Тимати и Катя Сафарова в проекте Холостяк

„როგორც იქნა, თავისი სიმაღლის შესაფერისი ქალია...“ ტიმატიმ შოუში ახალი სიყვარული იპოვა

100
(განახლებულია 19:46 11.06.2021)
რუსეთის შოუ-ბიზნესის ერთ-ერთმა ცნობილმა წარმომადგენელმა ცოტა ხნის წინ ყვითელ პრესას ახალი საკბილო მისცა. როგორც ჩანს, რეპერი შეყვარებულია და ურთიერთობას აღარ მალავს.

ტიმურ იუნოსოვის, იგივე ტიმატის პირად ცხოვრებას უამრავი სკანდალი უკავშირდება, რაც ყოფილ ცოლებს ეხება. ცოტა ხნის წინ მუსიკოსმა შოუში Холостяк, სავარაუდოდ, მომავალი მეუღლე იპოვა. ტელეპროგრამას თვალს მილიონობით ადამიანი ადევნებდა.

View this post on Instagram

A post shared by 13 (@timatiofficial)

ტიმატის გულის მოსაგებად უამრავი ქალბატონი იბრძოდა. მათ შორის იყო კატია საფაროვა, რომელმაც გაიმარჯვა. „ტიმატის და კატიას თვალები უკვე ანთებული ჰქონდათ“, – წერდნენ სოციალურ ქსელში, როდესაც შოუს მცირე ნაწყვეტი გამოჩნდა ინტერნეტში, რომელიც ეკრანზე არ იყო ნაჩვენები. პროექტის ოფიციალურმა „ინსტაგრამმა“ ტიმატისა და ეკატერინა საფაროვას შორის არსებული რომანტიკული დიალოგი გამოაქვეყნა, რომელიც ვარდების ერთ-ერთი ცერემონიის დროს ტარდება. ტიმატი მონაწილე ქალბატონებს ვარდებს გადასცემდა და პარალელურად ესაუბრებოდა. თაყვანისმცემლების თქმით, რეპერი მაშინაც დარწმუნებული იყო თავის არჩევანში.

View this post on Instagram

A post shared by 13 (@timatiofficial)

„ძალიან ლამაზი წყვილია. ტიმატიმ როგორც იქნა თავისი სიმაღლის შესაფერისი ქალი აირჩია“, „მიუხედავად იმისა, რომ რეშეტოვაც მომწონს, კატია უფრო გულწრფელად გამოიყურება”, – წერენ პროექტის თაყვანისმცემლები. გადაცემის გადაღების შემდეგ ტიმატის და კატიას დიდხანს მოუწიათ ურთიერთობის დამალვა. მთელი ამ ხნის განმავლობაში თაყვანისმცემლები განიხილავდნენ რეპერის შესაძლო რომანს ხსენებული შოუს კიდევ ერთ ვარსკვლავთან - მარია ვებერთან და ასევე განიხილავდნენ დაბრუნების შანსსაც ანასტასია რეშეტოვასთან, რომელთანაც რეპერი საკმაოდ დიდხანს ცხოვრობდა და შვილიც ჰყავს.

View this post on Instagram

A post shared by 13 (@timatiofficial)

როგორც ამბობენ, კატიასა და ტიმატის წყვილმა გაუძლო ამ ტესტს და ისინი ერთად მივიდნენ MUZ-TV-ს ბოლოდროინდელ დაჯილდოებაზე. იქამდე კი საფაროვამ გამოაქვეყნა ტექსტი, სადაც აღნიშნავს, რომ შოუში მოხვედრა მისი დის დამსახურებაა. ამბობს, რომ დამ დაურეკა და ჰკითხა, რას ფიქრობდა რეპერ ტიმატიზე. რაზეც კატიამ უპასუხა: "რა ვიცი, საყვარლად მღერის". აქვე კატიამ აღნიშნა ისიც, რომ მისი და ტიმატის შეხვედრა სხვა შემთხვევაში ფაქტობრივად შეუძლებელი იქნებოდა, რადგან კატია სხვა ქვეყანაში ცხოვრობს და სპეციალურად შოუს გამო ესტუმრა რუსეთს.

„ინსტაგრამზე“ გამოჩნდა შემდეგი კომენტარებიც: „ახლა ამ გოგოსაც გააჩენინებს ბავშვს და მალევე მიატოვებს წინამორბედებივით“, „თავიდან ყველანი ანგელოზები ვართ, მაგრამ ბოლოს რა იქნება საკითხავია“, „რეშეტოვა ოჯახურ ფოტოებზე ყოველთვის არაგულწრფელად გამოიყურებოდა და თავს არეკლამებდა“. ხელმომწერებს ისევ ბევრი კითხვა დარჩათ, რადგან ტიმატის და რეშეტოვას საერთო ფოტოები "ინსტაგრამზე" ისევ აქვთ და არ წაუშლიათ. სწორედ ამიტომ გამოითქვა ვერსიაც, რომ შეიძლება მათი დაშორება ტყუილია.

პროექტის გამარჯვებულმა კატერინა საფაროვამ სოციალურ ქსელში აღიარა, რომ ახლა ნამდვილად ბედნიერია ტიმატის გვერდით, მაგრამ ვარსკვლავები არ აპირებენ თავიანთი რომანის რეკლამირებას. მათი აზრით, თაყვანისმცემლებს ტელევიზორში უკვე ძალიან ბევრი აქვთ ნანახი.

100
თემები:
ვარსკვლავური ამბები (12)
ვლადიმირ პუტინი

„არ იყო არავითარი მტრული გარემო“ - პუტინმა ბაიდენთან შეხვედრა შეაფასა

8
რუსეთის პრეზიდენტ ვლადიმირ პუტინისა და აშშ-ის პრეზიდენტ ჯო ბაიდენის შეხვედრა ჟენევაში სამ საათ-ნახევარი გაგრძელდა.

თბილისი, 16 ივნისი - Sputnik. რუსეთის პრეზიდენტმა ვლადიმირ პუტინმა ამერიკელ კოლეგა ჯო ბაიდენთან შეხვედრა შეაფასა.

„არ იყო არავითარი მტრული გარემო, შეხვედრამ პრინციპული დღის წესრიგით ჩაიარა. ბევრ პოზიციაზე ჩვენი შეფასებები ერთმანეთს ემიჯნება. მაგრამ, ჩემი აზრით, ორივე მხარემ გამოამჟღავნა სურვილი, გაუგოს ერთმანეთს და მოძებნოს გზები პოზიციების დასაახლოებლად. საუბარი მეტად კონსტრუქციული იყო“, - აღნიშნა პუტინმა შეხვედრის შემდეგ გამართულ პრესკონფერენციაზე.

მან ის თემებიც დაასახელა, რომლებიც სამიტზე იხილებოდა.

„თემები დაახლოებით ალბათ ყველასთვის ცნობილია - სტრატეგიული სტაბილურობა, კიბერუსაფრთხოება, რეგიონული კონფლიქტები, სავაჭრო ურთიერთობები, ასევე ვისაუბრეთ არქტიკაში თანამშრომლობაზე - ესაა მიახლოებითი ჩამონათვალი“, - აღნიშნა პუტინმა.

პრეზიდენტების შეხვედრა ჟენევაში სამ საათ-ნახევარი გაგრძელდა. შედგა ერთი ვიწრო ფორმატის და ერთიც ფართო ფორმატის შეხვედრა. წინასწარი ინფორმაციით, უნდა გამართულიყო გაფართოებული ფორმატის ორი შეხვედრა.

თეთრი სახლის ინფორმაციით, ბაიდენის პრესკონფერენცია თბილისის დროით 21:30 სთ-ზე გაიმართება.

წყარომ დელეგაციიდან „რია ნოვოსტის“ აცნობა, რომ პრეზიდენტების მოლაპარაკებამ „სავსებით წარმატებით“ ჩაიარა.

8
რუსეთისა და აშშ-ის პრეზიდენტები

პუტინისა და ბაიდენის ფართო ფორმატის შეხვედრა დასრულდა

8
ორი ფართო ფორმატის შეხვედრის ნაცვლად შედგა მხოლოდ ერთი, თუმცა თეთრმა სახლმა არც დაადასტურა და არც უარყო რუსეთი-აშშ-ის სამიტის დასრულება.

თბილისი, 16 ივნისი - Sputnik. ჟენევაში დასრულდა რუსეთისა და აშშ-ის ორმხრივი გაფართოებული შეხვედრა, იუწყება РИА Новости.

სააგენტოს მონაცემებით, რუსეთის პრეზიდენტის, ვლადიმირ პუტინის და მისი ამერიკელი კოლეგის, ჯო ბაიდენის შეხვედრა დაახლოებით 3,5 საათს გაგრძელდა. შედგა თითო შეხვედრა ვიწრო და ფართო ფორმატში. წინასწარი ინფორმაციით, უნდა გამართულიყო ორი ფართო ფორმატის შეხვედრა.

ბაიდენმა უკვე დატოვა ლა გრანჟის ვილა, სადაც მოლაპარაკება მიმდინარეობდა. გამგზავრებისას მან ცერა თითი ასწია. თეთრი სახლის ინფორმაციით, ბაიდენის პრესკონფერენცია თბილისის დროით 21:30 სთ-ზე გაიმართება.

წყარომ დელეგაციიდან „რია ნოვოსტის“ აცნობა, რომ პრეზიდენტების მოლაპარაკებამ „სავსებით წარმატებით“ ჩაიარა.

8
ნინოწმინდის პანსიონი

რატომ დაატოვინეს ნინოწმინდის პანსიონი ზოგიერთ აღმზრდელს

0
პანსიონიდან ამ ეტაპზე ბავშვების დაახლოებით ნახევარი გაყვანილია ოჯახებში, ხოლო დარჩენილებთან სოციალური მუშაკები მუშაობენ. პარალელურად მიმდინარეობს მუშაობა მათთვის ოჯახების მოსაძიებლად.

თბილისი, 16 ივნისი - Sputnik. აღმზრდელები, რომლებთან დაკავშირებითაც რისკები გამოიკვეთა, ნინოწმინდის პანსიონში აღარ იმყოფებიან, განაცხადა სახელმწიფო ზრუნვისა და ტრეფიკინგის მსხვერპლთა, დაზარალებულთა დაცვისა და დახმარების სააგენტოს დირექტორმა, მერი მაღლაფერიძემ.

დღეს პანსიონის ახალმა დირექტორმა, მეუფე იაკობმა განაცხადა, რომ 40 აღმზრდელიდან პანსიონში 19 დარჩება.

წმინდა ნინოს სახელობის ობოლ, უპატრონო და მზრუნველობამოკლებულ ბავშვთა პანსიონი, რომელიც საპატრიარქოს პატრონაჟის ქვეშაა, ფართო საზოგადოებისა და სახელმწიფო სტრუქტურების ყურადღების ცენტრში სახალხო დამცველის განცხადების შემდეგ მოექცა. როგორც ნინო ლომჯარიამ განაცხადა, პანსიონში ბავშვებზე ფსიქოლოგიური და ფიზიკური ზეწოლა ხორციელდება, ხოლო დაწესებულების ტერიტორიაზე მის წარმომადგენლებს შესვლის უფლებას არ აძლევენ. აღნიშნული განცხადების საფუძველზე საქართველოს შსს-მ გამოძიება დაიწყო.

მაღლაფერიძის განმარტებით, შემდგომი ნაბიჯები შესაძლოა გარკვეული პერსონალის გადამზადებასაც ითვალისწინებდეს.

„როდესაც იდენტიფიცირდა გარკვეული რისკები კონკრეტულ პირებთან დაკავშირებით, მათ დაწესებულების ტერიტორია დატოვეს. როდესაც დაწესებულებაში რაიმე ტიპის რისკზე არის საუბარი, მნიშვნელოვანია, ბავშვის საუკეთესო ინტერესებიდან გამომდინარე მოხდეს მათი განრიდება“, – განაცხადა მერი მაღლაფერიძემ.

მაღლაფერიძის განცხადებით, დღეის მდგომარეობით ნინოწმინდის პანსიონიდან სულ 29 ბავშვია გაყვანილი.

„22 ჩარიცხული ბენეფიციარი რჩება, თუმცა პროცესი კვლავ გრძელდება. ამას წინ უძღვის შეფასება, საუკეთესო ადგილების შერჩევა, ბიოლოგიური ოჯახების შეფასება, მათთან კონტაქტი და ასე შემდეგ. როდესაც ბავშვების ინტერესებზე ვსაუბრობთ, ეს არ არის უბრალოდ ფრაზა, უნდა შევარჩიოთ მათთვის სწორი ზრუნვის ფორმები, შევეცადოთ მათ ბიოლოგიურ მშობლებთან ან მათ სიახლოვეს განთავსება“, – განაცხადა მერი მაღლაფერიძემ.

თბილისის საქალაქო სასამართლომ 5 ივნისს ნაწილობრივ დააკმაყოფილა არასამთავრობო ორგანიზაციის „პარტნიორობა ადამიანის უფლებებისთვის" (PHR) შუამდგომლობა და შესაბამის სახელმწიფო უწყებებს დაავალა შშმ სტატუსის მქონე ბავშვების პანსიონიდან დაუყოვნებლივ გაყვანის პროცესის დაწყება. ეს გადაწყვეტილება საპატრიარქომ გაასაჩივრა.

ნინოწმინდის პანსიონში ჩარიცხული შეზღუდული შესაძლებლობის მქონე ბავშვების სახელმწიფო მზრუნველობის სხვა დაწესებულებაში (მინდობით აღზრდა, მცირე საოჯახო, ან რეინტეგრაცია) გადაყვანა საქართველოს ჯანდაცვის სამინისტროსა და სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს დაევალათ.

პანსიონთან დაკავშირებით განვითარებული მოვლენების შემდეგ ნინოწმინდის პანსიონის ხელმძღვანელის თანამდებობა პირადი განცხადების საფუძველზე დატოვა მეუფე სპირიდონმა, ხოლო მის ნაცვლად ბოდბელი ეპისკოპოსი, მეუფე იაკობი (იაკობიშვილი) დაინიშნა.

 

0