იენს სტოლტენბერგი

„მოხარული ვარ გაცნობოთ“: სტოლტენბერგმა ნატოს სამიტის თარიღი და თემები დაასახელა

100
(განახლებულია 19:03 22.04.2021)
სამიტზე ნატოს საქმიანობის მიმდინარე საკითხებისა და ასევე ალიანსის 2030 წლამდე დღის წესრიგის განხილვა იგეგმება, რომელთა შორისაა „რუსეთის აგრესიული ქმედებებიც“.

თბილისი, 22 აპრილი — Sputnik. ჩრდილოატლანტიკური სამხედრო ალიანსის, ნატოს მორიგი სამიტი ბრიუსელში 14 ივნისს გაიმართება, ნათქვამია ნატოს გენერალური მდივნის იენს სტოლტენბერგის განცხადებაში.

​„მოხარული ვარ გაცნობოთ, რომ ალიანსის ლიდერთა მომდევნო სამიტი 2021 წლის 14 ივნისს გაიმართება ნატოს ბრიუსელის შტაბ-ბინაში“, — აღნიშნულია განცხადებაში.

სტოლტენბერგის თქმით, სამიტზე ნატოს საქმიანობის მიმდინარე საკითხებისა და ასევე ალიანსის 2030 წლამდე დღის წესრიგის განხილვა იგეგმება. ასეთთა შორის მან დაასახელა „რუსეთის აგრესიული ქმედებები, ტერორიზმის საფრთხეები, კიბერშეტევები, ახალი და მავნებელი ტექნოლოგიები, კლიმატური ცვლილებების გავლენა უსაფრთხოებაზე და ასევე ჩინეთის ზრდა“.

დასავლეთის ქვეყნებს ბოლო დროს განსაკუთრებულად აშფოთებს რუსეთის „აგრესიული ქმედებების გაძლიერება“ უკრაინის მიმართ. მიმდინარე წლის მარტის ბოლოდან უკრაინის სამხრეთ-აღმოსავლეთში ვითარება მკვეთრად გაუარესდა. კონფლიქტის მხარეები შეხების ხაზზე სამხედრო ტექნიკის კონცენტრაციასა და სროლების გაძლიერებაზე საუბრობენ.

ამასთან დაკავშირებით კიევმა არაერთხელ დაადანაშაულა მოსკოვი რეგიონში სამხედრო ყოფნის გაძლიერებაში. რუსეთი, თავის მხრივ, აცხადებს, რომ არ მონაწილეობს უკრაინის შიდა კონფლიქტში და არ არის მინსკის შეთანხმების სუბიექტი. თუმცა, როგორც პრეზიდენტმა პუტინმა აღნიშნა, „მიუხედავად ყველაფრისა“, მისი ქვეყანა არასდროს მიატოვებს დონბასის მოსახლეობას. უკრაინასთან საზღვარზე სამხედრო ხაზით გააქტიურებაში რუსეთი შეერთებულმა შტატებმაც დაადანაშაულა. ვაშინგტონში განაცხადეს, რომ მოსკოვს ჯარები გადაჰყავს ყირიმისა და აღმოსავლეთ უკრაინის მიმართულებით. რუსეთის პრეზიდენტის პრეს-მდივანმა დმიტრი პერსკოვმა ამასთან დაკავშირებით აღნიშნა, რომ მოსკოვს ქვეყნის ტერიტორიაზე გადაჰყავს ჯარები ისე, როგორც თავად მიაჩნია საჭიროდ, ამით არავის ემუქრება და ეს არავის არ უნდა აღელვებდეს.

100
თემები:
საერთაშორისო პანორამა (382)
სპეცოპერაცია რიო-დე-ჟანეიროში

რიოს მეტროში სპეცოპერაციისას 25 კაცი დაიღუპა: ვრცელდება ვიდეო

23
(განახლებულია 20:58 06.05.2021)
ბანდის წევრები, რომლებიც მკვლელობებში, ძარცვებსა და მატარებლების გატაცებაში არიან ეჭვმიტანილი, დანაშაულებრივ საქმიანობაში ბავშვებსა და მოზარდებს ითრევდნენ.

თბილისი, 6 მაისი – Sputnik. რიო-დე-ჟანეიროს მეტროში პოლიციასა და დამნაშავეებს შორის სროლისას 25 ადამიანი დაიღუპა, იუწყება პორტალი G1.

სროლა ქალაქის ჩრდილოეთ ზონაში ნარკოტიკების უკანონო ბრუნვის წინააღმდეგ საპოლიციო სპეცოპერაციის დროს მოხდა.

​არსებული ცნობით, დაღუპულთა შორის ერთი სამართალდამცველია, დანარჩენები კი ნარკობიზნესში ეჭვმიტანილები. ვრცელდება ინფორმაცია, რომ პოლიციის ოფიცერს ტყვია თავში მოხვდა.

ინციდენტის შედეგად არიან დაშავებულებიც.

სამართალდამცველი ორგანოების განცხადებით, აღნიშნული ბანდის წევრები, რომლებიც მკვლელობებში, ძარცვებსა და მატარებლების გატაცებაში არიან ეჭვმიტანილი, დანაშაულებრივ საქმიანობაში ბავშვებსა და მოზარდებს ითრევდნენ.

 

23
თემები:
საერთაშორისო პანორამა (382)
კორონავირუსით ინფიცირებული მამაკაცი პაციენტი

დადგინდა, რომელი მამაკაცები ავადდებიან COVID-19-ის მძიმე ფორმით: ახალი კვლევა

68
(განახლებულია 20:55 06.05.2021)
მეცნიერებმა შემთხვევით აღმოაჩინეს მანამდე უცნობი ბიომარკერი, რომელიც კორონავირუსისადმი უფრო მეტად მოწყვლადი მამაკაცების დადგენის საშუალებას იძლევა.

თბილისი, 6 მაისი — Sputnik. მელოტი მამაკაცები 2,5-ჯერ უფრო ხშირად ავადდებიან COVID-19-ის მძიმე ფორმით, ვიდრე ხშირი თმების მქონეები, იუწყება გამოცემა Daily Mail ევროპის დერმატოლოგიური და ვენეროლოგიური საზოგადოების (EADV) პრეს-სამსახურზე დაყრდნობით.

მეცნიერებმა დაადგინეს, რომ ამას გენების ის ვარიაცია უწყობს ხელს, რომელიც მამაკაცის გამელოტების რისკებს ზრდის.

„ჩვენი დაკვირვებები აჩვენებს, რომ გენ AR-ში CAG-გამეორებების რაოდენობა, რომლებიც მამაკაცის სიმელოტისადმი მიდრეკილებას განსაზღვრავს, გავლენას ახდენს იმაზეც, თუ რამდენად ხშირად შეიძლება განუვითარდეს მის მფლობელს COVID-19-ის მძიმე ფორმები. ეს იმაზე მეტყველებს, რომ მსგავსი ბიომარკერი შეგვიძლია ვირუსის იმ მტარებლების საიდენტიფიკაციოდ გამოვიყენოთ, რომლებისთვისაც რეანიმაციაში მოხვედრის რისკი მაქსიმალური იქნება“, — განაცხადა მარკონის უნივერსიტეტის (იტალია) პროფესორმა ენდი გორენმა.

აღსანიშნავია, რომ მედიკოსებმა უჰანში კორონავირუს SARS-CoV-2-ის აფეთქების პირველივე დღეებიდან გაამახვილეს ყურადღება იმ ფაქტზე, რომ ახალი ტიპის ვირუსით მამაკაცები უფრო ხშირად ავადდებოდნენ, ვიდრე ქალები.

თავდაპირველად ბიოლოგებმა ეს ფაქტი იმას მიაწერეს, რომ მამაკაცის ფილტვების უჯრედები რეცეპტორ ACE2-ის უფრო მეტ მოლეკულას შეიცავს, რომლებსაც იყენებს კიდეც ვირუსი ინფიცირებისთვის. შემდგომში მეცნიერების აზრები ამ საკითხზე გაიყო, თუმცა მკვლევართა უმეტესობა მაინც მიიჩნევს, რომ მამაკაცები ნამდვილად უფრო ხშირად ავადდებიან COVID-19-ით.

პროფესორმა გორენმა და მისმა კოლეგებმა შემთხვევით აღმოაჩინეს მანამდე უცნობი ბიომარკერი, რომელიც კორონავირუსისადმი უფრო მეტად მოწყვლადი მამაკაცების დადგენის საშუალებას იძლევა. მათ ყურადღება მიაქციეს იმ ფაქტს, რომ COVID-19-ის მძიმე ფორმით რეანიმაციებში მოხვედრილი მამაკაცების 80% მელოტი იყო.

ბიოლოგების აზრით, ინფექციის ეს თავისებურება შეიძლება გამოყენებული იყოს არა მარტო კორონავირუსული ინფექციისადმი უფრო მოწყვლადი პაციენტების გამოსავლენად, არამედ თავად ვირუსთან ბრძოლისთვისაც — გენ AR-ის აქტიურობის დამთრგუნველი პრეპარატების დახმარებით.

პროფესორი გორენი და მისი კოლეგები ექსპერიმენტების პირველი შედეგების გამოქვეყნებას უახლოეს პერიოდში გეგმავენ.

68
თემები:
მსოფლიო და მეცნიერება
„ნამახვანიფესის“ შეჩერებული სამუშაოები

„ნამახვანიჰესის“ მედიაციის პროცესში საერთაშორისო შაუამავალი ჩაერთო

4
(განახლებულია 20:46 06.05.2021)
ევროკავშირის ენერგეტიკული გაერთიანების წარმომადგენელი აპირებს, რაც შეიძლება სწრაფად და მარტივად მოიძიოს გამოსავალი

თბილისი, 6 მაისი - Sputnik. ევროკავშირის ენერგეტიკული გაერთიანება მზადაა, „ნამახვანჰესის“ საკითხებზე სამოქალაქო საზოგადოებასთან, ექსპერტებთან და მთავრობასთან იმუშაოს, ნათქვამია საქართველოს ეკონომიკისა და მდგრადი განვითარების სამინისტროს მიერ გავრცელებულ განცხადებაში.

გასულ კვირაში ცნობილი გახდა, რომ საქართველოს მთავრობის მიმართვის საფუძველზე,  „ნამახვანჰესის“ პროექტთან დაკავშირებულ მედიაციის პროცესში ევროკავშირის ენერგეტიკული გაერთიანების დავების გადაწყვეტისა და მოლაპარაკების ცენტრი ჩაერთვებოდა.

დღეს გავრცელებული ინფორმაციით, სადისკუსიო პროცესში ცენტრის თავმჯდომარე დირკ ბუშლე მიიღებს მონაწილეობას.

„ბუშლე იქნება შუამავალი მხარეებს შორის და აღნიშნულ პროცესს წარმართავს ენერგეტიკული გაერთიანების კანონმდებლობისა და საუკეთესო ევროპულ პრაქტიკასთან მიმართებით ყველა დოკუმენტის, პროცედურების შეფასების მიზნით“, - აღნიშნულია განცხადებაში.

როგორც ბუშლე აღნიშნავს, მისი მიზანია, მოლოდინების შესაბამისად, რაც შეიძლება სწრაფად და მარტივად მოიძიოს გამოსავალი.

„ამ პროცესში ჩვენ უზრუნველვყოფთ, რომ ყველას მიეცეს აზრის გამოხატვის შესაძლებლობა და ყველა გამოწვევა იყოს თავმოყრილი. პარალელურად, სამდივნო განიხილავს გარემოსდაცვითი პროცედურების დაცვით მომზადებულ დოკუმენტაციას“, – აღნიშნავს დირკ ბუშლე.

უწყების მიერ გავრცელებული ინფორმაციის თანახმად, ევროკავშირის ენერგოგაერთიანების სამდივნოს არაერთხელ მიმართეს სამოქალაქო საზოგადოების წარმომადგენლებმა, რომლებსაც ნამახვანის ჰესების კასკადის გარემოზე ზემოქმედებისა და უსაფრთხოების საკითხები აშფოთებდათ.

აღინიშნება, რომ ევროპის ენერგეტიკული გაერთიანების დავების გადაწყვეტისა და მოლაპარაკების ცენტრის მიზანია, ხელი შეუწყოს და უზრუნველყოს ენერგეტიკული გაერთიანების შიგნით დავების მოგვარების შესაძლებლობები, ერთი მხრივ, სახელმწიფოებს/ეროვნულ ორგანოებს შორის, და მეორე მხრივ, კერძო პირებს შორის.

უკვე ნახევარი წელია, საქართველოში „ნამახვანჰესის” გარშემო ვნებათაღელვა არ ცხრება. მიუხედავად იმისა, რომ პროექტი საქართველოს ენერგეტიკული დამოუკიდებლობისთვის მნიშვნელოვან როლს ასრულებს, ჰესის მშენებლობის მოწინააღმდეგეთა მოძრაობა სულ უფრო მასშტაბურ სახეს იძენს. პროტესტს ორი მიზეზი აქვს: ერთი - ესაა საფრთხე, რომელიც მომავალი კაშხლის შესაძლო გარღვევამ შეიძლება შეუქმნას მთელ იმერეთის რეგიონს, მეორე - საქართველოში თურქული კომპანია Enka-სთვის დიდი რაოდენობით მიწების 99 წლის ვადით გადაცემა. 

მთავრობამ 24 აპრილს „ნამახვანჰესის“ კაშხლის მშენებლობაზე 9–12 თვის ვადით მორატორიუმი გამოაცხადა, ვიდრე არ მოხდება გარემოსდაცვითი, გეოლოგიური და სეისმოლოგიური კვლევების რევიზია და ხელახალი დასაბუთება. ამასთან მორატორიუმი არ შეეხება რიონის ხეობაში სხვა სამშენებლო სამუშაოების პროცესს.

4
თემები:
ვნებათაღელვა „ნამახვანჰესის“ მშენებლობასთან დაკავშირებით