ტყის ხანძარი საბერძნეთში

საბერძნეთის ტყეებში მესამე დღეა ძლიერ ხანძარს ებრძვიან

33
(განახლებულია 10:34 22.05.2021)
ოთხშაბათ საღამოს დაწყებულმა ხანძარმა უკვე 5,5 ჰექტარი ტყე გაანადგურა. კვამლმა ათენამდე მიაღწია, ასობით ადგილობრივი მოსახლე ევაკუირებულია.

თბილისი, 22 მაისი – Sputnik. ათენის დასავლეთით მესამე დღეა ვერ ხერხდება ტყის ძლიერი ხანძრის ჩაქრობა, საბერძნეთის სახანძრო სამსახური აალების მრავალრიცხოვან კერებზე საუბრობს. ამის შესახებ წერს РИА Новости.

ხანძარი დაიწყო 19 მაისს ქალაქ ლუტრაქის მახლობლად მდებარე სქინოსის დასახლებასთან. ხანძრის მიზეზი გახდა ტოტების დაწვა ზეთისხილის ხეების კორომში, თანაც მშრალ და ქარიან ამინდში. ერთ დღე-ღამეში 2 ათასი ჰექტარი ტყე დაიწვა.

ათენის ეროვნული ობსერვატორიის მონაცემებით, 21 მაისისთვის უკვე 5,5 ჰექტარი ტყე დაიწვა. კვამლმა ათენამდე მიაღწია, ასობით ადგილობრივი მოსახლე ევაკუირებულია.

ამ დროისთვის ხანძარს ებრძვის 300-მდე მეხანძრე და ავიაცია.

„ოთხშაბათ საღამოს დაწყებული ხანძარი აქტიური წვის მრავალრიცხოვანი გაფანტული კერებით გრძელდება. საერთო ჯამში ჩართულია 278 მეხანძრე, 89 ავტომობილი, 10 ქვეითი ჯგუფი, სახანძრო ოპერაციების სპეციალური მექანიზებული ნაწილი, მობილური ოპერატიული ცენტრი, რვა თვითმფრინავი Canadair, რვა თვითმფრინავი PZL, ორი ვერტმფრენი. კიდევ ორი ვერტმფრენი მოქმედებების კოორდინაციას ახორციელებს“, - განაცხადა სახანძრო სამსახურმა შაბათ დილით.

ხანძრის ჩაქრობის პროცესში ჩართულია ასევე ბერძნული არმიის ორი ვერტმფრენი, წყალმზიდები და ადგილობრივი თვითმმართველობის ტექნიკა.

33

ვალდიმირ პუტინი ჟენევაში ჯო ბაიდენთან მოლაპარაკებებზე ჩავიდა - ვიდეო

31
(განახლებულია 16:20 16.06.2021)
რუსეთის პრეზიდენტი ვლადიმირ პუტინი აშშ-ის პრეზიდენტ ჯო ბაიდენთან მოლაპარაკებებს ჟენევაში მართავს

მათი პირველი შეხვედრის ადგილად ჟენევის ვილე ლა გრანჟი შეირჩა.

მანამდე კრემლში აცხადებდნენ, რომ მოლაპარაკებები სამი ნაწილისგან შედგება, რომელთა შორისაც ორი ხანმოკლე შესვენება გაიმართება. წინა დღეს გავრცელდა ინფორმაცია, რომ შეხვედრა 4 საათსა და 45 წუთს გასტანდა.

რუსულ დელეგაციაში შედიოდნენ რუსი დიპლომატი იური უშაკოვი, საგარეო საქმეთა მინისტრი სერგეი ლავროვი, პრეზიდენტის პრეს-მდივანი დმიტრი პესკოვი, რუსეთის ელჩი აშშ-ში ანატოლი ანტონოვი, რუსეთის სამხედრო ძალების გენშტაბის ხელმძღვანელი ვალერი გერასიმოვი და საგარეო საქმეთა მინისტრის მოადგილე სერგეი რიაბკოვი. ასევე მიწვეულები იყვნენ პრეზიდენტის ადმინისტრაციის ხელმძღვანელის მოადგილე დმიტრი კოზაკი და პრეზიდენტის სპეცწარმომადგენელი სირიის საკითხებში ალექსანდრ ლავრენტიევი.

სამიტი 2018 წლის შემდეგ იქნება პირველი, როდესაც პუტინი მოლაპარაკებებს გამართავს აშშ-ის პრეზიდენტთან.

31
პრინცი ჰარი და მეგან მარკლი

დანაშაულის გამოსყიდვა: პრინცმა ჰარიმ რძალს შეტყობინება გაუგზავნა

69
(განახლებულია 14:56 16.06.2021)
ბრიტანული ტაბლოიდების თანახმად, შერცხვენილმა ჰერცოგმა თავის რძალს სთხოვა დაეხმაროს მას ოჯახის წრეში ხელახლა შესვლაში.

პრინცი ჰარი ცდილობს ცოდვების გამოსყიდვას სამეფო ნათესავების წინაშე: მეამბოხე დახმარებისათვის ოჯახის მთავარ მშვიდობისმყოფელს, ქეით მიდლტონს მიმართა.

ინტერვიუ ოპრა ვინფრისთან, ჰოლივუდის პოდკასტი და დოკუმენტური ფილმი ფსიქიკურ ჯანმრთელობაზე - პრინც ჰარისა და მისი მეუღლის მეგან მარკლის ყველა საქციელმა ანაბეჭდი დატოვა ელიზაბეტ II- ის ოჯახის იმიჯზე. ნათესავების კომუნიკაცია გაუქმდა, მაგრამ ახლა არსებობს შანსი „ახალი თავისა“, რომელიც პრინც ჰარის ახალშობილმა ქალიშვილმა მისცა.

როგორც Mail on Sunday იტყობინება, ჰარი შეეცადა ოჯახში განხეთქილების შერბილებას: ლილის დაბადებისთანავე მან განსაკუთრებული შეტყობინება გაგზავნა ქეით მიდლტონისთვის.

ამ ტექსტში იგი სავარაუდოდ ევედრებოდა რძალს, რომ დაეხმაროს პრინც უილიამთან შერიგებაში, რომელიც დღემდე უგულებელყოფს უმცროს ძმას. ამრიგად, ჰარიმ კიდევ ერთხელ დაადასტურა ჰერცოგინიას, როგორც მთავარი მშვიდობისმყოფელის როლი ოჯახში.

წყაროების თანახმად, სკანდალმა აჯანყებული აიძულა ასეთი ქმედებებისკენ ლილიბეტის ქალიშვილის სახელის გამო, რაც ასოცირდება მისი უდიდებულესობისა და გარდაცვლილი პრინცი ფილიპელის საყოფაცხოვრებო მეტსახელთან. ამის გამო, მარკლს და ჰარის კვლავ მოუწიათ სასამართლოს მისვლა.

69
თემები:
სამეფო ოჯახის ამბები
ლაბორატორიაში

აშშ-დან საქართველოში კორონავირუსის საწინააღმდეგო პრეპარატი „რემდესივირი“ გამოიგზავნა

0
ათასზე მეტ პაციენტზე გათვლილი მედიკამენტის მარაგს საქართველოს მწარმოებელი კომპანია Gilead Sciences დონაციის სახით გადასცემს.

თბილისი, 16 ივნისი - Sputnik. ორიგინალი წარმოების 10 ათასი კოლოფი ანტივირუსული „რემდესივირი“ ამერიკიდან საქართველოში გამოიგზავნა, განაცხადა თბილისის ინფექციური საავადმყოფოს დირექტორმა, თენგიზ ცერცვაძემ.

როგორც ცერცვაძემ აღნიშნა, კომპანია „გილიადმა“ გადაწყვეტილება გამონაკლისის სახით მიიღო.

„კომპანია „გილიადს“ მივმართეთ თხოვნით და გამონაკლისის სახით მიიღეს გადაწყვეტილება, რომ მოგვეწოდება 10 ათასი კოლოფი „რემდესივირი“, თანაც არა ინდური, არამედ ბრენდის, ამერიკული, ორიგინალი წარმოების მოგვეწოდება. რამდენადაც ვიცი, ის გუშინ გამოიგზავნა ამერიკიდან და დღეს ან ხვალ უნდა ჩამოვიდეს“, – განაცხადა ცერცვაძემ.

ჯერ კიდევ მაისის დასაწყისში საქართველოში „რემდესივირის“ დეფიციტზე დაიწყეს საუბარი. მაშინ გაბუნიამ განაცხადა, რომ პრეპარატის მარაგი უახლოეს დროში შეივსებოდა. საქართველომ აღნიშნული პრეპარატი შეიძინა ინდოეთში, თუმცა, აღნიშნულ ქვეყანაში გართულებული კოვიდ–ვითარების გამო, პრეპარატის შემოტანის კუთხით პრობლემა შეიქმნა.

საქართველო პრეპარატის შესყიდვის თემაზე მუშაობს ეგვიპტესთანაც.

„რემდესივირი“ ნუკლეოტიდური ანალოგების კლასში ახალი ანტივირუსული პრეპარატია. შეერთებულმა შტატებმა 2020 წლის 1 მაისიდან ქვეყანაში COVID-19-ის სამკურნალოდ „რემდესივირის“ გადაუდებელი გამოყენებისთვის ნებართვა გამარტივებული წესით გასცა. ჯერ კიდევ ოქტომბერში ჯანდაცვის მსოფლიო ორგანიზაციამ საქართველოს აღნიშნული პრეპარატის გამოყენების რეკომენდაცია მისცა. თუმცა, ამჟამად ამ პრეპარატს ამგვარი რეკომენდაციები აღარ გააჩნია.

ახალი პროტოკოლის მიხედვით, აღნიშნულ პრეპარატს საქართველოში ექიმის დანიშნულებით პაციენტის ჰოსპიტალური მკურნალობის შემთხვევაში გამოიყენებენ.

0