნებიან.

ამერიკაში სამოქალაქო-პოლიტიკური დაპირისპირების თითოეულმა მხარემ თავისი არჩევანი, ფსონი გააკეთა. 

დემოკრატები იმედოვნებენ, რომ მღელვარება თავისთავად  იფეთქებს  და დღის წესრიგში კვლავ შესაძლებელი გახდება მაქსიმალური კონცენტრირება თეთრი კონსერვატორების რასიზმის წინააღმდეგ ბრძოლაზე.

პრეზიდენტი აშკარად ელის, რომ რესპუბლიკელ გუბერნატორთა შტატები სწრაფად აღადგენენ წესრიგს, არ დაუშვებს ძარცვა-გლეჯის გავრცელებას. მაგრამ დაზარალებული ქალაქების კადრები და დემოკრატ პოლიტიკოსების უუნარობა გაუმკლავდნენ სიტუაციას არა მხოლოდ აძლიერებს რესპუბლიკური შტატების კონსოლიდაციას, არამედ  მერყევი რეგიონების ქანქარას ტრამპის მხარეს არხევს.

ამასთან, მნიშვნელოვანია, რომ არავინ ცდილობს ორივე პრობლემის გადაწყვეტის აუცილებლობის შესახებ საკითხი დააყენოს: სისტემური რასიზმი ამერიკის სამართალდამცავი სისტემების მიერ ძალადობის გადაჭარბებული გამოყენების ტენდენციის სახით, და ნებისმიერი არეულობის გადამწყვეტად ჩახშობის აუცილებლობა, რაც არ უნდა კეთილშობილურ ლოზუნგებს ეფარებოდნენ ისინი.

როგორც ჩანს, ამერიკისთვის ეს, როგორც წინა ათწლეულების განმავლობაში, კვლავაც გადაულახავ ამოცანად რჩება. 

P.S. რედაქცია შესაძლოა არ ეთანხმებოდეს ავტორის მოსაზრებებს!

0