პოლიცია ინდოეთში

ბრალდებულია მკვლელობაში: დაკავებულია ოლიმპიური ჩემპიონი ვიდეო

105
(განახლებულია 17:11 09.06.2021)
ქვეყნის ყველაზე ტიტულოვან სპორტსმენს, თავისუფალ ჭიდაობაში ოლიმპიურ ჩემპიონს მკვლელობასა და დანაშაულებრივ შეთქმულებაში ედება ბრალი.

თბილისი, 9 ივნისი − Sputnik. თავისუფალ ჭიდაობაში ოლიმპიური ჩემპიონს, ინდოელ სუშილ კუმარს მკვლელობასა და დანაშაულებრივ შეთქმულებაში ედება ბრალი, იუწყება სააგენტო Xinhuanet დელის პოლიციაზე დაყრდნობით.

​გავრცელებული ინფორმაციით, დელის სტადიონ ჩხატრასალზე ჩხუბი დაიწყო, რომელშიც დაახლოებით 20 კაცი მონაწილეობდა. საბოლოოდ შეხლა-შემოხლა სროლაში გადაიზარდა, რა დროსაც სამი ადამიანი დაშავდა, მათ შორის, 23 წლის სპორტსმენი საგარ დჰანკარი, რომელიც საავადმყოფოში გადაყვანის შემდეგ გარდაიცვალა.

ადგილზე გამოცხადებულმა პოლიციამ სტადიონის მახლობლად გაჩერებულ ავტომობილში თოფი და ვაზნები იპოვა, ხოლო ავტოსადგომთან − სისხლის კვალი.

არსებული ცნობით, კონფლიქტის ერთ-ერთი წამომწყები, 37 წლის სუშილ კუმარი შემთხვევის ადგილიდან მიიმალა და პოლიციამ მისი დაკავება მხოლოდ სამი კვირის შემდეგღა შეძლო − ერთ-ერთი მეტროს სადგურის მახლობლად განლაგებული სათვალთვალო კამერების წყალობით.

სპორტსმენის ძებნის პროცესში პოლიცია 100 ათას რუპიას ჰპირდებოდა ჯილდოდ ნებისმიერს, ვინც რაიმე სახის ინფორმაციას მიაწვდიდა სამართალდამცველებს კუმარის შესახებ. საბოლოოდ ის მეტროს მახლობლად დააკავეს.

ოლიმპიურ ჩემპიონს მკვლელობაში, გატაცებასა და დანაშაულებრივ შეთქმულებაში ედება ბრალი. კუმარის დაცვის მხარე აცხადებს, რომ მოჭიდავე უარყოფს მისთვის წაყენებულ ბრალდებას.

სპორტსმენის ვერსიით, სტადიონზე მოჭიდავეების ორი ჯგუფი შეეჯახა ერთმანეთს, ხოლო როდესაც კუმარი ადგილზე მივიდა, მოჩხუბრები გაიქცნენ.

„მოწმეები არ არიან. ზოგი გავლენიანი ადამიანი კულისებს მიღმა იმალება, რათა ჩემი კლიენტი ჩაითრიოს [საქმეში] და ძველი ანგარიშები გაასწოროს“, − აცხადებს ადვოკატი.

სუშილ კუმარი ინდოეთის ერთ-ერთი ყველაზე ტიტულოვანი სპორტსმენია. ის ოლიმპიური თამაშების ერთადერთი ორგზის ჩემპიონია ქვეყანაში და ასევე ერთადერთი ინდოელი, რომელიც ჭიდაობაში მსოფლიო ჩემპიონი გახდა. ამ დროისათვის კუმარი ოფიციალურ თანამდებობაზე მუშაობს დელის სპორტის დეპარტამენტში.

105
თემები:
საერთაშორისო პანორამა (468)

ბაიდენის პრესკონფერენცია სკანდალით დასრულდა - ვიდეო

20
(განახლებულია 11:50 17.06.2021)
აშშ-ის ლიდერმა ერთ-ერთ ჟურნალისტს განუცხადა, რომ, რადგან მას პრეზიდენტის ნათქვამი არ ესმის, ესე იგი, შეუსაბამო საქმიანობითაა დაკავებული

პრეზიდენტ ჯო ბაიდენს რუსეთის ლიდერ ვლადიმერ პუტინთან მოლაპარაკებების შემაჯამებელ პრეს-კონფერენციაზე CNN-ის ჟურნალისტ კეიტლინ კოლინზთან უთანხმოება მოუვიდა. მედიის წარმომადგენლებთან შეხვედრის განრიგი თეთრი სახლის პრეს-სამსახურმა გამოაქვეყნა.

ჟურნალისტებთან შეხვედრის მიწურულს, როდესაც ბაიდენი უკვე წასვლას აპირებდა, კოლინზმა მას ჰკითხა: „დარწმუნებული ბრძანდებით, რომ პუტინი საკუთარ ქცევებს შეცვლის?“

ბაიდენი დაბრუნდა და უპასუხა: არ ვარ დარწმუნებული, რომ შეცვლის საკუთარ ქცევებს. რას აკეთებდით მთელი ამ დროის განმავლობაში, როდესაც ვთქვი, რომ დარწმუნებული ვარ?..

ჟურნალისტი მას კვლავ ჩაეძია: დიახ, მაგრამ, მისი ქცევა არ შეცვლილა, და პრეს-კონფერენციაზე, თქვენთან ერთად რამდენიმე საათის განმავლობაში ის უარყოფდა კიბერშეტევებში საკუთარ როლს, მან ასევე ნაკლები ყურადღება დაუთმო ადამიანის უფლებების დარღვევის მნიშვნელობას, უარი თქვა ალექსეი ნავალნის სახელის თქმაზეც. მაშასე, რამდენად კონსტრუქციული იყო ეს შეხვედრა, როგორც ეს პრეზიდენტმა პუტინმა თქვა?

ბაიდენი: თუ ეს არ გესმით, ესე იგი თქვენთვის შეუფერებელ საქმიანობას ეწევით.“

ტელეარხ CNN-ის ცნობით, პრეზიდენტმა ჟურნალისტს მოგვიანებით ბოდიში მოუხადა.

კოლინზმა მას მიუგო, რომ ბოდიში აუცილებელი არ იყო, ვინაიდან შეკითხვების დასმა მის საქმიანობის ძირითადი ნაწილია.

20
Facebook

კონფლიქტები აღარ იქნება: Facebook-ი ახალ პროგრამას ტესტავს

12
(განახლებულია 11:06 17.06.2021)
მარკირებისა და შეტყობინების ახალი ინსტრუმენტი ადმინისტრატორს საშუალებას მისცემს, სწრაფად შეზღუდოს ადამიანებს სორის კონფლიქტი ჯგუფებში

თბილისი, 17 ივნისი — Sputnik. სოციალური ქსელი Facebook-ი ტესტავს ხელოვნური ინტელექტს, რომელიც ჯგუფებში შეურაცხმყოფელ კომენტარებს  მონიშნავს, იუწყება CNN.

გავრცელებული ინფორმაციით, პროგრამის მიზანია, გაუადვილოს მოდერატორებს მუშაობა, რათა მათ დროულად აღმოფხვრან კონფლიქტები სოციალური ქსელების ჯგუფებში.

ხელოვნური ინტელექტი, მას შემდეგ, რაც პოტენციურად კონფლიქტურ კომენტარს მონიშნავს, ჯგუფის ადმინისტრატორს შესაბამის შეტყობინებას გაუგზავნის, რომელიც ცალკეულ იუზერებს კომენტირების შესაძლებლობას შეუზღუდავს — შეუნელებს მუშაობას ან შეუმცირებს კომენტარების რაოდენობას.

გარდა ამისა,  მიუღებელი ლექსიკის გამოყენების შემთხვევაში მომხმარებელი Moderation alert-ს (მოდერატორის გაფრთხილებას) მიიღებს.

როგორც Facebook-ში აცხადებენ, მარკირებისა და შეტყობინების ახალი ინსტრუმენტი დაეხმარება იმ 70 მილიონ ადამიანს, რომლებიც ადმინისტრირებას უწევენ სოციალური ქსელების გვერდებს.

ამასთან აღინიშნება, რომ ახალი შეზღუდვები არ იქნება გამოყენებული ისეთი თემების შემთხვევაში, როგორებიცაა: ვაქცინაცია, პოლიტიკა თუ კულტურული განსხვავებები.

12
თემები:
საერთაშორისო პანორამა (468)
კესარია აბრამიძე

„ვასაძეს უნდა გავყვე ცოლად, რომ დავამშვიდო...“ - კესარია აბრამიძის სკანდალური განცხადება

0
(განახლებულია 11:59 17.06.2021)
ცნობილი ტრანსგენდერი მოდელი კესარია აბრამიძე ლგბტ ადამიანების წინააღმდეგ მებრძოლი ბიზნესმენის ლევან ვასაძის დამშვიდებას უცნაური ხერხით აპირებს

ცნობილი ტრანსგენდერი მოდელი კესარია აბრამიძე ამბობს, რომ ბიზნესმენ ლევან ვასაძეს ცოლად უნდა გაჰყვეს, რომ დაამშვიდოს. ეს განცხადება კესარიამ ტელეკომპანია „პირველის“ გადაცემაში „პირველ ხაზზე“ გააკეთა, სადაც წამყვანმა ჰკითხა, თუ ყოფილან მის ცხოვრებაში „გაჭენებული ჰომოფობები“, რომლებიც მერე ლოიალურები გახდნენ.

„მე რომ დამინახეს და დამშვიდდნენ მერე? კი, ყოფილან. მგონი ლევან ვასაძეს უნდა გავყვე ცოლად და დავამშვიდო. ცოტა მოვალბო ლგბტ ადამიანების მიმართ. თეთრი კაბით კი ვარ, შემოაგორეთ სტუდიაში. ნუ, ეს რა თქმა უნდა, ხუმრობით. მგონი ასეთი ადამიანები კი არიან ერთი, ან ორი, მაგრამ დაიკუჭებიან და ნაგვის ურნაში ჩაიყრებიან“, - განაცხადა კესარიამ.

View this post on Instagram

A post shared by Kesaria (@kesaria_official)

„თბილისი პრაიდის“ ჩატარება 18-23 ივნისს არის დაგეგმილი. ვასაძემ „თბილისი პრაიდის“ წინააღმდეგ თვითორგანიზებული სახალხო რაზმების შექმნა დაანონსა. პრაიდის ორგანიზატორების განმარტებით, ვასაძის განცხადებები შეიცავს სისხლის სამართლის კოდექსის 223-ე (უკანონო ფორმირების შექმნა) და 144-ე (თავისუფლების უკანონო აღკვეთა) მუხლებით გათვალისწინებული განსაკუთრებით მძიმე დანაშაულის ნიშნებს.

0
თემები:
ქართველი სელებრითები