„ჩრდილოეთის ნაკადი-2“-ის მშენებლობა

„ომი „ჩრდილოეთის ნაკადი-2“-ის წინააღმდეგ“: გერმანიაში აშშ-სთვის პასუხის გაცემა მოითხოვეს

18
(განახლებულია 13:59 09.04.2021)
მანამდე „ჩრდილოეთის ნაკადი-2“-ის ოპერატორი იუწყებოდა, რომ ბალტიის ზღვაში, გაზსადენის მშენებლობის რაიონში უცხოური სახელმწიფოების სამხედრო ხომალდების, თვითმფრინავების, ვერტმფრენების საეჭვო აქტიურობა შეინიშნება.

თბილისი, 9 აპრილი — Sputnik. შეერთებული შტატები ევროპაში მოკავშირეთა ეკონომიკური პროექტების წინააღმდეგ ომს აწარმოებს, განუცხადა РИА Новости-ს გერმანიის ბუნდესტაგის საერთაშორისო პოლიტიკის კომიტეტის წევრმა ვალდემარ გერდტმა გაზსადენ „ჩრდილოეთის ნაკადი-2“-ის მშენებლობის ირგვლივ არსებულ სიტუაციაზე საუბრისას.

მანამდე გამოცემა Politico ოფიციალურ წყაროზე დაყრდნობით იუწყებოდა, რომ თეთრი სახლი განიხილავს აშშ-ის საგანგებო ელჩის დანიშვნას, რომელიც გაუძღვებოდა მოლაპარაკებებს გაზსადენ „ჩრდილოეთის ნაკადი-2“-ის მშენებლობის შეწყვეტის შესახებ. გამოცემის მონაცემებით, საგანგებო ელჩის როლი შესთავაზეს აშშ-ის პრეზიდენტ ჯო ბაიდენთან დაახლოებულ მრჩეველს, სახელმწიფო დეპარტამენტის ყოფილ საგანგებო ელჩს საერთაშორისო სტრატეგიულ საკითხებში ამოს ჰოჰშტეინს.

„ეს ყველაფერი მორიგ ჯერზე აშიშვლებს აშშ-ის პოლიტიკურ სტრატეგიას ბაიდენის ახალი გუნდის – „ომის გუნდის“ ხელმძღვანელობით ევროპის კონკურენტული ეკონომიკური პროექტების მიმართ. ეს ეწინააღმდეგება როგორც აშშ-ის საკუთარ, სახელმწიფოებრივ ინტერესებს, ასევე ამერიკული ბიზნესის ინტერესებს“, – მიიჩნევს გერდტი.

მისი თქმით, ამ თანამდებობაზე უკრაინის Naftogaz-თან ასოცირებული ადამიანის – ამოს ჰოჰშტეინის დანიშვნის შემთხვევაში საუბარია პირდაპირ „კონკურენტის განადგურებაზე პოლიტიკური, თუმცა, გამორიცხული არაა, სამხედრო ღონისძიებების დახმარებითაც“.

„თუ ჩვენ ახლა სათანადოდ არ შევაფასებთ ამას, ამან შესაძლოა სერიოზული მსოფლიო მასშტაბის პრობლემები გამოიწვიოს. დროა ყველა კონსერვატიულ-პატრიოტული ძალა გაერთიანდეს და ადგილი მიუჩინოს ამერიკული ტიპის კაპიტალისტების ამ გათავხედებულ პოლიტიკურ-სამხედრო ხროვას, რომლებიც იცავენ მხოლოდ და მხოლოდ კონცერნების და მულტიგლობალური გაერთიანებების ინტერესებს, და არა სახელმწიფოსი და ხალხის“, – განაცხადა გერმანიის ბუნდესტაგის დეპუტატმა.

„ჩრდილოეთის ნაკადი-2“

„ჩრდილოეთის ნაკადი-2“ ითვალისწინებს წელიწადში 55 მილიარდი კუბომეტრი გაზის სიმძლავრის გაზსადენის ორი განშტოების გაყვანას რუსეთის სანაპიროდან ბალტიის ზღვის გავლით გერმანიამდე. გაზსადენი რუსეთის, ფინეთის, შვედეთის, დანიისა და გერმანიის ეკონომიკურ ზონებსა და ტერიტორიულ წყლებზე გადის.

აშშ-ის ხელისუფლება ეწინააღმდეგება პროექტს და ცდილობს, ევროკავშირს თავს მოახვიოს თავისი თხევადი გაზი. 2019 წლის დეკემბერში აშშ-ის პრეზიდენტმა დონალდ ტრამპმა ხელი მოაწერა 2020 წლის თავდაცვის ბიუჯეტს, რომელიც ითვალისწინებს სანქციებს „ჩრდილოეთის ნაკადი 2“-ის და „თურქეთის ნაკადის“ მიმართ. შედეგად, შვეიცარიულმა კომპანია Allseas-მა, რომელიც გაზსადენის გაყვანაზე მუშაობდა, საქმიანობა შეაჩერა და ხომალდები გაიყვანა.

გასული წლის დეკემბერში Nord Stream 2 AG-მ მოახერხა მილსადენის მშენებლობის განახლება გერმანიის ეკონომიკურ ზონაში გემ „ფორტუნას“ გამოყენებით. ამჟამად მშენებლობა ფინალურ სტადიაზეა. Nord Stream 2 AG-ის ოპერატორის მონაცემებით, დარჩენილია დაახლოებით 148 კილომეტრის სიგრძის მონაკვეთი: 120 – დანიის წყლებში და 28 – გერმანიაში (მილსადენის ორივე განშტოების საერთო სიგრძეა 2.460 კმ).

18
ნიუ–იორკის თანამედროვე ხელოვნების ახალ მუზეუმი

ნიუ–იორკში ქართველი ვიდეომხატვრის ანდრო ერაძის გამოფენა იხსნება

1
(განახლებულია 15:58 19.04.2021)
ახალგაზრდა ქართველი მხატვარი ნიუ–იორკის თანამედროვე ხელოვნების ახალ მუზეუმში სამ ვიდეონამუშევარს წარმოადგენს

თბილისი, 19 პარილი – Sputnik. ნიუ–იორკის თანამედროვე ხელოვნების ახალ მუზეუმში 20 აპრილს ქართველი ვიდეომხატვრის ანდრო ერაძის ნამუშევრების პერსონალური გამოფენა გაიხსნება, ნათქვამია მუზეუმის ვებ–გვერდზე განთავსებულ ინფორმაციაში.

თანამედროვე ქართველი მხატვრის ექსპოზიცია პროექტის Screens Series ფარგლებში გაიმართება. ეს პროექტი ახალგაზრდა და ნიჭიერ ვიდეომხატვრებს წარმოადგენს მთელი მსოფლიოდან.

ნიუ–იორკში ერაძე, რომელიც, ძირითადად, მუშაობს ვიდეოს, ფოტოგრაფიასა და ინსტალაციაში, სამ ვიდეოს წარადგენს.

ანდრო ერაძე, რომელიც 27 წლისაა, თბილისში ცხოვრობს და მუშაობს. მას საქართველოსა და გერმანიაში გამართული აქვს რამდენიმე შთამბეჭდავი გამოფენა: Mouth of Darkness, Ocean, My Silent Response is Your Blind Guide და სხვ.

თანამედროვე ხელოვნების ახალი მუზეუმი – New Museum of Contemporary Art – XX საუკუნის მიწურულისა და XXI საუკუნის დასაწყისის ხელოვნების ქმნილებებს წარმოადგენს. დაფუძნდა 1977 წელს მარშა ტაკერის მიერ. ახალ მუზეუმშო ყოველწლიურად სულ მცირე ექვსი გამოფენა იმართება, მათ შორის, პერსონალურიც.

1
თემები:
საქართველო და კულტურა
Строительство газопровода Северный поток ‑ 2

„ჩრდილოეთის ნაკადი-2-ზე“ უარი უნდა ვთქვათ“: გერმანელი პოლიტიკოსები პირობას ასახელებენ

17
(განახლებულია 16:18 19.04.2021)
გერმანელი პოლიტიკოსების აზრით, რუსეთი უკრაინასთან საზღვარზე სამხედრო ჩარევის პირობებს ქმნის და ამიტომ ევროკავშირმა არაორაზროვანი გზავნილი უნდა აახლოს რუსეთს

თბილისი, 19 აპრილი — Sputnik. ევროპარლამენტის წამყვანი ფრაქციის, ევროპის სახალხო პარტიის ლიდერმა მანფრედ ვებერმა პროექტ „ჩრდილოეთის ნაკადი–2–ის“ დასრულების შეჩერების წინადადება წამოაყენა უკრაინის აღმოსავლეთში სიტუაციის შემდგომი დაძაბვის შემთხვევაში. აღნიშნულის თაობაზე მან RND-სთან ინტერვიუში განაცხადა.

გერმანელ პოლიტიკოსს მიაჩნია, რომ ევროკავშირმა მოსკოვს ამის თაობაზე „არაორაზროვანი სიგნალი“ უნდა გაუგზავნოს.

„თუ უკრაინის აღმოსავლეთში ვითარება უფრო გამწვავდება, მაშინ „ჩრდილოეთის ნაკადი–2–ს“ მხარდაჭერა შესაძლებელი აღარ იქნება“, — მიაჩნია ვებერს.

პოლიტიკოსი დარწმუნებულია, რომ რუსეთი მონაწილეობდა კიბერთავდასხმებში და სადეზინფორმაციო კამპანიებში. ამასთან მან მოსკოვის ქმედებები რეალურ საფრთხედ შეაფასა ევროკავშირისა და დასავლეთისთვის.

იგივე აზრისაა ბუნდესტაგის დეპუტატი თავისუფალი დემოკრატიული პარტიიდან ალექსანდერ ლამსდორფი. მისი ვარაუდით, რუსეთი სამხედრო ჩარევის პირობებს ქმნის და ამიტომ ევროკავშირმა უნდა გააგებინოს მოსკოვს, რომ თავდასხმის შემთხვევაში სანქციები გაფართოვდება.

„ასეთ შემთხვევაში პროექტ „ჩრდილოეთის ნაკადი–2–ის“ რეალიზაცია მაშინვე უნდა შეჩერდეს — ეს აშკარაა“, —  აღნიშნა პოლიტიკოსმა.

მანამდე რუსეთის პრეზიდენტმა ვლადიმირ პუტინმა განაცხადა, რომ რუსეთი არავისზე თავდასხმას არ აპირებს, და რომ რუსული საფრთხე — ეს მათი მოგონილია, „ვისაც რუსეთთან მებრძოლი მოწინავე რაზმის როლით რაღაც ბონუსებისა და პრეფერენციების მიღება სურთ“.

 

17
თემები:
საერთაშორისო პანორამა
მიკროფონი

მინაშვილი: ვერ ვხედავთ, რომ ეს დოკუმენტი არის გამოსწორების გზა

0
(განახლებულია 15:54 19.04.2021)
ოპოზიციური პარტია „ერთიანი ნაციონალური მოძრაობის“ ერთ-ერთი ლიდერი აკაკი მინაშვილი ამბობს, რომ პარტია შარლ მიშელის შემოთავაზებულ ახალ დოკუმენტს ხელს არ მოაწერს.
მინაშვილი: ვერ ვხედავთ, რომ ეს დოკუმენტი არის გამოსწორების გზა
„ხელმოწერა და რაღაც დოკუმენტის არსებობა არ არის თვითმიზანი. ჩვენი მიდგომაა, რომ ნებისმიერი შეთანხმება უნდა ემსახურებოდეს ქვეყანაში არსებული მძიმე მდგომარეობის გამოსწორებას. ჩვენი აზრით, ვერ ვხედავთ, რომ ეს დოკუმენტი არის გამოსწორების გზა. ამიტომ, ამ მდგომარეობით, ამ დოკუმენტს ჩვენ ხელს არ მოვაწერთ“, - ამბობს მინაშვილი.

გუშინ ევროპული საბჭოს პრეზიდენტმა შარლ მიშელმა საქართველოს ხელისუფლებასა და ოპოზიციას  ახალი, ხუთპუნქტიანი შეთანხმება შესთავაზა. შეთანხმება  მისი წარმომადგენლის, კრისტიან დანიელსონის მიერ 31 მარტს წარდგენილ დოკუმენტში აზუსტებს ორ ძირითად შეუთანხმებელ პუნქტს - პოლიტიზებულ მართლმსაჯულებასა და ვადამდელ არჩევნებს.

 

0