იშვიათად, მაგრამ მაინც: ვაქცინირებულებს „დელტა“ შტამის გადადება შეუძლიათ

© AP Photo / Nariman El-Moftyკორონავირუსის პანდემია
კორონავირუსის პანდემია - Sputnik საქართველო, 1920, 28.07.2021
გამოწერა
როგორც CDC-ში აცხადებენ, „დელტა“ ვარიანტი თავისი წინამორბედი შტამებისგან „სრულიად განსხვავებულად“ იქცევა.
თბილისი, 28 ივლისი — Sputnik. კორონავირუსზე სრულად ვაქცინირებული ადამიანები იშვიათ შემთხვევებში შეიძლება „დელტა“ შტამის გადამდები მაინც იყვნენ, იუწყება USA Today აშშ-ის დაავადებათა კონტროლისა და პროფილაქტიკის ცენტრების (CDC) ხელმძღვანელზე როშელ ვალენსკიზე დაყრდნობით.
ტედროს ადანომ გებრეიესუსი - Sputnik საქართველო, 1920, 21.07.2021
გებრეიესუსი: მოსალოდნელია უფრო საშიში შტამის გაჩენა და ყველაფრის თავიდან დაწყება
როგორც CDC-ის ხელმძღვანელმა აღნიშნა, ახალი მონაცემები აჩვენებს, რომ „დელტა“ ვარიანტი თავისი წინამორბედი შტამებისგან „სრულიად განსხვავებულად“ იქცევა. 
„დელტა“ ვარიანტის შესახებ რამდენიმე შტატიდან და სხვა ქვეყნებიდან მიღებული ინფორმაცია აჩვენებს, რომ ვაქცინაციის შემდეგ ამ ვარიანტით ინფიცირებული ადამიანები იშვიათ შემთხვევებში შეიძლება ვირუსის გადამდებები და გამავრცელებლები იყვნენ“, — განმარტა ვალენსკიმ.
მისი თქმით, ეს ინფორმაცია შეშფოთებას იწვევს და შეერთებულ შტატებში რეკომენდაციების განახლებას მოითხოვს. ეს რეკომენდაციები, სხვა ზომებთან ერთად, ასევე გულისხმობს პირბადის სავალდებულო ტარებას შენობებში, მათ შორის სკოლებში, როგორც მასწავლებლების, ისე მოსწავლეებისთვის. 
ამასთან ვალენსკიმ ხაზი გაუსვა ვაქცინაციის მნიშვნელობას და განაცხადა, რომ აცრა COVID-19-ის მძიმედ მიმდინარეობის, ჰოსპიტალიზაციისა და პაციენტის სიკვდილის თავიდან აცილების საშუალებაა.
მანამდე, 21 ივლისს ჯანმრთელობის მსოფლიო ორგანიზაციამ განაცხადა, რომ „დელტა“ შეიძლება დომინანტი შტამი გახდეს მსოფლიოში. ამ დროისათვის კორონავირუსის ეს ვარიანტი 124 ქვეყანაშია დაფიქსირებული.
ყველა ახალი ამბავი
0