კუნძული სამოსი

საბერძნეთში შესვლის წესები არ შეცვლილა: მოხვდა თუ არა საქართველო ჩამონათვალში

80
(განახლებულია 11:02 24.05.2021)
ნებისმიერ შემთხვევაში ქვეყანაში ჩასულმა პირებმა საბერძნეთის მოქალაქეების მსგავსად კორონავირუსის გავრცელების საწინააღმდეგო ზომები უნდა დაიცვან.

თბილისი, 22 მაისი – Sputnik. საბერძნეთმა უცხოელი მოქალაქეებისთვის ქვეყანაში შესვლის წესები 31 მაისამდე გააგრძელა, ამის შესახებ წერს РИА Новости.

ტურისტების რაოდენობა შეზღუდული არ არის, უცხოელებს არ მოუწევთ კარანტინის გავლა, თუ წარმოადგენენ ვაქცინაციის სერტიფიკატს, ან PCR-ტესტის უარყოფით შედეგს, ან ცნობას კორონავირუსის გადატანისა და ანტისხეულების არსებობის შესახებ, ნათქვამია სამთავრობო გადაწყვეტილებაში, რომელიც ოფიციალურ სამთავრობო გაზეთში გამოქვეყნდა.

საბერძნეთმა 14 მაისიდან ტურისტებისთვის საზღვრები გახსნა, მაგრამ ეს ყველა ქვეყნის მოქალაქეებს არ შეეხო.

საბერძნეთში მესამე ქვეყნების მოქალაქეების შესვლა დროებით აკრძალულია - „საბერძნეთის ტერიტორიაზე COVID-19-ის შემდგომი გავრცელებისგან საზოგადოებრივი ჯანმრთელობის დაცვის მიზნით“.

აკრძალვა არ ეხება ევროკავშირის და შენგენის შეთანხმების წევრი ქვეყნების მოქალაქეებს. ასევე 21 ქვეყნის მუდმივი მოქალაქეობის მქონე პირებს. ესენია ავსტრალია, ჩრდილოეთ მაკედონია, არაბთა გაერთიანებული საემიროები, აშშ, დიდი ბრიტანეთი, ისრაელი, კანადა, ბელარუსი, ბაჰრეინი, ახალი ზელანდია, სამხრეთ კორეა, კატარი, ჩინეთი, ქუვეითი, უკრაინა, რუანდა, რუსეთის ფედერაცია, საუდის არაბეთი, სერბეთი, სინგაპური და ტაილანდი. ამ ქვეყნების მოქალაქეებს საბერძნეთში შესვლა შეუძლიათ ნებისმიერი გზითა და ნებისმიერი სატრანსპორტო საშუალებით.

საქართველო ამ ჩამონათვალში ვერ მოხვდა, შესაბამისად, ჩვენი ქვეყნის მოქალაქეებს საბერძნეთში გამგზავრება ჯერჯერობით არ შეუძლიათ.

გამონაკლისს წარმოადგენენ რამდენიმე კატეგორიის მოქალაქეები:

  • ევროკავშირის წევრი სახელმწიფოების მოქალაქეების მეუღლეები და 18 წლამდე არასრულწლოვანი შვილები;
  • პირები, რომლებიც მოემგზავრებიან  გადაუდებელი საჭიროების გამო;
  • სამედიცინო სფეროს თანამშრომლები, ჯანდაცვის სფეროს მკვლევარები იმ შემთხვევაში თუ შემოსვლისას დაასაბუთებენ ვიზიტის მიზნობრიობას და საჭიროებას;
  • ევროკავშირის წევრი სახელმწიფოს გრძელვადიანი ბინადრობის ნებართვის მქონე პირები;
  • სამთავრობო დელეგაციის წევრები;
  • დიპლომატიური თანამდებობის პირები, საერთაშორისო ორგანიზაციების თანამშრომლები, ჰუმანიტარული ორგანიზაციების თანამშრომლები, სამხედრო უსაფრთხოების თანამშრომლები;
  • სატრანსპორტო სფეროს თანამშრომლები, მათ შორის მეზღვაურები, საჰაერო ხომალდების თანამშრომლები, სატვირთო ტრანსპორტის მძღოლები;
  • ტრანზიტული მგზავრები;
  • სტუდენტები;
  • ხანდაზმული და შშმ პირების მომვლელები, რომელთაც გააჩნიათ შესაბამისი მეურვეობის დამადასტურებელი დოკუმენტები;
  • სასოფლო სამეურნეო სფეროში დასაქმებული სეზონური მუშები. (ასეთი პირები ვალდებულები არიან წარადგინონ დოკუმენტი, რომ გავლილი აქვთ სამედიცინო ლაბორატორიული გამოკვლევები).

მესამე სახელმწიფოს მოქალაქეებს, რომლებიც ვერ ხვდებიან ვერცერთ ზემოთჩამოთვლილ კატეგორიაში, აქვთ უფლება მიმართონ ადგილსამყოფელ ქვეყნებში საბერძნეთის საკონსულო სამსახურებს და მათი პერსონალური ან ბიზნეს ინტერესებიდან გამომდინარე დასაბუთებულად მოითხოვონ გამონაკლისის დაშვება.

გამგზავრებამდე 24 საათით ადრე სავალდებულოა ელექტრონული ფორმის შევსება.

საქართველოს მოქალაქეებისთვის საბერძნეთში გამგზავრება გასული წლის 26 ოქტომბრიდან შეიზღუდა.

საბერძნეთის მთავრობის ახალი დადგენილება 2021 წლის 24 მაისიდან 2021 წლის 31 მაისამდე იმოქმედებს.

80

ბაიდენის პრესკონფერენცია სკანდალით დასრულდა - ვიდეო

19
(განახლებულია 11:50 17.06.2021)
აშშ-ის ლიდერმა ერთ-ერთ ჟურნალისტს განუცხადა, რომ, რადგან მას პრეზიდენტის ნათქვამი არ ესმის, ესე იგი, შეუსაბამო საქმიანობითაა დაკავებული

პრეზიდენტ ჯო ბაიდენს რუსეთის ლიდერ ვლადიმერ პუტინთან მოლაპარაკებების შემაჯამებელ პრეს-კონფერენციაზე CNN-ის ჟურნალისტ კეიტლინ კოლინზთან უთანხმოება მოუვიდა. მედიის წარმომადგენლებთან შეხვედრის განრიგი თეთრი სახლის პრეს-სამსახურმა გამოაქვეყნა.

ჟურნალისტებთან შეხვედრის მიწურულს, როდესაც ბაიდენი უკვე წასვლას აპირებდა, კოლინზმა მას ჰკითხა: „დარწმუნებული ბრძანდებით, რომ პუტინი საკუთარ ქცევებს შეცვლის?“

ბაიდენი დაბრუნდა და უპასუხა: არ ვარ დარწმუნებული, რომ შეცვლის საკუთარ ქცევებს. რას აკეთებდით მთელი ამ დროის განმავლობაში, როდესაც ვთქვი, რომ დარწმუნებული ვარ?..

ჟურნალისტი მას კვლავ ჩაეძია: დიახ, მაგრამ, მისი ქცევა არ შეცვლილა, და პრეს-კონფერენციაზე, თქვენთან ერთად რამდენიმე საათის განმავლობაში ის უარყოფდა კიბერშეტევებში საკუთარ როლს, მან ასევე ნაკლები ყურადღება დაუთმო ადამიანის უფლებების დარღვევის მნიშვნელობას, უარი თქვა ალექსეი ნავალნის სახელის თქმაზეც. მაშასე, რამდენად კონსტრუქციული იყო ეს შეხვედრა, როგორც ეს პრეზიდენტმა პუტინმა თქვა?

ბაიდენი: თუ ეს არ გესმით, ესე იგი თქვენთვის შეუფერებელ საქმიანობას ეწევით.“

ტელეარხ CNN-ის ცნობით, პრეზიდენტმა ჟურნალისტს მოგვიანებით ბოდიში მოუხადა.

კოლინზმა მას მიუგო, რომ ბოდიში აუცილებელი არ იყო, ვინაიდან შეკითხვების დასმა მის საქმიანობის ძირითადი ნაწილია.

19
Facebook

კონფლიქტები აღარ იქნება: Facebook-ი ახალ პროგრამას ტესტავს

12
(განახლებულია 11:06 17.06.2021)
მარკირებისა და შეტყობინების ახალი ინსტრუმენტი ადმინისტრატორს საშუალებას მისცემს, სწრაფად შეზღუდოს ადამიანებს სორის კონფლიქტი ჯგუფებში

თბილისი, 17 ივნისი — Sputnik. სოციალური ქსელი Facebook-ი ტესტავს ხელოვნური ინტელექტს, რომელიც ჯგუფებში შეურაცხმყოფელ კომენტარებს  მონიშნავს, იუწყება CNN.

გავრცელებული ინფორმაციით, პროგრამის მიზანია, გაუადვილოს მოდერატორებს მუშაობა, რათა მათ დროულად აღმოფხვრან კონფლიქტები სოციალური ქსელების ჯგუფებში.

ხელოვნური ინტელექტი, მას შემდეგ, რაც პოტენციურად კონფლიქტურ კომენტარს მონიშნავს, ჯგუფის ადმინისტრატორს შესაბამის შეტყობინებას გაუგზავნის, რომელიც ცალკეულ იუზერებს კომენტირების შესაძლებლობას შეუზღუდავს — შეუნელებს მუშაობას ან შეუმცირებს კომენტარების რაოდენობას.

გარდა ამისა,  მიუღებელი ლექსიკის გამოყენების შემთხვევაში მომხმარებელი Moderation alert-ს (მოდერატორის გაფრთხილებას) მიიღებს.

როგორც Facebook-ში აცხადებენ, მარკირებისა და შეტყობინების ახალი ინსტრუმენტი დაეხმარება იმ 70 მილიონ ადამიანს, რომლებიც ადმინისტრირებას უწევენ სოციალური ქსელების გვერდებს.

ამასთან აღინიშნება, რომ ახალი შეზღუდვები არ იქნება გამოყენებული ისეთი თემების შემთხვევაში, როგორებიცაა: ვაქცინაცია, პოლიტიკა თუ კულტურული განსხვავებები.

12
თემები:
საერთაშორისო პანორამა
კესარია აბრამიძე

„ვასაძეს უნდა გავყვე ცოლად, რომ დავამშვიდო...“ - კესარია აბრამიძის სკანდალური განცხადება

0
(განახლებულია 11:59 17.06.2021)
ცნობილი ტრანსგენდერი მოდელი კესარია აბრამიძე ლგბტ ადამიანების წინააღმდეგ მებრძოლი ბიზნესმენის ლევან ვასაძის დამშვიდებას უცნაური ხერხით აპირებს

ცნობილი ტრანსგენდერი მოდელი კესარია აბრამიძე ამბობს, რომ ბიზნესმენ ლევან ვასაძეს ცოლად უნდა გაჰყვეს, რომ დაამშვიდოს. ეს განცხადება კესარიამ ტელეკომპანია „პირველის“ გადაცემაში „პირველ ხაზზე“ გააკეთა, სადაც წამყვანმა ჰკითხა, თუ ყოფილან მის ცხოვრებაში „გაჭენებული ჰომოფობები“, რომლებიც მერე ლოიალურები გახდნენ.

„მე რომ დამინახეს და დამშვიდდნენ მერე? კი, ყოფილან. მგონი ლევან ვასაძეს უნდა გავყვე ცოლად და დავამშვიდო. ცოტა მოვალბო ლგბტ ადამიანების მიმართ. თეთრი კაბით კი ვარ, შემოაგორეთ სტუდიაში. ნუ, ეს რა თქმა უნდა, ხუმრობით. მგონი ასეთი ადამიანები კი არიან ერთი, ან ორი, მაგრამ დაიკუჭებიან და ნაგვის ურნაში ჩაიყრებიან“, - განაცხადა კესარიამ.

View this post on Instagram

A post shared by Kesaria (@kesaria_official)

„თბილისი პრაიდის“ ჩატარება 18-23 ივნისს არის დაგეგმილი. ვასაძემ „თბილისი პრაიდის“ წინააღმდეგ თვითორგანიზებული სახალხო რაზმების შექმნა დაანონსა. პრაიდის ორგანიზატორების განმარტებით, ვასაძის განცხადებები შეიცავს სისხლის სამართლის კოდექსის 223-ე (უკანონო ფორმირების შექმნა) და 144-ე (თავისუფლების უკანონო აღკვეთა) მუხლებით გათვალისწინებული განსაკუთრებით მძიმე დანაშაულის ნიშნებს.

0
თემები:
ქართველი სელებრითები