რეჯეფ თაიიფ ერდოღანი

მარმარილოს ზღვა ლორწოთი დაიფარა: ერდოღანი პრობლემის გადაჭრის პირობას დებს

109
(განახლებულია 12:17 06.06.2021)
ინფორმაცია იმის შესახებ, რომ მარმარილოს ზღვა ლორწოთი დაიფარა, პარასკევს გავრცელდა. გელის მსგავსი ნივთიერება წყლის სიღრმეშიც შეინიშნება. ამხელა მასშტაბის მოვლენა მანამდე არ დაფიქსირებულა, აცხადებენ თურქი მეცნიერები.

თბილისი, 6 ივნისი – Sputnik. თურქეთის პრეზიდენტმა რეჯეფ თაიიფ ერდოღანმა მარმარილოს ზღვაში ლორწოს პრობლემის აღმოფხვრის პირობა დადო, იუწყება სააგენტო Anadolu.

ინფორმაცია იმის შესახებ, რომ მარმარილოს ზღვა ლორწოთი დაიფარა, პარასკევს გავრცელდა. ექსპერტების თქმით, გელის მსგავსი ნივთიერება წყლის სიღრმეშიც შეინიშნება. მათი თქმით, ამხელა მასშტაბის მოვლენა მანამდე არ დაფიქსირებულა.

მეცნიერთა თქმით, ზღვის წყალში ჟანგბადის დონე მნიშვნელოვნად შემცირდა, პრობლემის აღმოსაფხვრელად გადაუდებელი ზომების მიღებაა საჭირო.

„ჩვენ გადავარჩენთ ჩვენს ზღვებს, განსაკუთრებით კი მარმარილოს ზღვას ან ლორწოს პრობლემისგან“, - განაცხადა ერდოღანმა სტამბოლში გამართულ ცერემონიაზე, რომელიც გარემოს მსოფლიო დღეს მიეძღვნა.

მისი თქმით, დაბინძურების წყაროს აღმოსაჩენად 300-კაციანი ჯგუფი ატარებს შემოწმებას მარმარილოს ზღვის 90-ზე მეტ წერტილში, ასევე ხმელეთზე მდებარე ყველა ობიექტზე, რომელიც საკანალიზაციო წყლების გაწმენდით და მყარი ნარჩენების უტილიზაციითაა დაკავებული.

პარასკევს სააგენტო DHA-მ გაავრცელა ინფორმაცია, რომ თურქი მეცნიერები ატარებენ ლორწოს კვლევებს, რომელმაც მარმარილოს ზღვა სტამბოლის რაიონში დაფარა და გადაუდებელი ზომების განხორციელებისკენ მოუწოდებენ.

თურქეთის ახლო აღმოსავლეთის ტექნიკური უნივერსიტეტის (ODTU) დირექტორის, ბარიშ სალიოღლუს თქმით, ზღვაში ლორწოს ფორმირებაში მნიშვნელოვანი წვლილი შეაქვს დაბინძურებულ ჩამდინარე წყლებს, რომლებიც ზღვაში სამრეწველო საწარმოებიდან ჩაედინება, ასევე მდინარეების ჩატანილ წყლებს. მან აღნიშნა, რომ ჩამდინარე წყლებში მარილების დონე ორჯერ უნდა შემცირდეს, მაშინ ჟანგბადის დონე ზღვის წყალში 5-6 წლის შემდეგ აღდგება.

109
პრინცი ჰარი და მეგან მარკლი

მეგან მარკლის ფოტოები, რომელთა გაქრობაზეც სამეფო ოჯახი ოცნებობს

8
(განახლებულია 13:10 18.06.2021)
მეგან მარკლს ბრიტანეთის სამეფო ოჯახის ყველაზე მეამბოხე წევრს უწოდებენ. მან ნამდვილად შეცვალა პრინცის ცხოვრება და არაერთი სამეფო ტრადიცია დაარღვია.

სანამ პრინც ჰარის ცოლი გახდებოდა, ბრიტანული ტაბლოიდები ბევრს წერდნენ მის წარსულზე და ამბობდნენ, რომ მისი ძველი ცხოვრების წესი არისტოკრატიისთვის შეუფერებელი იყო. მართალია, მსახიობმა შეიცვალა ჩაცმის სტილი და მედიაშიც ხშირად აღარ ჩნდება, თუმცა ინტერნეტში დღემდე მოიპოვა მისი ძველი ფოტოები. სურათები, რომლებიც ნამდვილ და ლაღ მეგან მარკლს ასახავენ და ფოტოები, რომელთა არსებობაც, დიდი ალბათობით, სამეფო ოჯახს სულაც არ სიამოვნებს.

​ინტერნეტში არსებობს მეგანის გამოსაშვები საღამოს ფოტოები, სადაც ჩანს, თუ როგორ ერთობა ის, როგორ მხიარულად ატარებს დროს მეგობრებთან ერთად. თუმცა გართობის ასეთი ფორმა ბრიტანული მაღალი საზოგადოებისთვის შეუფერებელია.

მეგან მარკლი 22 წლის იყო როდესაც პირველი ოფიციალური ფოტოსესია მოეწყო მისთვის და სურათებში საკმაოდ სექსუალურად გამოიყურება.  მეგანს ფოტოები გადაუღეს General Hospital-სთვის, სადაც პირველად გამოჩნდა ეკრანზე. ეს ფოტოები გადაღებულია 8 წლით ადრე მანამდე, სანამ პოპულარულ სერიალ Suits-ში რეიჩელის როლს შეასრულებდა.

​აღსანიშნავია, რომ ცხოვრების ამ ეტაპით მეგანი თავადაც არ ამაყობს, თუმცა სამეფო ოჯახისთვის მისი ამგვარი სამსახური კატეგორიულად მიუღებელია და ამჯობინებენ, რომ ფოტოები, რომელიც მარკლის აღნიშნულ სამსახურს ასახავს, საერთოდ არ არსებობდეს.

​სანამ პრინც ჰარის გაჰყვებოდა ცოლად, მეგან მარკლი დაქორწინებული იყო პროდიუსერ ტრევორ ენგელსონზე. წყვილმა ერთმანეთი 2004 წელს გაიცნო, 2011 წელს დაქორწინდნენ, ხოლო 2013 წელს ერთმანეთს დაშორდნენ. ეს კიდევ ერთი თავია მეგან მარკლის ცხოვრებიდან, რომელზე საუბარიც სამეფო ოჯახისთვის არცთუ ისე სასიამოვნოა.

​მას შემდეგ, რაც მეგანი სერიალ Suit-ში გამოჩნდა, მან დიდი წარმატება მოიპოვა და ხშირად იყო სხვადასხვა დაჯილდოებების სტუმარი, ხშირად ჩნდებოდა წითელ ხალიჩაზე, ხოლო მისი მაშინდელი სტილი შეუფერებელი იყო სამეფო ოჯახის სტილისთვის. ამიტომაც იმ პერიოდის ფოტოების ნახვა ბრიტანული არისტოკრატიისთვის სასიამოვნო სულაც არ არის.

8
თემები:
სამეფო ოჯახის ამბები

ჩინეთში მრავალსართულიან საცხოვრებელ სახლებს ერთ დღე-ღამეში აშენებენ - ვიდეო

35
ჩინეთში ერთ-ერთმა სამშენებლო კომპანიამ 10 სართულიანი საცხოვრებელი კორპუსი 28 საათსა და 45 წუთში ააშენა

გავრცელებული ინფორმაციის თანახმად, სახლი ასაწყობი კონსტრუქციების სისტემის Living Building გამოყენებით აშენდა.

ეს სისტემა გამოირჩევა იმით, რომ თითოეული სამშენებლო მოდული საკეცილ მდგომარეობაში სატრანსპორტო კონტეინერის ზომისაა, რაც აადვილებს მის ტრანსპორტირებას მსოფლიოს ნებისმიერ წერტილში.

მოდული შედგება უჟანგავი მეტალისგან, იზოლაციისგან, შუშის, ელექტრონული და სავენტილაციო სისტემებისგან. შენობის ასაგებად კომპანია იყენებდა მშენებლების პატარა მცირერიცხოვან ბრიგადას და სამ ამწეს.

35
მომავლის გზა - მამა და შვილი

საქართველოში მამის დღე აღინიშნება

0
(განახლებულია 14:41 19.06.2021)
მამის დღე ახსენებს საზოგადოებას, თუ რამდენად დიდია შვილების აღზრდის პროცესში მამების ჩართულობა და აქტივობა.

თბილისი, 19 ივნისი — Sputnik. საქართველოში 20 ივნისს მამის საერთაშორისო დღეს აღნიშნავენ.

მამის დღე საქართველოში, გაეროს მოსახლეობის ფონდის (UNFPA) საქართველოს ოფისისა და არასამთავრობო ორგანიზაცია Care Together-ის ინიციატივით, კამპანიის „კაცები ზრუნავენ“ ფარგლებში წელს მეექვსედ აღინიშნება.

ამ დღის აღსანიშნავად ზუგდიდსა და ოზურგეთში რამდენიმე ღონისძიება იგეგმება.

კერძოდ, 19 ივნისს, 12:00 საათიდან 17:00 საათამდე, ზუგდიდის სპორტულ დარბაზში მამებისა და შვილებისთვის გაიმართება ტექნოლოგიური ვორქშოპი.

ვორქშოპის მიმდინარეობისას მამები და შვილები ერთად იმუშავებენ ტექნოლოგიურ პროექტებზე, რაც, ერთი მხრივ, დააახლოებს მათ და, მეორე მხრივ, ბავშვების ტექნოლოგიებით დაინტერესებას შეუწყობს ხელს.

შეხვედრა ილიას სახელმწიფო უნივერსიტეტთან და საქართველოს ინოვაციებისა და ტექნოლოგიების სააგენტოსთან თანამშრომლობით გაიმართება.

ასევე, 19 ივნისს, 18:00 საათზე, ზუგდიდის ბოტანიკურ ბაღში გაიმართება წიგნის „მამები და შვილები“ პრეზენტაცია, რომელიც 2020 წელს გამომცემლობა „არტანუჯის“ მიერ გამოიცა.

წიგნში თავმოყრილია 13 წლის მუხრან მაჭავარიანის წერილი მამისადმი, ოთარ და თაკო ჭილაძეები, გელა ჩარკვიანი და მისი შვილები – ირაკლი და თეონა, ფრიდონ და ზაზა ხალვაშები, ვახტანგ და ირინა ჯავახაძეები, ბაჩანა ბრეგვაძე და მისი ქალიშვილები ქეთევანი და ანა. ასევე ამ წიგნში შეგხვდებათ, თუ რას წერდნენ ერთმანეთს და ერთმანეთის შესახებ მიხეილ და ქეთევან ჯავახიშვილები, პაოლო და მედეა იაშვილები, კონსტანტინე და ზვიად გამსახურდიები.

ღონისძიებას ზვიად კვარაცხელია და დავით გორგილაძე გაუძღვებიან.

ხვალ, 20 ივნისს, ოზურგეთში, კაფეში „8+1“, საბავშვო წიგნის „ლუნა და ციცინათელების პლანეტა“ პრეზენტაცია გაიმართება.

წიგნის ავტორი დავით გორგილაძეა. წიგნი ერთი ჩვეულებრივი ოჯახის თავგადასავლებზე მოგვითხრობს, რომლის გარშემოც ჯადოსნური ამბები ხდება, დედა და მამა თანაბრად ინაწილებენ შვილების აღზრდის პასუხისმგებლობასა და საოჯახო საქმეებს. უახლოეს ადამიანებზე ყოველდღიური ზრუნვა და საერთო გამოწვევების გააზრება ამ ოჯახის ბედნიერებისა და ჰარმონიის საფუძველია.

ღონისძიებას წიგნის ავტორები, მწერალი დათო გორგილაძე და ილუსტრატორი თათია ნადარეიშვილი გაუძღვებიან.

მამის დღე არის დღესასწაული, რომელიც ბევრ ქვეყანაში მამობის აღსანიშნავად და მამების პატივსაცემად ყოველწლიურად აღინიშნება. ის, როგორც წესი, ივნისის მესამე კვირა დღეს იმართება. დღესასწაული პირველად აშშ-ში 1910 წლის 19 ივნისს აღინიშნა.

გაეროს მოსახლეობის ფონდის (UNFPA) საქართველოს ოფისისა და არასამთავრობო ორგანიზაცია We Care-ის ინიციატივით საქართველოში 2016 წელს დაიწყო კამპანია „კაცები ზრუნავენ“ გაეროს ერთობლივი პროგრამის „გენდერული თანასწორობისთვის" ფარგლებში და შვედეთის მთავრობის ფინანსური მხარდაჭერით.

0