ვაქცინაცია

კოვიდ-ვაქცინის ნაცვლად: გერმანელმა მედდამ პაციენტები ფიზიოლოგიური ხსნარით „აცრა“

138
(განახლებულია 16:19 26.04.2021)
ხელისუფლება ცდილობს დაუკავშირდეს იმ დღით აცრილებს, რათა დადგინდეს, ვის გაუკეთდა ვაქცინის ნაცვლად ფიზიოლოგიური ხსნარი.

თბილისი 26 აპრილი — Sputnik. გერმანიაში წითელი ჯვრის საზოგადოების მედდამ COVID-19-ის საწინააღმდეგო ვაქცინა BioNTech/Pfizer-ის ნაცვლად რამდენიმე პაციენტს ფიზიოლოგიური ხსნარი შეუშხაპუნა, იუწყება ქვემო საქსონიის ფედერალური მიწის პოლიცია. 

როგორც ირკვევა, მედდამ, რომელიც ქვემო საქსონიის ვაქცინაციის ცენტრში მუშაობდა, 21 აპრილს ექვსჯერ შეცვალა ვაქცინა ფიზიოლოგიური ხსნარით, ვინაიდან, როგორც თავად განმარტა, ვაქცინის ამპულები დაემტვრა და არ სურდა, რომ ეს ხელმძღვანელობისთვის ეცნობებინა.

პასუხისმგებელ პირებს ინციდენტის თაობაზე ცენტრის ერთ-ერთმა თანამშრომელმა შეატყობინა, რომელსაც მედდა მანამდე გამოუტყდა მომხდარში.

მედდა ჯანმრთელობისთვის ზიანის მიყენებაშია ეჭვმიტანილი. საქმეს ამ დროისათვის პოლიცია იძიებს.

ამის პარალელურად ადგილობრივი ხელისუფლება იმ დღეს აცრილებს უკავშირდება, რათა ანტისხეულებზე ტესტით დაადგინოს, ვის გაუკეთდა ფიზიოლოგიური ხსნარი ვაქცინის ნაცვლად.

138
თემები:
საერთაშორისო პანორამა (380)
თურქეთის დროშა სტამბულში

სომეხთა გენოციდი: თურქეთი გმობს ლატვიის სეიმის დეკლარაციას

16
(განახლებულია 17:11 06.05.2021)
ანკარა დაჟინებით მოითხოვს ტერმინ „გენოციდზე“ უარის თქმას და აცხადებს, რომ 1915 წლის მოვლენებისას დაიღუპნენ არა მარტო სომხები, არამედ თავად თურქებიც და სხვა ეროვნების წარმომადგენლებიც. 

თბილისი, 6 მაისი — Sputnik. თურქეთის საგარეო საქმეთა სამინისტრომ უკანონო უწოდა ლატვიის სეიმის მიერ მიღებულ დეკლარაციას ოსმანთა იმპერიაში სომხების გენოციდის  დაგმობის შესახებ, ნათქვამია უწყების საიტზე გამოქვეყნებულ განცხადებაში.

„ლატვიის პარლამენტის მიერ დღეს მიღებული გადაწყვეტილება 1915 წლის მოვლენების „გენოციდად“ აღიარების შესახებ, არის ისტორიის პოლიტიკური მოტივებით გადაწერის უსაფუძვლო მცდელობა. ჩვენ უარვყოფთ და მტკიცედ ვგმობთ ამ უკანონო გადაწყვეტილებას“, — აცხადებთ თურქეთის საგარეო უწყება.

სამინისტროში ხაზი გაუსვეს, რომ „საერთაშორისო სამართლის თვალსაზრისით, არ არსებობს არანაირი საფუძველი იმისთვის, რომ 1915 წლის მოვლენები გენოციდად შეფასდეს“, და ლატვიელი კანონმდებლობის გადაწყვეტილება ამ თემისადმი ორმაგი სტანდარტების მტკიცებულებაა.

აღინიშნება, რომ ლატვიის პარლამენტში დეკლარაციის მიღებას სეიმის დეპუტატების დიდმა ნაწილმა დაუჭირა მხარი.

მანამდე, აპრილის ბოლოს, ოსმანთა იმპერიაში სომეხთა გენოციდი ასევე აღიარა აშშ-ის პრეზიდენტმა ჯო ბაიდენმა. თურქეთის საგარეო საქმეთა მინისტრს მევლუთ ჩავუშოღლუს თქმით, ანკარა „გმობს ამ განცხადებას, რომელიც მხოლოდ და მხოლოდ პოპულიზმს ეყრდნობა“.

სომეხთა გენოციდი — ოსმანთა იმპერიის (დღევანდელი თურქეთი) მმართველთა მიერ დაგეგმილი და განხორციელებული დანაშაულია იქ მცხოვრები სომეხი მოსახლეობის წინააღმდეგ. გენოციდის დასაწყისად მიიჩნევა 1915 წლის 24 აპრილი, როდესაც ოსმალურმა ხელისუფლებამ ეთნიკური სომხების დასჯა გადაწყვიტა მათ მიერ მოწყობილი აჯანყების გამო. იმ მოვლენებისას დაახლოებით 1,5 მილიონამდე სომეხი დაიღუპა.

თურქეთი ტრადიციულად უარყოფს სომხების გენოციდში ბრალდებას და უკიდურესად მტკივნეულად რეაგირებს დასავლეთის კრიტიკაზე ამ საკითხთან დაკავშირებით. ანკარა დაჟინებით მოითხოვს ტერმინ „გენოციდზე“ უარის თქმას და აცხადებს, რომ 1915 წლის მოვლენებისას დაიღუპნენ არა მარტო სომხები, არამედ თავად თურქებიც და სხვა ეროვნების წარმომადგენლებიც. ამასთან თურქეთი ისტორიკოსების საერთაშორისო კომისიის შექმნას მოითხოვს ქვეყნის არქივებში დაცული დოკუმენტების შესწავლისა და ობიექტური დასკვნების გაკეთების მიზნით.

16

პროტესტი და ცრემლსადენი გაზი: ანტისამთავრობო აქციები კოლუმბიაში

7
(განახლებულია 18:24 06.05.2021)
კოლუმბიაში პოლიციამ ანტისამთავრობო რვადღიან მიტინგებზე ცრემლსადენი გაზი და წყლის ჭავლი გამოიყენა

მასობრივი საპროტესტო აქციები, რაც საგადასახადო რეფორმებმა გამოიწვია, ახლა უფრო ფართო პრობლემებისკენ - კორუფციის, უმუშევრობის და უთანასწორობისკენ მიიმართა.

ბოლო რამდენიმე დღის განმავლობაში დემონსტრაციებზე მინიმუმ 24 ადამიანი დაიღუპა, ასობით ადამიანი კი დაშავდა.

7
რუსუდან კერვალიშვილი

კერვალიშვილი: როცა საპატიმროში შევედი, მაია დავინახე, კუთხეში იჯდა

0
(განახლებულია 17:02 06.05.2021)
ყოფილი დეპუტატი, სამშენებლო კომპანია „ცენტრ პოინტ გრუპის“ ერთ-ერთი დამფუძნებელი რუსუდან კერვალიშვილი იხსენებს საპატიმროში დასთან, მაია რჩეულიშვილთან შეხვედრის მომენტს.
კერვალიშვილი: როცა საპატიმროში შევედი, მაია დავინახე, კუთხეში იჯდა
„საპატიმროში შესვლა ჩემთვის განსაკუთრებული განცდა იყო -  ჩვენი ოთახის კუთხეში იჯდა მაია. როდესაც კარები დაიხურა, მომეცა საშუალება, მასთან მივსულიყავი. ამას ვნატრობდი მთელი 9 თვის განმავლობაში. მაიას წინაშე დანაშულის შეგრძნება მქონდა, რადგან ჩვენ ერთად ვაკეთებდით საქმეს. პირველი შეგრძნება მქონდა ასეთი - „მაია, მე მოვედი, ჩვენ ერთად ვართ“. მაია დაფეთებული დამხვდა, მოულოდნელი იყო მისთვის ჩემი დაკავება“, -ამბობს კერვალიშვილი.

დებს – სამშენებლო კომპანია „ცენტრ პოინტ გრუპის“ დამფუძნებლებს რუსუდან კერვალიშვილსა და მაია რჩეულიშვილს  2004–2009 წლებში ამხანაგობა „თაბუკაშვილი 88"-ის მენაშენეთა თანხებიდან 11 მლნ ლარის მითვისებისთვის  4–4 წლით თავისუფლების აღკვეთა შეეფარდათ. კერვალიშვილი 2017 წლის 31 მარტს სასამართლო დარბაზში დააკავეს. რჩეულიშვილი კი იმ დროისთვის უკვე პატიმრობაში იმყოფებოდა სხვა საქმეზე – აჭარაში საცხოვრებელი კომპლექსის მშენებლობისას თანხების მითვისებაზე.

კერვალიშვილმა ოთხწლიანი სასჯელი სრულად მოიხადა და პენიტენციური დაწესებულება მიმდინარე წლის 30 მარტს დატოვა.

0