ათენი

საბერძნეთმა ტურისტებისთვის საზღვრები გახსნა

72
(განახლებულია 19:46 14.05.2021)
საბერძნეთში 2019 წელს ტურიზმისგან შემოსავალმა 18,2 მლრდ ევრო, 2020 წელს კი მხოლოდ 4,3 მლრდ ევრო შეადგინა.

თბილისი, 14 მაისი – Sputnik. 2021 წელს უცხოელი ტურისტები საბერძნეთში უსაფრთხოდ დასვენებას შეძლებენ, სახელმწიფო ამისთვის ყველა ზომას მიიღებს, განაცხადა საბერძნეთის ტურიზმის მინისტრმა ხარის თეოხარისმა. 

საბერძნეთმა 14 მაისიდან ტურისტების შესვლაზე დაწესებული ყველა კოვიდ-შეზღუდვა გააუქმა.

„ჩვენ ვხსნით ტურისტულ დარგს და საბერძნეთს, როგორც ადგილს, ცნობილს სტუმართმოყვარეობითა და უსაფრთხოებით, ევროპასა და მსოფლიოში მოწინავე პოზიციებზე ვაბრუნებთ“, – ციტირებს თეოხარისის სიტყვებს სააგენტო РИА Новости.

მინისტრის განმარტებით, გასულ წელს დარგმა კორონავირუსის პანდემიის დროს რთული ბრძოლა მოიგო.

მისი თქმით, საბერძნეთში ამოქმედდება ადამიანთა ჯანმრთელობის დაცვის კომპლექსური გეგმა: ქვეყანაში შესვლის პროტოკოლი, საკარანტინო სასტუმროების ქსელის გახსნა და ვაქცინაციის დაჩქარება.

თეოხარისმა ასევე დააზუსტა, რომ ივლისის ბოლომდე საბერძნეთის 19 კუნძულის მცხოვრებლები ვაქცინირებული იქნებიან. ამასთან, 32 კუნძულზე ვაქცინაციის პროცესი უკვე დასრულდა, კიდევ 36 კუნძულზე კი მოსახლეობის იმუნიზაცია მაისის ბოლოსთვის დასრულდება.

საბერძნეთში 2019 წელს ტურიზმისგან შემოსავალმა 18,2 მლრდ ევრო შეადგინა, 2020 წელს კი მხოლოდ 4,3 მლრდ ევრო. სახელმწიფოში „ლოკდაუნი“ გასული წლის 7 ნოემბრიდან ამოქმედდა.

72
თემები:
მსოფლიო დღეს (2488)
პროტესტები პარიზში

სამი პოლიციელი დაშავდა პარიზში კოვიდ-შეზღუდვების წინააღმდეგ გამართულ აქციებზე

27
საფრანგეთში 9 აგვისტოდან რესტორნებში, ბარებში, სავაჭრო ცენტრებში, თვითმფრინავებში და საქალაქთაშორისო მატარებლებში მოქალაქეებმა უნდა წარადგინოსმ სანიტარული საშვი, რომელიც ადასტურებს ვაქცინაციას ან უარყოფით ტესტს COVID-19-ზე.

თბილისი, 31 ივლისი – Sputnik. სულ მცირე სამი პოლიციელი დაშავდა პარიზის ცენტრში აქციის დროს, სადაც სანიტარული საშვები გააპროტესტეს, იუწყება ტელეარხი BFMTV სამართალდამცავ ორგანოებში არსებულ წყაროზე დაყრდნობით.

ვიდეოჩანაწერზე ჩანს, რომ პოლიციის სპეცრაზმის ერთ-ერთი თანამშრომელი აქციიდან მის კოლეგებს საკაცით გაჰყავთ.

შაბათს საფრანგეთის დედაქალაქში რამდენიმე მანიფესტაცია გაიმართა. მომიტინგეთა მხრიდან პროვოკაციებზე საპასუხოდ პოლიციამ ცრემლსადენი გაზი გამოიყენა. აქციის მონაწილეები პოლიციას უსტვენდნენ და ბოთლებს ესროდნენ.

ახალი შეზღუდვები საფრანგეთში

საფრანგეთის პრეზიდენტმა ემანუელ მაკრონმა 12 ივლისს მოსახლეობას მიმართა და კორონავირუსის საწინააღმდეგო ღონისძიებების გამკაცრების შესახებ განაცხადა. ახალი რეგულაციებით, 9 აგვისტოდან რესტორნებში, ბარებში, სავაჭრო ცენტრებში, თვითმფრინავებში და საქალაქთაშორისო მატარებლებში ყველამ უნდა წარადგინოს სანიტარული საშვი, რომელიც ადასტურებს ვაქცინაციას ან უარყოფით ტესტს COVID-19-ზე.

სათანადო კანონპროექტი საფრანგეთის პარლამენტმა ორშაბათს მიიღო. დოკუმენტი არ ითვალისწინებს იმ ადამიანების სამსახურიდან დათხოვნას, ვინც თავისი პროფესიიდან გამომდინარე არ აიცრება. 12-17 წლის ბავშვებისთვის სანიტარული საშვები 30 სექტემბრიდან ამოქმედდება. 15 ნოემბრის შემდეგ საშვთა სისტემის მოქმედება პარლამენტში ხელახალი კენჭისყრის შემდეგ გაგრძელდება.

გარდა ამისა, ქვეყანაში სავალდებულო გახდება საავადმყოფოებში და მოხუცებულთა სახლებში მომუშავე მედპერსონალის ვაქცინაცია. მაკრონის თქმით, 15 სექტემბრიდან დაიწყება შემოწმებები და დაუმორჩილებლობისთვის ამოქმედდება სანქციები. როგორც მოგვიანებით ჯანდაცვის მინისტრმა ოლივიე ვერანმა განაცხადა, აუცრელი მედმუშაკები მუშაობის გაგრძელებას და ხელფასის მიღებას ვეღარ შეძლებენ.

ამ კვირაში მთავრობის ოფიციალურმა წარმომადგენელმა გაბრიელ ატალმა ქვეყანაში COVID-19-ის მეოთხე ტალღის დაწყების შესახებ განაცხადა.

27

ცეცხლის ალში გახვეული თურქეთი: სურათები უბედურების ზონიდან, სადაც ხანძარი მძვინვარებს

67
  • ხანძრის ლიკვიდაციისათვის ყველა ძალა გამოიყენება
  • საფრთხის გამო დასახლებულ პუნქტებსა და საკურორტო ზონებში დაიწყო ევაკუაცია
  • ხანძარს შეეწირა ექვსი ადამიანის სიცოცხლე, დაშავებულია დაახლოებით 200 ადამიანი
  • ხანძართან საბრძოლველად რუსეთიდან თურქეთში გაიგზავნა ხუთი სახანძრო თვითმფრინავი Ил-76 და სამი ვერტმფრენი Ми-8
  • თურქეთის ხელისუფლების ცნობით, კონტროლი დამყარდა ხანძრის 88 კერაზე 30 პროვინციაში
  • თუმცა ტყეებში ხანძარი კვლავ მძვინვარებს
  • თურქეთის პრეზიდენტმა რეჯეფ თაიიფ ერდოღანმა ხანძრისგან დაზარალებული რეგიონები უბედურების ზონად გამოაცხადა
  • უბედურების ზონად გამოცხადდა ადანა, ანტალია, მუგლა, მერსინი და ოსმანიე
  • ძლიერი ხანძრის გამო ცა ბოლით არის დაფარული
  • ხანძარი გზად ყველაფერს ანადგურებს
  • ფერფლად ქცეული სოფელი ხმელთაშუა ზღვის მახლობლად
  • დამწვარი სახლი მანავგათში
  • თურქეთის 12 პროვინციის ხელისუფლებამ ტყის მასივებში გადაადგილება აკრძალა აგვისტოს ბოლომდე
  • ხანძარს ებრძვიან სოფელ ქირლიშიც, რომელიც ანტალიის აღმოსავლეთით მდებარეობს
ტურისტული სეზონის პიკში თურქეთის საზღვაო კურორტები ცეცხლმა მოიცვა. იხილეთ შემზარავი სტიქიური უბედურების ამსახველი ფოტოები

თურქეთში ხანძარი მძვინვარებს, ცეცხლი გადავიდა დასახლებულ პუნქტებზე, საცხოვრებელ უბნებსა და სასტუმროებზეც. განსაკუთრებით მძიმედაა სიტუაცია ადანში, სადაც ტყის ხანძრის ექვსი კერაა, ხოლო ანტალიასა და მერსინში - ოთხ-ოთხი.

თურქეთის ხელისუფლების ინფორმაციით, ხანძრების შედეგად დაზარალდა 42 დასახლებული პუნქტი, 27 უკვე ევაკუირებულია. უბედურების შედეგად დაიღუპა მინიმუმ ექვსი ადამიანი, დაშავებულია დაახლოებით 200.

ხანძარი მოედო პოპულარულ კურორტებს - ბოდრუმსა და მარმარისს, სადაც ევაკუირებულია რამდენიმე სასტუმრო. ხანძრის ჩაქრობის შემდეგ, ევაკუირებული ტურისტები სასტუმროებში დაბრუნდნენ, დაშავებულები არ არიან.

67
  • ხანძრის ლიკვიდაციისათვის ყველა ძალა გამოიყენება
    © REUTERS / KAAN SOYTURK

    ხანძრის ლიკვიდაციისათვის ყველა ძალა გამოიყენება

  • საფრთხის გამო დასახლებულ პუნქტებსა და საკურორტო ზონებში დაიწყო ევაკუაცია
    © AFP / ILYAS AKENGIN

    საფრთხის გამო დასახლებულ პუნქტებსა და საკურორტო ზონებში დაიწყო ევაკუაცია

  • ხანძარს შეეწირა ექვსი ადამიანის სიცოცხლე, დაშავებულია დაახლოებით 200 ადამიანი
    © AP Photo / Arif Kaplan

    ხანძარს შეეწირა ექვსი ადამიანის სიცოცხლე, დაშავებულია დაახლოებით 200 ადამიანი

  • ხანძართან საბრძოლველად რუსეთიდან თურქეთში გაიგზავნა ხუთი სახანძრო თვითმფრინავი Ил-76 და სამი ვერტმფრენი Ми-8
    © REUTERS / KENAN GURBUZ

    ხანძართან საბრძოლველად რუსეთიდან თურქეთში გაიგზავნა ხუთი სახანძრო თვითმფრინავი Ил-76 და სამი ვერტმფრენი Ми-8

  • თურქეთის ხელისუფლების ცნობით, კონტროლი დამყარდა ხანძრის 88 კერაზე 30 პროვინციაში
    © REUTERS / KAAN SOYTURK

    თურქეთის ხელისუფლების ცნობით, კონტროლი დამყარდა ხანძრის 88 კერაზე 30 პროვინციაში

  • თუმცა ტყეებში ხანძარი კვლავ მძვინვარებს
    © REUTERS / KENAN GURBUZ

    თუმცა ტყეებში ხანძარი კვლავ მძვინვარებს

  • თურქეთის პრეზიდენტმა რეჯეფ თაიიფ ერდოღანმა ხანძრისგან დაზარალებული რეგიონები უბედურების ზონად გამოაცხადა
    © REUTERS / KAAN SOYTURK

    თურქეთის პრეზიდენტმა რეჯეფ თაიიფ ერდოღანმა ხანძრისგან დაზარალებული რეგიონები უბედურების ზონად გამოაცხადა

  • უბედურების ზონად გამოცხადდა ადანა, ანტალია, მუგლა, მერსინი და ოსმანიე
    © AFP / ILYAS AKENGIN

    უბედურების ზონად გამოცხადდა ადანა, ანტალია, მუგლა, მერსინი და ოსმანიე

  • ძლიერი ხანძრის გამო ცა ბოლით არის დაფარული
    © AFP / ILYAS AKENGIN

    ძლიერი ხანძრის გამო ცა ბოლით არის დაფარული

  • ხანძარი გზად ყველაფერს ანადგურებს
    © AP Photo / Arif Kaplan

    ხანძარი გზად ყველაფერს ანადგურებს

  • ფერფლად ქცეული სოფელი ხმელთაშუა ზღვის მახლობლად
    © AP Photo / Suat Metin

    ფერფლად ქცეული სოფელი ხმელთაშუა ზღვის მახლობლად

  • დამწვარი სახლი მანავგათში
    © REUTERS / KAAN SOYTURK

    დამწვარი სახლი მანავგათში

  • თურქეთის 12 პროვინციის ხელისუფლებამ ტყის მასივებში გადაადგილება აკრძალა აგვისტოს ბოლომდე
    © REUTERS / KAAN SOYTURK

    თურქეთის 12 პროვინციის ხელისუფლებამ ტყის მასივებში გადაადგილება აკრძალა აგვისტოს ბოლომდე

  • ხანძარს ებრძვიან სოფელ ქირლიშიც, რომელიც ანტალიის აღმოსავლეთით მდებარეობს
    © AP Photo

    ხანძარს ებრძვიან სოფელ ქირლიშიც, რომელიც ანტალიის აღმოსავლეთით მდებარეობს

ეპიდემია საქართველოში

მომდევნო კვირა კრიტიკული იქნება გაბუნია შეზღუდვების შესაძლო დაწესებაზე

0
(განახლებულია 23:03 31.07.2021)
ქვეყანაში გართულებული ეპიდვითარების ფონზე, ეპიდემიოლოგები კოვიდ–რეგულაციების აღსრულების გამკაცრებასა და შეზღუდვების დაწესების საჭიროებაზე საუბრობენ

თბილისი, 1 აგვისტო — Sputnik. მომდევნო ერთი კვირა შეზღუდვების შესახებ გადაწყვეტილების მისაღებად კრიტიკული იქნება, განაცხადა ჯანდაცვის მინისტრის მოადგილე თამარ გაბუნიამ. 

სპეციალისტები მომდევნო კვირას ვაქცინაციისა და ინფიცირების თვალსაზრისით გადამწყვეტს უწოდებენ და არ გამორიცხავენ, რომ ქვეყანაში ახალი შეზღუდვების დაწესება გახდეს საჭირო. მათი ვარაუდით, ინიფიცირებულების რიცხვის ზრდის ტენდენცია შენარჩუნდება – ქვეყანა ჯერ კიდევ არ მისულა მეოთხე ტალღის პიკამდე.

„მომდევნო კვირა იქნება გადამწყვეტი როგორც ვაქცინაციის, ისე ინფიცირებულთა რაოდენობის შეფასების და მომდევნო დღეების პროგნოზის თვალსაზრისით. ქვეყანაში „ინდური“ შტამის გამოვლენის შემთხვევები მატულობს, შესაბამისად იზრდება ჰოსპიტალურ სექტორში მიმართვიანობაც. ამ დროისთვის 8 ათასამდე საწოლი არის ის რაოდენობა, რაც ჯანდაცვის სექტორმა შეიძლება გამოყოს კოვიდ–პაციენტებისთვის. ინფიცირების მზარდი ტენდენციის პირობებში გართულდება მართვის პროცესი“, – განაცხადა გაბუნიამ.

მისი თქმით, შექმნილ ვითარებაში ჯერჯერობით ყველაზე მნიშვნელოვანი არსებული რეგულაციების აღსრულება და ვაქცინაციის სწრაფი წარმართვაა.

საქართველოში ბოლო პერიოდში ეპიდვითარება განსაკუთრებით გართულდა. სპეციალისტები ვითარების გაუარესებას კოვიდ-შეზღუდვების გაუქმებით ხსნიან. დარჩენილი შეზღუდვებიდან ამ ეტაპზე მოქმედებს პირბადის ტარების რეჟიმი საზოგადოებრივ ტრანსპორტსა და დახურულ სივრცეებში, აკრძალულია სოციალური ღონისძიებების ჩატარება და ღამის კლუბების მუშაობა. 

ქვეყანაში კორონავირუსის მეოთხე ტალღა მძვინვარებს. მიუხედავად იმისა, რომ ეს ჯერ კიდევ პიკი არ არის, ინფიცირების ყოველდღიური მაჩვენებელი ძალიან მაღალია. სპეციალისტების აზრით, ასეთი ზრდა კორონავირუსის ახალი შტამების გავრცელებამ გამოიწვია. ამჟამად საქართველოში გვხვდება ე.წ. ინდური შტამი, ბრიტანული და უკვე დელტა-პლუსიც. სპეციალისტების ვარაუდით, აგვისტოში ბრიტანულ შტამს მთლიანად ინდური შტამი ჩაანაცვლებს.

ამ დროისთვის საქართველოში 16 წლიდან პირთა ვაქცინაცია პრეპარატ Pfizer–ით მიმდინარეობს. რაც შეეხება 18 წლის და ზემოთ ასაკის პირებს, მათ არჩევანის გაკეთება შეუძლიათ პრეპარატ Pfizer–ს, AstraZeneca–ს, Sinopharm–სა და Sinovac–ის შორის.

ბოლო მონაცემებით, საქართველოში ამ დროისათვის სულ აცრილია 481.591 პირი, აქედან სრული ორი დოზით – 157.754 ადამიანი. ეპიდემიოლოგების განმარტებით, ვირუსის დამარცხებისთვის აუცილებელია ქვეყნის მოსახლეობის 60–70% ვაქცინირებული იყოს.
საქართველოში ვაქცინაცია ნებაყოფლობითია. მოსახლეობის არავაქცინირებული ნაწილისთვის განსაკუთრებული შეზღუდვები არ მოქმედებს.

0
თემები:
კორონავირუსი საქართველოში: ბოლო ცნობები