ვაქცინაცია კორონავირუსზე

ჯანმო გვაფრთხილებს: მოსალოდნელია ვაქცინებისადმი მდგრადი შტამების გაჩენა

168
(განახლებულია 19:17 03.06.2021)
ჯანმოს სპეცწარმომადგენლის თქმით, ინფექციასთან ბრძოლისას ყველაზე სახიფათო მომენტი მაშინ დგება, როდესაც დაავადებების მაჩვენებელი ნულს უახლოვდება.

თბილისი, 3 ივნისი — Sputnik. ჯანმრთელობის მსოფლიო ორგანიზაციაში არ გამორიცხავენ, რომ უახლოეს პერიოდში შესაძლოა COVID-19-ის ისეთი შტამები გაჩნდეს, რომლის წინააღმდეგაც არსებული ვაქცინები უძლური იქნება, განაცხადა SkyNews-სთან საუბრისას ჯანმოს სპეციალურმა წარმომადგენელმა კორონავირუსთან ბრძოლის საკითხებში დევიდ ნაბარომ.

​მისი თქმით, დიდ ბრიტანეთს, მიუხედავად ინფიცირების დაბალი დონისა, ასე სწრაფად არ უნდა გაეუქმებინა საკარანტინო ზომები, ვინაიდან ამას შეიძლება კვლავ მოჰყვეს ვირუსის აფეთქება.

  • „ინფექციურ დაავადებებთან ბრძოლის დროს ყველაზე საშიში მომენტი მაშინ დგება, როდესაც მრუდი ნულს უახლოვდება. სწორედ ამ მომენტში, თუ სიფრთხილის ზომებზე ნაადრევად იტყვით უარს, ინფექცია კვლავ იფეთქებს. იმის გათვალისწინებით, რომ ბრიტანეთში გვაქვს კორონავირუსის ახალი ვარიანტები, კერძოდ, Delta (ინდური შტამი), ჩვენ ორმაგად ფრთხილად უნდა ვიყოთ“, — აღნიშნა ჯანმოს სპეცწარმომადგენელმა.

მანამდე კიდევ ერთმა ექსპერტმა, Oxford/AstraZeneca-ს გუნდის წევრმა ჯონ ბელმა აღნიშნა, რომ არსებული ვაქცინები ეფექტურია ინდური შტამის წინააღმდეგაც, თუმცა ისინი მომავალი შტამებისგან მუდმივი დაცვის გარანტიას ვერ იძლევა.

ამასთან დაკავშირებით დასმულ შეკითხვაზე ნაბარომ განაცხადა:

„არ მგონია, რომ პირდაპირ ახლა ჰორიზონტზე რაღაც ისეთი ჩანდეს, რასაც ვაქცინები ვერ მოერევა, თუმცა ეს აუცილებლად მოხდება ადრე თუ გვიან“.

ნაბაროს თქმით, რეალურად კორონავირუსი ნაკლებად საშიში არ გამხდარა, ამიტომ ადამიანებმა კვლავაც უნდა დაიცვან სოციალური დისტანცია და ატარონ პირბადე, რათა COVID-19-მა ისევ არ იფეთქოს.

168
თემები:
COVID-19-ის პანდემია მსოფლიოში (1339)
რუსეთისა და აშშ-ის პრეზიდენტები

პუტინისა და ბაიდენის ფართო ფორმატის შეხვედრა დასრულდა

3
ორი ფართო ფორმატის შეხვედრის ნაცვლად შედგა მხოლოდ ერთი, თუმცა თეთრმა სახლმა არც დაადასტურა და არც უარყო რუსეთი-აშშ-ის სამიტის დასრულება.

თბილისი, 16 ივნისი - Sputnik. ჟენევაში დასრულდა რუსეთისა და აშშ-ის ორმხრივი გაფართოებული შეხვედრა, იუწყება РИА Новости.

სააგენტოს მონაცემებით, რუსეთის პრეზიდენტის, ვლადიმირ პუტინის და მისი ამერიკელი კოლეგის, ჯო ბაიდენის შეხვედრა დაახლოებით 3,5 საათს გაგრძელდა. შედგა თითო შეხვედრა ვიწრო და ფართო ფორმატში. წინასწარი ინფორმაციით, უნდა გამართულიყო ორი ფართო ფორმატის შეხვედრა.

ბაიდენმა უკვე დატოვა ლა გრანჟის ვილა, სადაც მოლაპარაკება მიმდინარეობდა. გამგზავრებისას მან ცერა თითი ასწია. თეთრი სახლის ინფორმაციით, ბაიდენის პრესკონფერენცია თბილისის დროით 21:30 სთ-ზე გაიმართება.

წყარომ დელეგაციიდან „რია ნოვოსტის“ აცნობა, რომ პრეზიდენტების მოლაპარაკებამ „სავსებით წარმატებით“ ჩაიარა.

3

ვალდიმირ პუტინი ჟენევაში ჯო ბაიდენთან მოლაპარაკებებზე ჩავიდა - ვიდეო

32
(განახლებულია 16:20 16.06.2021)
რუსეთის პრეზიდენტი ვლადიმირ პუტინი აშშ-ის პრეზიდენტ ჯო ბაიდენთან მოლაპარაკებებს ჟენევაში მართავს

მათი პირველი შეხვედრის ადგილად ჟენევის ვილე ლა გრანჟი შეირჩა.

მანამდე კრემლში აცხადებდნენ, რომ მოლაპარაკებები სამი ნაწილისგან შედგება, რომელთა შორისაც ორი ხანმოკლე შესვენება გაიმართება. წინა დღეს გავრცელდა ინფორმაცია, რომ შეხვედრა 4 საათსა და 45 წუთს გასტანდა.

რუსულ დელეგაციაში შედიოდნენ რუსი დიპლომატი იური უშაკოვი, საგარეო საქმეთა მინისტრი სერგეი ლავროვი, პრეზიდენტის პრეს-მდივანი დმიტრი პესკოვი, რუსეთის ელჩი აშშ-ში ანატოლი ანტონოვი, რუსეთის სამხედრო ძალების გენშტაბის ხელმძღვანელი ვალერი გერასიმოვი და საგარეო საქმეთა მინისტრის მოადგილე სერგეი რიაბკოვი. ასევე მიწვეულები იყვნენ პრეზიდენტის ადმინისტრაციის ხელმძღვანელის მოადგილე დმიტრი კოზაკი და პრეზიდენტის სპეცწარმომადგენელი სირიის საკითხებში ალექსანდრ ლავრენტიევი.

სამიტი 2018 წლის შემდეგ იქნება პირველი, როდესაც პუტინი მოლაპარაკებებს გამართავს აშშ-ის პრეზიდენტთან.

32