არქეოლოგიური გათხრები ეგვიპტეში

ეგვიპტეში დაკარგული „ოქროს ქალაქი“ იპოვეს ვრცელდება ფოტოები

123
(განახლებულია 14:46 09.04.2021)
არქეოლოგებს იმედი აქვთ, რომ დაკარგული ქალაქის ტერიტორიაზე განძეულით სავსე ხელუხლებელ სამარხებს იპოვიან.

თბილისი, 9 აპრილი — Sputnik. ეგვიპტელმა არქეოლოგებმა ნილოსის დასავლეთ სანაპიროზე ქვიშაში ჩამარხული უძველესი „ოქროს ქალაქი“ აღმოაჩინეს, იუწყება ქვეყნის ტურიზმის სამინისტრო.

გავრცელებული ინფორმაციით, ეს ყველაზე დიდი დასახლებაა ეგვიპტეში მანამდე ნაპოვნთა შორის.

​ირკვევა, რომ „ოქროს ქალაქი“ ფარაონ ამენჰოტეპ III-ის მმართველობის დროსაა აგებული, რომელიც ჩვენს ერამდე 1391–1353 წლებში მართავდა ქვეყანას.  

როგორც ეგვიპტის ტურზმის სამინისტრო აცხადებს, ქალაქი თავისი დროის უდიდესი ადმინისტრაციული და სამეურნეო ცენტრი იყო, რომელსაც მრავალი წლის განმავლობაში უშედეგოდ ეძებდნენ სხვადასხვა არქეოლოგიური მისიები.

„ამ დაკარგული ქალაქის აღმოჩენა მეორე უდიდესი არქეოლოგიური აღმოჩენაა ტუტანჰამონის სარკოფაგის შემდეგ“, — აღნიშნა ჯონს ჰოპკინსის უნივერსიტეტის ეგვიპტოლოგიის პროფესორმა ბეტსი ბრაიანმა.

მისი თქმით, ეს აღმოჩენა უამრავ კითხვას გასცემს პასუხს ეგვიპტის ისტორიიდან.

შემონახული ისტორიული წყაროების თანახმად, ქალაქის ტერიტორიაზე უნდა არსებობდეს ამენჰოტეპ მესამის სამი სასახლე, სხვადასხვა ადმინისტრაციული და სამრეწველო ცენტრები.

ამ დროისათვის არქეოლოგები მუშაობას განაგრძობენ და იმედი აქვთ, რომ „განძეულით სავსე ხელუხლებელ სამარხებს“ მიაგნებენ.

123
თემები:
საერთაშორისო პანორამა (325)
ევროკავშირის დროშა

შეთანხმება მიღწეულია: ევროკავშირი COVID-პასპორტებს ზაფხულში აამოქმედებს

78
(განახლებულია 10:37 15.04.2021)
კოვიდ-პასპორტი ვაქცინირებულებს, COVID-19–ისგან განკურნებულებსა თუ დაავადებაზე უარყოფითი ტესტის მქონეებს ევროკავშირის მასშტაბით მოგზაურობას გაუმარტივებს

თბილისი, 15 აპრილი — Sputnik. ევროკავშირის ქვეყნები ოფიციალურად შეთანხმდნენ ზაფხულისთვის ტურისტული COVID–პასპორტების შემოღების თაობაზე, დეტალებს კანონმდებლები მაისში განიხილავენ, იუწყება  Reuters–ი დიპლომატიურ წრეებში არსებულ წყაროებზე დაყრდნობით.

აღნიშნული დოკუმენტი ვაქცინირებულებს, COVID-19–ისგან განკურნებულებსა თუ დაავადებაზე უარყოფითი ტესტის მქონეებს ევროკავშირის მასშტაბით მოგზაურობას გაუმარტივებს.

როგორც აღინიშნება, ევროპარლამენტმა, რომელიც ასევე უნდა დაეთანხმოს გადაწყვეტილებას, რათა ის ძალაში შევიდეს, თავისი პოზიცია აპრილის ბოლოსთვის უნდა შეათანხმოს.

როგორც მოსალოდნელია, კანონმდებლების, ქვეყნების წარმომადგენლებისა და ევროკავშირის აღმასრულებელ ხელისუფლებას შორის დასკვნითი მოლაპარაკებები მაისში დაიწყება.

ამასთან, როგორც Reuters–ი წერს, ევროკავშირის წევრი ქვეყნები დოკუმენტის გაცემისას ვალდებული იქნებიან, გაითვალისწინონ მხოლოდ  ევროკავშირის მიერ მოწონებული ვაქცინებით აცრა, თუმცა ზოგ ქვეყანას შეუძლია სერტიფიკატები რუსული „სპუტნიკ V–ითა“ თუ ჩინური Sinovac–ით აცრების შემთხვევაშიც გასცეს, რომლებიც მათ ტერიტორიებზეა დაშვებული.

78
თემები:
საერთაშორისო პანორამა (325)
ჯო ბაიდენი

რჩევების მიუხედავად: ბაიდენმა ავღანეთიდან აშშ-ის ჯარების გაყვანა გადაწყვიტა

17
(განახლებულია 10:16 15.04.2021)
მიუხედავად იმისა, რომ აშშ-ის პრეზიდენტს ავღანეთში „თალიბანის“ შესაძლოა მოძლიერების თაობაზე აფრთხილებდნენ, მან მაინც მიიღო იქიდან ამერიკული ჯარების გაყვანის გადაწყვეტილება

თბილისი, 15 აპრილი — Sputnik. აშშ–ის პრეზიდენტმა ჯო ბაიდენმა მიიღო გადაწყვეტილება, გამოიყვანოს ამერიკული ჯარები ავღანეთიდან 11 სექტემბრისთვის, იუწყება СNN–ი.

გავრცელებული ინფორმაციით, პრეზიდენტმა აღნიშნული გადაწყვეტილება ადმინისტრაციის ბევრი წევრის რჩევის მიუხედავად მიიღო, რომლებიც მას ამ ნაბიჯთან დაკავშირებულ საფრთხეეებზე ამახვილებინებდნენ ყურადღებას.

როგორც არხს ყოფილმა და მოქმედმა ოფიციალურმა პირებმა აცნობეს, ადმინისტრაციის თანამშრომლებს განსაკუთრებით აშფოთებდათ ამერიკელი დიპლომატების უსაფრთხოების საკითხი ქვეყანაში ავღანეთიდან აშშ–ის ძალების სრული გამოყვანის შემთხვევაში და ასევე შტატების კონტრეტერორისტული მისიის ბედი.

გავრცელებული ინფორმაციით, პეზიდენტის გადაწყვეტილების მოწინააღმდეგეთა შორის იყვნენ აშშ–ის შეიარაღებული ძალების შტაბების მეთაურთა კომიტეტის ხელმძღვანელი გენერალი მარკ მილი, ცენტრალური სარდლობის ხელმძღვანელი გენერალი კენეტ მაკენზი და სახელმწიფო დეპარტამენტის სხვა თანამშრომლები.

არხის ცნობით, ავღანეთიდან ამერიკული ჯარების გაყვანის თაობაზე კონსულტაციები რამდენიმე თვის განმავლობაში გრძელდებოდა და ამ პერიოდში ბაიდენი არაერთხელ გააფრთხილეს, რომ „თალიბანს შეუძლია ძალების აღდგენა“. ამასთან ირკვევა, რომ ამერიკის ლიდერს აღიზიანებდა ავღანეთში ჯარების ხანგრძლივად დატოვების წინადადება და ამბობდა, რომ წინასაარჩევნო კამპანიისას მან იქიდან ამერიკული ძალების გაყვანის პირობა დადო.

17
თემები:
საერთაშორისო პანორამა (325)
სოფიკო შევარდნაძე

„საათობრივად ვიკვებებოდი და დავდიოდი ფეხით 5 კილომეტრს“ - სოფიკო შევარდნაძე ოსულობაზე

0
(განახლებულია 14:13 15.04.2021)
საქართველოს მეორე პრეზიდენტის შვილიშვილი დედა მარტის მიწურულს გახდა. მას ვაჟი შეეძინა. სოფიკომ შვილის გაჩენამდე რამდენიმე დღით ადრე გაამხილა ორსულობის ამბავი

მას მერე, რაც დედა გახდა, სოფო შევარდნაძე „ინსტაგრამზე“ ხშირად წერს ახალი ამპლუის შესახებ და თავის მოსაზრებებს თუ შეგრძნებებს უზიარებს სხვა დედებს. ამჯერად დედობისთვის მზადებასა და ორსულობაზე ისაუბრა.

ჟურნალისტი ამბობს, რომ ორსულობისას რეჟიმზე გააკეთა აქცენტი: საათობრივად იკვებებოდა და ეძინა იმდენ ხანს, რამდენსაც ითხოვდა ორგანიზმი. ასევე ყოველდღე დადიოდა ფეხით 5 კილომეტრს, უსმენდა კლასიკურ მუსიკას და ჩასახვის დღიდან ელაპარაკებოდა პატარას.

„სრულფასოვნად ვმუშაობდი, ვიღებდი გადაცემებს და მხოლოდ მშობიარობამდე ორი კვირით ადრე გავუშვი ჯგუფი შვებულებაში. არაფერი არ წამიკითხავს, ხანდახან ვუსმენდი ბავშვთა ფსიქოლოგებს და ნეიროქოუჩებს, რათა გამეგო, როგორი მიდგომები და თეორიებია ადრეული აღზრდის მიმართულებით.
მჯეროდა, რომ დანარჩენი თავისით მოვიდოდა, გამოცდილებასთან ერთად“, - ამბობს სოფო.

საქართველოს მეორე პრეზიდენტის ედუარდ შევარდნაძის შვილიშვილი დედა 42 წლის ასაკში გახდა. ტელეწამყვანმა 21 თებერვალს ინფორმაცია ორსულობის შესახებ Clubhouse-ის მოდურ დანართთან საუბრისას გაამხილა, სადაც სტუმრები ბავშვთა აღზრდის თემაზე სასაუბროდ შეიკრიბნენ.

ცნობილ ტელეწამყვანს პირადი ცხოვრების აფიშირება არ უყვარს, ამიტომ სხვა დეტალები ჯერჯერობით არ არის ცნობილი. ამის შესახებ მას ჯერ თავის „ინსტაგრამზეც“ არ დაუწერია. ერთ-ერთ ინტერვიუში ტელეწამყვანმა აღიარა, რომ უჭირს მისთვის შესაფერისი მეორე ნახევრის მოძებნა, როდესაც თვალწინ ჰყავს ორი ისეთი იდეალური მამაკაცი, როგორებიც ბაბუამისი და მამამისი არიან.

სოფიკო 21 წლის იყო, როცა დაგეგმილი ქორწილი ჩაშალა და დღემდე არ დაქორწინებულა. ნიუ-იორკში ჟურნალისტმა ახალგაზრდა ქართველი რეჟისორი ლევან კოღუაშვილი გაიცნო, მან რჩეული საკუთარ ბაბუასაც კი გააცნო და გამოაცხადა ქორწინების შესახებ, თუმცა ქორწილამდე დაახლოებით ერთი თვით ადრე მიხვდა, რომ არ სურდა მთელი ცხოვრება იმ ადამიანთან ერთად გაეტარებინა.

0
თემები:
ქართველი სელებრითები