კორონავირუსით დაზიანებული უჯრედი

ამერიკელი მეცნიერი COVID-26-სა და COVID-32-ზე ალაპარაკდა: გაფრთხილება კაცობრიობას ვიდეო

153
(განახლებულია 15:35 31.05.2021)
მეცნიერის თქმით, მიმდინარე ასწლეულში ეს უკვე მესამე კორონავირუსული გლობალური ეპიდემიაა SARS-ის და MERS-ის ეპიდემიების შემდეგ.

თბილისი, 31 მაისი — Sputnik. თუ ვირუსული დაავადება COVID-19-ის გამომწვევი SARS-CoV-2-ის წარმოშობას საფუძვლიანად არ შევისწავლით, კაცობრიობა შესაძლოა COVID-26-სა და COVID-32-ს შეეჯახოს, განაცხადა ამერიკელმა მეცნიერმა, კორონავირუსის ერთ-ერთმა ექსპერტმა და ინფექციური დაავადებების სპეციალისტმა პიტერ ჰოტეზმა.

„21-ე საუკუნეში ეს კორონავირუსის მესამე დიდი ეპიდემია, ანუ პანდემიაა... დედაბუნება გვეუბნება, რა მოხდება: იქნება COVID-26 და COVID-32, თუ ჩვენ სრულად არ გავერკვევით COVID-19-ის წარმოშობაში“, – განაცხადა ექსპერტმა ტელეარხ NBC News-თან ინტერვიუში.

​ჰოტეზის თქმით, პირველ ორ გლობალურ ეპიდემიად შეიძლება ჩაითვალოს ატიპიური პნევმონია SARS-ი (ადრეული 2000-იანები) და ახლოაღმოსავლური რესპირატორული სინდრომი MERS-ი (პირველად დარეგისტრირდა 2012 წელს).

მეცნიერი დარწმუნებულია, რომ ახალი კორონავირუსის აფეთქების შესასწავლად ჩინეთის ქალაქ უჰანში ვირუსოლოგები, ეპიდემიოლოგები და სხვა სპეციალისტები უნდა გაიგზავნონ, რათა ადგილზე მოაგროვონ მონაცემები და აუცილებელი ნიმუშები. ჰოტეზს მიაჩნია, რომ ამ მიზნით ჩინეთზე ზეწოლაც არ უნდა გამოირიცხოს.

  • „ვფიქრობ, ჩვენ ნამდვილად უნდა მოვახდინოთ ზეწოლა ჩინეთზე, შესაძლო სანქციების ჩათვლით, რათა მოწინავე ეპიდემიოლოგებისა და ვირუსოლოგების გუნდმა ჩინეთში დაუბრკოლებლად მიიღოს წვდომა ცხოველებზე, ადამიანებზე, ნიმუშებსა და ლაბორატორიებზე“, — განაცხადა მან.

მანამდე თეთრმა სახლმა გაავრცელა რელიზი, რომლის თანახმადაც უჰანის ლაბორატორიიდან SARS-CoV-2-ის გავრცელების ვერსია ჯერჯერობით არ გამოირიცხება. რელიზში მოყვანილი იყო პრეზიდენტ ჯო ბაიდენის სიტყვები იმის შესახებ, რომ ქვეყნის სადაზვერვო სამსახურები ვირუსის წარმოშობის ორ გზას განიხილავენ: ცხოველიდან ადამიანზე გადადებასა და ლაბორატორიიდან გაჟონვას. რელიზიდან ცნობილი გახდა, რომ სადაზვერვო სამსახურმა 90 დღის განმავლობაში გაორმაგებული ძალებით უნდა განაგრძოს ინფორმაციის მოკრება და ანალიზი, შემდეგ კი პრეზიდენტიც ჩააყენოს საქმის კურსში.

153
თემები:
საერთაშორისო პანორამა (449)
იტალიის პოლიცია

რომის გარეუბანში სროლის შედეგად ორი ბავშვი და ერთი ხანდაზმული მამაკაცი დაიღუპა

58
ვარაუდობენ, რომ ინციდენტი ჩხუბს მოჰყვა, ხოლო თავად მსროლელი - დაღუპული ბავშვების მამაა. კარაბინერები მასთან სამსაათიან მოლაპარაკებებს აწარმოებდნენ, მაგრამ უშედეგოდ.

თბილისი, 13 ივნისი – Sputnik. მამაკაცმა ატეხა სროლა რომის გარეუბან არდეაში, იუწყება ადგილობრივი ტელეარხი RaiNews24.

გავრცელებული ინფორმაციით, ინციდენტის შედეგად დაიღუპნენ 5 და 10 წლის ძმები, რომლებიც ეზოში თამაშობდნენ და 74 წლის მამაკაცი, რომელიც ქუჩაში ველოსიპედით გადაადგილდებოდა.

ტელეარხის მონაცემებით, მსროლელი 34 წლის მამაკაცია, რომელსაც ფსიქიკური პრობლემები ჰქონდა. ის სამი საათის განმავლობაში პოლიციას დაბლოკილი ჰყავდა, მასთან მოლაპარაკებები უშედეგო აღმოჩნდა. კარაბინერებს ის გარდაცვლილი დახვდა. სავარაუდოდ, მან თავი მოიკლა.

ვარაუდობენ, რომ ინციდენტი ჩხუბს მოჰყვა, ხოლო თავად მსროლელი - დაღუპული ბავშვების მამაა.

58
სასწრაფო დახმარება ჩინეთში

ჩინეთში გაზის გაჟონვის შედეგად აფეთქება მოხდა: დაიღუპა 11 ადამიანი

39
(განახლებულია 14:56 13.06.2021)
ადრეული დილის მიუხედავად, ბაზარში ბევრი მყიდველი იყო, მუშაობდა სასადილო, სადაც ადამიანები საუზმობდნენ.

თბილისი, 13 ივნისი — Sputnik. ჩინეთის ქალაქ შიანში (პროვინცია ხუბეი, ცენტრალური ჩინეთი) ბაზარში აფეთქების შედეგად 11 ადამიანი დაიღუპა, 133 დაშავდა, იუწყება ჩინეთის ცენტრალური ტელევიზია.

სასურსათო ბაზარში ძლიერი აფეთქება კვირას გამთენიისას გაისმა. ადრეული დილის მიუხედავად, ბაზარში ბევრი მყიდველი იყო, მუშაობდა სასადილო, სადაც ადამიანები საუზმობდნენ.

აფეთქების შედეგად დაინგრა ბაზრის შენობა, მიმდებარე სახლებში ჩაიმსხვრა ფანჯრის მინები, დაინგრა სავაჭრო ჯიხურები.

ტელეარხის მონაცემებით, მაშველებმა ნანგრევებიდან ამოიყვანეს 144 ადამიანი - ყველა მათგანი ჰოსპიტალიზებულია. აქედან 37 ადამიანი კრიტიკულ მდგომარეობაშია, 11 პირი მიღებული ტრავმებისგან დაიღუპა.

წინასწარი ვერსიით, ტრაგედიის მიზეზი გაზის გაჟონვა გახდა. ადგილზე სამძებრო-სამაშველო ოპერაცია გრძელდება.

39
ფურისულა

დღის ასტროპროგნოზი ზოდიაქოს ნიშნებისთვის: 14 ივნისი

0
(განახლებულია 10:45 13.06.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 14 ივნისია, ორშაბათი. მზარდი მთვარე ლომის ნიშანშია. ამ დღეს პლანეტა მთვარე მფარველობს.

არ იჩქაროთ. დღეს შეიძლება ბევრი რამ ჩვეულებრივზე რთული გასაკეთებელი იყოს. უკან არ დაიხიოთ, თუ გზაზე დაბრკოლებები შეიქმნა. ასევე რთული იქნება ერთობლივ სამუშაოზე შეთანხმება, ადვილი არ იქნება კომპრომისის მოძებნა. სერიოზული უთანხმოებების თავიდან არიდება შესაძლებელი იქნება, თუ მეგობრულად და ტაქტიანად მოიქცევით.

მამაკაცის „საოცნებო ქალი“ ზოდიაქოს ნიშნის მიხედვით>>

ვერძი: ხართ ენერგიული, წარმატების მისაღწევად უკან არაფერზე იხევთ. გზაზე არ გაჩნდება დაბრკოლება, რომლის გადალახვასაც ვერ შეძლებთ. გაგახარებთ მეგობრებთან ურთიერთობები. შესაძლოა, მათ რამე ახალი ინფორმაცია მოგაწოდონ ან საინტერესო იდეა შემოგთავაზონ. არაა გამორიცხული რომანტიკული სიურპრიზები. ურთიერთობები საყვარელ ადამიანთან ჰარმონიული იქნება, შესანიშნავად უგებთ ერთმანეთს.

კურო: მშფოთვარე დღეა. არ არის გამორიცხული, რომ გეგმების შეცვლა მოგიწიოთ გზადაგზა და ეს მაინცდამაინც არ მოგეწონებათ. შესაძლოა გადაიდოს შეხვედრები, რომლებსაც მოუთმენლად ელოდებოდით, საკითხების გადაჭრა, რომლებიც მნიშვნელოვანია თქვენთვის. სამაგიეროდ გაიხსნება ახალი შესაძლებლობები. უნდა ეცადოთ, რომ მოცემული შანსი ხელიდან არ გაუშვათ. გამოიჩინეთ ინიციატივა როგორ საქმეებში, ისე პირად ურთიერთობებში.

ტყუპი: იღბლიანი იქნება დღის პირველი ნახევარი. დარწმუნებული ხართ თქვენს წარმატებებში და ინტუიცია არ გღალატობთ – მართლაც შესანიშნავი შედეგების მიღწევა შეგიძლიათ. კარგი დროა გეგმების განხილვისთვის. დღის მეორე ნახევარში შესაძლებელი იქნება ადრე დაწყებული საქმეების დამთავრება, პასუხების პოვნა კითხვებზე, რომლებიც ბოლო რამდენიმე კვირის განმავლობაში მოსვენებას არ გაძლევთ.

კირჩხიბი: დღის დასაწყისი ძალზე ხელსაყრელია. გაქვთ შანსი, რომ წარმატებას მიაღწიოთ მნიშვნელოვან საქმეში, რომლისთვისაც ძალღონე არ დაიშურეთ. პოზიტიური ტენდენციების გავლენა საქმიან სფეროში თანდათანობით მიილევა, მაგრამ ის კვლავ ძლიერი დარჩება პირად ურთიერთობებში. საღამო სასიამოვნო სიურპრიზებს გპირდებათ შეყვარებულ კირჩხიბებს. შეგიძლიათ საყვარელ ადამიანთან ერთად საერთო გეგმები განიხილოთ და იოცნებოთ.

ლომი: მიუხედავად იმისა, რომ არაერთი საქმე და საზრუნავი გექნებათ, დღეს ვერც უიღბლოსა და ვერც დაძაბულს ვერ ვუწოდებთ. ბევრ რამეს შესანიშნავად უმკლავდებით, მათ შორის, რთულ ამოცანებსაც. მოსალოდნელია შეხვედრა ძველ ნაცნობებთან, შესაძლებელია მათთან საერთო გეგმებიც გაჩნდეს.. კარგი დღეა სწავლისა და შემოქმედებითი საქმიანობისთვის. საჭიროა ყურადღება მცირე დეტალების მიმართ, რაც ზოგიერთ თქვენგანს გაუჭირდება.

ქალწული: დღის დასაწყისი საკმაოდ დაძაბული ემოციური ფონით იქნება გამორჩეული. შესაძლოა, მცირე წვრილმანებზეც კი ინერვიულოთ; მოსალოდნელია უთანხმოებები ახლობლებთან. ეს გაგანერვიულებთ. დროთა განმავლობაში გაძლიერდება პოზიტიური ტენდენციების გავლენა და დაგიბრუნდებათ ოპტიმიზმი, უკეთ გააკონტროლებთ თავს. დღის მეორე ნახევარში მოსალოდნელია საინტერესო ნაცნობობა. ახლობლებთან და საქმიან პარტნიორებთან შედეგიანი საუბრები.

სასწორი: ეცადეთ, დღის პირველ ნახევარში არ გადაიღალოთ. ეს ცუდად იმოქმედებს როგორც ფიზიკურ მდგომარეობაზე, ისე განწყობაზე. მოერიდეთ სტრესულ სიტუაციებს, არ იჩქაროთ გადაწყვეტილებების მიღება. ყველაფრის მშვიდად მოსაფიქრებლად დრო გჭირდებათ. დღის მეორე ნახევარი მსუბუქი და ხელსაყრელი იქნება. მოგეცემათ რაღაც მნიშვნელოვან საქმეებთან გამკლავების საშუალება. ბევრი მიაღწევს წარმატებას იქ, სადაც ფანტაზიაა საჭირო.

მორიელი: დღის დასაწყისი შესაფერისი დროა საქმიანი შეხვედრებისთვის. არ არის გამორიცხული, რომ მიიღოთ წინადადება, რომელიც ძალიან დაგაინტერესებთ. ასევე შეიძლება გაჩნდეს ძველი საქმიანი კავშირების აღდგენის შანსი. დღის მეორე ნახევარში მოგეცემათ საშუალება, რომ გამოასწოროთ რომელიმე ძველ საქმეში დაშვებული შეცდომები. დიდი ალბათობაა, რომ თანხა მიიღოთ – შესაძლოა, დიდი არა, მაგრამ ეს მაინც დაგეხმარებათ მნიშვნელოვანი ნივთების შეძენაში.

მშვილდოსანი: შეიძლება ითქვას, რომ აღმაფრენის დღეა, რომელიც მოგიტანთ კარგ და მნიშვნელოვან სიახლეებს. გექნებათ ძველი კავშირების აღდგენის საშუალება. ასევე მოსალოდნელია, რომ მიიღოთ უჩვეულო, საინტერესო წინადადება. დღის მეორე ნახევარი კარგი დროა ფინანსური საკითხების გადაწყვეტისთვის, მომგებიანი გარიგებების დადებისთვის, თანამშრომლობაზე შეთანხმებისთვის. არ არის გამორიცხული დაუგეგმავი ხარჯებიც, მაგრამ ეს ფუჭად დახარჯული ფული არ იქნება.

თხის რქა: ხელსაყრელი დღეა. შეგიძლიათ ახალი საქმის დაწყება, მაღალია წარმატებების სწრაფად მიღწევის შანსი. არაა გამორიცხული სასარგებლო ნაცნობობა. ხართ ძალზე მომხიბვლელი, ამიტომ თქვენდამი გულგრილი ვერავინ დარჩება. შესაძლოა, ვიღაც თქვენდამი სასიყვარულო გრძნობითაც განიმსჭვალოს. დღის მეორე ნახევარში კარგად წარიმართება სახლის საქმეები. შეგიძლიათ იყიდოთ ავეჯი, ყოფითი ტექნიკა და სხვა ნივთები სახლისთვის.

მერწყული: ეცადეთ, შეინარჩუნოთ ჯანსაღი აზრი და სწორად შეაფასოთ თქვენი ძალები. რეალური შეხედულებები იმედგაცრუებისგან გიხსნით. აჯობებს, თუ ყურადღებას გაამახვილებთ პრაქტიკულ ამოცანებზე, ისეთზე, რომლებიც უახლოეს მომავალში კონკრეტული შედეგების მიღების საშუალებას იძლევა. დღის მეორე ნახევარში შესაძლებელია შეხვედრები ძველ ნაცნობებთან. ეს ძალიან გაგახარებთ. მოგეცემათ ადრე დაშვებული შეცდომის გამოსწორების შანსი.

თევზები: დღე კარგად აეწყობა, მაგრამ თქვენ დაჟინებით ცდილობთ მოძებნოთ საბაბი იმისთვის, რომ აღელდეთ და განაწყენდეთ. ეცადეთ, უფრო პოზიტიურად განეწყოთ. ამ შემთხვევაში ბევრ საინტერესო შესაძლებლობას აღმოაჩენთ, მიხვდებით, როგორ მიაღწიოთ წარმატებას. არ გარისკოთ იქ, სადაც ამის საჭიროება არ არის. ფრთხილად მოქმედებით ბევრი რამის გაკეთება შეგიძლიათ. დაფიქრებით ნათქვამი სიტყვა და მოქმედება როგორც საქმიან სფეროში, ისე პირად ურთიერთობებში მიზნების მიღწევაში დაგეხმარებათ.

0