დაკავებული ქალი ხელბორკილით

ფასით უკმაყოფილო ქალმა სილამაზის სალონის მეპატრონე დაჭრა ვიდეო შემთხვევის ადგილიდან

174
(განახლებულია 14:50 08.06.2021)
მკერდში დაჭრილი 42 წლის მამაკაცი საავადმყოფოშია გადააყვანილი, მისი მდგომარეობა „სტაბილურად კრიტიკულია“.

თბილისი, 8 ივნისი − Sputnik. ტეხასის პოლიციამ დააკავა ქალი, რომელმაც სილამაზის სალონში ცეცხლი გახსნა და მისი მეპატრონე დაჭრა, რადგან მომსახურების ღირებულებით უკმაყოფილო დარჩა, იუწყება გამოცემა NBC News.

გავრცელებული ინფორმაციით, შემთხვევა მაისის ბოლოს მოხდა ჰიუსტონში.  

​ოლქის შერიფის თქმით, ჯოანა ვარამ და მისმა დამ მანიკიური და პედიკიური გაიკეთეს სალონ Katy Nails-ში 29 მაისს, რის შემდეგაც კამათი მოუვიდათ სალონის მფლობელთან, 42 წლის მამაკაცთან – სერვისის საფასურის გამო.

პოლიციის ინფორმაციით, კამათის დროს ჯოანა ვარა რაღაც დროით გავიდა სალონიდან და ცოტა ხანში დაბრუნდა. სალონის მფლობელმა მისი გარეთ გაგდება სცადა, მაგრამ ქალმა პისტოლეტი ამოიღო და ესროლა. ამის შემდეგ ორივე ქალი გაიქცა შემთხვევის ადგილიდან.

მკერდში დაჭრილი მამაკაცი საავადმყოფოში გადაიყვანეს. ამ დროისათვის ის სტაბილურად კრიტიკულ მდგომარეობაშია.

საბოლოოდ პოლიციამ ვარას ადგილსამყოფელი დაადგინა და დააპატიმრა. სასამართლომ მას ასევე დააკისრა 75 ათასი დოლარის ოდენობის ჯარიმის გადახდა. რაც შეეხება ჯოანას დას, სამართალდამცველებმა თავიდან ისიც დააკავეს პასუხისმგებლობისგან თავის არიდების გამო, თუმცა შემდეგ გაათავისუფლეს.

174
თემები:
საერთაშორისო პანორამა (465)
ვლადიმი8რ პუტინი

რატომ შეხვდნენ ერთმანეთს რუსეთის და აშშ-ის პრეზიდენტები: პუტინმა 9 წლის გოგონას უპასუხა

5
რუსეთის პრეზიდენტის თქმით, ორი ქვეყნის ლიდერები იმისათვის ხვდებიან, რომ სამყარო ჩვენი პლანეტის ყველა მცხოვრებისთვის აყვავებულ სახლად აქციონ.

თბილისი, 16 ივნისი - Sputnik. რუსეთის პრეზიდენტმა ვლადიმირ პუტინმა უპასუხა კანადელი ჟურნალისტის ცხრა წლის ქალიშვილის კითხვას იმაზე, თუ რისთვისაა საჭირო მისი და აშშ-ის პრეზიდენტის, ჯო ბაიდენის შეხვედრა და რატომაა ის ასეთი მნიშვნელოვანი.

„პასუხი მარტივია. საჭიროა ირგვლივ მიმოიხედო და თქვა: „ხედავ, როგორი მშვენიერია ეს სამყარო?! და ზრდასრული ადამიანები, ორი ქვეყნის, უმსხვილესი სახელმწიფოების ხელმძღვანელები ერთმანეთს ხვდებიან იმისათვის, რომ ეს სამყარო აქციონ უსაფრთხო, საიმედო, აყვავებულ სახლად ჩვენი პლანეტის ყველა მცხოვრებისთვის. ისინი ისაუბრებენ საშიშ იარაღთან დაკავშირებულ საკითხებზე, რომელიც უნდა შეიზღუდოს, და შეიმუშავებენ მისი არგამოყენების საერთო წესებს. ისინი ისაუბრებენ გარემოს დაცვაზე, იმაზე, რომ მდინარეები და ზღვები იყოს სუფთა, რათა არ მოხდეს წყალდიდობები, გვალვები, რათა საკმარისი სურსათი იყოს პლანეტის ყველა ბინადარისთვის, სადაც არ უნდა იმყოფებოდნენ ისინი. ისაუბრებენ ჯანდაცვის საკითხებზე, რათა როდესაც ბავშვები იზრდებიან, მათ ნაკლებად იავადმყოფონ, შეძლონ სწავლა და მომავლის არ შეეშინდეთ“. ვისურვებდი, ჩვენი დღევანდელი შეხვედრა, პატივცემულო ქალბატონებო და ბატონებო (მიმართა ჟურნალისტებს, - რედ.), გააშუქოთ სწორედ ამ მოსაზრებებიდან გამომდინარე“, - აღნიშნა პუტინმა პრესკონფერენციაზე.

პრეზიდენტების შეხვედრა ჟენევაში სამ საათ-ნახევარი გაგრძელდა. შედგა ერთი ვიწრო ფორმატის და ერთიც ფართო ფორმატის შეხვედრა. წინასწარი ინფორმაციით, უნდა გამართულიყო გაფართოებული ფორმატის ორი შეხვედრა.

თეთრი სახლის ინფორმაციით, ბაიდენის პრესკონფერენცია თბილისის დროით 21:30 სთ-ზე გაიმართება. წყარომ დელეგაციიდან „რია ნოვოსტის“ აცნობა, რომ პრეზიდენტების მოლაპარაკებამ „სავსებით წარმატებით“ ჩაიარა.

5
აშშ-ის და რუსეთის პრეზიდენტები

რა ამოიკითხეთ ბაიდენის თვალებში: პუტინმა ჟურნალისტის კითხვას უპასუხა

14
რუსეთის პრეზიდენტ ვლადიმირ პუტინისა და აშშ-ის პრეზიდენტ ჯო ბაიდენის შეხვედრა ჟენევაში სამ საათ-ნახევარი გაგრძელდა.

თბილისი, 16 ივნისი - Sputnik. რუსეთის პრეზიდენტმა ვლადიმირ პუტინმა უპასუხა ამერიკელი ჟურნალისტის კითხვას იმაზე, თუ რა ამოიკითხა მან აშშ-ის პრეზიდენტ ჯო ბაიდენის თვალებში ჟენევაში გამართული შეხვედრისას.

ჟურნალისტმა დასძინა, რომ რამდენიმე წლის წინ ბაიდენმა, როდესაც იგი ვიცეპრეზიდენტი იყო, რუსეთის ლიდერთან შეხვედრის შემდეგ აღნიშნა, რომ პუტინს თვალებში ჩახედა და იქ სული ვერ დაინახა. ჟურნალისტი დაინტერესდა, ჩახედა თუ არა პუტინმა ბაიდენს თვალებში დღევანდელ შეხვედრაზე და რა დაინახა.

„ბაიდენი ძალიან კონსტრუქციული, გაწონასწორებული ადამიანია, როგორც ველოდი კიდეც. ძალიან გამოცდილი. მან გაიხსენა თავისი ოჯახი, რაზე ესაუბრებოდა დედა. ეს მნიშვნელოვანია. თითქოს პირდაპირ არ უკავშირდება საქმეს, მაგრამ მისი მორალური ფასეულობების ხარისხს ავლენს. ეს ყველაფერი საკმაოდ მიმზიდველია და, ვფიქრობ, მთლიანობაში ერთ ენაზე ვსაუბრობდით. ეს სულაც არ ნიშნავს, რომ აუცილებელია სულში, თვალებში ჩაიხედო და სამუდამო სიყვარული და მეგობრობა შეჰფიცო. ჩვენ ჩვენი ქვეყნების, ხალხების ინტერესებს ვიცავთ და ეს ურთიერთობები ყოველთვის პრაგმატული ხასიათისაა“, - აღნიშნა პუტინმა პრესკონფერენციაზე.

პრეზიდენტების შეხვედრა ჟენევაში სამ საათ-ნახევარი გაგრძელდა. შედგა ერთი ვიწრო ფორმატის და ერთიც ფართო ფორმატის შეხვედრა. წინასწარი ინფორმაციით, უნდა გამართულიყო გაფართოებული ფორმატის ორი შეხვედრა.

თეთრი სახლის ინფორმაციით, ბაიდენის პრესკონფერენცია თბილისის დროით 21:30 სთ-ზე გაიმართება. წყარომ დელეგაციიდან „რია ნოვოსტის“ აცნობა, რომ პრეზიდენტების მოლაპარაკებამ „სავსებით წარმატებით“ ჩაიარა.

14