თბილისი, 8 მაისი – Sputnik. იერუსალიმში 7 მაისის ღამით პალესტინელებსა და ისრაელის პოლიციას შორის სასტიკი შეჯახება მოხდა.
Shocking video coming from the Haram al-Sharif, where Israeli border patrol attacked worshippers tonight, in yet another act of provocation during this month of Ramadan.
— Yaseen (@iamyaseenmajeed) May 7, 2021
Long live resistance ✊#Jerusalem #Palestine
pic.twitter.com/2447eo1aAT
დაპირისპირებამ აღმოსავლეთ იერუსალიმის ერთდროულად ორ რაიონში იფეთქა, რა დროსაც 205 ადამიანი დაშავდა.
გავრცელებული ინფორმაციით, პოლიციამ რეზინის ტყვიები, ხმოვან-მანათობელი ყუმბარები და ცრემლსადენი გაზი გამოიყენა.
შეტაკებების ერთ-ერთ რაიონში, შეიხ ჯარას კვარტალში, უკვე ერთ კვირაზე მეტია, რაც საპროტესტო აქციები მიმდინარეობს ისრაელის სასამართლოს გადაწყვეტილებასთან დაკავშირებით, რაც რამდენიმე არაბული ოჯახის გასახლებას ითვალისწინებს.
A Palestinian young man in #Jerusalem's Old City today.
— Eccedentesiast. (Someone who fakes a smile.) (@IbnParvez) May 7, 2021
😭💔😭#IsrealOccupiedPalestine.#FreePalestine. pic.twitter.com/VOJ9MnFaDD
ამ აქციების ფონზე პალესტინის ეროვნული ადმინისტრაციის ხელმძღვანელმა მაჰმუდ აბასმა გაეროში პალესტინის წარმომადგენელს დაავალა, გამოითხოვოს უსაფრთხოების საბჭოს სხდომა აღმოსავლეთ იერუსალიმში მიმდინარე მოვლენებთან დაკავშირებით.
საქმე ისაა, რომ 1956 წელს იორდანიის მთავრობამ და UNRWA−მ ერთობლივად გადაწყვიტეს, დაესახლებინათ 28 პალესტინური ოჯახი შეიხ ჯარას კვარტალში, მაგრამ მათთვის საცხოვრებელზე საკუთრების უფლება არ გადაუცათ. შესაბამისად, აღნიშნული თემა დღემდე რჩება დავისა და დაპირისპირებების საგნად.
მანამდე, 23 აპრილს, ერთმანეთს ებრაელი და პალესტინელი ახალგაზრდები დაუპირისპირდნენ, რა დროსაც 30-ზე მეტი პალესტინელი დაშავდა.