ჰანდე ერჩელი და ქერემ ბურსინი

ახალი გმირი სერიალში „ჩემს კარზე დააკაკუნე“ ვინ თამაშობს ედას და სერქანის შვილის როლს?

42
(განახლებულია 16:38 10.06.2021)
2021 წელს საქართველოში ერთ-ერთი ყველაზე პოპულარული თურქული სერიალია „ჩემს კარზე დააკაკუნე“, სადაც მაყურებელი ცოტა ხანში მთავარი როლის შემსრულებლების შვილს იხილავს.

პოპულარული თურქული სერიალის „ჩემს კარზე დააკაკუნე“ ახალ სეზონს მაყურებლები მოუთმენლად ელოდებიან. ამასობაში გამოქვეყნდა ახალი ვიდეოები, სადაც ჩანს, რომ სერიალის მთავარი გმირების ედას და სერქანის შვილის როლს ულამაზესი პატარა გოგონა ასრულებს.

ეს ლამაზი და საყვარელი გოგონა, რომელსაც შესანიშნავი სამსახიობო მონაცემებიც აღმოაჩნდა, მაია აბასოლია. მაია თურქეთში უკვე საკმაოდ პოპულარული გოგონაა. პატარა მოდელს უამრავი ხელმომწერი და გულშემატკივარი ჰყავს, რომლებსაც ეს სიახლე ძალიან ახარებთ.

საყვარელი გოგონა ძალიან აქტიურია, სხვადასხვა რეკლამებში იღებს მონაწილეობას. ცხადია, მაიას „ინსტაგრამს“ დედამისი მართავს და აკონტროლებს, რაც აუცილებელია.

არ წყდება ინტერესი მთავარი გმირების – ედას და სერქანის პირადი ცხოვრების, ასევე კარიერის შესახებ. წყვილს საქართველოშიც უამრავი თაყვანისმცემელი და გულშემატკივარი ჰყავს. სერიალის პირველი სეზონი აპრილის თვეში დასრულდა და ახლა თაყვანისმცემლები უკვე ახალი სერიების მოლოდინში არიან.

View this post on Instagram

A post shared by Kerem Bürsin (@thebursin)

მსახიობი და მოდელი ჰანდე ერჩელი წარმოშობით ბანდირმიდანაა. დაიბადა 1993 წლის 24 ნოემბერს. ჰანდეს მამა დღეს ვაჭრობითაა დაკავებული, დედა კი 2019 წელს გარდაეცვალა. ჰყავს უფროსი და გამზე ერჩელი. მსახიობი ურთიერთობაში იყო მომღერალ მურათ დალქილიჩთან. დღეს კი ბევრს საუბრობენ მისი და ქერემ ბურსინის სასიყვარულო ურთიერთობაზე.

View this post on Instagram

A post shared by Kerem Bürsin (@thebursin)

რაც შეეხება ქერემ ბურსინს, ის დაიბადა 1987 წლის 4 ივნისს სტამბულში. არ არის და არც ყოფილა დაოჯახებული. 1999 წლიდან მშობლებთან და დასთან ერთად ტეხასში გადავიდა საცხოვრებლად. სწავლობდა ემერსონის კოლეჯში. ასევე დაამთავრა ბოსტონის უნივერსიტეტი. სწავლის დასრულების შემდეგ დაბრუნდა თურქეთში, რაც ბევრს უკვირდა.

View this post on Instagram

A post shared by Kerem Bürsin (@thebursin)

რაც შეეხება ჰანდეს და ქერემის სასიყვარულო ურთიერთობას, ამაზე ბევრს საუბრობენ თურქულ და არა მარტო თურქულ პრესაში. ჰანდე ერჩელი და ქერემ ბურსინი კი აღარ მალავენ თავიანთ სიყვარულს. წყვილმა საბოლოოდ დაადასტურა, რომ ერთად არიან. წყვილის ურთიერთობით აღფრთოვანებული არიან მათი ოჯახის წევრები და სოციალურ ქსელებში ხშირად ასაჯაროებენ ერთად გადაღებულ, საოჯახო ფოტოებს.

42
თემები:
ვარსკვლავური ამბები (12)
საფრანგეთის პოლიცია

საფრანგეთში 16 წლის საქართველოს მოქალაქე თანატოლებმა მოკლეს

55
(განახლებულია 15:50 19.06.2021)
ქალაქ რუანის მერი მოქალაქეებს აფრთხილებს, გამოძიების შედეგებს დაელოდონ და ქალაქში ვითარება არ დაძაბონ. 

თბილისი, 19 ივნისი — Sputnik. საფრანგეთის ქალაქ რუანის გარეუბანში, სოტევილ-ლე-რუანში (Sotteville-les-Rouen) საქართველოს 16 წლის მოქალაქე მოკლეს, იუწყება ტელეკომპანია „ფორმულა“.

გავრცელებული ინფორმაციით, მოზარდი ჯგუფებს შორის დაპირისპირებას 13 ივნისს საღამოს ემსხვერპლა. ის დანით მიყენებული ჭრილობების შედეგად ადგილზევე გარდაიცვალა.

ექსპერტიზის დასკვნის მიხედვით, ბიჭს დაზიანებები ძირითადად თავის არეში სხვადასხვა საგნით აქვს მიყენებული.

როგორც თვითმხილველები აცხადებენ, დაპირისპირებაში რამდენიმე ათეული ადამიანი მონაწილეობდა, რომლებსაც ხელში რკინის ხელკეტები და ბლაგვი საგნები ეჭირათ.

მომხდარზე გამოძიება განზრახ მკვლელობის მუხლით მიმდინარეობს.

დაღუპული საქართველოს მოქალაქე რუანის სკოლის მოსწავლე იყო, ის საფრანგეთში ოჯახთან ერთად ცხოვრობდა.

თვითმხილველების განცხადებით, ხელჩართული ჩხუბი, სავარაუდოდ, ორი უბნის მცხოვრებლებს შორის დაპირისპირებას მოყვა. დაპირისპირების მიზეზი ჯერჯერობით უცნობია.

მკვლელობიდან რამდენიმე საათში დააკავეს 2002 წელს დაბადებული ერთი პირი, რომელიც მალევე გაათავისუფლეს, რადგან მისი მონაწილეობა კონფლიქტში არ დადასტურდა. შემდგომში დააკავეს 2005 წელს დაბადებული ორი მოზარდი, ისინი ამ დრომდე რჩებიან წინასწარი დაკავების იზოლატორში ეჭვმიტანილის სტატუსით.

გარდაცვლილ ახალგაზრდას ორშაბათს დაკრძალავენ. დაკრძალვის პროცესიაში გარდაცვლილის ოჯახის წევრების გარდა საფრანგეთში მცხოვრები სხვა ქართველებიც მიიღებენ მონაწილეობას, რასთან დაკავშირებითაც ქალაქის მერია მოუწოდებს მათ, არ შეეცადონ სისხლიან გარჩევაში მონაწილე პირების იდენტიფიცირებას და დაელოდონ გამოძიებას.

55
პრინცი ჰარი და მეგან მარკლი

მეგან მარკლის ფოტოები, რომელთა გაქრობაზეც სამეფო ოჯახი ოცნებობს

56
(განახლებულია 13:10 18.06.2021)
მეგან მარკლს ბრიტანეთის სამეფო ოჯახის ყველაზე მეამბოხე წევრს უწოდებენ. მან ნამდვილად შეცვალა პრინცის ცხოვრება და არაერთი სამეფო ტრადიცია დაარღვია.

სანამ პრინც ჰარის ცოლი გახდებოდა, ბრიტანული ტაბლოიდები ბევრს წერდნენ მის წარსულზე და ამბობდნენ, რომ მისი ძველი ცხოვრების წესი არისტოკრატიისთვის შეუფერებელი იყო. მართალია, მსახიობმა შეიცვალა ჩაცმის სტილი და მედიაშიც ხშირად აღარ ჩნდება, თუმცა ინტერნეტში დღემდე მოიპოვა მისი ძველი ფოტოები. სურათები, რომლებიც ნამდვილ და ლაღ მეგან მარკლს ასახავენ და ფოტოები, რომელთა არსებობაც, დიდი ალბათობით, სამეფო ოჯახს სულაც არ სიამოვნებს.

​ინტერნეტში არსებობს მეგანის გამოსაშვები საღამოს ფოტოები, სადაც ჩანს, თუ როგორ ერთობა ის, როგორ მხიარულად ატარებს დროს მეგობრებთან ერთად. თუმცა გართობის ასეთი ფორმა ბრიტანული მაღალი საზოგადოებისთვის შეუფერებელია.

მეგან მარკლი 22 წლის იყო როდესაც პირველი ოფიციალური ფოტოსესია მოეწყო მისთვის და სურათებში საკმაოდ სექსუალურად გამოიყურება.  მეგანს ფოტოები გადაუღეს General Hospital-სთვის, სადაც პირველად გამოჩნდა ეკრანზე. ეს ფოტოები გადაღებულია 8 წლით ადრე მანამდე, სანამ პოპულარულ სერიალ Suits-ში რეიჩელის როლს შეასრულებდა.

​აღსანიშნავია, რომ ცხოვრების ამ ეტაპით მეგანი თავადაც არ ამაყობს, თუმცა სამეფო ოჯახისთვის მისი ამგვარი სამსახური კატეგორიულად მიუღებელია და ამჯობინებენ, რომ ფოტოები, რომელიც მარკლის აღნიშნულ სამსახურს ასახავს, საერთოდ არ არსებობდეს.

​სანამ პრინც ჰარის გაჰყვებოდა ცოლად, მეგან მარკლი დაქორწინებული იყო პროდიუსერ ტრევორ ენგელსონზე. წყვილმა ერთმანეთი 2004 წელს გაიცნო, 2011 წელს დაქორწინდნენ, ხოლო 2013 წელს ერთმანეთს დაშორდნენ. ეს კიდევ ერთი თავია მეგან მარკლის ცხოვრებიდან, რომელზე საუბარიც სამეფო ოჯახისთვის არცთუ ისე სასიამოვნოა.

​მას შემდეგ, რაც მეგანი სერიალ Suit-ში გამოჩნდა, მან დიდი წარმატება მოიპოვა და ხშირად იყო სხვადასხვა დაჯილდოებების სტუმარი, ხშირად ჩნდებოდა წითელ ხალიჩაზე, ხოლო მისი მაშინდელი სტილი შეუფერებელი იყო სამეფო ოჯახის სტილისთვის. ამიტომაც იმ პერიოდის ფოტოების ნახვა ბრიტანული არისტოკრატიისთვის სასიამოვნო სულაც არ არის.

56
თემები:
სამეფო ოჯახის ამბები
38 წლის მომღერალი მარინა აბროსიმოვა, რომელსაც იცნობენ ფსევდონიმით МакSим,

ცნობილი რუსი მომღერალი კორონავირუსის გამო ხელოვნურ კომაში შეიყვანეს

0
(განახლებულია 16:29 19.06.2021)
ახალგაზრდა მომღერალს დაუდასტურდა პნევმონია ფილტვების მასშტაბური დაზიანებით და სისხლში ჟანგბადის დაბალი დონით.

თბილისი, 19 ივნისი — Sputnik. 38 წლის მომღერალი მარინა აბროსიმოვა, რომელსაც იცნობენ ფსევდონიმით МакSим, ფილტვის ხელოვნური ვენტილაციის აპარატზე შეაერთეს და ხელოვნურ კომაში შეიყვანეს, იუწყება РИА Новости მომღერლის წარმომადგენელზე დაყრდნობით.

მომღერლის მენეჯერმა დააზუსტა, რომ არტისტს დაუდასტურდა პნევმონია ფილტვების მასშტაბური დაზიანებით და სისხლში ჟანგბადის დაბალი დონით. მიუხედავად იმისა, რომ კორონავირუსზე ტესტი უარყოფით შედეგს აჩვენებს, ექიმებს მიაჩნიათ, რომ საქმე სწორედ COVID-19-თან აქვთ.

„ჟანგბადზე რეაქცია არ ჰქონდა, ფილტვები არ იწმინდებოდა, ამიტომ ექიმმა მისი კომაში შეყვანა გადაწყვიტა“, - განმარტა მან.

მან აღნიშნა, რომ МакSим კომაში რამდენიმე დღის განმავლობაში იქნება.

„ექიმი საკმაოდ პოზიტიურ პროგნოზს გვაძლევს, ანუ ეს იძულებით გაკეთდა იმისათვის, რომ არ შეიქმნას ჟანგბადის ნაკლებობა, ამიტომ ახლა ყველა ძალა მიმართულია იქითკენ, რომ გაიწმინდოს ფილტვები, შესაბამისად, კომიდან ნელ-ნელა გამოიყვანენ და მკურნალობაზე რეაქციას დააკვირდებიან“, - განაცხადა მომღერლის წარმომადგენელმა.

0