თბილისი, 4 ნოემბერი — Sputnik. Twitter-ის მიკრობლოგის, Twitter-ის მესენჯერის, Facebook-ისა და Instagram-ის სოციალურ ქსელებსა და ვიდეოჰოსტინგ YouTube-ზე ხელმისაწვდომობა მთელი თურქეთის მასშტაბით დაბლოკილია, აცხადებენ მონიტორინგის ჯგუფის Turkey Blocks წევრები, რომლებიც ინტერნეტში ცენზურას ადევნებენ თვალს.
სოციალური ქსელების მუშაობის შეჩერების თაობაზე ცნობილი ხუთშაბათს, ღამით, მას შემდეგ გახდა, რაც ოპოზიციური პროქურთული პარტიის ლიდერები დააკავეს.
დღეს გავრცელდა ინფორმაცია, რომ თურქეთის პარლამენტის ვიცე-სპიკერი პერვინ ბულდანი პროქურთული ოპოზიციური „ხალხთა დემოკრატიის პარტიის“ სხვა დეპუტატებთან ერთად დააკავეს.
სულ დაკავებულია თურქეთის პარლამენტის 16 დეპუტატი ამ პარტიიდან, მათ შორის, მისი თანათავმჯდომარეები სელაჰათინ დემირტაში და ფიგენ იუქსედაგი.