ანკარა

ბაიდენის მიერ სომეხთა გენოციდის აღიარების შემდეგ თურქეთში აშშ-ის ელჩი დაიბარეს

49
აშშ-ის საელჩო და საკონსულოები თურქეთში ორი დღით იკეტებიან. ეს გადაწყვეტილება აშშ-ის მიერ სომეხთა გენოციდის აღიარებას უკავშირდება

თბილისი, 24 აპრილი — Sputnik. აშშ-ს ელჩი ანკარაში დევიდ სატერფილდი გამოიძახეს თურქეთის საგარეო საქმეთა სამინისტროში, სადაც მას პროტესტი გამოუცხადეს აშშ-ის პრეზიდენტ ჯო ბაიდენის განცხადების გამო სომეხთა გენოციდთან დაკავშირებით, იუწყება РИА Новости თურქეთის საგარეო საქმეთა სამინისტროში არსებულ წყაროზე დაყრდნობით.

შაბათს ბაიდენმა ოფიციალურად ცნო სომეხთა გენოციდი XX საუკუნის დასაწყისში ოსმანთა იმპერიაში. ამაზე საპასუხოდ თურქეთის საგარეო საქმეთა მინისტრმა მევლუთ ჩავუშოღლუმ განაცხადა, რომ ანკარა „გმობს ამ განცხადებას, რომელიც მხოლოდ და მხოლოდ პოპულიზმს ეყრდნობა“.

„ელჩს ეცნობა ჩვენი მკაცრი რეაქცია, რომ ჩვენთვის მიუღებელია ეს განცხადება, რომელიც არ შეიცავს რაიმე ისტორიულ და სამართლებრივ საფუძველს, ამიტომ მთლიანად უარვყოფთ და მტკიცედ ვგმობთ მას“, - განუცხადა სააგენტოს წყარომ.

მისი თქმით, ელჩს განუცხადეს, რომ ამერიკის პრეზიდენტის განცხადება „არის ბათილი საერთაშორისო სამართლის თვალსაზრისით, ზიანს აყენებს თურქ ხალხს და ვნებს ორმხრივ ურთიერთობებს, რომლის აღდგენა რთული იქნება“.

აშშ-ის საელჩომ და საკონსულოებმა თურქეთში აშშ-ის მიერ სომეხთა გენოციდის აღიარებასთან დაკავშირებით გამოაცხადეს, რომ ორშაბათს და სამშაბათს დაიკეტებიან შესაძლო პროტესტებთან დაკავშირებული „უსაფრთხოების გამო“.

დიპლომატიურმა უწყებებმა ასევე მოუწოდეს აშშ-ის მოქალაქეებს, თავი აარიდონ აშშ-ის სამთავრობო შენობების ირგვლივ ტერიტორიაზე ყოფნას და სიფრთხილე გამოიჩინონ იმ ადგილებში, სადაც „ამერიკელები ან უცხოელები იკრიბებიან“.

სომეხთა გენოციდი

სომეხთა გენოციდი — ოსმანთა იმპერიის (დღევანდელი თურქეთი) მმართველთა მიერ დაგეგმილი და განხორციელებული დანაშაულია იქ მცხოვრები სომეხი მოსახლეობის წინააღმდეგ. გენოციდის დასაწყისად მიიჩნევა 1915 წლის 24 აპრილი, როდესაც ოსმალურმა ხელისუფლებამ ეთნიკური სომხების დასჯა გადაწყვიტა მათ მიერ მოწყობილი აჯანყების გამო. იმ მოვლენებისას დაახლოებით 1,5 მილიონამდე სომეხი დაიღუპა.

თურქეთი ტრადიციულად უარყოფს სომხების გენოციდში ბრალდებას და უკიდურესად მტკივნეულად რეაგირებს დასავლეთის კრიტიკაზე ამ საკითხთან დაკავშირებით. ანკარა დაჟინებით მოითხოვს ტერმინ „გენოციდზე“ უარის თქმას და აცხადებს, რომ 1915 წლის მოვლენებისას დაიღუპნენ არა მარტო სომხები, არამედ თავად თურქებიც და სხვა ეროვნების წარმომადგენლებიც.

ამასთან თურქეთი ისტორიკოსების საერთაშორისო კომისიის შექმნას მოითხოვს ქვეყნის არქივებში დაცული დოკუმენტების შესწავლისა და ობიექტური დასკვნების გაკეთების მიზნით.

ბაიდენის წინამორბედები უფრთხოდნენ თურქეთთან ურთიერთობების გაუარესებას და სიტყვა „გენოციდის“ თქმას ერიდებოდნენ. ამერიკის ლიდერები იყენებდნენ ტერმინს Meds Yeghern, რაც „უდიდეს ბოროტებას“ გულისხმობს, და ასევე ისეთ განსაზღვრებებს, როგორიცაა „XX საუკუნის ერთ-ერთი ყველაზე მასობრივი სიმხეცე“.

აშშ-ის სენატმა და წარმომადგენელთა პალატამ რეზოლუციები ოსმანთა იმპერიაში სომეხთა მასობრივი მკვლელობის გენოციდად აღიარების შესახებ 2019 წელს მიიღეს.

49
ილონ მასკი

მილიარდერთა სიაში ცვლილებებია: ილონ მასკმა მესამე ადგილზე გადაინაცვლა

23
(განახლებულია 13:14 18.05.2021)
ორშაბათს Tesla-ს აქციების ღირებულება  2,2%–ით – 576,83 დოლარამდე დაეცა. მაისის დასაწყისიდან აქციების ღირებულება დაახლოებით 18,7%–ით შემცირდა.

თბილისი, 18 მაისი ― Sputnik. კომპანია SpaceX-ისა და Tesla-ს დამფუძნებელმა ილონ მასკმა მსოფლიოს უმდიდრესი ადამიანების სიაში პოზიციები  Louis Vuitton Moët Hennessy –ს პრეზიდენტ ბერნარდ არნოს დაუთმო და მესამე ადგილზე გადაინაცვლა, Bloomberg Billionaires Index–ის (BBI) მონაცემებს სააგენტო „ბლუმბერგი“ ავრცელებს.

BBI–ის მონაცემებით, ამერიკელმა ბიზნესმენმა ბოლო დღეებში 3,16 მლრდ დოლარი დაკარგა და ამ დროისთვის მისი ქონება 160,6 მლრდ დოლარად არის შეფასებული.  არნოს ქონება 285 მილიონით გაიზარდა და 161,2 მლრდ დოლარი შეადგინა.

 

მსოფლიოს უმდიდრეს ადამიანთა ჩამონათვალში პირველ პოზიციას კვლავ Amazon–ის დამფუძნებელი ჯეფ ბეზოსი ინარჩუნებს. მისი ქონება 2,41 მლრდ დოლარით გაიზარდა და 190 მლრდ–ს მიაღწია.

ამასთან აღსანიშნავია, რომ Forbes Real-Time–ის რეიტინგშიც მასკი 146,5 მლრდ დოლარით (ქონება შემცირდა 2,6 მილიარდით) მესამე ადგილზეა, არნოს კაპიტალი 182,6 მლრდ დოლარს (შემცირდა 1,2 მილიარდით) შეადგენს, ბეზოსის სიმდიდრე კი 189,5 მლრდ დოლარით (გაიზარდა 2,4 მილიარდით) ფასდება.

 

23
თემები:
მსოფლიო დღეს

დიდი ტალღები და ძლიერი ქარი: მუმბაიში ციკლონმა ტაუკტაემ ქაოსი გამოიწვია

31
ორშაბათს მუმბაის ციკლონმა ტაუკტაემ გადაუარა, რომელიც ახლა მთელ რეგიონს ემუქრება

ტაუკტაეს გამო მუმბაის აეროპორტში 55-ზე მეტი რეისი გაუქმდა.

მთავრობამ ქალაქის სანაპიროზე სამი სამხედრო ხომალდი გაგზავნა 400-ზე მეტი ადამიანის გადასარჩენად.

ქარის სიჩქარებ 185 კმ/სთ-ს მიაღწია, რის გამოც ათასობით ადამიანს სახლის დატოვება მოუწია.

31
„სპუტნიკ V“–თი ვაქცინაცია

რუსეთში კორონავირუსის მეოთხე ვაქცინას არეგისტრირებენ პუტინი

0
(განახლებულია 13:54 18.05.2021)
ამჟამად რუსეთში კორონავირუსის საწინააღმდეგო სამი ვაქცინაა დარეგისტრირებული: „სპუტნიკ V“, „ეპივაკკორონა“ და „კოვივაკი“

თბილისი, 18 მაისი – Sputnik. რუსეთის პრეზიდენტმა ვლადიმირ პუტინმა განაცხადა, რომ ქვეყანაში მიმოქცევაში მალე მოხვდება კორონავირუსის საწინააღმდეგო მეოთხე ვაქცინა.

ვაქცინა „სპუტნიკ ლაიტი“ რუსეთში რეგისტრაციას გაივლის>>

საუბარია „სპუტნიკ ლაიტზე“, რომელიც რეგისტრაციას გადის ჯანდაცვის სამინისტროში. „სპუტნიკ ლაიტი“ – ესაა ვაქცინა „სპუტნიკ V“–ს ერთი ინექცია. „სპუტნიკ V“ ორჯერ კეთდება. მისი ეფექტურობა, კლინიკური კვლევების მესამე ფაზის მონაცემებით, რომელიც ჟურნალ The Lancet–ში გამოქვეყნდა, 91,6%–ს შეადგენს. ამავე პუბლიკაციაში აღნიშნულია, რომ ამ ორკომპონენტიანი ვაქცინის პირველი ინექციის შემდეგ დაავადებისგან დაცვის დონემ 87,6% შეადგინა.

„სპუტნიკ ლაიტი“ - ერთკომპონენტიანი ვაქცინაა, რომლის შემადგენლობაში იგივე სტრუქტურებია, რომლებსაც „სპუტნიკV" მოიცავს. „სპუტნიკ ლაიტი“ არ შეიცავს თავად COVID-19-ს, შესაბამისად, აცრის შედეგად კორონავირუსით დაინფიცირება შეუძლებელია.

გამალეის ცენტრის ხელმძღვანელის ალექსანდრ გინცბურგის თქმით, „სპუტნიკ ლაიტით“ აცრა პირს ოთხი-ხუთი თვის განმავლობაში იცავს და დაავადების მძიმე მიმდინარეობის ალბათობის შემცირების საშუალებას იძლევა. აცრის ეფექტურობა დაახლოებით 85%-ს შეადგენს, დასძინა მეცნიერმა.

ამ დროისთვის რუსეთში კორონავირუსის საწინააღმდეგო სამი ვაქცინაა დარეგისტრირებული. ესენია „სპუტნიკ V“, „ეპივაკკორონა“ და „კოვივაკი“.

0
თემები:
რუსეთი დღეს