საცურაო აუზი

საცურაო აუზებში ქლორი კორონავირუსს 30 წამში კლავს: ბრიტანული კვლევა

68
(განახლებულია 19:37 04.05.2021)
ბრიტანელი პროფესორის თქმით, კვლევებით დადგინდა, რომ COVID-19-ის გადადების რისკი აუზის წყალში „წარმოუდგენლად დაბალია“.

თბილისი, 4 მაისი – Sputnik. საცურაო აუზები ქლორირებული წყლით უსაფრთხო და საიმედო გარემოა COVID-19-ის პანდემიის პირობებშიც კი, იუწყება გამოცემა Express ლონდონის საიმპერიო კოლეჯის მეცნიერებზე დაყრდნობით.

„ქლორირებული წყალი აუზებში COVID-19-ის გამომწვევი ვირუსის 30 წამში ინაქტივაციას უწყობს ხელს“, — აცხადებენ ბრიტანელი ვირუსოლოგები.

Hackensack Meridian Health-ის ცნობით, საცურაო აუზის წყლის დეზინფექციისთვის ქლორის აუცილებელი რაოდენობა ყველანაირ აღმძვრელს, მათ შორის ვირუსებსაც კლავს.

კვლევებით დადგინდა, რომ ერთ ლიტრ წყალზე 1,5 მლ თავისუფალი ქლორი 7-დან 7,2-მდე pH-ით ვირუსს 30 წამში ათასზე მეტჯერ ასუსტებს.

აღსანიშნავია, რომ ბრიტანეთის დაავადებათა კონტროლისა და პროფილაქტიკის ცენტრებს არ გააჩნიათ არანაირი ცნობა საცურაო აუზებში ადამიანების კორონავირუსით ინფიცირების თაობაზე.

  • „შევურიეთ რა ვირუსი აუზის ქლორირებულ წყალს, ჩვენ დავადგინეთ, რომ ვირუსი აუზის წყალში კვდება: ის გადამდები აღარ არის“, — განაცხადა პროფესორმა ვენდი ბარკლაიმ.

მისი თქმით, კვლევის შედეგებით დადგინდა, რომ COVID-19-ის გადადების რისკი აუზის წყალში „წარმოუდგენლად დაბალია“.

აღსანიშნავია, რომ მანამდე ჯანდაცვის მსოფლიო ორგანიზაციაც აცხადებდა, რომ კორონავირუსი შესაძლოა მგრძნობიარე იყოს ქლორის მიმართ.

68
თემები:
მსოფლიო და მეცნიერება (650)
ილონ მასკი

მილიარდერთა სიაში ცვლილებებია: ილონ მასკმა მესამე ადგილზე გადაინაცვლა

29
(განახლებულია 13:14 18.05.2021)
ორშაბათს Tesla-ს აქციების ღირებულება  2,2%–ით – 576,83 დოლარამდე დაეცა. მაისის დასაწყისიდან აქციების ღირებულება დაახლოებით 18,7%–ით შემცირდა.

თბილისი, 18 მაისი ― Sputnik. კომპანია SpaceX-ისა და Tesla-ს დამფუძნებელმა ილონ მასკმა მსოფლიოს უმდიდრესი ადამიანების სიაში პოზიციები  Louis Vuitton Moët Hennessy –ს პრეზიდენტ ბერნარდ არნოს დაუთმო და მესამე ადგილზე გადაინაცვლა, Bloomberg Billionaires Index–ის (BBI) მონაცემებს სააგენტო „ბლუმბერგი“ ავრცელებს.

BBI–ის მონაცემებით, ამერიკელმა ბიზნესმენმა ბოლო დღეებში 3,16 მლრდ დოლარი დაკარგა და ამ დროისთვის მისი ქონება 160,6 მლრდ დოლარად არის შეფასებული.  არნოს ქონება 285 მილიონით გაიზარდა და 161,2 მლრდ დოლარი შეადგინა.

 

მსოფლიოს უმდიდრეს ადამიანთა ჩამონათვალში პირველ პოზიციას კვლავ Amazon–ის დამფუძნებელი ჯეფ ბეზოსი ინარჩუნებს. მისი ქონება 2,41 მლრდ დოლარით გაიზარდა და 190 მლრდ–ს მიაღწია.

ამასთან აღსანიშნავია, რომ Forbes Real-Time–ის რეიტინგშიც მასკი 146,5 მლრდ დოლარით (ქონება შემცირდა 2,6 მილიარდით) მესამე ადგილზეა, არნოს კაპიტალი 182,6 მლრდ დოლარს (შემცირდა 1,2 მილიარდით) შეადგენს, ბეზოსის სიმდიდრე კი 189,5 მლრდ დოლარით (გაიზარდა 2,4 მილიარდით) ფასდება.

 

29
თემები:
მსოფლიო დღეს

დიდი ტალღები და ძლიერი ქარი: მუმბაიში ციკლონმა ტაუკტაემ ქაოსი გამოიწვია

36
ორშაბათს მუმბაის ციკლონმა ტაუკტაემ გადაუარა, რომელიც ახლა მთელ რეგიონს ემუქრება

ტაუკტაეს გამო მუმბაის აეროპორტში 55-ზე მეტი რეისი გაუქმდა.

მთავრობამ ქალაქის სანაპიროზე სამი სამხედრო ხომალდი გაგზავნა 400-ზე მეტი ადამიანის გადასარჩენად.

ქარის სიჩქარებ 185 კმ/სთ-ს მიაღწია, რის გამოც ათასობით ადამიანს სახლის დატოვება მოუწია.

36
ახალი სკვერი თბილისში

კერძო ავტოფარეხების ნაცვლად ახალი სკვერები მოეწყო

0
(განახლებულია 14:54 18.05.2021)
ხმალაძის განმარტებით, მერია მომავალშიც აქტიურად გააგრძელებს დედაქალაქში რეკრეაციული სივრცეების მოწყობას.

 

თბილისი, 18 მაისი — Sputnik. თბილისში 446 კერძო ავტოფარეხის ადგილზე 34 სკვერი გაშენდა, განაცხადა თბილისის ვიცე–მერმა ირაკლი ხმალაძემ ქალაქში  ურბანული განვითარების პოლიტიკის მიმართულებით განხორციელებული პროექტების პრეზენტაციაზე. 

ხმალაძის თქმით, აღნიშნული პროექტი არის იმის ნათელი მაგალითი, რომ მთლიანი ქალაქისთვის „ერთი გადაწყვეტილებით შეიძლება შექმნა ურბანული სიკეთე“.

 „მოსახლეობასთან კომუნიკაციის გზით და გამგეობების აქტიური მუშაობის შედეგად, ავტოფარეხები სკვერებით ჩანაცვლდა“, – განაცხადა ხმალაძემ.

თბილისის ვიცე-მერის თქმით, პროექტის ფარგლებში თბილისში დამატებით 4 მლნ კვადრატული მეტრის ფართობს მიენიჭა მწვანე სივრცის სტატუსი და განისაზღვრა ხუთი ახალი საპარკე არეალი.

დედაქალაქის მთავრობისთვის რეკრეაციული ზონების შექმნა და აღდგენა ერთ–ერთი პრიორიტეტული მიმართულებაა. ბოლო სამი წლის მანძილზე თბილისში არაერთი პარკისა და სკვერის აღდგენითი სამუშაოები ჩატარდა. სულ ახლახანს მერიამ ორი მასშტაბური პროექტის – ვაკის პარკის განახლებისა და ყოფილი იპოდრომის ტერიტორიაზე ახალი ცენტრალური პარკის მშენებლობის განხორციელება დაიწყო.

0
თემები:
თბილისის მერია