ლონდონი უკან არ იხევს: ბრიტანული ხომალდები კვლავაც შევლენ უკრაინის ტერიტორიულ წყლებში

© photo: Sputnik / ნაღმმზიდი Defender
ნაღმმზიდი Defender  - Sputnik საქართველო, 1920, 07.07.2021
გამოწერა
ბრიტანეთის საგარეო საქმეთა მინისტრმა თემთა პალატაში კომენტარი გააკეთა ესკადრონული ნაღმმზიდი Defender-ის ინციდენტთან დაკავშირებით.
თბილისი, 7 ივლისი − Sputnik. დიდი ბრიტანეთის სამხედრო-საზღვაო ძალები ევლავაც განაგრძობს შესვლას უკრაინის ტერიტორიულ წყლებში, განაცხადა ქვეყნის საგარეო საქმეთა მინისტრმა დომინიკ რააბმა თემთა პალატაში სიტყვით გამოსვლისას, როდესაც კომენტარს აკეთებდა ნაღმმზიდ Defender-ის ინციდენტთან დაკავშირებით.
მინისტრის თქმით, ბრიტანული ხომალდი, რომელსაც რუსეთმა მის ტერიტორიულ წყლებში შეჭრაში დასდო ბრალი, ყველაზე მოკლე და პირდაპირი მარშრუტით მოძრაობდა.
„ესკადრონული ნაღმმზიდი Defender საერთაშორისოდ აღიარებული ყველაზე მოკლე და სწორი მარშრუტით მოძრაობდა. ჩვენ სრული უფლება გვქონდა, მშვიდობიანად გაგვევლო უკრაინის ტერიტორიულ წყლებზე საერთაშორისო სამართლის შესაბამისად. ჩვენ კვლავაც განვაგრძოთ ასე მოქმედებას“, − განაცხადა რააბმა.
ამასთან მან სრული მხარდაჭერა გამოუცხადა ნაღმმზიდის ეკიპაჟს.
ჯეიმს აპატურაი - Sputnik საქართველო, 1920, 01.07.2021
აპატურაი: ნატო შავი ზღვიდან არ გავა, მიუხედავად რუსეთის პოზიციისა
23 ივნისს რუსეთის თავდაცვის სამინისტრომ გაავრცელა ინფორმაცია, რომ ბრიტანეთის სამეფო ფლოტის ესკადრონული ნაღმმზიდი HMS Defender მოსკოვის დროით დილის 11:52 საათზე სამი კილომეტრით ღრმად შევიდა რუსეთის ტერიტორიულ წყლებში. ამის შემდეგ რუსულმა მხარემ ხომალდის ეკიპაჟი გააფრთხილა, რომ იარაღს გამოიყენებდნენ იმ შემთხვევაში, თუ ხომალდი იმავე კურსით განაგრძობდა სვლას. ამ გაფრთხილებაზე ბრიტანულ ეკიპაჟს რეაგირება არ მოუხდენია, რის შემდეგაც რუსულმა სასაზღვრო-სანაპირო ხომალდმა გამაფრთხილებელი ცეცხლი გახსნა, ხოლო შემდეგ გამანადგურებელმა Су-24м-მა ასევე გამაფრთხილებელი ბომბები ჩამოყარა ესკადრონული ნაღმმზიდის გზაზე.
ვლადიმირ პუტინმა მომხდარი პროვოკაციად შეაფასა, რომელშიც ბრიტანელებთან ერთად ამერიკელებიც მონაწილეობდნენ, და თქვა, რომ ჟენევაში რუსეთისა და აშშ-ის ლიდერების შეხვედრის შემდეგ ასეთი პროვოკაცია დასავლეთს ყირიმელებისთვის იმის საჩვენებლად ესაჭიროებოდა, რომ მათ აზრს პატივს არ სცემს.
ყველა ახალი ამბავი
0