პრეპარატი ომეგა

ვის ეკრძალება ომეგა-3: ამერიკელი მეცნიერები ექიმებს აფრთხილებენ

228
(განახლებულია 18:43 29.04.2021)
მეცნიერებმა დაადგინეს, რომ ომეგა-3 ზოგი პაციენტისთვის სახიფათოა და ექიმებმა მისი დანიშვნის შემთხვევაში რისკები უნდა გაითვალისწინონ.

თბილისი, 29 აპრილი — Sputnik. საკვები დანამატები, რომლებიც პოლიგაჯერებულ ცხიმმჟავა ომეგა-3-ს შეიცავს და რომლებიც ხშირად ინიშნება გულ-სისხლძარღვთა დაავადებების რისკის შესამცირებლად, შეიძლება სახიფათო იყო პაციენტთა გარკვეული ჯგუფისთვის, აცხადებენ ამერიკელი მეცნიერები.

მათი კვლევა გამოქვეყნებულია ჟურნალში European Heart Journal - Cardiovascular Pharmacotherapy.

გავრცელებული ინფორმაციით, სპეციალისტებმა ხუთი კვლევის შედეგები გააანალიზეს, რომლებშიც 50 ათასზე მეტი ადამიანი იღებდა მონაწილეობას. მათი ნაწილი ომეგა-3-ის შემცველ დანამატებს იღებდა, ნაწილი — პლაცებოს. ექიმები კვლევის მონაწილეებს ორიდან შვიდ წლამდე აკვირდებოდნენ.

გაირკვა, რომ ომეგა-3 მოციმციმე არითმიას, წინაგულის ფიბრილაციას ავითარებს, თუ პაციენტის სისხლში ლიპიდების მაღალი დონე ფიქსირდება. სამედიცინო სტატისტიკის თანახმად, ამ დაავადების მქონე ადამიანებში ინსულტების რისკი ხუთჯერ უფრო მაღალია, ვიდრე არითმიის არმქონეებში.

როგორც კვლევის ავტორები აცხადებენ, ომეგა-3-ის შემცველი დანამატების დანიშვნისას ექიმებმა ეს რისკები უნდა გაითვალისწინონ.

228
თემები:
მსოფლიო და მეცნიერება (650)

ლუკაშენკო: ბელარუსმა საკუთარი კოვიდ-ვაქცინა შექმნა

36
(განახლებულია 22:24 07.05.2021)
ქვეყნის ჯანდაცვის სამინისტროს სპეციალისტები მიიჩნევენ, რომ პრეპარატის საცდელი სამრეწველო პარტია 2021 წლის ბოლოს გამოვა.

თბილისი, 7 მაისი – Sputnik. ბელარუსმა COVID-19-ის პროფილაქტიკისთვის საკუთარი ვაქცინა შეიმუშავა, განაცხადა რესპუბლიკის პრეზიდენტმა ალექსანდრ ლუკაშენკომ. ამის შესახებ წერს „Sputnik-ბელარუსი“.

„ჩვენ გუშინ სინჯარაში მივიღეთ ჩვენი საკუთარი ვაქცინა - ბელარუსული. განსხვავებული იმისგან, რომელსაც დღეს ვყიდულობთ. როგორც ექიმები ამბობენ, ცოცხალი ვაქცინაა“, – განაცხადა ლუკაშენკომ.

მისი თქმით, ამ საკითხში სიჩქარე საჭირო არაა, ჯობს დაკვირვება „რა იქნება ზეგ, როდესაც დაავადება სახეს შეიცვლის“.

„დღეს ჩვენ გვაქვს ვაქცინები, რომლებიც მუშაობენ – რუსული ტექნოლოგიებით, ჩინურები შევიძინეთ. ხვალ კი ჩვენს ვაქცინას, რომელიც უკვე სინჯარაშია, გამოვიყენებთ იმ შტამისთვის, რომელიც გვექნება. ვინ იცის, ცხოვრება როგორ წარიმართება“, – აღნიშნა პრეზიდენტმა.

დეტალები ვაქცინის შესახებ

ბელარუსის ჯანდაცვის სამინისტროში მოგვიანებით განმარტეს, რომ შემუშავებული ვაქცინა ინაქტივირებული, ანუ მკვდარი კორონავირუსის საფუძველზეა შექმნილი. ვაქცინის ეს ტიპი კარგადაა შესწავლილი, ტექნოლოგია გამოცდილია, ვაქცინა იქნება ნაკლებად რეაქტოგენური, გვერდითი რეაქციებისა და შედეგების გარეშე.

მომავალი ვაქცინის უპირატესობა მდგომარეობს იმაში, რომ საჭიროების შემთხვევაში არსებობს შემადგენლობის ცვლის შესაძლებლობა, თუ შტამების სერიოზული მუტაციები მოხდება, აღნიშნეს სამინისტროში. თუმცა არსებობს მინუსებიც: რთული საწარმოო პროცესი და ვექტორულ ვაქცინებთან შედარებით შექმნის ხანგრძლივი პროცესი, ასევე მუშაობა ძლიერ პათოგენებთან, რაც ბიოლოგიური დაცვის მაღალ დონეს მოითხოვს.

სპეციალისტები მიიჩნევენ, რომ პრეპარატის საცდელი სამრეწველო პარტია 2021 წლის ბოლოს გამოვა, ამიტომ ჯერჯერობით მიმდინარეობს პროტოტიპის გაწმენდის ეტაპისთვის მზადება, შემდეგ კი კლინიკური კვლევების პირველი და მეორე ფაზები ჩატარდება.

პრეპარატს ჯერჯერობით დასახელება არ აქვს.

განკარგულება ვაქცინის შექმნის შესახებ ლუკაშენკომ 1 აპრილს გამოსცა. განკარგულების მიხედვით, პრეპარატი მზად უნდა იყოს 2023 წელს. საცდელი სამრეწველო პარტიის მიღება იგეგმება წლის ბოლოს, ხოლო პირველი სამრეწველო პარტიის – 2022 წელს.

ბელარუსის მოსახლეობას დეკემბრიდან ცრიან რუსული ვაქცინით „სპუტნიკ V", ხოლო მარტიდან მას დაემატა ჩინური კომპანია Sinopharm-ის პრეპარატი. ვაქცინის პირველი კომპონენტი მიიღო დაახლოებით 300 ათასმა ადამიანმა, ხოლო 137 ათასმა ადამიანმა ვაქცინაციის სრული კურსი გაიარა.

36
 Sinopharm-ს ვაქცინა

Sinopharm-მა ჯანმრთელობის მსოფლიო ორგანიზაციის ავტორიზაცია მიიღო

28
(განახლებულია 21:56 07.05.2021)
მაგრამ ჯანმრთელობის მსოფლიო ორგანიზაცია 60 წელს ზემოთ ასაკის პაციენტებს ამ ვაქცინის გამოყენებას არ ურჩევს.

თბილისი, 7 მაისი – Sputnik. ჯანმრთელობის მსოფლიო ორგანიზაციამ ჩინური წარმოების Sinopharm-ის ვაქცინას ავტორიზაცია მიანიჭა, ამის შესახებ ორგანიზაციაში გამართულ ბრიფინგზე გახდა ცნობილი.

„დღეს ჯანმომ COVID-19-ის საწინააღმდეგო ვაქცინა Sinopharm-ი მთელი მსოფლიოს მასშტაბით გადაუდებელი გამოყენებისთვის რეკომენდებულ ვაქცინათა სიაში შეიყვანა“, – ნათქვამია განცხადებაში.

განცხადებაში ასევე აღნიშნულია, რომ ჯანმოს ექსპერტებმა ვაქცინის ხარისხისა და უსაფრთხოების შეფასების მიზნით მისი წარმოების ინსპექტირებაც ჩაატარეს.

„ყველა არსებული მონაცემის საფუძველზე ჯანმო აძლევს რეკომენდაციას – ვაქცინა გამოყენებულ იქნას 18 წელს ზემოთ ასაკის ადამიანებისთვის, ორ-ორი დოზით 3-4 კვირის შუალედით. სიმპტომების მქონე ადამიანებისთვის და ჰოსპიტალიზებული პაციენტებისთვის ვაქცინის ეფექტიანობა ყველა გაერთიანებული ასაკობრივი ჯგუფისთვის 79%-ს შეადგენს“, – აღნიშნეს ორგანიზაციაში.

ამავე დროს ჯანმო 60 წელს ზემოთ ასაკის პაციენტებს ამ ვაქცინის გამოყენებას არ ურჩევს, რადგან ჯერჯერობით ამ ასაკობრივი ჯგუფისთვის პრეპარატის ეფექტიანობის შესახებ საკმარისი მონაცემები არ არსებობს.

საქართველოში ჩინური Sinopharm-ით ვაქცინაცია 4 მაისს დაიწყო. ვაქცინის გაკეთება შეუძლიათ 18 წელს ზემოთ ასაკის პირებს. ვაქცინის სრული დოზის მისაღებად აუცილებელია ორი ინექციის გაკეთება 21-დღიანი ინტერვალით. აღნიშნული პრეპარატის 100 ათასი დოზა ქვეყანამ აპრილში მიიღო. ჯანდაცვის მინისტრის ეკატერინე ტიკარაძის თქმით, ქვეყანაში იქნება ხელმისაწვდომი ჩინური ვაქცინის დამატებით 600 ათასი დოზა, საიდანაც 250 ათასი – ივნისში.

კორონავირუსის საწინააღმდეგო ვაქცინაცია საქართველოში 15 მარტს დაიწყო. ამ დროისათვის საქართველოში ხელმისაწვდომია AstraZeneca-ს, Pfizer-ის და Sinopharm-ის ვაქცინები, თუმცა ქვეყანა მოლაპარაკებებს აწარმოებს სხვა მწარმოებლებთანაც. ამ დროისათვის აცრილია 55 ათასზე მეტი ადამიანი, ხოლო მეორე დოზა 9 ათასმა ადამიანმა მიიღო.

28
არწივი მთებში

დღის ასტროპროგნოზი ზოდიაქოს ნიშნებისთვის: 8 მაისი

0
(განახლებულია 18:38 07.05.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 8 მაისია, შაბათი. კლებადი მთვარე ვერძის ნიშანშია. ამ დღეს პლანეტა სატურნი მფარველობს.

იღბალი იქნება თანმდევი ყველა საქმეში, რაც ოგანიზაციულ მომენტებსა და ურთიერთობებს უკავშირდება. საუკეთესო დღეა კომპრომისების მოსაძებნად, რთული სიტუაციების გასაშიფრად, ნესბიემიერი ღონისძიებისთვის – ოფიციალური მოლაპარაკებებიდან დაწყებული წვეულების მოწყობით დამთავრებული. ძალზე ხელსაყრელი დროა იმისთვის, რომ საქმეები კარგად დაალაგოთ და საჭირო კალაპოტი მისცეთ.

ეგვიპტური ჰოროსკოპი – დაინახეთ თქვენი თავი განსხვავებულად>>

ვერძი: დღეს ვითარება თქვენგან მოითხოვს, რომ ინიციატივა აიღოთ ხელში. თუნდაც ეს თქვენთვის ჩვეული არ იყოს, იგრძნობთ მოთხოვნილებას, რომ მიიღოთ გადაწყვეტილებები და მათზე პასუხისმგებლობა აიღოთ. საინტერესო ისაა, რომ გარშემომყოფები მშვიდად დაგითმობენ პირველობას. შესაძლოა, ყველა გადაწყვეტილება და მოქმედება სწორი არ იყოს, მაგრამ ამით მოგეცემათ შანსი, ყველას და საკუთარ თავსაც აჩვენოთ, რომ ბევრი რამ შეგიძლიათ.

კურო: დღეს გარშემომყოფებმა შეიძლება თქვენით მანიპულირება მოინდომონ. არ არის გამორიცხული, რომ ვიღაც შეეცადოს თავისი მდგომარეობის, კავშირების ან პირადი მომხიბვლელობის გამოყენებას, რათა თავის თამაშში ჩაგითრიოთ. თუ ამ მცდელობას აჰყვებით, დროთა განმავლობაში ინანებთ – ამან შეიძლება თქვენს რეპუტაციას დაარტყას. ასე რომ, დღეს თქვენი თვალსაზრისი უნდა დაიცვათ და მოერიდოთ ადამიანებს, რომლებიც თქვენით მანიპულირებას შეეცდებიან.

ტყუპი: დღეს კარგად ვერ გაართმევთ თავს იმ საქმეებს, სადაც ლოგიკური აზროვნებაა საჭირო – გათვლები, ანალიტიკა, მეცნიერება, დაგეგმვა, სწავლა. სამაგიეროდ, ძალიან იოლი იქნება კონტაქტები ადამიანებთან, მათი თქვენი იდეებითა და ემოციებით დამუხტვა. ამას გარდა, ურთიერთობებში მწვავედ იგრძნობთ სიყალბეს, რისი გამოყენებაც „სიცრუის დეტექტორის“ სახით შეგიძლიათ.

კირჩხიბი: ვარსკვლავები გირჩევენ, დრო გამონახოთ კარიერული, პროფესიული თუ პიროვნული ზრდის მეთოდიკის გასაცნობად. ამ თემებზე წიგნების ნახვა ადვილია – ნებისმიერი წიგნის მაღაზიიდან დაწყებული ინტერნეტით დამთავრებული. თუნდაც სკეპტიკურად უყურებდეთ მსგავს ლიტერატურას, ნამდვილად ღირს მისი შესწავლა, ან შეგიძლიათ შეეგუოთ დღევანდელ მდგომარეობას. მაგრამ გახსოვდეთ, რომ რამდენიმე რჩევის გათვალისწინებაც კი წარმატებებს მოგიტანთ.

ლომი: დღეს ნებისმიერი შეკრების „მიზიდულობის ცენტრი“ შეგიძლიათ გახდეთ. გარეშემომყოფები თქვენკენ მოილტვიან. საჭირო შედეგი რომ მიიღოთ, საკმარისია თქვენი ქარიზმა გამოიყენოთ – უარს ვერავინ გეტყვით. სხვათა შორის, დღევანდელი ვითარება სხვანაირადაც შეიძლება შემობრუნდეს თქვენთვის – ირგვლივ მყოფებმა გასაქანი არ მოგცენ, სულის მოთქმა არ გაცადონ და სულ „ნაწილ–ნაწილ“ დაგიტაცონ.

ქალწული: დღეს შეიძლება დიდ მანიპულატორად იქცეთ და ადამიანები თოჯინებივით ათამაშოთ. თუნდაც ეს მანიპულაცია სუსტი იყოს, მაგრამ არსი მაინც არ იცვლება. მზად ხართ, გარშემომყოფების მოქმედებებს საჭირო კალაპოტი მისცეთ. ამისთვის კი აამუშაოთ კავშირები, მინიშნებები, დაპირებები, ჭორები... ამან რომ არ იმუშაოს კიდეც, თქვენსას მაინც მიაღწევთ, მაგრამ უფრო ადვილი გზებით – ქედუხრელობითა და სხვების დარწმუნების უნარით.

სასწორი: დღეს ის იშვიათი დღეა, როდესაც ირგვლივმყოფებთან კამათში ნამდვილად შეიძლება დაიბადოს ჭეშმარიტება. მაგრამ მაინც სჯობს, არა იკამათოთ, არამედ განიხილოთ, იმსჯელოთ ნებისმიერ თემაზე – იდეებზე, გეგმებზე, პერსპექტივებზე. დღეს არაფერი ისე არ გაგამხნევებთ, არაფერი გაგიჩენთ ცინცხალ იდეებსა და მოქმედების სურვილს, როგორც ტვინის კარგი „შეჯანჯღარება“. თანამოაზრეებთან ერთად ნებისმიერ ამოცანასთან შეჭიდებას შეძლებთ.

მორიელი: მოთმინებითა და გაგებით უნდა მოეკიდოთ ადამიანს, რომელსაც დღეს თქვენი დახმარება, მხარდაჭერა ან რჩევა სჭირდება. თუ კეთილ საქმეს დროს დაუთმობთ, არ ინანებთ. პირიქით, კეთილისმყოფელის როლში თავს არაჩვეულებრივად იგრძნობთ. თქვენც ხომ დაგჭირვებიათ ვინმეს დახმარება ან რჩევა, და რატომ არ უნდა დაეხმაროთ თქვენ? და გახსოვდეთ, რომ სიკეთეცა და ბოროტებაც უკან ბუმერანგივით გვიბრუნდება.

მშვილდოსანი: დღეს ძალიან გაგიჭირდებათ თავის მოთოკვა, რომ ახლობლებს ბრძანებები არ მისცეთ და თქვენი ვალდებულებების ნაწილიც მათ არ გადააბაროთ. ვერაფერს გააწყობთ – ეს გუნდის კანონია, ყოველთვის დამყოლი ვერ იქნებით, ხანდახან კლანჭებიც უნდა გამოაჩინოთ. ამასთან დღეს ეს თავისთავადაც შეიძლება გამოვიდეს – სიტუაცია ისე ჩამოყალიბდეს, რომ არჩევნის წინაშე დადგეთ: ან ვერ გაუმკლავდეთ ყველა საქმეს, ან სხვა დაიხმაროთ.

თხის რქა: დღეს ირგვლივ არსებული ატმოსფერო გაგახარებთ. სითბოსა და ურთიერთდახმარების განცდა თქვენში დაბადებს გრძნობას, რომ ყველა, ვინც გარშემო ტრიალებს, ერთი დიდი ოჯახია. ასეთი სიკეთით სავსე განწყობა აუცილებლად აისახება თქვენ ქცევაზე – ჩვეულებრივზე მეტად გულგახსნილი იქნებით ურთიერთობებში. თქვენი მომხიბვლელობისთვის წინააღმდეგობის გაწევას ირგვლივ მყოფნი ვერ შეძლებენ – თუ მოინდომებთ, დაუძინებელ მტერსაც კი საუკეთესო მეგობრად აქცევთ.

მერწყული: თქვენი კომუნიკაბელურობა დღეს სასიამოვნო დივიდენდებით შეიძლება შემოგიბრუნდეთ. შესაძლოა, გარშემომყოფებთან თქვენი ცოდნით გაიბრწყინოთ, ან პერსპექტიული ნაცნობობა გააბათ. სხვაგვარად რომ ვთქვათ, დღეს სრულად უნდა წარმოაჩინოთ თქვენი დიდი ორატორული ნიჭი. რა თქმა უნდა, ლაპარაკი ყოველთვის არაა მისასალმებელი, მაგრამ დღეს გამონაკლისი შეგიძლიათ დაუშვათ და „მჭევრმეტყველების მაგიური ძალა“ აჩვენოთ.

თევზები: დღის განმავლობაში საინტერესო შეხვედრები და ნაცნობობა გელოდებათ, რომლებიც ზეგავლენას მოახდენს თქვენ შემდგომ ცხოვრებაზე. რა სახის იქნება ეს გავლენა – დადებითი თუ უარყოფითი, უკვე თვითონ თქვენზეა დამოკიდებული. ამიტომ ვარსკვლავები გირჩევენ, ყოველი შემთხვევისთვის, მთელი თქვენი ბუნებრივი ხიბლი აამოქმედოთ თითოეულ თანამოსაუბრესთან. მომხიბვლელობა კი, რაც მართალი, მართალი – არ გაკლიათ.

0