მოლდოვაში ვადამდელი საპარლამენტო არჩევნები მიმდინარეობს

© photo: Sputnik / Alexey Mayshev / გადასვლა მედიაბანკშიმოლდოვაში ვადამდელი საპარლამენტო არჩევნები მიმდინარეობს
მოლდოვაში ვადამდელი საპარლამენტო არჩევნები მიმდინარეობს

 - Sputnik საქართველო, 1920, 11.07.2021
გამოწერა
მთლიანობაში რესპუბლიკის საკანონმდებლო ორგანოში 101 სადეპუტატო მანდატზე პრეტენზიას 1791 ადამიანი აცხადებს.
თბილისი, 11 ივლისი – Sputnik. მოლდოვაში კვირას, 11 ივლისს ვადამდელი საპარლამენტო არჩევნები იმართება, იუწყება Sputnik-მოლდოვა.
არჩევნებში მონაწილეობას იღებს 20 პოლიტიკური პარტია, ორი ელექტორალური ბლოკი და ერთი დამოუკიდებელი კანდიდატი. მთლიანობაში რესპუბლიკის საკანონმდებლო ორგანოში 101 სადეპუტატო მანდატზე პრეტენზიას 1791 ადამიანი აცხადებს.
ანტისამთავრობო აქცია კიშინიოვში - Sputnik საქართველო, 1920, 06.12.2020
მოლდოვას პრეზიდენტის მხარდამჭერები რიგგარეშე საპარლამენტო არჩევნებს მოითხოვენ
ქვეყანაში მოქმედი საარჩევნო კოდექსის თანახმად, პარტიებისთვის და სხვა საზოგადოებრივ-პოლიტიკური ორგანიზაციებისთვის პარლამენტში გამსვლელი მინიმალური ზღვარი 5%-ს შეადგენს, საარჩევნო ბლოკისთვის - 7%-ს, დამოუკიდებელი კანდიდატებისთვის - 2%-ს.
ის პარტიები, საზოგადოებრივ-პოლიტიკური ორგანიზაციები და დამოუკიდებელი კანდიდატები, რომლებიც მითითებულზე ნაკლებ ხმას მიიღებენ, ცესკოს დადგენილებით მანდატების განაწილების პროცესს გამოეთიშებიან.
არჩევნები ჩაითვლება შეუმდგარად, თუ მასში მონაწილეობას ამომრჩეველთა სიებში შეტანილ პირთა ერთ მესამედზე ნაკლები მიიღებს.
ყველა ახალი ამბავი
0