ვლადიმირ პუტინი

პუტინმა კლიმატის სამიტზე ბაიდენის მიწვევა მიიღო

69
კლიმატის საკითხებზე ლიდერების სამიტი ვიდეოკონფერენციის ფორმატში 22 და 23 აპრილს ჩატარდება. რუსეთის პრეზიდენტი სიტყვით პირველ დღეს გამოვა

თბილისი, 19 აპრილი - Sputnik. რუსეთის პრეზიდენტი ვლადიმირ პუტინი 22 აპრილს კლიმატის საკითხებზე ლიდერების სამიტზე ვიდეოკონფერენციის ფორმატში სიტყვით გამოვა, იუწყება კრემლის პრესსამსახური.

პუტინი ისაუბრებს რუსეთის მიდგომაზე ფართო საერთაშორისო თანამშრომლობის კონტექსტში, რომელიც კლიმატის გლობალური ცვლილების ნეგატიური შედეგების აღმოფხვრისკენ იქნება მიმართული, ნათქვამია განცხადებაში.

კლიმატის პრობლემების განსახილველად 22-23 აპრილს ვიდეოკონფერენციის ფორმატში სამიტის ჩატარების წინადადება აშშ-ის პრეზიდენტ ჯო ბაიდენისგან წამოვიდა. ვაშინგტონში აღნიშნეს, რომ აშშ-ის პრეზიდენტმა ჯო ბაიდენმა სამიტზე 40 მსოფლიო ლიდერი, მათ შორის, პუტინი მიიწვია, იუწყება РИА Новости.

18 აპრილს კრემლში აღნიშნეს, რომ სამიტში პუტინის მონაწილეობა მას შემდეგ გადაწყდება, რაც ღონისძიების ყველა დეტალი გახდება ცნობილი.

კერძოდ, რუსეთს პრეზიდენტის პრესმდივან დმიტრი პესკოვის თქმით,  მოსკოვმა ჯერ უნდა „გაანალიზოს შესავალი სიტყვა, როგორ გაიმართება სამიტი, ვინ და რა რიგითობით გამოვა სიტყვით, რა იქნება შედეგი, ვინ იქნება თავმჯდომარე“.

69
ისრაელი

ღაზის სექტორიდან ისრაელის მიმართულებით 90 რაკეტა გაუშვეს

17
(განახლებულია 13:04 18.05.2021)
ბოლო ინფორმაციით, ისრაელში დაიღუპა ათი ადამიანი, სერიოზულად დაიჭრა დაახლოებით 50. პალესტინის მხარეს 192 ადამიანია დაღუპული, აქედან 61 – ბავშვი.

თბილისი, 18 მაისი -Sputnik. ღაზის სექტორიდან ისრაელის მიმართულებით ერთ ღამეში დაახლოებით 90 რაკეტა გაუშვეს, მათგან 20 ანკლავის ტერიტორიაზე ჩამოვარდა, იუწყება РИА Новости ისრაელის არმიის ინფორმაციაზე დაყრდნობით. 

„07:00 საათის მდგომარეობით: გუშინ 19:00 საათიდან დაწყებული ღაზის სექტორიდან ისრაელის ტერიტორიაზე დაახლოებით 90 რაკეტის გაშვება დაფიქსირდა, მათგან 20 ღაზის სექტორში ჩამოვარდა“, – ნათქვამია ისრაელის არმიის მიერ გავრცელებულ განცხადებაში.

10 მაისს, საღამოს პალესტინის ანკლავის საზღვრებზე იერუსალიმში შეტაკების შემდეგ ყველაზე დიდი ესკალაცია დაიწყო. ბოლო ინფორმაციით, ესკალაციის დაწყებიდან ღაზის სექტორიდან ისრაელის მიმართულებით 3.350 რაკეტა გაუშვეს, საიდანაც დაახლოებით 500 სექტორის ტერიტორიაზე ჩამოვარდა.  ისრაელში დაიღუპა ათი ადამიანი, სერიოზულად დაიჭრა დაახლოებით 50. პალესტინის მხარეს 192 ადამიანია დაღუპული, აქედან 61 – ბავშვი.

ღაზის სექტორი პალესტინის ნაწილია, რომლის ტერიტორიის დაყოფას არაბთა და ისრაელელთა მრავალწლიანი კონფლიქტის მონაწილეები აპროტესტებენ. გაეროს გენასამბლეამ 1947 წელს პალესტინის გაყოფის გეგმა შეიმუშავა, რომელიც არაბულმა მხარემ დღემდე არ ცნო. 2007 წელს მომხდარი გადატრიალების შემდეგ ღაზის სექტორს ისლამური ორგანიზაცია „ჰამასი“ მართავს.

17
თემები:
მსოფლიო დღეს
 აბრა მსოფლიო ეკონომიკური ფორუმის ტერიტორიის შესასვლელთან

კორონავირუსის გამო მსოფლიო ეკონომიკური ფორუმი გაუქმდა

16
(განახლებულია 00:48 18.05.2021)
მომდევნო ფორუმი 2022 წლის პირველ ნახევარში გაიმართება, მის თარიღსა და ჩატარების ადგილს მიმდინარე წლის ზაფხულში დაადგენენ.

თბილისი, 18 მაისი – Sputnik. ყოველწლიური მსოფლიო ეკონომიკური ფორუმი კორონავირუსთან დაკავშირებული სიტუაციის გამო გაუქმდა, იუწყება Sputnik-ბელარუსი.

მიმდინარე წელს ყოველწლიური ღონისძიება სინგაპურში 17-20 აგვისტოს უნდა გამართულიყო.

„სამწუხაროდ, სხვადასხვა გეოგრაფიულ რეგიონში განვითარებული ტრაგიკული გარემოებები, გაურკვეველი პერსპექტივები სამოგზაურო სფეროში, ვაქცინაციის გავრცელების სხვადასხვა სიჩქარე და COVID-19-ის ახალ ვარიანტებთან დაკავშირებული გაურკვევლობა - ეს ყველაფერი შეუძლებელს ხდის გლობალური შეხვედრის გამართვას“, - ნათქვამია განცხადებაში.

ასევე აღინიშნა, რომ მომდევნო ფორუმი 2022 წლის პირველ ნახევარში გაიმართება. მის თარიღსა და ჩატარების ადგილს მიმდინარე წლის ზაფხულში დაადგენენ.

„ეს იყო რთული გადაწყვეტილება, მაგრამ საბოლოო ჯამში ადამიანების ჯანმრთელობა და უსაფრთხოება ჩვენი მთავარი პრიორიტეტია“, - განაცხადა მსოფლიო ეკონომიკური ფორუმის დამფუძნებელმა და აღმასრულებელმა თავმჯდომარემ კლაუს შვაბმა.

გასულ წელს იგეგმებოდა, რომ პანდემიის გამო გადადებული ფორუმის სხდომა გაიმართებოდა არა შვეიცარიის დავოსში, არამედ ლუცერნში, მაგრამ მოგვიანებით გადაწყდა, რომ ფორუმი სინგაპურში ჩატარდებოდა.

16
პატრული

ბრძოლა COVID-19-თან: რეგულაციების დარღვევის ფაქტები ბოლო 24 საათში

0
(განახლებულია 12:10 18.05.2021)
შექმნილი ეპიდვითარების გამო საქართველოში 28 ნოემბრიდან დაწესებული რეგულაციებიდან დარჩენილია „კომენდანტის საათი“, პირბადე, დისტანცია და რამდენიმე სხვა შეზღუდვა.

თბილისი, 18 მაისი – Sputnik. პოლიციამ ბოლო 24 საათის განმავლობაში მთელი ქვეყნის მასშტაბით დაწესებული შეზღუდვების ფარგლებში მოქმედი რეგულაციების დარღვევის 1.240 ფაქტი გამოავლინა, იუწყება შინაგან საქმეთა სამინისტრო. 

არსებული ეპიდემიოლოგიური ვითარების გამო საქართველოში 28 ნოემბრიდან ახალი შეზღუდვები ამოქმედდა, რომლებიც 2021 წლის 31 იანვრის ჩათვლით იყო ძალაში. შეზღუდვების ეტაპობრივი შემსუბუქების გეგმა საქართველოს პრემიერ-მინისტრმა ირაკლი ღარიბაშვილმა თებერვლის ბოლოს წარმოადგინა და შეზღუდვების ეტაპობრივად მოხსნაც დაიწყო. თუმცა ძალაში რჩება წესები, რომლებიც ეხება პირბადის ტარებას, ღამით გადაადგილების აკრძალვას და სხვ.

პოლიციამ იზოლაციისა და კარანტინის წესის დარღვევისთვის 79 ფიზიკური პირი დააჯარიმა.

დაჯარიმებულთა შორის არიან მოქალაქეები, რომლებმაც საღამოს 9 საათიდან დილის 5 საათამდე დაწესებული გადაადგილების შეზღუდვის წესი დაარღვიეს.

გარდა ამისა, 24 საათის განმავლობაში პირბადის ტარების წესის დარღვევის ფაქტზე 975 ფიზიკური პირია დაჯარიმებული, ხოლო პირბადის ტარების წესის განმეორებით დარღვევის 186 ფაქტია გამოვლენილი.

პირბადის ტარების წესის დარღვევა ითვალისწინებს ჯარიმას 20 ლარის ოდენობით, ხოლო პირბადის ტარების წესის განმეორებით დარღვევა ისჯება 40 ლარიანი ჯარიმით.

იზოლაციისა და კარანტინის წესის დარღვევა ფიზიკური პირის დაჯარიმებას 2 ათასი ლარით, ხოლო იურიდიული პირის – 10 ათასი ლარის ოდენობით. განმეორებითი ჯარიმა კი სისხლისსამართლებრივ პასუხისმგებლობას ითვალისწინებს.

შინაგან საქმეთა სამინისტრო მოუწოდებს მოქალაქეებს, გამოიჩინონ მაღალი საზოგადოებრივი პასუხისმგებლობა და დაემორჩილონ არსებულ რეგულაციებს.

0