რუმინეთის დროშა

რუმინეთმა რუსეთის სამხედრო ატაშეს მოადგილე პერსონა ნონ გრატად გამოაცხადა

36
(განახლებულია 19:13 26.04.2021)
უწყებაში განმარტეს, რომ რუსეთის საელჩოს თანამშრომლის ქმედებები ვენის კონვენციის ნორმებს ეწინააღმდეგება. სხვა დეტალები არ დაუზუსტებიათ.

თბილისი 26 აპრილი — Sputnik. რუმინეთის საგარეო საქმეთა სამინისტრომ პერსონა ნონ გრატად გამოაცხადა რუსეთის სამხედრო ატაშეს მოადგილე ალექსეი გრიშაევი, იუწყება РИА Новости უწყების პრეს-სამსახურზე დაყრდნობით.

„რუმინეთის საგარეო საქმეთა სამინისტროს ინფორმაციით, ქვეყნის ხელისუფლებამ გადაწყვიტა პერსონა ნონ გრატად გამოაცხადოს ბუქარესტში რუსეთის ფედერაციის საელჩოს სამხედრო ატაშეს მოადგილე“, — ნათქვამია სამინისტროს განცხადებაში.

როგორც უწყებაში განმარტეს, რუსეთის მოქალაქის ქმედებები „ეწინააღმდეგება ვენის 1961 წლის კონვენციის ნორმას დიპლომატიური ურთიერთობების შესახებ“. სხვა დეტალები ამჟამად არ არის ცნობილი.

რუსეთსა და დასავლეთს შორის ურთიერთობები კვლავ უარესდება. ბოლო კვირების განმავლობაში რუსული დიპლომატიური მისიებიდან თანამშრომლები სხვადასხვა საბაბით გამოაძევეს: შეერთებულმა შტატებმა, ბულგარეთმა, უკრაინამ, ჩეხეთმა, სლოვაკეთმა, პოლონეთმა, ლიეტუვამ, ლატვიამ და ესტონეთმა.

36
თემები:
რუსეთი დღეს (856)
ილონ მასკი

მილიარდერთა სიაში ცვლილებებია: ილონ მასკმა მესამე ადგილზე გადაინაცვლა

23
(განახლებულია 13:14 18.05.2021)
ორშაბათს Tesla-ს აქციების ღირებულება  2,2%–ით – 576,83 დოლარამდე დაეცა. მაისის დასაწყისიდან აქციების ღირებულება დაახლოებით 18,7%–ით შემცირდა.

თბილისი, 18 მაისი ― Sputnik. კომპანია SpaceX-ისა და Tesla-ს დამფუძნებელმა ილონ მასკმა მსოფლიოს უმდიდრესი ადამიანების სიაში პოზიციები  Louis Vuitton Moët Hennessy –ს პრეზიდენტ ბერნარდ არნოს დაუთმო და მესამე ადგილზე გადაინაცვლა, Bloomberg Billionaires Index–ის (BBI) მონაცემებს სააგენტო „ბლუმბერგი“ ავრცელებს.

BBI–ის მონაცემებით, ამერიკელმა ბიზნესმენმა ბოლო დღეებში 3,16 მლრდ დოლარი დაკარგა და ამ დროისთვის მისი ქონება 160,6 მლრდ დოლარად არის შეფასებული.  არნოს ქონება 285 მილიონით გაიზარდა და 161,2 მლრდ დოლარი შეადგინა.

 

მსოფლიოს უმდიდრეს ადამიანთა ჩამონათვალში პირველ პოზიციას კვლავ Amazon–ის დამფუძნებელი ჯეფ ბეზოსი ინარჩუნებს. მისი ქონება 2,41 მლრდ დოლარით გაიზარდა და 190 მლრდ–ს მიაღწია.

ამასთან აღსანიშნავია, რომ Forbes Real-Time–ის რეიტინგშიც მასკი 146,5 მლრდ დოლარით (ქონება შემცირდა 2,6 მილიარდით) მესამე ადგილზეა, არნოს კაპიტალი 182,6 მლრდ დოლარს (შემცირდა 1,2 მილიარდით) შეადგენს, ბეზოსის სიმდიდრე კი 189,5 მლრდ დოლარით (გაიზარდა 2,4 მილიარდით) ფასდება.

 

23
თემები:
მსოფლიო დღეს

დიდი ტალღები და ძლიერი ქარი: მუმბაიში ციკლონმა ტაუკტაემ ქაოსი გამოიწვია

31
ორშაბათს მუმბაის ციკლონმა ტაუკტაემ გადაუარა, რომელიც ახლა მთელ რეგიონს ემუქრება

ტაუკტაეს გამო მუმბაის აეროპორტში 55-ზე მეტი რეისი გაუქმდა.

მთავრობამ ქალაქის სანაპიროზე სამი სამხედრო ხომალდი გაგზავნა 400-ზე მეტი ადამიანის გადასარჩენად.

ქარის სიჩქარებ 185 კმ/სთ-ს მიაღწია, რის გამოც ათასობით ადამიანს სახლის დატოვება მოუწია.

31
„სპუტნიკ V“–თი ვაქცინაცია

რუსეთში კორონავირუსის მეოთხე ვაქცინას არეგისტრირებენ პუტინი

0
(განახლებულია 13:54 18.05.2021)
ამჟამად რუსეთში კორონავირუსის საწინააღმდეგო სამი ვაქცინაა დარეგისტრირებული: „სპუტნიკ V“, „ეპივაკკორონა“ და „კოვივაკი“

თბილისი, 18 მაისი – Sputnik. რუსეთის პრეზიდენტმა ვლადიმირ პუტინმა განაცხადა, რომ ქვეყანაში მიმოქცევაში მალე მოხვდება კორონავირუსის საწინააღმდეგო მეოთხე ვაქცინა.

ვაქცინა „სპუტნიკ ლაიტი“ რუსეთში რეგისტრაციას გაივლის>>

საუბარია „სპუტნიკ ლაიტზე“, რომელიც რეგისტრაციას გადის ჯანდაცვის სამინისტროში. „სპუტნიკ ლაიტი“ – ესაა ვაქცინა „სპუტნიკ V“–ს ერთი ინექცია. „სპუტნიკ V“ ორჯერ კეთდება. მისი ეფექტურობა, კლინიკური კვლევების მესამე ფაზის მონაცემებით, რომელიც ჟურნალ The Lancet–ში გამოქვეყნდა, 91,6%–ს შეადგენს. ამავე პუბლიკაციაში აღნიშნულია, რომ ამ ორკომპონენტიანი ვაქცინის პირველი ინექციის შემდეგ დაავადებისგან დაცვის დონემ 87,6% შეადგინა.

„სპუტნიკ ლაიტი“ - ერთკომპონენტიანი ვაქცინაა, რომლის შემადგენლობაში იგივე სტრუქტურებია, რომლებსაც „სპუტნიკV" მოიცავს. „სპუტნიკ ლაიტი“ არ შეიცავს თავად COVID-19-ს, შესაბამისად, აცრის შედეგად კორონავირუსით დაინფიცირება შეუძლებელია.

გამალეის ცენტრის ხელმძღვანელის ალექსანდრ გინცბურგის თქმით, „სპუტნიკ ლაიტით“ აცრა პირს ოთხი-ხუთი თვის განმავლობაში იცავს და დაავადების მძიმე მიმდინარეობის ალბათობის შემცირების საშუალებას იძლევა. აცრის ეფექტურობა დაახლოებით 85%-ს შეადგენს, დასძინა მეცნიერმა.

ამ დროისთვის რუსეთში კორონავირუსის საწინააღმდეგო სამი ვაქცინაა დარეგისტრირებული. ესენია „სპუტნიკ V“, „ეპივაკკორონა“ და „კოვივაკი“.

0
თემები:
რუსეთი დღეს (856)