საპატარძლო

საცოლედ მოტაცებული ქალის მკვლელობას საპროტესტო აქციები მოჰყვა: ვიდეო

96
(განახლებულია 16:32 08.04.2021)
ახალგაზრდა ქალი მისმა თაყვანისმცემელმა მოიტაცა ცოლად შერთვის მიზნით, თუმცა მოგვიანებით მათი ცხედრები იპოვეს.

თბილისი, 8 აპრილი — Sputnik. ყირგიზეთის დედაქალაქში საპროტესტო აქცია მიმდინარეობს ქალების მოტაცებისა და იძულებით ქორწინების წინააღმდეგ, იუწყება „Sputnik–ყირგიზეთი“.

გავრცელებული ინფორმაციით, აქციის საბაბად 26 წლის აიზადე კანატბეკოვას რეზონანსული მკვლელობა იქცა, რომელიც 5 აპრილს მოიტაცეს. 

ნათესავების ვარაუდით, ეს ქალის ნაცნობმა ჩაიდინა იძულებით ქორწინების მიზნით. მილიციამ ცხელ კვალზე ძებნა გამოაცხადა, მაგრამ გატაცებულს ვერ მიაგნო. 7 აპრილს კი ერთ-ერთმა მწყემსმა ბიშკეკის მახლობლად ეჭვმიტანილის ავტომობილი აღმოაჩინა, რომელშიც ძალადობრივად დახოცილი გამტაცებლისა და აიზადეს ცხედრები იყო. შსს-ს წინასწარი ვერსიით, სიტყვიერი შელაპარაკების შემდეგ მამაკაცმა ქალი გაგუდა, შემდეგ კი თავი მოიკლა.

ამ დროისათვის ქვეყნის შინაგან საქმეთა სამინისტროს წინ 100-ზე მეტი ადამიანია შეკრებილი პლაკატებით, რომლებზეც წერია: „ალა–კაჩუუ (საპატარძლოს მოტაცება - რედ.) — ეს ტრადიცია არ არის“, „რამდენი უნდა დავიხოცოთ, რომ ჩვენი მოტაცებები შეწყდეს“, „დანაშაული უნდა დაისაჯოს“.

მომიტინგეთა ნაწილი შინაგან საქმეთა მინისტრის გადადგომასა და სამართალდამცველების პასუხისგებაში მიცემას მოითხოვს მათი უმოქმედობის გამო.

აღსანიშნავია, რომ ყირგიზეთში ყოველწლიურად იძულებითი ქორწინების მიზნით ქალების მოტაცების დაახლოებით ათასამდე შემთხვევა ფიქსირდება, მაგრამ სასამართლომდე შემთხვევათა მხოლოდ 20%-ზე ნაკლები მიდის.

96
თემები:
საერთაშორისო პანორამა (328)
კამალა ჰარისი

აშშ-ის ვიცე-პრეზიდენტის მკვლელობის მუქარის ბრალდებით ფლორიდაში 39 წლის ექთანი დააკავეს

7
(განახლებულია 11:30 18.04.2021)
ქალის ადვოკატის თქმით, მისი დაცვის ქვეშ მყოფი ვიცე-პრეზიდენტისთვის „რეალურ საფრთხეს არ წარმოადგენდა“ და თავის აღშფოთებას მხოლოდ ქმართან ურთიერთობაში ავლენდა.

თბილისი, 18 აპრილი - Sputnik. აშშ-ის ფედერალურმა ხელისუფლებამ ვიცე-პრეზიდენტ კამალა ჰარისის მკვლელობის მუქარის ბრალდებით ფლორიდის მკვიდრი ქალი დააკავა, იუწყება გამოცემა USA Today.

სამართალდამცველებმა 39 წლის ექთანი ნივიან პეტი ფელპსი (Niviane Petit Phelps) ხუთშაბათს დააკავეს. არსებული ინფორმაციით, ბრალდებული „შეგნებულად და განზრახ იმუქრებოდა აშშ-ის ვიცე-პრეზიდენტის მოკვლით და სხეულის დაზიანების მიყენებით“.

საიდუმლო სამსახურის მონაცემებით, ბრალდებულმა მეუღლეს, რომელიც ციხეში პატიმრობას იხდის, რამდენიმე ვიდეო გაუგზავნა, სადაც გამოხატავდა რისხვას 2020 წლის არჩევნების შედეგების გამო, ასევე იარაღის ტარების ნებართვას მოითხოვდა. სასამართლოს ხელთ არსებული დოკუმენტებით, ფელპსმა ჩაწერა ხუთი ვიდეორგოლი, სადაც ჰარისის მოკვლით იმუქრებოდა და კონკრეტულ თარიღს ასახელებდა. აღნიშნულია, რომ ქალის მუქარას ამყარებდა მისი რწმენა, თითქოს ჰარისი „სინამდვილეში შავკანიანი არაა“.

სამედიცინო დაწესებულების ადმინისტრაციამ, რომელშიც ფელპსი 20 წლის განმავლობაში მუშაობდა, განაცხადა, რომ მას დაითხოვენ.

ქალის ადვოკატის თქმით, მისი დაცვის ქვეშ მყოფი ვიცე-პრეზიდენტისთვის „რეალურ საფრთხეს არ წარმოადგენდა“ და თავის აღშფოთებას მხოლოდ ქმართან ურთიერთობაში ავლენდა.

7
ვენახი

საფრანგეთის სოფლის მეურნეობა უდიდეს კატასტროფას განიცდის

100
(განახლებულია 23:27 17.04.2021)
საფრანგეთის სოფლის მეურნეობის მინისტრი მიიჩნევს, რომ ქვეყანაში XXI საუკუნის დასაწყისიდან ამხელა კატასტროფა არ მომხდარა

თბილისი, 17 აპრილი – Sputnik. საფრანგეთის ხელისუფლება ერთ მილიარდ ევროს გამოყოფს სოფლის მეურნეობის დარგის დასახმარებლად, რომელიც გვიანი ყინვების გამო კატასტროფას განიცდის, განაცხადა ქვეყნის პრემიერ-მინისტრმა ჟან კასტექსმა.

„ესაა ნამდვილი დრამა, რასაც ამ კლიმატური კატასტროფის გამო დარგის პროფესიონალები განიცდიან. ეს არის ადამიანური, ეკონომიკური დრამა. ახლა დგას სოფლის მეურნეობის დარგის მუშაკთა გადარჩენის საკითხი“, - განაცხადა კასტექსმა სოფლის მეურნეობის დარგის წარმომადგენლებთან შეხვედრის შემდეგ.

მისი თქმით, სახელმწიფომ ამ კატასტროფას სათანადოდ უნდა უპასუხოს. სახელმწიფო გამოყოფს ერთ მილიარდ ევროს, რადგან „სიტუაცია ასეთ ზომებს ამართლებს“, განაცხადა საფრანგეთის პრემიერმა.

ადრე სოფლის მეურნეობის მინისტრმა ჟულიენ დენორმანდიმ აღნიშნა, რომ საფრანგეთში გვიანმა ყინვებმა დააზიანა „ასობით ათასი ჰექტარი ვენახები, ხე-ხილი და ნათესები“. მისი თქმით, ეს „შესაძლოა, სოფლის მეურნეობაში XXI საუკუნიდან ყველაზე დიდი კატასტროფაა“.

100