ახალშობილი და ექიმი

ინდოეთში სამთავიანი ბავშვი დაიბადა: ვიდეო

399
(განახლებულია 16:36 19.07.2021)
ინდუისტებს სწამთ, რომ სამთავიანი ბავშვი ღვთიური წარმომავლობისაა, თუმცა ეს იმავდროულად ცუდის ნიშანიცაა და უამრავ უბედურებას მოასწავებს.

თბილისი, 19 ივლისი − Sputnik. ინდოეთის შტატ უტარ-პრადეშში ქალმა უჩვეულო, სამთავიანი ბავშვი გააჩინა, რის გამოც პატარა ღმერთის განსხეულებად მიიჩნიეს და მის სახლში მომლოცველებმა დაიწყეს სიარული, იუწყება Daily Star.

​როგორც დედა ირწმუნება, მისი ორსულობა ნორმალურად მიმდინარეობდა, ექიმები აკონტროლებდნენ მის მდგომარეობას და ყველა აუცილებელ ანალიზსაც ატარებდნენ, თუმცა ნაყოფის არანაირი პათოლოგია არ გამოუვლენიათ.

გავრცელებული ინფორმაციით, ბავშვს ზედმეტი თავები ძირითად თავზევე აქვს „მიბმული“ და სამივე მათგანი თმებითაა დაფარული.

დედა და ბავშვი თავს კარგად გრძნობენ. ისინი უკვე გამოწერეს საავადმყოფოდან, თუმცა ექიმები ოპტიმისტურ პროგნოზებს არ აკეთებენ. მათი თქმით, მსგავსი ანომალიებით დაბადებული ბავშვები ერთ წელზე მეტხანს ვერ ცოცხლობენ.

როგორც გამოცემა წერს, როგორც კი სამთავიანი ბავშვის დაბადების შესახებ ინფორმაცია გავრცელდა, ახლად მოლოგინებული ქალის სახლთან მომლოცველებმა იწყეს დენა თავად უტარ-პრადეშიდან და ასევე მეზობელი შტატებიდანაც, რათა ძღვენი შესწირონ პატარას და ხელით შეეხონ მას.

საქმე ისაა, რომ ინდუიზმში არსებობს ცნება ტრიმურტი − ანუ ტრიადა, რომელიც ინდუისტური პანთეონის სამ მთავარ ღმერთს − ბრაჰმა შემქმნელს, ვიშნუ მფარველსა და შივა გამანადგურებელს აერთიანებს ერთ მთლიანობად. ტრიმურტის სკულპტურა ასეც გამოიყურება − სამი თავი ერთ სხეულზე.

შესაბამისად ინდუისტებს სწამთ, რომ თუ ადამიანი სამი თავით იბადება, ე.ი. ის ღვთიური წარმომავლობისაა. იმავდროულად, ადგილობრივი ცრურწმენების თანახმად, რამდენიმეთავიანი ბავშვის დაბადება ცუდის ნიშანია და უამრავ უბედურებას მოასწავებს. ახალშობილის ოჯახში მომლოცველთა სტუმრობის მიზანიც ესაა − ძღვენით ღმერთების გულის მოგება და უბედურების თავიდან აცილება.

399
თემები:
საერთაშორისო პანორამა (594)
კორონავირუსის პანდემია. ავსტრია

რატომ ჩნდება კორონავირუსის ახალი შტამები მეცნიერების მოსაზრება

33
(განახლებულია 20:54 01.08.2021)
მეცნიერებმა აღმოაჩინეს, რომ მუტაციების გაჩენის რისკები ორ ფაქტორზეა დამოკიდებული: ვაქცინირებული მოსახლეობის წილსა და ინფიცირებულების ზღვრულ რაოდენობაზე.

თბილისი, 1 აგვისტო – Sputnik  ავსტრიის მეცნიერებისა და ტექნოლოგიის ინსტიტუტის მეცნიერებმა განაცხადეს, რომ SARS-CoV-2–ის ახალი ვარიანტები ბევრ ქვეყანაში შეზღუდვების გაუქმების შემდეგ გავრცელდა. იუწყება РИА Новости ჟურნალ Scientific Report–ში გამოქვეყნებულ კვლევაზე დაყრდნობით.

მეცნიერებმა ეპიდემიოლოგიური მოდელი ააგეს და აღმოაჩინეს, რომ მუტაციების გაჩენის რისკები ორ ფაქტორზეა დამოკიდებული: ვაქცინირებული მოსახლეობის წილსა და ინფიცირებულების ზღვრულ რაოდენობაზე. გამოთვლების შედეგად მკვლევარები მივიდნენ დასკვნამდე, რომ აუცილებელია მოსახლეობის უმრავლესობა – მინიმუმ 60% აიცრას.

მკვლევარები ამტკიცებენ, რომ ადამიანებმა ვაქცინაციის შემდეგაც უნდა ატარონ პირბადე და დაიცვან სოციალური დისტანცია. სპეციალისტების აზრით, თავისუფალი გადაადგილება რისკის შემცველია მსოფლიოში ვაქცინაციის სხვადასხვა ტემპის გამო, ასევე საშიშია ახალი საშიში შტამების გამოჩენის მხრივ პოპულაციაში. ეს რომ არ მოხდეს, ეპიდემიოლოგიური შეზღუდვები საერთაშორისო დონეზე უნდა შეთანხმდეს, მიიჩნევენ მკვლევარები.

33
თემები:
COVID-19-ის პანდემია მსოფლიოში
ტოკიო პანდემიის დროს

ტოკიოში კორონავირუსით ინფიცირების ახალი ანტირეკორდი დაფიქსირდა

31
(განახლებულია 18:59 01.08.2021)
იაპონიის დედაქალაქში ოლიმპიური თამაშები მიმდინარეობს. COVID-19–ით დაინფიცირების შემთხვევები ფიქსირდება იმ ადამიანებს შორისაც, რომლებსაც კავშირი აქვთ ღონისძიებებთან

თბილისი, 1 აგვისტო – Sputnik. იაპონიის დედაქალაქში პანდემიის დაწყებიდან პირველად ერთ დღე–ღამეში კორონავირუსით ინფიცირების 4 ათასზე მეტი შემთხვევა დაფიქსირდა, იუწყება ტელეარხი NHK.

ტოკიოში ინფიცირების 4.085 ახალი შემთხვევა გამოვლინდა, აქედან 95 ადამიანი მძიმე მდგომარეობაშია. ასევე ახალი ანტირეკორდი დაფიქსირდა პარასკევს მთელი ქვეყნის მასშტაბით – 10,7 ათასი შემთხვევა.

ტოკიოში 12 ივლისიდან რიგით მეოთხე საგანგებო რეჟიმი მოქმედებს, რომელიც 22 აგვისტომდე გაგრძელდება, ანუ პარალიმპიური თამაშების დაწყებამდე, რომელიც 24 აგვისტოდან 5 სექტემბრის ჩათვლით გაგრტძელდება. დედაქალაქის გარდა საგანგებო რეჟიმი კიდევ მთელ რიგ პრეფექტურებში მოქმედებს.

ტოკიოში ამჟამად ოლიმპიური თამაშები მიმდინარეობს, რომელიც ყველაზე მასშტაბურია სპორტის სახეობების მხრივ – 33, და ასევე ჯილდოების კომპლექტების თვალსაზრისით – 339. ღონისძიება მკაცრი შეზღუდვების პირობებში ტარდება.

ოლიმპიურ ღონისძიებებში ჩართულებს ყოველდღე უტარებენ ტესტირებას. მხოლოდ კვირას მონაწილეებსა და ოლიმპიადაზე დასაქმებულებს შორის 18 ახალი შემთხვევა გამოვლინდა, თან ერთ შემთხვევაში ვირუსი სპორტსმენს დაუდასტურდა. სულ ოლიმპიადის პერიოდში ინფიცირების რიცხვმა ღონისძიების მონაწილეებს შორის 260–ს მიაღწია.

31
თემები:
COVID-19-ის პანდემია მსოფლიოში
სეისმოგრაფი

საქართველოში მიწისძვრა მოხდა კვლავ სოფელ სამებასთან

0
მიწისძვრის ეპიცენტრი დმანისის მუნიციპალიტეტში, სოფელ სამებასთან ახლოს, ცხრა კილომეტრ სიღრმეში მდებარეობდა

თბილისი, 1 აგვისტო – Sputnik. დმანისიდან 24 კილომეტრში, სოფელ სამებასთან 3,1 მაგნიტუდის მიწისძვრა დაფიქსირდა, იუწყება სეისმური მონიტორინგის ეროვნული ცენტრი.

სეისმოლოგი: გახშირებული მიწისძვრები საქართველოში საყურადღებოა>>

მიწისქვეშა ბიძგები თბილისის დროით 21:09 საათზე დაფიქსირდა. ეპიცენტრი 9 კმ სიღრმეში მდებარეობდა.

ივნისსა და ივლისში სეისმოლოგებმა ამ ტერიტორიაზე 3,0–4,0 მაგნიტუდის ორ ათეულამდე მიწისძვრა დააფიქსირეს.

0
თემები:
შემთხვევები საქართველოში