მილიარდერთა რაოდენობით შეერთებულმა შტატებმა შესაძლოა პირველობა დათმოს: გამოჩნდა კონკურენტი

70
(განახლებულია 17:18 10.06.2021)
მსოფლიოში ზემდიდარი ადამიანების პორტრეტი იცვლება, იზრდება 20-დან 50 წლამდე ასაკის ადამიანების სეგმენტი.

თბილისი, 10 ივნისი − Sputnik. ჩინეთმა შესაძლოა 2029 წლისთვის აშშ-ს გადაუსწროს ზემდიდარი ადამიანების რაოდენობით, რომელთა პირადი ქონებაც 100 მილიონ დოლარს გადააჭარბებს, ნათქვამია The Boston Consulting Group-ის (BCG) კვლევაში.

„თუ ჩინეთში ინვესტირებული კეთილდღეობის ზრდის წლიური ტემპები მიმდინარე დონეზე − 13%-ზე შენარჩუნდება, ზემდიდარი ადამიანების აქტივები ქვეყანაში 10,4 ტრილიონ დოლარს გაუტოლდება 2029 წლისთვის“, − წერენ BCG-ს ექსპერტები.

როგორც კვლევაშია ნათქვამი, მსოფლიოში ზემდიდარი ადამიანების ინვესტირებული აქტივების რაოდენობა გასულ წელს 22 ტრილიონ დოლარს შეადგენდა, რაც მსოფლიო კეთილდღეობის 15 პროცენტია.

ექსპერტები ამასთანავე აღნიშნავენ, რომ შეერთებული შტატები იმ პერიოდისთვის ბევრით არ ჩამორჩება ჩინეთს და აშშ-ში უმდიდრესი ადამიანების აქტივები 9,9 ტრილიონ დოლარს მიაღწევს.

გარდა ამისა, BCG-ს კვლევაში ნათქვამია, რომ იცვლება ზემდიდარი ადამიანების პორტრეტიც: იზრდება ახალგაზრდა თაობის, 20-დან 50 წლამდე ადამიანების სეგმენტი. ექსპერტების თქმით, ეს იმითაა განპირობებული, რომ ახალგაზრდები უფრო მზად არიან რისკების გასაწევად და მათ ინვესტირების უფრო ფართო ჰორიზონტები აქვთ.

გარდა ამისა, თანამედროვე ზემდიდარი ადამიანები საკუთარ კაპიტალს ხშირად იყენებენ საზოგადოებრივად სასარგებლო საქმეებისთვის. აღინიშნება, რომ კერძო კაპიტალის ბევრი მმართველი ჯერჯერობით მზად არ არის – მომსახურება გაუწიოს ამ ახალ ზემდიდარ ადამიანებს.

კვლევიდან ირკვევა ისიც, რომ ზემდიდარი ადამიანების სეგმენტში ქალების წილი 12%-ია, რომელთა უდიდესი ნაწილი აშშ-ში, გერმანიასა და ჩინეთში ცხოვრობს.

ამ დროისათვის მილიარდერების რაოდენობით აშშ ლიდერობს. ქვეყანაში ასეთი 724 ადამიანია.

მეორე ადგილზეა ჩინეთი − 698 კაცით. მარტო ბოლო წლის განმავლობაში ჩინეთს 210 ახალი მილიარდერი შეემატა, რაც რეკორდული მაჩვენებელია.

მესამე პოზიციას ინდოეთი იკავებს 140 მილიარდერით, მეოთხეს − გერმანია (136), ხოლო მეხუთეს − რუსეთი (117).

70
თემები:
საერთაშორისო პანორამა (474)
ჯეფ ბეზოსი

„არ მივცეთ ბეზოსს დედამიწაზე დაბრუნების უფლება“: პეტიციას 50 ათასმა კაცმა მოაწერა ხელი

32
(განახლებულია 12:03 21.06.2021)
ჯეფ ბეზოსი თავის ძმასთან და კიდევ ერთ ტურისტთან ერთად, რომელმაც ამის უფლება 28 მილიონ დოლარად მოიპოვა, კოსმოსში 20 ივლისს გაფრინდება

თბილისი, 21 ივნისი − Sputnik. პეტიციას, რომელიც მოუწოდებს, არ დაუშვან ინტერნეზმაღაზია amazon.com-ის დამფუძნებელი ჯეფ ბეზოსის კოსმოსიდან დაბრუნება, უკვე 50 ათასამდე კაცმა მოაწერა ხელი, იუწყება გამოცემა Insider-ი.

აღსანიშნავია, რომ ბეზოსი, რომელიც ასევე არის კოსმოსური კვლევების კომპანია Blue Origin-ის დამფუძნებელი, 20 ივლისს გაფრინდება ძმასთან, მარკ ბეზოსთან ერთად კოსმოსში რაკეტა New Shepard-ით. ინფორმაცია ამის შესახებ თავად მსოფლიოს უმდიდრესმა ადამიანმა გაავრცელა.

ამ განცხადებიდან სამი დღის შემდეგ ინტერნეტში ორი პეტიცია გაჩნდა, რომელთა ავტორებიც მილიარდერის დედამიწაზე დაბრუნებას ეწინააღმდეგებიან და მისთვის ამ უფლების ჩამორთმევას მოითხოვენ. სულ რაღაც ათიოდე დღეში ორივე პეტიციას ათობით ათასმა ადამიანმა მოაწერა ხელი.

საიტ change.org-ზე გამოქვეყნებულ ერთ პეტიციას „არ მივცეთ ბეზოსს დედამიწაზე დაბრუნების უფლება“  ამ დროისათვის 38 ათასი კაცი ეთანხმება.

„მილიარდერები არ უნდა არსებობდნენ... არც დედამიწაზე და არც კოსმოსში. მაგრამ თუ მათ [კოსმოსში გაფრენა] გადაწყვიტეს, მაშინ იქ უნდა დარჩნენ“, − ნათქვამია მასში.

ამასთან ხელმომწერებმა აღნიშნეს, რომ „დედამიწას არ ესაჭიროება ისეთი ადამიანები, როგორებიც არიან ჯეფ ბეზოსი, ბილ გეითსი, ილონ მასკი „და სხვა მათი მსგავსი მილიარდერები“.

მეორე პეტიციას, „ჯეფ ბეზოსის დედამიწაზე მეორედ მოსვლის დაუშვებლობის“ მოწოდებით, უკვე თითქმის 20 ათასი ხელმომწერი ჰყავს და მათი რაოდენობა იზრდება.

როგორც პეტიციის ინიციატორები აღნიშნავენ, ბეზოსი „ბოროტი მეფეა, რომელიც მსოფლიო ბატონობისკენ ისწრაფვის... კაცობრიობის ბედი ჩვენს ხელთაა“.

გავრცელებული ცნობით, ჯეფ და მარკ ბეზოსები და ასევე Blue Origin-ის აუქციონის გამარჯვებული, რომელმაც კოსმოსში ტურიზმის უფლება 28 მილიონ დოლარად მოიპოვა, 11 წუთს იფრენენ კოსმოსში. მათ გუმბათის ფორმის კაფსულაში მოათავსებენ, რომელიც რაკეტმზიდის ზედა ნაწილში იქნება დამონტაჟებული.

როდესაც რაკეტა New Shepard-ი დედამიწის ზედაპირიდან 10 კმ სიმაღლეს მიაღწევს, კაფსულა რაკეტმზიდს მოცილდება, ატმოსფეროში შემოვა და დედამიწაზე პარაშუტებით დაეშვება.

32
თემები:
საერთაშორისო პანორამა (474)
აშშ-სა და ჩინეთის დროშები

თუ გამოძიებას ხელს შეუშლის: აშშ ჩინეთს საერთაშორისო იზოლაციით ემუქრება

20
(განახლებულია 11:16 21.06.2021)
ჩინეთზე პოლიტიკური და დიპლომატიური ზეწოლა არის აშშ-ის ძალისხმევების ძირითადი ნაწილი, რათა პეკინი მკაცრი არჩევანის წინაშე დადგეს

თბილისი, 21 ივნისი − Sputnik. ჩინეთი საერთაშორისო იზოლაციაში აღმოჩნდება, თუ უარს იტყვის კორონავირუსის წარმოშობის გამოძიების საკითხში თანამშრომლობაზე, განაცხადა ტელეარხ Fox News-თან ინტერვიუში აშშ-ის პრეზიდენტის მრჩეველმა ეროვნული უსაფრთხოების საკითხებში ჯეიკ სალივანმა.

„დიპლომატიური მოსამზადებელი სამუშაო − მსოფლიო ხალხების გაერთიანება, ჩინეთზე პოლიტიკური და დიპლომატიური ზეწოლას − ეს არის ჩვენი ძალისხმევების ძირითადი ნაწილი, რათა საბოლოოდ ჩინეთი მკაცრი არჩევანის წინაშე დავაყენოთ: ისინი ან პასუხისმგებლიანად მოიქცევიან და გამომძიებლებს რეალური სამუშაოს ჩატარებისა და იმის გარკვევის უფლებას მისცემენ, თუ საიდან გაჩნდა [კორონავირუსი], ან ისინი საერთაშორისო თანამეგობრობის მხრიდან იზოლაციას შეეჯახებიან“, − აღნიშნა სალივანმა.

ამასთან პრეზიდენტის მრჩეველმა ყურადღება გაამახვილა იმ ფაქტზე, რომ აშშ გამოძიების დროს მხოლოდ ჩინეთის მონაცემებს კი არ დაეყრდნობა, არამედ დაზვერვისა და ასევე სხვა მონაცემებსაც გააანალიზებს, რათა დადგინდეს, როგორ წარმოიშვა და გავრცელდა კორონავირუსი მთელ მსოფლიოში.

აშშ-მიაჩნიათ, რომ ახალი ტიპის კორონავირუსი შესაძლოა უჰანის ლაბორატორიიდან გავრცელებულიყო. ამაში ვაშინგტონს ბრიტანული დაზვერვაც ეთანხმება და აცხადებს, რომ SARS-CoV-2-ის ლაბორატორიიდან გამოღწევა გამორიცხული არ არის.  როგორც ბრიტანელი პროფესორი ანგუს დალგლიში და ნორვეგიელი  ვირუსოლოგი ბირგერ სორენსენი წერდნენ, მათ კორონავირუსული ინფექციის ხელოვნური წარმოშობის თაობაზე მტკიცებულებები აქვთ.

აღნიშნული ინფორმაციების პასუხად ჩინეთის საგარეო საქმეთა სამინისტროს ოფიციალურმა წარმომადგენელმა განაცხადა, რომ COVID-19-ის წარმოშობას მეცნიერები უნდა იკვლევდნენ და არა სპეცსამსახურები.

მანამდე, მიმდინარე წლის მარტში, ჯანმომ გამოაქვეყნა ექსპერტთა საერთაშორისო ჯგუფის დასკვნა, რომლებიც უჰანში იმყოფებოდნენ კორონავირუსის წარმოშობის შესასწავლად. ექსპერტებმა მაშინ COVID-19-ის ლაბორატორიიდან გაჟონვის შესაძლებლობა „უკიდურესად ნაკლებსარწმუნოდ“ შეაფასეს.

შეერთებულმა შტატებმა და კიდევ 13-მა ქვეყანამ ერთობლივი განცხადება გამოაქვეყნეს, რომელშიც ჯანმოს ექსპერტთა ჯგუფის დასკვნების მიმართ ეჭვებია გამოთქმული და ხაზგასმითაა აღნიშნული, რომ COVID-19-ის წარმოშობის დასადგენად აუცილებელია „გამჭვირვალე და დამოუკიდებელი“ გამოძიების ჩატარება.

20
თემები:
საერთაშორისო პანორამა (474)
გიორგი გახარია

გიორგი გახარია ბრიუსელის შემდეგ შეხვედრებს აშშ–ში გამართავს

0
(განახლებულია 12:49 21.06.2021)
ვიზიტის ფარგლებში გახარიას შეხვედრები აქვს დაგეგმილი სახელმწიფო დეპარტამენტის, სხვადასხვა საერთაშორისო ორგანიზაციების, აკადემიური და პოლიტიკური წრეების წარმომადგენლებთან.

თბილისი, 21 ივნისი – Sputnik. საქართველოს ყოფილი პრემიერ-მინისტრი გიორგი გახარია ბრიუსელის შემდეგ სამუშაო ვიზიტით აშშ–ში გაემგზავრა, იუწყება პარტიის „საქართველოსთვის" პრეს-სამსახური.

ვაშინგტონში მას შეხვედრები აქვს დაგეგმილი აშშ–ის სახელმწიფო დეპარტამენტის, სხვადასხვა საერთაშორისო ორგანიზაციების, საექსპერტო, აკადემიური და პოლიტიკური წრეების წარმომადგენლებთან. გახარიასთან ერთად აშშ–ში გამგზავრნენ პარტიის პოლიტსაბჭოს წევრი კახაბერ ქემოკლიძე და ექს–პრემიერის პოლიტიკური მრჩეველი ლევან დოლიძე. 

გახარია აშშ–ში ბრიუსელიდან გ აემგზავრა, სადაც სამუშაო შეხვედრები გამართა დასავლელ პარტნიორებთან –  ევროპული საბჭოს პრეზიდენტის ოფისში, ევროპარლამენტის დეპუტატებთან, ევროკავშირის საგარეო საქმეთა და უსაფრთხოების პოლიტიკის სამსახურისა და ნატოს წარმომადგენლებთან.

გახარიამ პრემიერის პოსტი და მმართველი პარტია მიმდინარე წლის თებერვალში დატოვა. მიზეზი პარტიის ხელმძღვანელობასთან, მათ შორის, მის თავმჯდომარესთან ირაკლი კობახიძესთან უთანხმოება გახდა „ერთიანი ნაციონალური მოძრაობის" ლიდერის ნიკა მელიას დაპატიმრების გამო. წასვლის შემდეგ მან თავისი პარტია შექმნა, „ქართული ოცნება" გააკრიტიკა და ბრალად დასდო, რომ ის საკუთარ პარტიულ ინტერესებზე უფრო ზრუნავს, ვიდრე სახელმწიფოზე. ამის პასუხად მმართველმა პარტიამ და ბიძინა ივანიშვილმა გახარიას "სახელმწიფოს ღალატში" დასდეს ბრალი.

გადადგომის მომენტში გახარია პოპულარული პოლიტიკოსი იყო. მისმა პოსტებმა და ფოტოებმა სოციალურ ქსელებში ათასობით მოწონება დაიმსახურა, რაც ქართული პოლიტიკისთვის რეკორდია.

აშშ-ის საერთაშორისო რესპუბლიკური ინსტიტუტის (IRI) მიერ საზოგადოებრივი აზრის ბოლო გამოკითხვის თანახმად (2021 წლის თებერვალში, გადადგომამდე), საქართველოში პოპულარულ პერსონებს შორის, პატრიარქ ილია მეორის შემდეგ, გახარიას მეორე ადგილი ეკავა.

ჯერ კიდევ პარტიის შექმნამდე მან თავის მხარეს გადაიბირა პარლამენტის ექვსი დეპუტატი, ასევე სხვადასხვა სახელმწიფო სტრუქტურაში დასაქმებული რეგიონული ჩინოვნიკების ნაწილი.

0
თემები:
საქართველოს პოლიტიკური ცხოვრება