ჯეფ ბეზოსი

ჯეფ ბეზოსი Amazon-ის გენდირექტორობიდან მიდის: ცნობილი გახდა მისი შემცვლელიც

40
(განახლებულია 19:35 27.05.2021)
კომპანია Amazon-ის კაპიტალიზაცია, რომელიც ჯეფ ბეზოსმა თავდაპირველად წიგნის ონლაინ-მაღაზიის სახით დააფუძნა, დღეისათვის ერთ ტრილიონ დოლარს ჭარბობს.

თბილისი, 27 მაისი − Sputnik. კომპანია Amazon-ის დამაარსებელმა ჯეფ ბეზოსმა აქციონერების წლიურ შეკრებაზე განაცხადა, რომ მიმდინარე წლის 5 ივლისს გენერალური დირექტორის თანამდებობას დატოვებს, იუწყება ტელეარხი CNBC.

„ჩვენ ეს თარიღი იმიტომ შევარჩიეთ, რომ იგი ძვირფასია ჩემთვის. 1994 წელს, ზუსტად 27 წლის წინ, სწორედ ამ დღეს დაფუძნდა Amazon-ი“, − აღნიშნა ბეზოსმა.

იმის შესახებ, რომ ჯეფ ბეზოსი კომპანიის გენერალური დირექტორის პოსტის დატოვებას აპირებდა, თებერვლის დასაწყისში გახდა ცნობილი. 2021 წლის მესამე კვარტალში იგი კომპანიის დირექტორთა საბჭოს თავმჯდომარის პოსტს დაიკავებს, ხოლო კომპანიის გენერალური დირექტორი ქვედანაყოფ Web Services-ის ხელმძღვანელი ენდი ჯესი გახდება.

როგორც ჯეფ ბეზოსი ამბობს, ის აპირებს მეტი ყურადღება დაუთმოს თავის სხვა პროექტებს − Bezos Earth Fund-ს − კლიმატური ცვლილებების წინააღმდეგ ბრძოლისთვის,  კოსმოსურ კომპანია Blue Origin-ს, ასევე საგამომცემლო სახლ The Washington Post-სა და Amazon Day 1 Fund-ს.

აღსანიშნავია, რომ ბეზოსმა Amazon-ი 1994 წელს წიგნის ონლაინ-მაღაზიის სახით ჩამოაყალიბა, შემდეგ კი მსოფლიოს უდიდეს ონლაინ-რიტეილერად აქცია. 2020 წლის დასაწყისისთვის Amazon-ის საბაზრო კაპიტალიზაცია 1 ტრილიონ დოლარს აჭარბებდა.

 

40
თემები:
საერთაშორისო პანორამა (465)

ვალდიმირ პუტინი ჟენევაში ჯო ბაიდენთან მოლაპარაკებებზე ჩავიდა - ვიდეო

32
(განახლებულია 16:20 16.06.2021)
რუსეთის პრეზიდენტი ვლადიმირ პუტინი აშშ-ის პრეზიდენტ ჯო ბაიდენთან მოლაპარაკებებს ჟენევაში მართავს

მათი პირველი შეხვედრის ადგილად ჟენევის ვილე ლა გრანჟი შეირჩა.

მანამდე კრემლში აცხადებდნენ, რომ მოლაპარაკებები სამი ნაწილისგან შედგება, რომელთა შორისაც ორი ხანმოკლე შესვენება გაიმართება. წინა დღეს გავრცელდა ინფორმაცია, რომ შეხვედრა 4 საათსა და 45 წუთს გასტანდა.

რუსულ დელეგაციაში შედიოდნენ რუსი დიპლომატი იური უშაკოვი, საგარეო საქმეთა მინისტრი სერგეი ლავროვი, პრეზიდენტის პრეს-მდივანი დმიტრი პესკოვი, რუსეთის ელჩი აშშ-ში ანატოლი ანტონოვი, რუსეთის სამხედრო ძალების გენშტაბის ხელმძღვანელი ვალერი გერასიმოვი და საგარეო საქმეთა მინისტრის მოადგილე სერგეი რიაბკოვი. ასევე მიწვეულები იყვნენ პრეზიდენტის ადმინისტრაციის ხელმძღვანელის მოადგილე დმიტრი კოზაკი და პრეზიდენტის სპეცწარმომადგენელი სირიის საკითხებში ალექსანდრ ლავრენტიევი.

სამიტი 2018 წლის შემდეგ იქნება პირველი, როდესაც პუტინი მოლაპარაკებებს გამართავს აშშ-ის პრეზიდენტთან.

32
პრინცი ჰარი და მეგან მარკლი

დანაშაულის გამოსყიდვა: პრინცმა ჰარიმ რძალს შეტყობინება გაუგზავნა

70
(განახლებულია 14:56 16.06.2021)
ბრიტანული ტაბლოიდების თანახმად, შერცხვენილმა ჰერცოგმა თავის რძალს სთხოვა დაეხმაროს მას ოჯახის წრეში ხელახლა შესვლაში.

პრინცი ჰარი ცდილობს ცოდვების გამოსყიდვას სამეფო ნათესავების წინაშე: მეამბოხე დახმარებისათვის ოჯახის მთავარ მშვიდობისმყოფელს, ქეით მიდლტონს მიმართა.

ინტერვიუ ოპრა ვინფრისთან, ჰოლივუდის პოდკასტი და დოკუმენტური ფილმი ფსიქიკურ ჯანმრთელობაზე - პრინც ჰარისა და მისი მეუღლის მეგან მარკლის ყველა საქციელმა ანაბეჭდი დატოვა ელიზაბეტ II- ის ოჯახის იმიჯზე. ნათესავების კომუნიკაცია გაუქმდა, მაგრამ ახლა არსებობს შანსი „ახალი თავისა“, რომელიც პრინც ჰარის ახალშობილმა ქალიშვილმა მისცა.

როგორც Mail on Sunday იტყობინება, ჰარი შეეცადა ოჯახში განხეთქილების შერბილებას: ლილის დაბადებისთანავე მან განსაკუთრებული შეტყობინება გაგზავნა ქეით მიდლტონისთვის.

ამ ტექსტში იგი სავარაუდოდ ევედრებოდა რძალს, რომ დაეხმაროს პრინც უილიამთან შერიგებაში, რომელიც დღემდე უგულებელყოფს უმცროს ძმას. ამრიგად, ჰარიმ კიდევ ერთხელ დაადასტურა ჰერცოგინიას, როგორც მთავარი მშვიდობისმყოფელის როლი ოჯახში.

წყაროების თანახმად, სკანდალმა აჯანყებული აიძულა ასეთი ქმედებებისკენ ლილიბეტის ქალიშვილის სახელის გამო, რაც ასოცირდება მისი უდიდებულესობისა და გარდაცვლილი პრინცი ფილიპელის საყოფაცხოვრებო მეტსახელთან. ამის გამო, მარკლს და ჰარის კვლავ მოუწიათ სასამართლოს მისვლა.

70
თემები:
სამეფო ოჯახის ამბები
რეჯეფ თაიიფ ერდოღანი

ექვსის პლატფორმა: ანკარა თბილისთან რუსეთ-საქართველოს თანამშრომლობას იხილავდა - ერდოღანი

0
პლატფორმაში შეიძლება შევიდნენ თურქეთი, აზერბაიჯანი, რუსეთი, ირანი, საქართველო და, სურვილის შემთხვევაში, სომხეთი, აღნიშნა თურქეთის ლიდერმა.

თბილისი, 16 ივნისი - Sputnik. თურქეთის პრეზიდენტმა რეჯეფ თაიიფ ერდოღანმა განაცხადა, რომ ანკარა თბილისთან იხილავდა რუსეთ-საქართველოს თანამშრომლობას „ექვსის პლატფორმის“ ფარგლებში, იუწყება РИА Новости.

ერდოღანმა ბაქოში პრესკონფერენციაზე განაცხადა, რომ ალიევთან ერთად იხილავს სამხრეთ კავკასიის რეგიონში „ექვსის პლატფორმის“ შექმნის საკითხს თანამშრომლობის გასავითარებლად. პლატფორმაში შესაძლოა შევიდნენ თურქეთი, აზერბაიჯანი, რუსეთი, ირანი, საქართველო და, „სურვილის შემთხვევაში“, სომხეთი.

„მე და ჩემმა ძმამ (აზერბაიჯანის პრეზიდენტ ალიევთან, - რედ.) წამოვაყენეთ წინადადება. მოდით შევქმნათ პლატფორმა ექვსი ქვეყნის თანამშრომლობისთვის. შევქმნათ სტაბილურობა რეგიონში. აქ არის საქართველოსა და რუსეთის მომენტი, ჩვენ ვიხილავდით საკითხს საქართველოს პრემიერთან. მე აღვნიშნე, რომ ეს საქართველოსთვის ხელსაყრელია, მოდით ეს გავაკეთოთ. გვინდა, რომ თქვენ გადალახოთ რუსეთთან არსებული სირთულეები. ვთქვი, რომ ეს კარგი იქნება. რეგიონს მშვიდობა სჭირდება“, - აღნიშნა თურქეთის პრეზიდენტმა აზერბაიჯანის პარლამენტში გამოსვლისას.

ოფიციალურმა თბილისმა ამას წინათ ერდოღანის ინიციატივაზე საუბრისას აღნიშნა, რომ რუსეთთან ერთობლივ საერთაშორისო ფორმატში მონაწილეობას შეუძლებლად მიიჩნევს.

საქართველომ რუსეთთან დიპლომატიური ურთიერთობა 2008 წელს გაწყვიტა. დიალოგი ორ ქვეყანას შორის ჟენევის დისკუსიებისა და 2012 წლიდან პრაღაში მოლაპარაკების ფარგლებში მიმდინარეობს, სადაც საქართველოს პრემიერის სპეცწარმომადგენელი ზურაბ აბაშიძე და რუსეთის ოფიციალური წარმომადგენელი გრიგორი კარასინი ვაჭრობასთან, ტურიზმთან დაკავშირებულ, ასევე ჰუმანიტარულ საკითხებს იხილავენ.

0